影片
原本以为呢间茶餐厅系得饭面食 原来隔离加西饼店都系佢哋开嘅 每日经过都闻到啲面包新鲜出炉好香𠮶日见蛋挞新鲜出炉就买咗嚟食 真系有惊喜㖞 牛油挞皮好松化而且仲好浓牛油香 蛋浆都超滑唔会太甜 蛋味又浓
继续阅读
旧式茶餐厅，去到叫咗个下午茶， $27西多士配冻柠茶。冻饮加两蚊，埋单$29⋯⋯西多士炸得好趣，蛋丝飞晒出嚟，好正！冻柠茶。茶底够茶香。虽然话旧式茶餐厅，估唔到呢度啲伙计非常好人。我哋一班大人加小朋友去到，冇俾人歧视（当然果断时间都冇乜人啦！）而当中有一位小朋友唔小心倒泻冻柠茶，哥哥竟然冇闹，仲好细心好Nice。 （亲子餐厅都未必有佢咁温柔🤣🤣🤣🤣🤣🤣🤣） 所以真系唔赞佢都对唔住自己啦！哈哈哈哈哈哈哈！
继续阅读
同仔仔上完堂，咁岩落大雨，即时揾地方坐低食过tea，咁岩就嚟到呢间茶餐厅，店口姨姨见我带住小朋友，好热心咁帮我地推门抵赞茶餐竟然到晚上7点，真系非常惊喜！西多士餐＄27，牛油够大旧，多士亦都炸得够热够香，所以牛油好易搽晕算系抵食夹大件，糖酱成樽上，任你落茶饮叫左冻柠茶，典型茶记风格，够哂大杯，可惜明明叫左少冰都有半杯冰茶味够浓，整体都唔错嘅P.s. 冻饮加＄2蚊本身想叫多杯野饮，但睇完个价钱都系放弃左，又系典型茶记标准「净饮双计」
继续阅读
今天来到新蒲岗，星期三中午午膳时间仲有卡位坐，心念都瀬瀬地野，都唔知叫咩野食好，见到旁边圆枱大叔食紧蕃茄肉片饭午餐，卖相唔系好开胃，左念右念，最后叫咗个穏阵之选四宝饭 ⋯⋯ 等饭到途中，同同事吹水，估下四宝饭有啲乜嘢食物！？我口痕话应该有红肠，油鸡，义烧同咸蛋！㗻咗一阵，上饭了！哗！全中！总共有五旧红肠，一只卤水鸡翼，三旧叉烧，一只咸蛋，一条菜芯！这个食堂他们有车仔面供应，估唔到车仔面只鸡翼放在我的四宝饭内，仲只系得一只，义烧比d头头尾尾，因为每旧叉烧都是三角形，而只得三旧，而咸蛋又污污糟糟，咸蛋黄又冇油！冇办法，又肚饿，又要比$44，唯有硬食！食到一半，顶唔顺都系放弃，本来都唔想写食评，但是一路食一路顶住条气，最后影张相比大家睇睇！以上是个人感受，不喜勿小 😂！
继续阅读
𠮶日去开新蒲岗做嘢，做嘢之前梗系要食返个早餐啦，行过五芳街有一间茶餐厅咪入去试吓啰。好耐未食过啲旧式早餐，沙嗲牛肉沙嗲味浓，再加上半生熟嘅煎蛋，同弹牙通粉。再配合一杯香浓嘅茶走，非常满足嘅一个早餐。
继续阅读