永發茶餐廳

营业中

休息中

未試過食茶餐廳，原來可以咁難食睇完influencer介紹特登過去油麻地搵呢一間茶餐廳飲奶茶同食返個包一行三人 入到去先知道原來有每人最低消費$35其實建議舖頭可以將呢個告示貼喺出面入到去先知道有最低消費入到去坐低望住個餐牌冇幾耐 就比侍應姐姐問落得單未其實只係睇咗幾分鐘個腦仲緩轉緊究竟要點樣先叫到$35因為本身諗住過去食個包 冇諗過要叫$35🍞啲人話菠蘿包係好食，所以叫咗個菠蘿包餐嘩未食過一個菠蘿包係咁樣囉菠蘿包個皮係腍嘅上枱係凍嘅埋咗單出去，跟住見到啲包原來擺咗透明袋度🤫 明就明啦🥹蛋撻上枱咁嘅樣，一睇就知道有幾好食啦哈哈間茶餐廳真係識得為人着想夏日炎炎食返個凍撻叫咗兩杯凍奶茶同埋一杯熱奶茶可能大快X嘅奶茶都好飲啲希望我一個人中伏就好啦😏😆

我平時唔寫野嘅，好食就5星，唔好食就算。但都係要因為服務態度問題，我先會寫評論。永發茶餐廳 - 上網睇介紹 話姜濤介紹 咪去試下點知去到坐低 諗住問一問 問佢可唔可以叫個面餐 轉奶油豬，佢話得 加錢 加$12，不過佢自己又話佢啲奶油豬唔脆，即係好似普通豬仔包咁咁咪算，又見到有豬扒包，又問佢可唔可以面餐轉豬扒包 - 一講完佢就黎我，就話你不如講你要咩先啦 係咁問轉轉轉，搞到好亂，重點係 語氣十分差你話叫咗先問 咁我咪叫咗先問，但係個語氣真係太差 太過份。 咁咪話唔食起身走，佢即係用超差嘅語氣 唔食咪走，跟住再係到講：「轉轉轉，又話要轉咩 又話要點」我無話要求客氣前客氣後，但係基本禮貌都要有啦？ 問可唔可以轉包？ 真係好大問題咩跟住企左係街口諗緊食咩，一個職員送完外賣 仲要行埋黎 串我 問我「投訴完未」野未食，就已經一肚氣…

上次在深水埗飲到不錯的奶茶，今次去油麻地又找找看， 是否能找回昔日的奶茶回憶。永發茶餐廳是最傳統的茶記， 是哪種樸實無華不加雕飾， 開在深水埗舊區的傳統茶記。 雖然他如此其貌不揚，但最為人所知的事姜濤曾經在此拍過電影。當然霖迪不是來追星的， 當然有誰不愛明星的光環？是故角落的卡位貼滿了姜濤的照片，只是對於街坊來說就是個開飯點而已。此行的目的就是來試試凍奶茶， 雖然跟新派傳統茶記有少少唔同， 算是沒有千篇一律。但可惜那茶底只是單一的苦澀， 而且依然是給黑白奶搶去風頭， 看起來就是苦澀和奶滑僅此而已， 純為奶茶變便不用刻意來試。相比之下可能同豆冰比較正常， 紅豆佔飲品的三分之二， 紅豆不太出味但吃起來大顆且粉甜。菠蘿油同樣強差人意， 包身放涼菠蘿皮亦不夠脆口， 只有甜包哪種單一的甜調， 而敗筆在於那片牛油，不夠凍之餘仲有雪氣味，失敗！作為坊茶記，相信它是恰如其分的， 既提供茶記包點飲品， 也有炒粉麵飯照顧街坊的胃， 但作為奶茶愛好者， 佢會有更佳的選擇。永發茶餐廳油麻地廣東道847號地舖

本土茶餐廳在舊區，賣座電影場景，粉絲聚集地，最近網傳奶茶夠厚度，所以走去試試。店員很有人情味，很親切，在現在連鎖店當度嘅時代，實屬難得。點了個快餐，亁炒牛河配奶茶，加一個special椒鹽孖寶。先送上奶茶，茶香味濃，飲落很順喉，有回甘，奶茶也掛杯，厚度真的不錯。很久冇飲過這樣好飲的。之後到椒鹽孖寶，炸得通透，雖然都係平時食開的魚肉燒賣同魚蛋，加上椒鹽，還算可口。最後亁炒牛河，很熱辣，很有wok氣，加上大量芝麻很香口，雖然有少少油膩，但不久才食一次，括出去吧。正。最後都忍不住叫埋傳統西多，牛油好香，邪惡地填飽個肚，好滿足。

今次行過永發茶餐廳，我就衝住佢嘅平民美食入去填肚。落座咗叫咗幾樣嘢，每樣都有啲驚喜感。🍳🥓🍞首先係蛋撻，咬落去皮脆卜卜，蛋香濃郁得滯，暖暖哋，真係一啖嘅幸福！雞批嘅皮酥得黎有點牛油香，雞肉配咖哩嘅組合特別惹味，掂晒！紅腸通粉個湯底幾得意，有啲忌廉味，紅腸又厚切又脆，食落去咬勁十足，啱晒我呢啲愛大口嚼嘅食客。炒蛋牛油餐包，嗰個炒蛋唔係一般嘅滑，稍為少啲蛋汁但仍能滿足我對嫩滑嘅要求；餐包塗上牛油，焗到啱啱好，真係經典配搭！凍奶茶呢杯，喺咁多家試過之後，終於喺呢度搵到剛剛好嘅比例！奶味足夠，卻又唔覆蓋埋茶嘅陣味，就算唔算係最正，都係頂級享受。總體嚟講，呢度嘅茶餐廳食物令人驚喜，無論係味道定係口感都係做得好好，食客你都應該試吓！下次路過，記得落嚟支持下本地小店，撐下香港嘅味道！🇭🇰

放假最愛落樓下茶餐廳。睇到永發茶餐廳，大家最深印象除了是鋪天蓋地的姜濤應援物，還有姜濤最愛的炸燒賣。脆卜卜的愛被耐斯與我的唔郁，配合椒鹽香， 十分惹味。此外還有經典的忌廉筒。外皮酥脆，內裏油幼滑，入口啖啖奶油香！好似海螺形的是忌廉筒，現在不是間間茶記都會做了。店家是電影《阿媽有咗第二個》取境場地。自此，茶餐廳門面貼滿「方晴」（姜濤戲內角色名稱）及姜濤應援物，打卡一流，姜糖必到。好彩，在油麻地找到配杯茶走，特別「comfort」！

身邊有個姜糖朋友，有次同佢食早餐，就被帶到呢間茶記追下星同歎翻個早餐🤣-一入到去就發現係間好地道既舊式茶餐廳，完全有以前香港既味道。無論係啲枱櫈同裝修，地下既磚既花紋都好有歷史。我地叫左一個兩餸麵同蛋牛治，加上個茶記必試既奶茶。-1. 雞翼沙嗲牛麵8.5/10-雞翼係有炸過既，咬落幾乾身同脆，帶出到個香味，分碟上係加分位。沙嗲牛麵不得不讚，個醬幾濃，而且食得出有落花生醬炒過，炒得幾香。牛肉量唔少，都稱得上滿足。個麵唔會過冧過硬。總括而言值得一試。-2. 蛋牛治8/10-首先要講既係幾足料，蛋炒到半熟，食落更有蛋味同口感更豐富。鹹牛肉選材唔錯，咬落有完整牛肉粒既口感，加上有少量肥牛肉，食落更香，令人停唔到一啖接一啖。兩者比例岩岩好，帶得出個香味同時唔會過鹹。-3. 茶記必試既熱奶茶8/10-第一啖taste到係夠滑既，飲落去既口感都夠厚，奶味亦都足夠，明顯奶既比例合適。與此同時杯奶茶唔會淨係得奶味，亦都有足夠同係中後段慢慢滲出來既茶味。稍微有少少澀味，但杯奶茶整體而言係好唔錯，係我飲過既奶茶入面可以頭五。-總括而言質素好唔錯🤣我本人又好獨鐘香港舊式既味道，所以呢間茶記帶比我既體驗唔錯，回

油麻地。姜濤茶餐廳´･ᴗ･`唔該一個姜濤餐。看畢 #阿媽有咗第二個 這套電影，便一直很想到訪電影裏其中一個拍攝場地——永發茶餐廳。走進茶餐廳，猶如一個小型的展覽館，牆上貼了很多不同的應援物，遇上很多友善的姜糖和可愛的小姜姜玩偶。茶餐廳真的很貼心，預留了門口旁邊的卡位讓人拍照。。´･ᴗ･`姜濤餐：西多士、蛋撻、椒鹽炸燒賣。´･ᴗ･` #阿媽有咗第二個 這套關於親情的電影，讓我喊濕了幾張紙巾。人大了，這種題材的電影就像當頭棒喝。有些時候我們會把母親的關懷視為理所當然，不懂表達偶爾忘了珍惜，然而大部份母親「養兒一百歲，長憂九十九」。在中秋節團圓看似很容易，基於種種的原因，對於某些人來說也不是一件容易的事，家人是不能夠選擇的，所有要經常提醒要感恩啊！´･ᴗ･`當天遇上了一個有趣的情景：有一位中年的叔叔默默的進食午餐，突然抬頭一看盡是姜濤，其後他不禁問店員牆上的是誰人呢。雖然他身邊被姜糖包圍着，不過他繼續氣定神閑的享用他的美味午餐，正正是新舊文化交融呢。..............................永發茶餐廳 (油麻地)油麻地廣東道847號

唔知大家有冇看過「阿媽有咗第二個」呢？劇中講到姜濤係某茶餐廳的侍應，所以在這裡也拍攝了不少場景。在「姜濤旋風」帶動下，店內時常座無虛席，很多人也來湊湊熱鬧，或坐在某些特定位置拍照，認真瘋狂！店內還放滿姜濤的poster，有些更懷疑係佢嘅親筆簽名。最神奇嘅係，侍應工作服竟然也有得賣，還要標$180價錢，真係非常誇張，其實有冇人買㗎？早餐時段到來，叫了餐蛋出前一丁、熱奶茶及鮮油菠蘿包；湯包及麻油另上，落多少隨自己喜歡。奶茶奶多茶少，味道普普通通；菠蘿包不是脆口那款，是否喜歡就見仁見智了！永發茶餐廳地址: 油麻地廣東道847號電話: 27703626

我細細個有記憶已經有呢間餐廳存在，以前個街市仲係好旺，好多人入去食嘢。近幾年真係唔駛點等有位的，但都幾個月無去了。今日心血來潮想食下午茶，才來這裏一趟，起初以為眼花，點解咁多人排隊？望下餅櫃係咪有新鮮出籠，係有出爐熱辣辣靚蛋撻，但放眼都係姜濤，先知呢間野出名咗！和我Share枱的小妹妹遠度由大圍出嚟食姜濤餐，係好吸引，我差啲都想試吓，但我都係心宜雞批多啲:雞批細細，皮好薄，不是曲奇皮，係酥皮，但唔會碎或好油，用手拿來食唔會散，裏頭除咗有忌廉雞肉，仲有少少紅蘿蔔，增加咬感，但一d都唔硬。希望除咗名星餐，都多d人試吓佢哋其他出爐美食。

話說我最近好想好想飲奶茶，適逢今日出油麻地買野，知道呢到應該有好多隱世小店，於是輕輕上網搵一搵就搵到呢間茶餐廳。門面和餐廳環境也是一般舊式茶餐廳的裝潢，令我對奶茶更加期待，雖然我最終選擇了茶走🤣🤣竟然還有我近期大愛的菠蘿油可供選擇，不用多考慮下已選了這個菠蘿包餐😍看到這個黑白淡奶杯，已非常加分，因為真的不喜歡用不鏽鋼杯來喝熱飲☹️然後，喝了一口，明顯茶膽濃郁，茶走絲滑不鞋口，味道停留左口腔，萬分滿足😍😍😍菠蘿包是這間餐廳自家製，菠蘿包被翻熱過，牛油一半溶入菠蘿包之中，另一半則維持厚牛油之口感。如果喜歡脆皮菠蘿包配原件未溶牛油的，這間餐廳的菠蘿油不會是你的選擇，但我卻偏愛這種雙重享受的菠蘿油，既可吃到重牛油味的菠蘿包，又可吃到暖暖的原件牛油🥰這個菠蘿包餐的確令我驚喜，已經很快想再次品嘗了❤️

話說買完高達要周圍搵食，行行下就行到入廣東道搵食。唔知點解附近啲鋪頭無開，結果都係食呢間。呢間就普通茶餐廳黎，早餐午餐都無乜特別，普通茶仔野咁。所以我黎呢到食親都係叫炒粉麵，因為呢到啲鑊氣真係好足，反正比多十蚊就大大享受。佢個牛河真係無得彈，首先有鑊氣，河粉有焦香得黎又唔會太燶，而且條條彈口，最緊要係條條上色，有味道。至於啲牛肉，普通茶仔牛肉，唔太鹹，唔算滑滑，但都無渣。整體好好食。至於炒飯就麻麻地，啲飯有啲濕，搞到成份都麻麻地。總之一定要食炒粉麵，炒飯不了。

今朝一早就起咗身，個肚又餓餓哋，於是就準備落街食早餐，但今朝早滂沱大雨，在街上真係覺得有D狼狽，環顧附近嘅茶餐廳又不多，於是就去咗呢間永發試吓啦……一入到去坐低睇一睇張餐牌，都有好多選擇，我叫咗個雙拼麵早餐，每客$32(凍飲需另加$3元)，個早餐一嚟度，杯飲品真係幾大杯，不過當一睇到碗麵嘅時候，我就已經笑唔出，麵底係出前一丁(呢度冇問題)，但最慘嘅係兩塊午餐肉真係切得太薄身，而且仲要只得一條腸仔，凍飲要加$3元(即係仲要貴人哋$1元，嘩！真係貴到……好心D午餐肉切厚少少啦，好似唔想比人食咁嘅款我下次食早餐嗰陣時，真係寧願去附近嘅健利快餐店或者去遂興食早餐好過，我講過，以後都唔會再嚟呢間茶餐廳開餐

星期六要開工，一定一定要食個飽飽嘅早餐架喇😂😂蟹柳紅腸出前一丁，好咸，咸到我唔想食🙈🙈🤦🏾‍♀️🤦🏾‍♀️蟹柳係平平果啲粉團蟹柳，唔得！幸好杯凍奶茶不過不失

唔知點解 就係好鐘情香港既茶餐廳無論返工放飯 定還是放假食晏 都係鍾意去茶餐廳開餐 食完感覺好滿足 誤打誤撞下去到呢間茶餐廳 開下OpenRice apps ， 再望下呢間茶餐廳既食評 ， 決定入去一試 ！ 的確，唔錯今日食左佢既常餐，火腿炒蛋配餐包，餐包拎上手，唔～～～係有重量既餐包雖然望落下係細細個，但絕對不是空氣麵包炒蛋份量一啲麵唔吝嗇，蛋味濃好香，而且一啲都唔老，仲有蛋汁添，勝過平時乾'真真'既茶記炒蛋沙嗲牛肉通係我必食既 ，呢度個沙嗲牛肉味道香，唔太鹹，而且唔鞋，但通粉就相對比下去，唔係坑紋通粉，無乜口感，亦可能煮太耐 所以比較林呢度既環境係屬舊式既茶餐廳裝修，但環境乾淨而且寬敞，唔係你腳撞我腳咁，人流都算多 ， 不過應該係老街坊多