永星冰室

营业中

休息中

餐廳細細間，坐得唔算舒服，但食物質素唔錯～朋友叫左個常餐，塊蜜糖多士幾好食😋我叫左個雞翼芝士長通粉，個芝士醬幾正幾creamy，雞翼煎得幾香口，而且搽咗啲蜜糖上面，幾有誠意，50幾蚊包野飲，個人覺得非常可以了😎

噚日上網搵下有冇隱世食店食早餐，咁就比我發現呢間位於油麻地新塡地街既永星冰室，今日一於去探店一試究竟。店舖都容易找的，細細間小店形式，入內店員安排咗一張二人枱比我坐。望一望餐牌，比較有興趣就係呢個美式牛扒早餐。成份早餐係即煮所以熱辣辣的，牛扒幾好味，炒滑蛋夠滑，係塊多士硬咗少少同埋條腸普通咗少少，沙律菜異常好味。整體算滿意。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚

大前日（19-4-2025 Sat）復活節假期第二日，同老公出去油麻地睇戲，由於太趕，所以出到嚟只輕盈地食件蛋糕後就入場睇戲，睇完戲至正經食午餐啦。我哋行出嚟，見到呢間，睇睇，牛脷意粉都只係$60.00，就呢間啦。入到去，俾我哋坐最後一張四人枱，睇完menu就要：2. 跟餐加$6.00嘅紅豆冰紅豆夠腍，成杯唔太甜。2分3.跟餐加$2.00嘅凍奶茶茶味唔太夠亦唔太甜，但口感唔嚡嘅。2分3. $59.00嘅黃袍永星招牌蜜糖雞扒飯轉意粉，要白汁蘑菇芝士汁既然係招牌，就要試一試，呢個熱騰騰，雞扒有煎香，味道夠，炒蛋係全熟但又唔會嚡，意炒夠腍，白汁蘑菇芝士汁味道都唔鹹。4分1. $63.00嘅三重芝士卡邦尼牛脷長通粉呢個同樣熱騰騰，牛脷味道濃，卡邦尼汁應唔太濃又唔算太heavy，長通粉口應正常。4.5分環境：開頭都冇乜嘢，但一煮嘢就熱。

在油麻地有這間茶餐廳，價錢好地道，但係食物水準幾好我點咗牛肉麵，加煎雙和牛油多士，牛肉麵並非一早煮好的那一種，味道和口感都幾好朋友點的雞扒餐，雞扒大贊，非常好味性價比好好，值得推薦給大家

午飯時間人流都多要等 5分鐘位。食過佢嘅大大雞髀意粉，雞扒意粉，幾款常餐，仲有扒類加炒蛋鋪面（黃袍）意粉，味道都ok。抽氣系統有袋改善，坐越入越大味，食完件衫會有油煙味。

最近又開始去啲未去過嘅餐廳搵食！今日想食蒜蓉汁、意粉咁嘅嘢！於是就睇下油尖旺區有冇呢樣嘢食😆搵黎呢間係油麻地嘅小店！午市時段叫左蒜蓉蜜糖豬扒意粉+熱檸茶豬扒好有驚喜！煎得剛好，帶點蜜糖味蒜蓉汁都係帶少少甜味，我都幾喜歡！意粉就真係港式茶餐廳個種，肥嘟嘟偏林！熱檸茶都合格喎！環境少許迫，我覺得裝修唔似冰室😅店員服務態度都幾好，快手得黎都有禮貌！整體來講我覺得呢個$53嘅價錢有呢個質素真係好唔錯，會再嚟

因為去開個頭上堂, 上openrice搵食. 見到comment唔錯, 決定黎試試.一入餐廳比想像中細, 大概10張檯. 但可能地點唔太近大馬路, 所以就算午餐時間都無乜人, 唔使等就有位.點左招牌蜜糖雞扒飯, 蒜蓉汁, 熱咖啡. 飯黎到, 第一啖食左飯加汁, 個汁鹹到一個點......然後望下塊雞扒, 好薄同無comment講到咁大塊. 再食雞扒, 嘩! 出事啦.....死鹹! 好似塊野醃左幾日再翻煮咁. 成碟野鹹到老母都唔認得.一心想飲啖咖啡沖淡...點知...杯咖啡難飲到....完全唔係港式茶餐廳咖啡. 好苦好奇怪既味道. 總之成餐經驗好差, 唔會再黎.

去開油麻地，周圍搵下有咩平靚正嘅野食下，搵到介紹呢間永星冰室仲係早餐時間，試咗佢地個美式扒餐，豬扒好大塊好好食，個多士亦都好出色😋另外仲試咗雞扒三文治，又係大大塊扒，正👍🏻之後又有一日過去試埋佢地個lunch😂😂三重芝士卡邦尼牛脷意粉😋😋味道都相當出色#油麻地 #茶餐廳 #冰室#永星冰室

常常到油麻地工作, 總覺得沒有好吃的餐廳朋友推薦了這間「冰室」，以為是茶餐廳怎料來到是一間非常細，似cafe形式的餐廳裡面有all day breakfast, 卡邦尼等食物主要是西式主食，但飲品主要仍是以茶餐廳式飲品為主價錢非常親民，五十零蚊已可以食到一客意粉+飲品位置有點逼，而且餐點非常快來到，人客流轉亦很快不是適合慢慢啖cafe餐的地方, 所以改名為冰室真是再適合不過了以為快速製作味道會普通食物質素意外地有驚喜雖然不是正式卡邦尼，是港式芝士白汁但上面有真芝士，再用火槍燒過面頭長通粉和芝士都烤到很香留意返，呢間餐廳應以「冰室」的level，六十蚊有找的平民食物來評價，而非那些動輒百幾蚊一客意粉唔包飲品的cafe，性價比真的很高，很適合來工作或住在這邊的居民

小編依日出果欄買生果🥝，順便搵間小店幫襯下，發現有間冰室喺果欄對面街 👍🏻🍝 永星招牌蜜糖燒雞扒意大利粉 (蒜蓉汁) 😋😋😋😋由於冇乜概念，於是揀樣佢哋嘅招牌～ 意粉嚟到上枱，睇得出普通冰室都對擺盤有啲要求，排得塊雞扒整整齊齊，雞扒肉嫩、帶蜜糖焦香。意大利粉稍為軟身，蒜蓉汁🧄唔會太濃，有少許沙律菜。🥗🍹 比利時朱古力 (凍) 😋😋😋😋加咗一層cream嘅凍朱古力🍫外貌靚靚仔仔，唔算好濃郁，微甜～ 午餐 💵 約港幣$50/人💁🏻‍♀️ 依日周末晏晝，間唔時就會有街客經過入嚟食嘢。佢哋仲會提供帶有港式風情嘅歐式早餐，冰室裝修整整齊齊。去開果欄附近嘅朋友仔，都可以平平地去試試～ 😁

今次來到油麻地果欄附近食間新式既冰室 永星冰室🍝🐟三重芝士卡邦尼魚柳長通粉（$61）-個魚柳即炸，好香脆，大大塊👀，而且冇雪味👍🏻，長通粉配卡邦尼忌廉汁，有少少煙肉碎，小編認為可以更重芝士味。🤤🍝🐔永星招牌蜜糖燒雞排長通粉（$53）-我們選了蒜蓉汁，可能蒜蓉汁比較重味蓋過左啲雞排既蜜糖味，所以小編認為雞排既蜜糖可以更重手，或者下次試下配其他醬汁。（仲有 蔥油汁、鮮茄芝士汁、黑椒汁、咖哩汁 、磨菇芝士汁 可以揀。）雞排煎得幾香架，而且都冇雪味👍🏻，肉質幾嫩滑，餐廳好細心幫客人預先切開左幾下，刀都唔洗用就食得😉整體黎講兩個餐既長通粉都煮得幾好，軟硬度適中。飲品叫左凍華田 同 熱咖啡🥤華田偏淡味，☕️咖啡走苦苦地既路線。餐廳樓底幾高，唔會有油煙重既感覺，細細間家庭式餐廳，加上呢個價錢呢個質素，食個簡單午餐，算幾唔錯架～🫰🏻

本人最欣賞其肉醬通粉早餐以及煎豬扒撈公仔麵，均是好好味，亦熱騰騰，非常新鮮，還有跟餐的蜜糖多士和用心製作之反蛋均能保持蛋黃流心，絕對要按讚！餐廳內的裝修簡約，但員工服務態度好好，效率亦非常神速，本人親眼見證一位客人由坐低點一份午餐，前後不到3分鐘，已經是完整地上枱，而且看得出是用心製作，賣相精美，但又實而不華，很貼地，檸檬茶我試過這麼多間之中的不苦，不澀，不太酸，質優，而且以價錢來說，亦是性價比高，值得再三光顧

今日嚟到油麻地百老匯電影中心附近工作。工作完，又到三點下午茶時間，睇一睇OpenRice搵有咩好嘢食先，睇睇下，俾佢個杯凍朱古力吸引咗！找到永星冰室。外面有西式裝修嘅門面，格仔玻璃窗設計，入到去好有外國feel裝修。下午茶時間，侍應姐姐，叫我隨便坐，睇吓餐牌想食乜。我落單叫咗個蔥油雞扒撈麵，再加多一杯凍比利時朱古力🍫😋🐓雞扒撈麵嚟啦，賣相好正。雞扒炸得啱啱好皮脆肉嫩，超滑，又香，上面加啲沙律菜，減除咗油膩嘅感覺。👍🏻👍🏻個蔥油同麵夾得啱啱好，好香好好味，鹹度適中，超開胃。而且份量一啲都唔小，絕對唔需要擔心下午茶份量小嘅問題。👍🏻👍🏻凍朱古力上面有一層cream，啲冰唔會太多，剛剛好，係比利時朱古力🍫的確唔同普通一般朱古力，又香又滑，又厚身，絕對絕對係誠意之作！當大家擔心特飲要加好多錢嘅時候，答案話俾你聽跟餐只需要加$5 ！$5！$5 ！真係去邊度揾呀！？我實在覺得好好食，最後清碟😇估唔到喺油麻地，都搵到間咁正嘅餐廳！永星冰室 (油麻地)油麻地新填地街188號地下

當日放工同男朋友經過油麻地好肚餓。特登想試試佢哋出名嘅紅豆沙冰。這款沙冰特別之處是唔太甜，好啱女性,紅豆補血而且健康。炎炎夏日最啱就係打完排球之後飲紅豆沙冰。感覺超爽。值得一提我自己最愛就係佢哋嘅all day breakfast, 基本上女生每日需要嘅營養哩邊都有。尤其是佢哋嘅炒蛋真係好美味。而且唔油膩。好適合健康的我當然最愛都係佢哋最邪惡嘅炸薯條。非常香脆。+凍飲簡直係天堂嘅感受。😊餐廳無論地理位置裝修我都覺得唔錯。

今日天氣麻麻地，所以冇出遠門，一如以往星期六打波前搵地方食下午茶🥗咁啱嚟到油麻地，見到有一間新開嘅茶餐廳，比Menu上嘅All day breakfast 吸引咗，所以就走入嚟食香煎永星招牌蜜糖雞扒呢一份配上麵包，炒蛋，沙律菜，薯蓉，火腿，腸仔，非常豐富，十分有飽足感☺️蜜糖雞扒煎得非常入味香口，配上少見嘅薯蓉，我就非常鍾意朱古力冰冰樂今日比較攰，非常想飲凍朱古力，呢杯朱古力沙冰味道甜甜，非常順滑容易入口，幾啖就好快飲晒😍😛下次經過會再嚟食😋