永年士多 (泓富廣場)

早前去完做物理治疗后，已经4点几，肚空空之际，行过永年士多，呢间颇具争议嘅食店，由于未食过，对于喜欢试新嘢嘅我，当然单刀直入去试下啦！呢间嘢有别于其他食店，其他食店都会有大大本餐牌放起台度畀人睇，佢就无，见到海报宣传嘅嘢唔多，于是用QR code扫下有乜嘢食，原来系比海报见到嘅多，左计右计，唔会蚀底下，叫咗下午茶餐咖喱三宝配饮品，$28，另外加猪肠萝卜竹升面，呢个组合既有我喜欢食嘅猪皮，又有我喜欢食嘅猪大肠，而且咁样叫系最划算。饮品冷热同价，作为精明消费者嘅我当然系叫冻饮啦，所以叫咗杯冻柠茶，由于咖喱三宝同猪肠萝卜面可以叫唔同嘅辣，于是我叫咗小咖喱辣同微麻辣。味道方面，猪皮唔会太薄，爽口得嚟见唔到有猪毛，无猪毛呢样嘢对我嚟讲系非常重要。鱼蛋系陈皮鱼蛋，喜欢嘅话就觉得佢有陈皮味，唔钟意佢嘅话系觉得质感偏实，睇你点睇。萝卜食得出系鲜甜味，而唔系加糖泡制，小咖喱对我嚟讲系辣咗啲。猪肠系用猪大肠嘅中段而唔系大肠头，所以肠壁比大肠头薄，而且有猪肠油，呢方面抵赞，但焖得过腍，无咗大肠嘅烟韧度，变得唔够香，望落个样唔似系急冻货，应该系师傅问题，或者佢哋嘅品控要求要做到咁都唔定。碗面嘅质地唔系枧水面，亦唔似面舖嘅蛋面，系另一种面嘅特质，我唔识点形容，我自己就喜欢。个汤话系微麻辣，但我食唔到麻嘅感觉。呢餐下午茶最正系杯冻柠茶，卖相绝对值100分，难得嘅系啲冰，居然用细粒嘅冰，虽然唔系刨冰，但质感有啲似刨冰，呢种冰嘅好处系快溶，唔会饮到最后都仲有几嚿冰起度，再加埋甜度适中，柠檬亦饮到柠檬嘅鲜味，呢杯饮品，我够胆讲绝对赢咗99.9%嘅香港，甚至全世界嘅冻柠茶。食饱之后，就行过附近嘅红十字会，我都无几年无成功捐血啦，唔系话血红素唔够，就系话做完手术后未过安全期，再唔系就话我验血报告未出，唔捐得，呢次终于成功捐到啦！血红素再唔系未到13，而系去到16，正！由于捐血有年龄上限，过咗某个岁数就唔畀你捐，所以各位趁条件许可下，快快去捐血啦！善事唔伯做，莫因小善而不为，莫因小恶而为之。…查看更多

第一次帮衬就已经劣评，食个捞面再加蚝油，佢吔讲话无。之后我再问永年有油菜㖞，应该有蚝油，点叉知佢答我，你加油菜，就可以有蚝油，我立即呆左。我食左咁耐车仔面，原来加蚝油系捞面都要另外叫油菜先有，真心呢餐叫俾智商税，永不帮衬。…查看更多

永年士多尖沙嘴店经常都人山人海💁🏻‍♀️，想食都要排队，见到观塘原来都有一间分店，而且近期推出$99晚市二人餐，相当抵食😋，收工就去试吓😆❣️晚市二人餐 $99套餐包括2碗4𩠌车仔面、2杯饮品🍹同一碟油菜🥬，𩠌方面有8款选择，陈皮鱼蛋辣得过瘾、猪肠猪红卤水味浓、萝卜超甜、鱼皮饺就正常味道，汤底偏甜，可能拣咗微辣咖喱辣，冇咩辣度😅，油面面底份量多，煮得岩岩好，米线份量正常，油菜拣咗菜心，份量都多，冻柠茶配车仔面超正，相反杯冻华田就偏淡，唔建议叫🤣🏦是次消费总额 $99（人均消费 $49.5） 👅好味度：8.5（10分满分）呢个套餐唔系间间分店有，每晚6点之后供应😗，今时今日嚟讲$99就真系相当抵🤪，出面食碗车仔面都要$60，味道中规中矩，经过肚饿都可以试吓😜🍽️永年士多 观塘成业街6号泓富广场地下G01号舖…查看更多

试咗佢哋嘅大碗面，真系令人难忘！我拣咗公仔面底，𠮶个微咖喱辣汤底真系正到痹！😜 咖喱辣嘅味道调配得刚刚好，呛辣之中带住咖喱嘅浓郁香味，一啖汤落肚，全身都暖笠笠，简直打咗个「正」字。面底嘅公仔面吸收咗汤底嘅精华，每一口都充满𠮶种惹味嘅咖喱辣香。而搭配嘅芝士竹轮同日式蟹棒，更加令美味加倍。芝士竹轮咬落去，芝士嘅香浓即刻喺口腔中散发开嚟，同咖喱辣汤底完美融合；日式蟹棒则鲜味十足，口感弹牙，食起身好过瘾。仲有𠮶个流心蛋，真系一大亮点！轻轻一戳，蛋黄就好似金黄色嘅熔岩一样流出嚟，将蛋黄拌喺面入面，每条面都裹上浓郁嘅蛋黄，口感更加丰富，香滑又惹味，真系超赞👍除咗呢个大碗面，佢哋嘅猪手捞面都非常值得一试！猪手煮得淋滑，入口即化，卤味浓郁，同爽滑嘅捞面一齐食，味道一流…查看更多

一家人星期日去堂食，餐厅无咩人，坐低用QR code 落单，之后见佢用外卖盒给我。但我哋落单纪录系「堂食」，叫佢改放入碗话我吔单写「外卖」。咁叫佢俾个碗我，佢好似听不到，黑口黑面。其实即使系系统出错，或者我哋襟错（而我哋纪录确系堂食，即今次是「系统出错」），客人问取个碗都不应这样态度。已经无服务（自己取餐，食完要自己收拾），但连问佢攞个碗都咁嘅服务态度，仲要成个餐厅冇乜人，不是繁忙时间，职员态度要改善。…查看更多