永年士多 (奧海城二期)

营业中

休息中

一家人唔知食乜，諗起奧海城food court裝修過唔知有冇新嘢食，就落去睇睇。同裝修之前其實冇乜大分別，就試吓間車仔麵，點知就中晒伏。落單態度非常差，問多兩句都唔想答你，一副冇錢就唔好嚟食嘅樣。大大隻字寫住學生餐，佢就話暑假只係大學生可以食學生餐，小學生中學生放假就唔係學生咩？奶茶跟餐一杯要$22，同出邊散嗌冇分別，就咪鬼話係跟餐啦！叫牛肚比牛腩，蘿蔔唔入味，以後都唔會再幫襯。啲咁嘅質素，真係影衰香港，強烈建議將佢撤出奧海城！

無諗過咁難食！特別係蝦子撈面，蝦子完全唔係蝦子味，得超濃嘅蒜頭味。然後撈麵鹼水味好重，食起嚟好苦。同餐廳投訴後，將面再過水，苦味無咁重，但更加難食🤢得水味同蒜味，完全out of expectation，但佢個牛腩同牛筋係唔差～但真係搞唔掂！另外，仲有食到車仔面，啲餸唔差，但小辣變中辣，感觀都係麻麻，唔會再有下次！

永年士多喺奧海城food court嘅一間餐廳，真係好正！我試咗佢嘅魚蛋、豬皮、豬腸油麵，中辣。仲試咗佢嘅牛筯、雞翼尖、豬腸河粉，中辣。同埋佢嘅韮菜豬紅同牛柏葉，都中辣。餐廳環境真係頂呱呱，好舒服同埋整潔，俾五個星！服務質素都幾好，啲工作人員好友善，態度好好，所以我俾四個星。食物味道真係一絕！豬腸真係必叫，好鮮美好滑嫩，食落太好味啦！其他嘅菜式都好好食，味道正到冇話講！所以呢一項我都俾五個星。性價比方面真係無得頂！價錢合理，食到咁正嘅食物，真係物超所值！所以我都俾五個星。總括而言，永年士多係一間值得推薦嘅餐廳！餐廳環境舒適，服務質素好好，食物味道出色，性價比高，絕對可以帶嚟一個愉快嘅用餐體驗！

嗌碗至尊麵落咗單之後話冇雞翼轉豆卜。雞翼轉豆卜？！呢個咁不對等嘅提議都算（收銀哥哥最後都換咗樣對等啲嘅嘢，但係如果唔係佢再三提阿姐，阿姐都唔發現唔記得擺落去）。之但係俾咗十幾蚊加份魷魚，返屋企打開碗嘢，乜魷魚都冇！想點啊？唔通今時今日嗌外賣個客仲要拆袋打開個蓋驗過貨先至拎走？！！！。。。。。。。。。。。。。。。。。。。。。。。。。。。。。。

以前喺元朗食過，已經覺得名氣大，但味道不外如是。當日想食車仔麵，睇到奧海城竟然有，即刻試下事隔多年味道有無改進。晚上八點幾，好多簡單嘅款式已經無得揀，揀左個大碗麵。買完之後又話我聽無晒豬紅，可以換豆卜或者菜肉餃一粒😖已經好失望，每次食車仔麵最想試豬紅係點。湯底我明明揀中辣咖喱，但食落似大辣辣醬，我見已經食左就算喇😮‍💨😮‍💨水魷魚好硬，好耐未喺香港食過水準咁差嘅。陳皮魚蛋唔知點解都可以比街邊腥。大腸都煮得唔夠軟腍，好似食超彈嘅香口膠咁。菜肉餃不如超市急凍的。蘿蔔可能唔當造，帶苦。最正常可能係條菜心同埋豬皮。普通屋村嘅車仔麵都無咁求其同難食，唔信嘅話買碗細嘅試下就好了。

2024年6月4號下午大約7點10分行經奧海城發現新大食代裝修完，入去行左個圈見到有間車仔麵新開就試下啦，一間咁細鋪面已經有四個職員和一個灰色衫女經理，不斷吹水無理人，叫個女收銀落單立即斜眼示意收銀機前QR圖客人自己落單，請問請咁多個職員返嚟做咩？？灰色衫女經理見到厨房有同事行出黎立即走去再吹水，有咁既領導班子就有咁既員工。食物方面圖片依碗加一個汽水就70蚊，食完一陣風咁既感覺，麵底得兩啖，食完要買個燒味飯打底先有feel，湯底叫小辣，實際辣到食唔到，豬腸有怪味，羅白完全唔入味，失敗！

永年車仔麵係我兒時嘅回憶諗返轉頭喺元朗嘅第一間舖頭真係好經典每次去都要排隊 而且人頭湧湧！知道奧海城二期新開左呢間永年士多立即去試吓🤭🤭鍾意食車仔麵嘅我一定要點呢個咖喱辣汁 佢嘅湯底係呢度嘅靈魂係熬出嚟 有咖喱小辣同埋麻辣選擇入口嘅時候你唔會覺得搶喉嚨 仲會覺得辣度啱啱好 令我嘅味道完全俘虜同朋友一齊點碗大碗麵小麻辣跟油面裏面有包羅萬有嘅配菜 豬大腸、雞翼尖、陳皮魚蛋、紅腸及豬紅等 自己都揀咗魷魚 韭菜花同麻辣豬耳三個餸 一上枱呢碗麵實在太重爭啲倒瀉入口果然係不得了 超多嘢食好似放題大啖大啖吃 令人大快朵頤 呢度仲有各式各樣嘅小食同埋湯品例如通菜菜心，紫菜丸湯同生菜魚肉湯等 保證有一款啱你！

My friend and I went to a restaurant called "Wing Nin noodle" (永年士多)located in Shop 2, Food Republic, 1/F, Olympian City 2, 18 Hoi Ting Road, Tai Kok Tsui大角咀海庭道18號奧海城2期1樓大食代2號舖..this restaurant has cart noodles with different toppings and snack..Cart noodles with 3 toppings 三餸車仔麵HKD$53.I chose the beef brisket(牛腩 +HKD$13) which is very soft,tender and succulent .the beef tendon(牛筋)is very collagenic ,with a bite,soooo yummmm ,highly recommended .the tripe (牛肚） is soft and tender enought with a b

「永年士多」終於登陸於奧海城Foodcourt，所以在奧海城逛街後，便與妹妹一同前往去試車仔麵🍜至尊麵 $60加入豬手、豬皮、雞翼、豬腸、豬紅、魚蛋、蘿蔔及菜心配料🥰，我選擇了幼麵，質地柔軟滑嫩，湯底味道清甜，豬皮及魚蛋口感彈牙😆，豬手炆至軟腍，蘿蔔鮮甜，吸收了濃郁湯底精華，很入味😝自選菜式 $63米線麵底質地滑嫩，配上咖喱湯底，帶有香濃咖喱香味及微微辣香😎，加入韭菜餃、牛腩及牛筋配料，表面以豬腸汁點綴，韭菜餃皮薄內餡豐富，牛腩牛味濃郁，牛筋軟糯有口感，相當滋味😙滷水雞翼 $30雞翼炆至軟腍，帶有濃郁豉油香味，入口即化🤩蠔油生菜 $20 （跟餐+$20）生菜新鮮爽脆，配上蠔油調味🥳抹茶紅豆冰 （跟餐+$15）抹茶味道回甘，加入大粒軟糯紅豆粒，兩者平衡剛好，甜度不高😚

一入口，湯底係 超咸！超咸！超咸！叫返喺其他分店食嘅餸，尖沙咀午餐肉係厚的，呢呢間係超薄。已經唔記得咗其他餸係點，但個湯底咸到俾我超大衝擊！雖然就係屋企樓下，不過第一次食到呢個質素，真係唔夠膽試多次。

永年士多不嬲都好出名，終於喺呢度開咗一間分店大碗麵大件夾抵食，叫咗一碗真係好重秤一個人其實都食唔晒可以同人哋開心share 😂😂一碗十個餸肥腸、魚蛋、蘿蔔、豬紅、豬皮勁入味丫 ☺️☺️☺️永年嘅湯底藥材味勁香，大量老雞、豬筒骨、雞腳等十多種藥材，每日細火慢熬三小時用料十足，用心製作再加上靈魂咖喱辣醬，真係冇得頂嘢飲就叫咗菠蘿冰，非常之有香港特色嘅飲品店員服務非常體貼，真的一讚 得閒我都會再去食返碗丫

長期人龍店【永年士多】新開張咗係奧海城大食代入面！奧海城港鐵站一出行2分鐘就到～.//經典麵//有蘿蔔、豬腸、雞翼尖、魷魚、流心蛋等永年熱門餸料，一碗滿足晒每樣熱門餸料想食啲嘅心願。 最鐘意食蘿蔔同豬腸，前者甜綿無渣，後者乾淨腍滑.//大碗麵//大胃至必叫！有十個餸：豬腸，魚蛋，蘿蔔，豬紅，豬皮，雞翼，雞翼尖，魷魚，紅腸，菜， 食完肚仔「大碗足」.//腐乳通菜////蠔油生菜//通菜同生菜翠綠，加上腐乳同蠔油鹹香，好開胃.凍檸檬茶

奧海城foodcourt裝修完之後多咗一間「永年士多」🍜 今日午餐同家人食車仔麵先～我們分別點了兩份自選餸麵。第一份微咖喱辣、豬腸汁湯底米粉，配上魚蛋、紫菜和魚皮餃。第二份就係微麻辣湯米粉，配上牛柏葉、牛筋、魷魚和肥牛。微咖喱辣的湯底有香濃的咖喱味道，帶有微微的辣味。豬腸汁好香。米粉柔軟滑嫩，與湯底完美融合。魚蛋口感彈牙，紫菜增添了豐富的口感，而魚皮餃口感很好。叫咗碗紫菜墨丸湯，味道清新。另一碗麵食係微麻辣的湯底。魷魚、牛柏葉和牛筋口感彈牙，有嚼勁。肥牛也不錯。我們還點了樽仔奶茶來解渴。樽仔奶茶香濃濃郁，茶香與牛奶的比例恰到好處，入口順滑，好滋味。【 永年士多 】📌 大角咀海庭道18號奧海城2期1樓大食代2號舖

有一段時間無逛奧海城發現最近舖頭大翻新,多咗不少食肆同店舖.商場內大食代food court更裝修得帶和諧舒服感覺.當中30年老字號車仔面店永年最為熱鬧,人頭湧湧.見款式選擇多之下,都忍唔住去湊湊熱鬧~🔸至尊麵($72)(豬手/雞翼/豬紅/豬腸/豬皮/魚蛋蘿蔔)🔸大碗麵($76)（豬腸/魚蛋/蘿蔔/豬紅/豬皮/雞翼/雞翼尖、魷魚/紅腸/菜）🔸自選三餸麵:冬菇/豆ト/肥牛($54)🔸凍檸茶(+$12),凍奶茶(+$12)店舖款式大概以不同配料作配搭外,亦有蝦子撈麵系列,菜類及麻辣小食等.由於配料極多,至尊麵及大碗麵完全符合選擇困難症人士.最喜愛所以餸菜都非常入味.豬腸清洗得乾淨又軟腍.豬皮吸收到湯底醬汁同時爽口,蘿蔔清甜.自選面麵亦任君選擇喜愛配料,冬菇非常大件又軟熟,碗碗都豐富足料!各選麻辣及咖喱醬湯底,兩種都別具特色.麻辣特別惹味,就算選擇微辣仍然有一定辣度.怕辣人士亦可選擇清湯加腩汁或豬腸汁,非常有彈性~

奧海城開返大食代，好多餐廳選擇估唔到永年都有，唔洗再特登去元朗食✌🏻永年最出名嘅車仔麵可自選三餸，唔夠可再加餸~豬腸、牛腩、流心蛋、牛丸公仔麵🍜揀咗小咖喱辣 多豬腸汁呢到嘅咖喱辣醬真心出色，辣得嚟味道層次豐富，係會追住嚟食個種滋味😜豬腸乾淨爽口，同車仔麵簡直係perfect match~牛腩口感軟腍冇乜筋，流心蛋堅流心，必食之一🥢另外個碗係魚蛋、魚腐、肥牛、酸齋米粉陳皮魚蛋口感結實，富陳皮甘香味!!魚腐吸哂湯底精華，口感軟滑另可加配小食~韮菜花豬紅超惹味!! 軟腍豬紅好入味，韮菜花爽脆，真係食唔停口🤤仲有好多人鍾意食嘅滷水雞翼夠哂入味除咗樽仔奶茶茶底好濃，口感順滑之外仲有特色綠茶紅豆冰🫘粒粒紅豆足料，口感綿蜜，好似飲得到嘅甜品咁！