24
4
5
| 餐厅: | 永年士多 (奧海城二期) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
以上资料只供参考，请与餐厅确认详情
永年士多米线：浓味爆击！猪肠鱿鱼多到泻，但味精重到饮水饮到天光？ 行过永年，$54碗「猪肠＋萝卜＋鱿鱼米线」香气攻鼻，未食先兴奋！一上枱震撼眼球——猪肠堆成小山，炆得软糯带咬口，肥膏甘香；萝白吸尽汤精华，一咬爆汁无渣；鱿鱼圈多到泻出碗边，爽弹唔橡筋。米线分量十足，两女仔分都可能饱！ 但！第一啖汤即中「味精重拳」！咸香浓烈似化工袭击，鲜味假到震。猪肠、萝卜本该出彩，却被味精浪淹没。食半碗喉咙干过沙漠，狂灌两杯水都解唔到渴，夜晚更渴到醒几次⋯⋯ 结论：抵食巨量党狂喜，食味炸弹够过瘾。但淡口／健康派必避！想试建议走味精汤，或自备1.5L水作战！（评分：7.5/10 － 味道扣到痺！）
继续阅读
去奥海城夹下公仔掉彩虹，玩完当然要医下肚！见到大食代入面好多餐厅选择，最后我哋就拣左永年士多，食我哋最钟意嘅车仔面！每次都会点大碗面车仔面，因为车仔面配料样样都有齐，有猪肠、鱼蛋、萝卜、猪红、猪皮、鸡翼、 鸡翼尖、鱿鱼、红肠、菜，有成十样𩠌，可以食哂佢哋嘅招牌𩠌菜，我仲加左猪手添，超大碗，非常丰富！另外我就点左净酸斋及熟虾酱通菜同朋友share，佢地嘅虾酱好浓嘅咸香味，通菜爽口，好正！天气咁热，要饮返杯冻饮消下暑，佢哋新出左杯白桃多多特饮，入面有白桃粒，饮完好冰凉，非常满足！
继续阅读
我9:05到永年，行到佢收银柜，打算落单，收银女职员黑口黑面同我讲要自己手机落单，唔紧要，咁我打算手机落单，到我download完成个Apps之后，打算去揿，我发现落单时间系至到8:30，其实可以直接同我讲，落单时间已经过咗，而唔系要我自己download完成个Apps之后先知。
继续阅读
陪伴香港人长大既车仔面系永年士多就食到啦～重现香港经典风味，食完真系好满足呀～🍜大碗面，粗面，加配萝卜谂唔到食乜就一定拣佢全因佢有劲多𩠌乜都有啲，就唔使谂啦～猪红，鱼旦，猪大肠，时菜，鱿鱼等非常丰富加上吸满汤汁既萝卜好甜冇得输！👂麻辣猪耳，🐄麻辣牛柏叶经典小食，爽口得黎唔会太辣🫑腐乳通菜识食一定系食佢香浓腐乳汁好高质通菜都几嫩口㗎🍊酸斋同样都系经典美食，酸甜开胃冇谂过系food court 都食到咁有特色既车仔面档！开心！
继续阅读
假期黎到奥海城，见到Food Court都有永年士多！好开心即刻去整翻碗先😌呢度好好，有永年士多专用位，环境干净阔落。QR code点餐，简单易用👍🏻招牌面有猪肠、猪红、鱼蛋、萝卜。猪肠洗得干净入味！鱼蛋系陈皮鱼蛋，爽口弹牙，食到少少咖喱味，萝卜十分之好食，炆到好腍又清甜，一啲苦味都冇。猪红份量都好多！另外推介好多鸡翼同埋鸡翼尖都好好食，入晒味，鸡翼尖更加系入口即溶，唔使点样用牙咬🤣面底我地试咗粗面和河粉，粗面蛋味够重，河粉爽滑唔易断，两款都唔错。汤底可选招牌咖喱酱同手工麻辣酱，都系好正架，唔会太咸，饮多几啖都无罪恶感🤭再搭配一支樽仔奶茶，十分满足😌依家永年士多晚市仲做紧超优惠晚市二人套餐，两碗四𩠌面+一碟菜+两杯冷热饮品先系$99蚊🤤好抵食呀
继续阅读