80
3
0
| 餐厅: | 永年士多 (香港逸東酒店) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
营业时间
今日营业
11:00 - 21:30
星期一至日
11:00 - 21:30
*最后落单时间：21:00
以上资料只供参考，请与餐厅确认详情
十几年前喺元朗本店食开，当时仲系旧舖未装修，估唔到依家开到咁多分店，仲将街头风味升级，除咗车仔面，仲有一串串小食，好似以前喺街边食串串一样，成个 vibe 返晒嚟！ 萝卜一咬落去，汤汁渗出嚟，特别清甜，带淡淡香气，炆到够晒入味，好难唔令人怀疑系咪有咩独门秘技！ - 咖喱鱼蛋够弹牙，咖喱汁挂得匀，每粒都入晒味。 - 牛筋焖到啱啱好，入口即化，满满胶质感。 - 大肠卤得够淋，完全无腥味，仲带少少甘香。 - 猪滑溜得嚟唔会粉粉地，轻轻一咬渗出卤水香气，食完超满足。- 猪吸晒汤汁，入口即化，仲带微微胶质感，完全唔觉自己食紧啲罪恶嘢。- 鱿鱼爽口弹牙，食落有嚼劲，每条都挂晒卤汁，越咬越香！佢哋最近推出咗一串串小食，好似以前街边食𠮶啲串烧，鸡肾、鸡皮、鱿鱼须、猪红都有，全部卤得够入味，啱晒一班朋友一人一串边食边吹水！ 鲜油多比起一般茶餐厅贵少少，但真系食落去就知点解值！牛油切得特别厚，够香浓，每啖都充满牛油香气，最重要系——够！冻！一咬落去，冻冰冰嘅牛油慢慢溶开，配埋烘得微脆嘅多士，简直系邪恶之最！ 呢度嘅樽仔奶茶都好出色，够冻之余，茶底带微微熟普洱香气，奶滑而不腻，完全唔系平时𠮶啲冲得太淡或者太甜嘅奶茶，而系真材实料冲出嚟
继续阅读
😀超开心永年士多开咗嚟佐敦，之前试过专登入元朗食，对于九龙人嚟讲真系有啲远。佐敦呢间环境感觉干净光线充足，人流唔会太多，唔使排长龙真系太好啦！由于呢期减紧肥，所以今日叫咗个菜芯底，呢度有菜底嘅选项，啱晒想戒淀粉嘅朋友。叫咗招牌咖哩汁，果然依旧出色，中辣又香又浓，边个话减肥唔可以食辣㗎？🤪嘢。墨鱼虾卷食落口感弹牙，有墨鱼味，唔会有种粉感。萝卜食得车仔面，必点就梗系萝卜啦！呢度嘅萝卜炆得好腍，浸住啲汤劲入味，而且十分清甜。紫菜最爱叫紫菜，放喺汤入面浸软，又系吸汁之选。朋友叫咗油面，佢话好正，软硬适中，柔滑挂汤。佢话极推荐呢度嘅猪手，炆得好腍好入味👍🏻👍🏻👍🏻牛筋佢share咗俾我食，我个人好中意软腍嘅牛筋，呢个真系啱哂我口味👍🏻👍🏻👍🏻冬菇口感厚实，炆得入味，有做足功夫。小食卤水虎皮凤爪呢个期间限定小食，真系最好食嘅凤爪，外皮经过炸香，然后再炆到软化，每只都好大只，决定下次点2碟，因为越食越好味🤣卤水鸡翼问世间边个可以抗拒鸡翼嘅魅力？呢个卤水汁鸡翼又系必点！😍入味到连骨都入哂味，啲肉又唔会柴👍🏻抹茶红豆冰好有日式抹茶mix港式红豆冰嘅味道👅
继续阅读
次次想食车仔面都会谂起永年士多佐敦分店入边仲有个怀旧车仔面模型好得意环境坐得都几舒服谂唔到食咩𩠌就会叫🔥 大碗面 $76！食到超满足～*满足你所有愿望🍜 拣咗 油面 + 小麻辣汤底份量真系巨无霸！面质弹牙，麻辣香得嚟唔会太辣配料仲超足料：猪皮、猪红、萝卜、鱼蛋，样样都好正！ 樽仔奶茶* 茶味浓郁，奶香够滑～ ✨ 鱼蛋串、牛柏叶串、鱿鱼串d酱够惹味！ 🍑 新出品 白桃多多酸甜清爽，解辣必点！ #香港美食 #麻辣#抵食#车仔面
继续阅读
永年士多嘅车仔面配料样样高质，汤底味道浓郁好味，绝对系食车仔面嘅好选择~第一碗：咖喱辣粗面（自选配料）🍜怕太辣拣咗咖喱另上，再加落去啲面，咖喱味好浓郁啊～辣度啱啱好🌶️（小辣至中辣之间），浓得嚟唔会太油腻，挂到汤汁，正到不得了～😋 配料： - 萝卜：煮到超级淋🥕，吸晒咖喱汤精华，完全冇渣，好入味！ - 鸡翼：卤到好淋好入味🍗，一咬就离骨，肉质仲好嫩滑～ - 墨鱼虾卷：爽口弹牙🦑，鲜味十足，如果煎香少少就更加完美啦！ - 牛腩：呢个真系必点！半肥瘦，焖到超级淋🐮，仲有少少筋位，咬落去juicy到爆，好满足啊～💯 饮品：抹茶红豆冰🍵少见抹茶味嘅红豆冰，甜度刚刚好，饮落去好治愈～不过冰多咗少少❄️，饮到尾会淡咗啲，建议叫少冰！ 小食： - 蚝油生菜：生菜脆卜卜配蚝油，份量超大- 鱿鱼串：烧得香喷喷🔥，咬落去爽口弹牙，点少少辣酱更加惹味，好适合share～👯第二碗：蒜油捞面小麻辣（自选配料）🍝捞面底：蒜油香气超级突出，捞匀之后每条面都沾满蒜香同麻辣油🌶️，小麻辣对我嚟讲啱啱好），麻得嚟唔会太呛喉，面质偏爽身，同浓味酱汁好夹，好惹味啊～😍 配料： - 猪红：滑溜溜冇腥味🐷，吸咗麻辣汁之后更加好味！ - 牛腩：依然保持高水准🐮，同捞面出奇地夹，肉香十足～ -冬菇：厚肉多汁🍄，咬落去有浓郁菇香，好入味，必点！ 饮品：柠檬茶经典配搭，茶底够浓总结同价钱💰两碗面连小食同饮品，埋单大概$200左右💸，以车仔面嚟讲算中上价位，但份量足料，味道有诚意，绝对对得住个价钱！👍
继续阅读
📍永年士多(佐敦）佐敦弥敦道380号逸东酒店地下1号舖之前试过外卖成个钟先返到屋企都唔错，今次再试埋堂食，新鲜热辣好味道👉卤水鸡翼💰$30/5只😋😋😋😋.8/5卤水鸡翼真系好正！鸡翼入味，卤水酱汁香浓，啖啖都有味。肉质嫩滑，咬下去好Juicy，仲有少少咸香，真系食到停唔到口。搭配一啲白饭或者单食都好合适，简直系美味的完美搭档！👉腐乳通菜💰$27😋😋😋😋.8/5腐乳通菜系我最爱嘅素菜之一！通菜炒得啱啱好，保持咗脆口感，腐乳酱汁浓郁，令整个菜式多咗层次感。每一口都有丰富嘅豆香味，特别适合配饭食，健康又好味，值得推介！👉自选面米粉💰$87😋😋😋😋.8/5自选面米粉真系好自由！我选咗小咖喱辣，味道香浓，微辣得来又唔会太过火。芝士竹轮同流心蛋更加加分，芝士融化后好滑，流心蛋啖啖都系黄，口感超棒！其他配料如牛筋同冬菇都好入味，整碗面食完后，心情都好好。👉柠檬茶（冻）💰$12😋😋😋😋.8/5柠檬茶冻饮得正！茶味醇厚，柠檬酸酸甜甜，特别适合炎热天气。每一口都清新，令人精神爽快，仲可以解渴，真系一杯完美嘅消暑饮品，无论系食饭前定后都好适合！👉自选菜底💰$74😋😋😋😋.8/5自选菜底嘅选择多到你眼花撩乱！我拣咗小麻辣，牛筋同韮菜花。小麻辣嘅辣味刚好，牛筋口感软滑，韮菜花清新有脆感，三者搭配得好好，令整体风味更加出色，实在系好开心嘅组合！👉樽仔鸟龙茶（冻）💰$17😋😋😋😋.8/5樽仔鸟龙茶冻饮得好清凉！茶味香醇，无论系配餐定系单饮都好合适。每一口都有清新的感觉，唔会太甜，啖啖都系茶香，特别适合夏天饮，饮完之后心情更加愉快，真系唔错嘅选择！回头：yesyesyes!仲有其他分店，方便又好食，一定会再食过#庙街 #油麻地警局 #油麻地
继续阅读