影片
好多唔同嘅说法，有啲话唔可以唔食早餐，有啲又话其实唔食早餐先可以减肥，又有啲话其实系心瘾，咩168断食，其实可以skip咗早餐又或者早餐净系饮杯斋啡☕️谂谂吓其实我都真系冇试过唔食早餐，唔食午餐反而试过😅咁事实上系心瘾嚟嘅，习惯咗唔食就唔使食㗎啦，不过对我嚟讲食早餐就系唯一一样推动返工嘅力量。我又唔会食得好Heavy嘅，只系循例食个包饮杯咖啡或者奶茶，所以来来去去都系𠮶几笪地方买早餐！边度性价比高咪去边度啰！呢间就系其中一间，亦都系我最常去嘅一间，性价比高呀嘛。近期都费事谂，食惯咗蛋牛治就蛋牛治啦（外卖都系唔好烘底，嘥咗）今日落order嘅时候，明明叫佢滑蛋，佢都费事理我结果就变成咁啰🙁好彩佢个咸牛肉唔知点解煎到脆脆哋又几好食㖞，当然呢个系睇彩数啦，冇咗个滑蛋嚟咗脆脆牛肉。唔知会唔会有一日食到厌咗呢？
继续阅读
今天做嘢很辛苦，想食饱啲所以去了这间茶餐厅。见下午茶时段两点后竟然有特价，只是$40，有多种选择，包括豉椒牛河、黑椒牛肉炒意粉、猪扒公仔面、星洲炒米，连饭类都有很多种，例如滑蛋牛肉饭、芙蓉蛋饭等。本来想叫干炒牛河，但侍应说牛肉卖完，便提议改叉烧。我觉得也是一个不错的选择，叉烧送来没有令人失望，很多叉烧，而且炒得有镬气，河粉炒得刚刚好，不会过碎，调味正常，做得不错。杨州炒饭看似易做但也不是每一间餐厅都能做得好，这间茶餐厅的炒饭够镬气，材料多，有虾又有叉烧，质素可媲美大酒楼。下午茶时段奉送热饮，冻饮汽水加$2，特饮加$5，比午餐时后便宜不少，而且下午茶的份量也不少，性价比高。最特别的是这间餐厅的下午茶也有例汤，当日是木瓜汤，十分滋润，质素比平常的例汤好，算是有惊喜。
继续阅读