永利餐廳 (已結業)

呢間位於何文田嘅永利，旁邊有間力天冰室，之前明明見過冇乜人，不過有天力天冰室竟然大排長龍，但其實這兒附近，除了熱狗那邊，都沒有其他食肆，於是看一看餐牌，看到咖喱都尚算啱食，便點了個咖喱牛腩飯外賣。🚶🏾‍♂️以為普通隨便的咖喱牛腩飯，咖喱味道尚算香濃與最出色的咖喱比較，它還是比較求其，😀港式得來帶點日式的厚度以及甜味，用來拌飯，很快吃得完。除了咖喱汁以外還有少許薯仔以及蘿蔔。😆牛腩份量也不太少，應該一個飯盒都有六至八件，大大件的，不算太瘦，不會吃到你滿口痴牙，有點油分，有點皮與牛肉相隔，不會太寡或是口感太乾，有點脂肪。奶茶的味道，如果沒有煉奶，其實挺為澀口，加入煉奶之後，味道好得多，濃香得來帶點甜味，加入煉奶之後質感滑得多。以一個飯盒來說， $52在何文田區可以買到飯盒，都不算太差，不過以午餐或是普通咖喱牛腩飯來比較，都不算是太過抵食。

窩打佬道永利茶餐，$38酸辣米線，配魚皮餃同埋一個熱飲，價錢方面應該冇得輸，味道方面又真係有D驚喜！雖然係小辣，不過都食到我一頭汗水，真係夠晒刺激，酸同辣嘅比例剛剛好，米線亦都煮得好爽口，魚皮餃細細粒，總共有3粒，魚皮有趙口，餡料亦都好新鮮，整體份量係唔大，唯一美中不足係杯熱檸茶，檸檬細細片，原全飲唔到係檸檬茶味⋯ ✌🏻

在附近training 完一班人落黎食野，早十分鐘打落黎叫餸，黎到啱啱好。呢晚啲沙拉骨差左少少，肉有啲痴骨，味道亦偏酸少少。蝦醬通菜炒得幾惹味，蒸水蛋亦好滑，唔會太鹹。沙嗲肥牛粉絲煲都好足料。西檸雞就少汁左啲。蒸鮮魷就細條少少。全晚幾個餸大致上都唔錯，有位挑剔但街坊餐廳黎講算唔錯，會再幫襯。最中意黎到人頭一人一碗足料中湯，冇咩味精味，亦啱曬我呢啲屋企冇咩湯水飲嘅人。即使舖頭就收工，伙計態度都唔差。舖頭冷氣夠，乾淨企理。

今日下午我們再去之前去食過喺何文田窩打老道嘅「永利餐廳」食下午茶！我們叫咗鮮牛肉豬骨湯紅薯粉同煎鷄扒喇沙湯紅薯粉！鮮牛肉呢個唔算有太大嘅問題，肉質都幾鮮嫩，豬骨湯底都算有啲味！但煎鷄扒呢個就「大件事」喇，雖然「就咁睇」個賣相就覺得都幾吸引，但一飲就覺得「出事」喇，因喇沙湯底嘅味道係超級鹹，簡直係鹹到苦同鹹到嘔呀！我們即刻同店員講話超級鹹，店員話會幫我們將湯底倒咗一半，之後加啲豬骨湯嚟溝淡啲，雖然係比之前淡咗啲，但都依然係好鹹，真係唔敢再諗一開始係有幾咁鹹！而煎鷄扒並唔係煎㗎，而係炸㗎，所以感覺比較油膩，肉質亦有啲「硬實」！至於紅薯粉嘅份量就非常少，我們明白下午茶嘅份量唔會太大份，但都唔至於得咁少，而且仲要係賣$40碗，感覺真係好「搵笨」同超唔抵食！

今天放假在自修室溫習。溫了一段時間，打算在街上逛一逛。中午時份，開始肚餓了。行過何文田附近，見「永利餐廳」有午市套餐吃，驟眼看餐廳內環境也不俗於是入內試一試。入到餐廳內，再認真看環境尚算美觀。不過，再仔細看擺設就陳舊一點。侍應的服務態度尚可，送餐上枱的時間大約需時五分鐘內。我點了馳名咖哩斑腩飯，例湯及熱奶茶。馳名咖哩斑腩飯有咖哩斑腩，薯仔，洋蔥及白飯。食材十分足料及新鮮，份量又多。斑腩的外層鬆脆及不算厚，內𥚃鮮嫩及魚肉多。薯仔炆得好胶滑，質地好像薯蓉般。洋蔥也炆得好爽軟，味道有點葱蒜辣昧。兩者都炆得好入味。咖哩汁香濃惹味，辣味辣得來很柔和，用來送白飯認真一流。相信吃多一碟飯也不夠。白飯，口感一般，中規中矩。例湯是粟米紅蘿蔔豬骨湯，味道就淡了一點，可以說是沒有什麼味道。熱奶茶，熱辣辣的。紅茶及奶茶比例適中，有奶和茶香。總括而言，馳名咖哩班腩飯，果然各名不虛傳。咖哩汁惹味辛辣。味道十分掂。例湯味道太淡。奶茶都幾好飲。

今早趕時間貪近，又去咗越做越差嘅永利餐廳！🤦🏻‍♀️利申：十年前已經開始幫襯佢。今次點份煎雞扒早餐，就中伏了！瀬野啦！黎到變咗炸雞扒！係，炸。雞。扒。都算！切開一睇，肉呢？雞扒在那裡？八成都係炸粉囉！都算！食一舊，味道係臭嘅！諗咗一陣 都係叫個侍應同佢講個情況，因為我食唔落，佢竟然答我：我哋呢度不嬲係炸，唔係煎！我話唔係要你換，但真係離譜，叫煎你俾炸嘅人哋，仲話向來如此！知啦！依家大把內地客遊客做，唔憂做丫嘛！以後唔會再去一粒星都唔想俾，要人俾先可出劣評🤦🏻‍♀️

現有逢二，四，六都去何文田上夜校，放學十點都會同同學仔食晚飯研究課下課題，試同幾間茶餐廳，都係依間最有水準，每次黎點不同小炒都係即叫即做，卡位又大又舒服。推介係雪菜火鴨絲炆米粉，有出名酒樓大㕑水準，又足料份量又多又好味。先來個例湯暖下身先，等到煮好剛剛好，其他如銀芽肉絲炒，干炒XO醬/豉椒排骨炒河，菜遠同豉椒牛肉炒河同味菜牛肉炒麵我都係乾身，麵脆，河爽，以上都係依幾個月放學時段食過，全都即叫即煮或炒，而且跟飲品半價，我就因天氣寒冷會點檬樂煲薑或者可樂㷛薑來暖身。依處係其中一間有水準的餐廳，不再其實附近都有好多其他的餐廳等我要去試下的，會再來

今日下午我們喺何文田附近做完嘢之後去咗窩打老道嘅「永利餐廳」食下午茶！我們叫咗煎鷄扒一丁同鮮牛肉一丁嘅麵質好爽口彈牙，唔會煮到過咗火而變到好腍身，鷄扒雖然煎得唔算好芳香，但肉質就好鬆軟嫩滑，至於鮮牛肉嘅肉質亦都幾鮮嫩！乾炒牛肉河炒得都幾夠乾身同幾夠鑊氣，河粉嘅質感都幾煙煙韌韌，味道唔會好鹹！牛油西多士炸得好鬆軟，表面嘅色澤好金黃，夾埋啲牛油同糖漿一齊食，感覺好甜美芳香，而且蛋味亦好香濃！套餐另加$3就可以有冬季限定嘅特飲：黑白香甜紫薯牛奶嘅紫薯味道都幾香甜，而且牛奶嘅味道亦都幾香濃！黑白滋潤杏仁牛奶嘅味道比較清淡，祇有好淡好淡嘅杏仁味，牛奶味亦唔太濃郁！另外黑白經典奶茶就不過不失！

早兩天請了病假，睡到下午三點，忽然很想吃個下午茶，就到家樓下的永利餐廳試試。平時上班都在外面吃飯，反而很少在自己家附近的餐廳吃，多年來還是第一次。下午茶時間還是挺多人的，坐下來點了個澳門炒飯，因比較餓還加了兩隻煎蛋……用蝦膏炒的飯很香，最驚喜的是飯炒得很乾爽，不油，而且吃到濃濃香味但不太鹹，茶餐廳竟然有這樣的水準！讚！這裡還有西多士，下午茶時段只需$10，比外面大x樂還要便宜呢！以後放工不用到處找地方吃飯，這裡就是很好的選擇。

大家千祈唔好去，員工態度差  食物差 ！今日我係呢間餐廳叫外賣。我係12:00落單，送到竟然要成一個鐘....餐廳同我屋企既距離 只有一個街口....但竟然要成1個鐘............我打左兩次電話第一次係 12:45我追佢外賣，態度好差既啊姐，問都唔問我住係邊就話送左....👍🏻👍🏻過15分鐘後 我再打 佢先問我送去邊....足足一個鐘....... 睇黎大廚係去左農場殺雞🐔算啦 我當佢繁忙！！黎到.....明明我叫既係薯仔雞球飯😰，黎到既時候竟然變左咖哩牛肉飯😓😓😓😓....牛肉我冇一舊係咬得開....凍檸茶 黎到已經變左凍檸水 因為入面既冰已經溶哂.....今日我食既唔係咖哩牛肉飯以而係一肚火........

今晚我們喺何文田附近做完嘢之後去咗窩打老道嘅「永利餐廳」食晚飯！我們叫咗魚香茄子肉碎飯炒得鑊氣十足，肉碎都幾爽滑，香辣嘅醬汁味道非常惹味！煎牛扒意粉嘅牛扒好大塊厚身，肉質相當鬆軟，牛肉味都幾濃郁，而意粉嘅質感就比較腍身，黑椒汁嘅濃稠度調教得恰到好處，唔會過稠或過稀！鮮茄斑腩飯嘅蕃茄好新鮮，味道好鮮甜，而斑腩外層炸粉唔會好厚身，入面嘅肉質就好嫩滑！總括：食物嘅出品都算幾好，但價錢收費就好似酒樓咁，甚至貴過酒樓「添」，絕對唔係一般茶餐廳應該收嘅價錢！

由於之前我們食過覺得堂食嘅出品都幾好，所以我們今晚去咗何文田窩打老道嘅「永利餐廳」買外賣自取返屋企食！我們買咗清蒸花鱸蒸嘅時間火候控制得啱啱好，所以肉質好鮮味嫩滑，而且都幾大條！揚州炒飯炒得都幾乾身，但唔算粒粒分明，有啲仲係黏埋一嚿，而材料都幾豐富！味菜肉片炒麵嘅炒麵唔算太香脆，肉片都幾大片厚身，但食落嘅感覺有啲怪！菜遠牛肉炒河嘅河粉好軟滑煙韌，牛肉嘅肉質好鬆軟，而且份量都幾多，芡汁嘅味道唔會好鹹！

之前黎呢度食下午茶餐食過奶油多覺得好好味，所以今日又一支公黎番焯！不過無奶油又係咁無新意食返一模一樣既野嘛，改少少，今次試下個占醬多，睇下佢d多士質素keep唔keep得住。果然，多士一樣咁香脆，占醬佈滿每個角落，浸晒入多士度，勁滋味，咬落好香脆，簡簡單單已好好味。如果可以一半占醬多、一半奶油多，咁就梗加開心喇！配埋一杯暖入心既香滑熱咖啡，完全滿足狀態！！！下次叫埋個friend黎同我share多士食先，或者一人食兩份都唔過態。

今日阿囡好抵錫，因為老師勁讚佢乖，話佢上堂好積極答問題，又好主動幫同學仔手，我做阿媽聽到老師咁讚佢都好安慰~今日放閒日可以親自去接個公主放學，一見到我佢就勁話肚仔餓，見佢今日咁抵錫，於是帶佢黎呢度食下午茶，叫左個佢最鍾意食既火腿蛋菠蘿包~平時菠蘿包入面夾牛油就多，火腿蛋就夾三文治，咁樣crossover食法又幾有創意同新鮮感喎，阿囡食得好滿足好開心~最驚喜係隻蛋煎到勁流心，望落極邪惡，小店下午茶黎講都幾有誠意~杯茶味夠晒濃既凍檸檬茶就無阿囡份喇，歸我啦！

閒日放假真開心，全家人都返晒工，得返自己一個喺屋企hea，死瞓爛瞓，成兩點幾先捨得碌落街開餐，咁仲好啦，可以附近間餐廳食下午茶.望下餐牌，選擇同配搭都幾多，炸鷄翼可以配河粉已經唔多有，仲可以配喇沙湯底，夠特別，盛惠39蚊，再加十蚊加埋腸仔同太陽蛋，早餐+lunch+tea一餐過，梗要食得豐富少少，成個組合好有新鮮感.碗河一上台已令人食指大動、胃口大開，微辣的湯底好刺激食慾，河粉又好索湯汁，雞翼同腸仔都煎到好香口，大大個蛋王被我一啖啜左，好滿足呢！加三蚊飲埋凍鴛鴦，每日都可以咁hea咁歎就好喇 (發夢中@@)~