影片
港铁屯门站 D 出口, 港铁屯门站 E 出口, 港铁屯门站 F1 出口
继续阅读
电话号码
24081955
营业时间
今日营业
06:30 - 22:30
星期一至日
06:30 - 22:30
公众假期
06:30 - 22:30
公众假期前夕
06:30 - 22:30
*最后落单时间: 22:45
以上资料只供参考，请与餐厅确认详情
下午两点谂住去食下午茶饭餐，但未试过正式午餐就试下，虽然贵过下午茶餐十零蚊，但起码份量多啲食得饱，因今日比较早食早餐，所以到两点已经肚饿。加上午餐有例汤送，都想饮下佢例汤出品如何?入到去一如既往冷气足，有免费 WIFI 连结使用。两边有大电视但只播 VIU.TV。我叫 2 号午餐萝卜火腩饭、冻奶茶。午餐原价 HK$50元，冻饮另加 HK3元。冻奶茶一分钟已经到，再约五分铿饭上枱，但仍未见例汤就问声阿姐，陈姐话依家去拎俾我。可能当时全场得阿姐一个较忙，其他下午班又未返，部份员工又去送外卖 !?午餐上㭘非常有惊喜，因平时元朗揾食都好难，揾到卖相咁好火腩饭，火腩整齐靓瘦肉多啱我，皮好薄都好香。虽然碟头饭但饭与𩠌同碟分开摆，呢样摆法我极之欣赏，因为白饭唔会被茨汁覆盖，我系唔多食茨汁习惯，因始终唔太健康多油多盐又多糖。碟饭我俾85分，唯一不足就系上枱时唔够热，可能现场冷气太足所致 !? 例汤汤渣量足，有一旧猪骨连肉有得食好满足，可能煲例汤煲太耐蒸发太多水份，像落较咸但味系浓够火喉，当然都饮到一定有加味精啦，但都满意有诚意。冻奶茶平时饮开都知佢一般合格，主要茶唔够浓、奶亦唔多够唔够香滑，冰稍嫌多快溶就更淡，大气天时确系唔系好够喉。现场侍应一向服务殷勤，平时送外卖哥哥仔唔好睇佢 MK 款，但招呼反应及态度非常好。呢间餐厅仲有一样值得赞，就系每次都会俾一杯清水俾你，但唔系每个侍应都俾餐纸巾俾你，但你可行去柜枱自取唔会闹你，同埋佢餐纸巾系厚身兼软。呢间餐厅唔好睇佢开喺工厦，附近大兴邨最多熟客去帮衬，加上附近都多私人屋苑，夜晚行过都见座无虚席好生意。做饮食价格相宜、堂食干净企理、楼面服务到位就可以，唔需要你大酒店式服务，已经好有意欲做回头客。
继续阅读
同屋企人黎食晚饭，上次试过食小菜印象唔错，知道呢度出名食鸡煲，见到有胡椒猪肚鸡煲即刻忍唔住要叫🤩天气凉凉地，食呢个暖胃啱哂😌我地叫左一只鸡，再加牛肉、手打蟹籽墨鱼丸、鱼皮饺、菜同粉。呢度系将成只新鲜鸡斩好一碟上，等汤滚起自己落，真系真材实料💛🧡❤️啲鸡肉唔会因为渌太耐而变"鞋"，我地都系半只半只咁落～汤底系加左咸酸菜同支竹，胡椒味够辣，又唔会太咸，屋企人都满意😋特别欣赏墨鱼丸，弹牙又香墨鱼味，$88有12粒真心抵食～可以encore🤤👍 （汤底同鸡煲拍左片唔记得影相，净系影左碟墨鱼丸）
继续阅读
星期六，返工厂做part-time 顺便去食个午餐。每次黎工厂区都去永利食, 今日有少少冻所以想食咖喱。永利咖哩唔系明显有椰汁味既。啱我哗⋯佢块吉列猪扒唔好讲笑，大过阿女块面同埋唔会好厚炸粉。5-60蚊有咁既质素👍🏻仲有杯奶茶☕️都好饮
继续阅读
今晚同朋友黎个短聚 大家都住屯门所以近近去永利食小菜叫左4样𩠌啫啫通菜煲 仲有啲猪颈肉片 好香好浓味 热辣辣 上枱个阵会有盖盖住 之后再炒下先食冰震咕噜肉 一黎到见到成旧冰 原来咕噜肉系藏左冰入面 食落口表面冻入面热 都几特别椒盐九肚鱼 好香口 啖啖肉 好正凉拌鱼皮 第一次食呢款菜式 估唔到鱼皮好脆口 不过都偏辣 但好食！🌶😋再加多2枝啤酒 好完满🧡
继续阅读
今日嗌咗个姜葱鱼头煲个鱼头唔熟！🥲🥲美极炸善球太咸！🙄芝士焗大虾伊面，啲虾唔新鲜而且淡而无味！😒鹅肠都系冇味！😒最令人失望就系姜葱鱼头煲咬左一口鱼眼位！居然咬唔开血淋淋！只鱼眼仲系透明.即刻冇晒胃口….以后唔会再帮衬冇下次…淡水鱼唔熟真系好多菌！
继续阅读