影片
以上资料只供参考，请与餐厅确认详情
相关文章
一开始见人分享尼间刨冰可以媲美Sharishari 又话店主喺日本学艺多年回流即刻拉高左Expectation 专程去北角一转食冰我地嗌左蜂蜜豆腐刨冰同Frd一致认为唔系几啱我地口味🥲本身以为系轻盈啲嘅豆腐味但顶层系好厚实 杰挞挞嘅豆乳奶盖 食落好漏蜂蜜酱油嘅味道系咸咸地 个人觉得同个刨冰唔系好夹🙂↔️食到后面两个人都避开啲奶盖嚟食除左上面层豆乳奶盖 下面啲冰系冇味的 今舖真系饮水💧而且啲冰唔够绵密 食到后面有一旧旧冰砖出现🧊个人觉得尼个味道同个价钱不成正比
继续阅读
同朋友食完饭，谂住揾一间甜品店嚟食，所以决定嚟呢间试吓点餐方式系扫QR code，然后自己去柜台拎，坐嘅位置好少，菜单选择唔多黄豆粉好香，可以自己加蜂蜜，佢个蜂蜜好香但好甜，同豆腐味好夹，所以建议唔好一次过加咁多，表面𠮶层豆腐cream，好浓好正，同埋冰嘅顶部加咗杏仁，可以增加佢嘅口感，入边中间嘅位置亦都有好似豆腐布甸咁嘅嘢，有淡淡豆香味。整体嚟讲好食，口感丰富。地址：北角锦屏街31A号书局街入口入东发大厦B座地下
继续阅读
🍧 ɪᴄᴇʏᴀᴋɪ📍 𝟹𝟷 ᴋᴀᴍ ᴘɪɴɢ sᴛ, ɴᴏʀᴛʜ ᴘᴏɪɴᴛ新开嘅日式刨冰店，系北角嘅一条小巷子入面，可能咁啱𠮶日落雨所以唔使等位。见店主话咝日本学艺返嚟，有少少期待，每月都会有一款期间限定，今个月系紫薯，但夜餐食得太饱就冇拣到。🍧蜂蜜豆腐 $𝟷𝟶𝟾个冰嘅ᴛᴇxᴛᴜʀᴇ系比较松散 好易会跌到周围都系😂最顶层似有豆乳奶盖咁样嘅质地 淡淡嘅豆浆味加粒粒合桃蜂蜜酱油有少少甜甜咸咸咁 几特别但我自己就唔太钟意甜+咸呢个组合😝个冰底好食！！系甜甜的牛奶冰嚟🤤舗头仲有卖铜锣烧＆和菓子，不过当日可以太夜已经卖哂，下次希望可以试到啦😙
继续阅读
☀️🍧👭🏻🐶🌞夏日炎炎，最啱食刨冰，清凉又满足～🍧✨蜂蜜豆腐刨冰2.0登场！
由1.0原本牛奶汁base升级成黄豆粉牛奶汁，选用日本深烘焙黄豆粉，配上蜂蜜豆腐，口感轻盈，豆香浓郁，清新得嚟又唔腻～
果然系 #氷烧 人气No. 1 💯🥜期间限定！开心果刨冰登场～
下次再黎，唔知又有咩新口味等紧我哋呢？期待ing✨🍡红豆黑芝麻铜锣烧
每日新鲜制作，软绵绵口感超惊喜！红豆同黑芝麻爆馅，芝麻香气超浓郁～一试难忘！👨🍳店主多才多艺
男店主喺日本留学3年，拥有制菓技术卒业证书，更曾喺东京米芝莲级刨冰店学艺，功力深厚，诚意满满！🏮店内除咗刨冰，仲有售卖和菓子
墙上纸黏土装饰超吸睛，门口木桌椅加日式摆设，打卡一流📸🐶每次Luffy同老师约会都好精彩，表现”最真实”既一面💩
今次冇偷食但走入厨房，叻仔！🤣
老师人美心善，包容我哋两母子嘅小混乱～📍: 氷烧 ICEYAKI
继续阅读
大热天时有乜好过住凉住冷气食 #刨冰 🎐🎏？位于📍北角锦屏街呢个带有日式装潢嘅舖位最近易手，以前嘅咖啡店变成日式刨冰/铜锣烧专门店🍧🥞。店内墙上挂有店主喺 🇯🇵 日本制菓技术卒业证书，装饰墙上挂有 #和菓子 纸黏土，一显专业。─ · ─ · ─ · ─ · ─Menu 简单，刨冰共有3️⃣ 款，有1️⃣款每月期间限定（今期系开心果），奴才叫咗 #黑芝麻 #红豆 。全程自助，店主即叫即做。听店主讲，黑芝麻货源由日本，唔怪之得又香又浓，红豆细细粒但甜糯适中，食前淋上黑芝麻牛奶汁更添美味 🖤🤍。─ · ─ · ─ · ─ · ─眼见人流不绝嚟外卖 #铜锣烧 ，奴才话食冰唔饱又追加一个。铜锣烧共有6️⃣ 款选择，奴才试咗#红豆抹茶 （忌廉） 🫘🍵，红豆馅比起刨冰上嘅红豆甜度低好多，同样软糯，铜锣烧外皮松软，我都偷食到少少！唔怪得有日本客人帮衬😋。虽然称唔上神级美味，但系店主聪明捉紧夏天开舖，加上区内无同类食品，出品亦算稳定，仲系毛孩友善🐾，大家一定要支持有心小店哦❣️Follow me @bichoncoolcool
继续阅读
您可能会有兴趣的...