水飯鏜 (已結業)

🐔滋潤蟲草花米線💰$50😈一聽到水飯鏜做到今個月尾😥就已經知道有一間小店已經撐唔住💛所以今日就介紹下我成日都會食既滋潤蟲草花米線🍜佢其他都係主打快餐我就覺得不過不失又唔算話好岀色😟但我每次都係會叫佢個湯米線或者湯飯🍚佢個蟲草花米線個湯底飲落好滋陰同埋有種家庭味道😛而佢啲雞件都好滑身唔會好鞋口🤤而蟲草花份量都好多食落好多咬口😬同埋我都成日會飲埋個湯底😢雖然水飯鏜唔係話去到好岀色😥但係已經唔多小店個牆身或者單上有文宣字句📜希望水飯鏜會再捲土重來

《水飯鏜》屯門華都臨別時間，水飯鏜同守水鏜宣佈2021年10月31日結業😭只有臺水鏜會繼續營運🥲今日特意入屯門食雞飯每次去水飯鏜我都一定係叫雞飯，除左味道、價錢平仲良知味重😥真心覺得好可惜，希望之後佢會另開新舖啦！《薑蔥霸王雞》大量薑蔥加辣椒同豉油，已經好好餸飯🤤雞係滑嘟嘟既，少脂肪仲要有啫喱😚雞皮下既啫喱真係好正🥰補我骨膠原《海南雞飯》黃薑飯底加甜豉油，好易變飯桶😂海南雞雞同霸王雞其實差不多，只分別在佢係配薑蓉※今日特意去影幾張相留念，初心不變🥰

一個雞湯飯，入面得4舊雞，其中兩舊係雞腳，再放多幾舊無肉豬骨，好似垃圾湯咁送俾人食，呃錢!做生意唔係咁樣做，我只想食番餐正正常常嘅飯餐，叫個雞湯飯，入面有三幾舊雞，有啖湯撈飯就得。點知俾左65蚊，打開見到嘅係兩隻雞腳，幾舊無肉豬骨，全部都係垃圾咁掉得，無野好食。

今日朋友帶路食午餐, 過左黎呢間食2款飯 其中一款個飯係藍色既,幾特別!鰻魚拼雞扒定食  蝶豆花飯淡淡椰香味個味好特別呢個飯上碟已見到係藍色飯,幾特別,問店員原來係蝶豆花汁飯原條鰻魚,炸雞扒配蔬菜 炸到好脆口,咬開雞扒好厚好有肉汁鰻魚原條汁燒,厚度都近1CM 肥嫩夠油香 配埋椰香飯食味道無曬油膩感粟米焗雞扒飯另一盤用鐵鍋上既原來係雞扒飯 放滿一層芝士焗完再灑芝士碎白汁芝士汁好濃郁,仲有好多粟米粒配埋食,口感係豐富既原件雞扒,醃香再焗,厚嫩肉汁豐,啖啖鮮嫩消費$122屯門屯利街1號華都商場1樓65號舖

👍🏻花雕醉雞髀飯(包嘢飲) $49肉質好嫩，皮唔太肥但有層薄薄既雞油啫喱😍店員話呢度醉雞一定係用雞髀，正🤤🤤花雕酒味幾突出，食落唔苦甜甜地有骨但啲肉都幾厚，無雪味，唔會浸到肉質霉哂雞肉入味之餘又唔會蓋過雞味，好食😙！不過個白飯都幾硬😂味道：8/10性價比：9/10-👍🏻雞扒肉燥飯(包嘢飲) $49肉燥份量好多！食落有黑椒味帶少少辣，好惹味🤪用既豬肉比較肥，口感軟腍再淋左啲甜豉油係肉燥上面，都幾濃味😂炸雞扒肉質都幾乾，咬落有啲鞋整體份量都算大份，肉燥可以試下👌🏻味道：7/10性價比：8/10-📍#水飯鏜屯門屯利街1號華都商場1樓65號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #屯門 #屯門美食 #屯門好去處 #黃店 #黃色經濟圈 #屯門黃店 #屯門市中心 #屯門市廣場 #華都商場 #屯門時代廣場

水飯鏜我食過好多次 但次次都係外賣 今次係第一次堂食🤣🤣🤣平日2點幾去到都要等三張枱 但好快就有位叫咗個滋潤蟲草花雞湯米粉 加凍檸茶 $52米粉份量次次都係勁多雞都有幾大舊 仲有木耳、蟲草花一定要連埋湯一齊飲！！！因為真係勁好飲好似屋企既湯咁朋友就叫咗個雙併飯吉列豬扒煎雙蛋茄汁飯吉列豬扒生炸要等一陣先有豬扒好大塊下 即炸好好食-好鍾意佢地會播歌 入面啲畫又勁靚武肺下生意難做 仲要俾政府搞大家多多支持佢地啦💛

住屯門市嘅人，都知道屯門市嘅黃店其實唔係好多間，耐唔耐都有去幫襯下佢地既外賣佢哋依然係六點後停堂食，只做外賣今次去到，試吓佢嘅胡椒豬肚雞湯飯，朋友就叫肉燥鰻魚飯，另外再叫多碟口水雞胡椒豬肚雞湯湯飯 胡椒味唔會太濃烈，而且飲得出湯底好清甜，胡椒豬肚大大件，雞件好滑，再配芫荽香菜，令湯底更清香肉燥鰻魚飯肉燥好入味，而且唔會太咸而且價錢唔貴有埋鰻魚真係好吸引口水雞（例牌）佢嘅口水雞醬簡直係我鍾意嗰隻味道而且份量都唔少

大家可以試吓他的蟲草雞湯米線，當歸雞湯米線非常入味，絕對值得一試！屯門同路人同後生仔我超級推介呢間！就算你政見不同，亦都建議你試吓，你就會知道呢間後生仔廚師，絕對唔係揸流攤，絕對有料到！

今日去屯門 朋友介紹呢個 特別菜式 「蒜泥牛肉」蒜泥白肉就聽得多 牛肉真係少見 啲肉 超 級 超 級 嫩 🤩 完全同「難」扯唔上任何關係 但又唔會覺得好油 一個人食晒都得😂 但好邪惡 哈哈加埋蒜同醬 麻麻辣辣 真係好正呀 🫓🫓 配飯 真心好正 平時唔鐘意食肉都覺得好正支持💛💛 除左小茶 佢常餐都好抵蕃茄肉碎米粉 + 雞扒 + 薯餅 + 沙律 $48米粉係嗰碎碎地 好吸湯個啲 (不過有啲啲油) 而佢有3個配料 真心抵 雞扒層皮煎到脆卜卜 而沙律都好多 食完超級飽😂 不過地方唔大 希望之後會擴充啦

水飯鏜係華都算係頗有名氣，尤其是餐牌會寫值得關注既事項，而家已經甚少餐廳會身體力行去做呢類推廣，即使要排隊，我都係會揀水飯鏜。前面有人講呢間黃店質素一般，正常既餐廳都唔會所有菜式好食，水飯鏜亦不例外。我覺得佢最正既係蔥油豬扒飯，蔥油炒到好香，份量又多，用黎撈飯係不二之選。我會揀豉油為醬汁，因為唔想蓋過蔥油既香味，每次食完都覺得好飽好滿足，甚至比豬扒專賣店出色。利申：只代表個人看法，非打手。

原本係想去食另一間好出名嘅黃店，但去到發現太多人了，根本冇可能等到位。於是就係附近再行下，又俾我哋發現到E間餐廳！隨左黃之外，仲見到好吸引嘅口水雞！口水雞飯（轉米線）（$49）口水雞唔太辣，岩曬本身唔太食得辣嘅我反之，佢係有落埋蒜蓉，顯得個雞好惹味雞嘅分量岩岩好，而且有湯米線中和下辣味，推薦！海南雞飯（$53）竟然係雞髀！平時係其他餐廳叫雞髀都要加錢～開心海南雞飯嘅雞就相對上比較生，有啲骨係未熟曬，不過我朋友就話好鐘意，滑啲咁～總括而言，價錢唔高，而且播嘅歌好岩年青口味～大大推薦

今次叫外賣，知呢間黃店好耐都未試過，見呢間係茶餐廳所以都冇咩期望。我同男朋友各自叫胡椒豬肚雞湯飯同冬瓜粒海鮮湯飯，男朋友食胡椒豬肚果個，就話個湯太油太多味精，飲完勁口渴，可惜我冇影佢果份。咁我果個就，啲冬瓜同海鮮沉哂落底，食食吓發現唔係好多，整體嚟講係好普通，你問我會唔會下次再幫襯，我好老實咁答，會揀其他黃店為優先

小編今次特登搵屯門香港人飯店🍚，就選擇去華都商場一個小編從未去過既樓層👀，要去支持小店💪。而呢間餐廳亦好受歡迎，小編去到既時候都已經有好多人喺度等緊外賣🥡，小編就住得遠喇，就係餐廳到打躉食飯🍴，而呢間餐廳就叫「水飯鏜」🕍。✦✦✦✦✦✦✦✦✦✦✦✦✦✦🎈泰式甜酸雞球飯 $45 本身呢個餐係雞球，但因為好生意賣晒，所以轉做雞扒🍗，同樣都係雞肉小編當然冇所謂啦👌，而且雞扒對小編嚟講仲吸引添😍。餐廳既泰式甜酸汁近似咕嚕肉甜酸汁，味道適中，好開胃😋，有青紅椒、洋蔥，雞扒都有六七件🥰，份量可以，好適合香港大眾市民口味，唔怪之得餐廳咁受附近居民喜愛☺。✦✦✦✦✦✦✦✦✦✦✦✦✦✦小編今日專登嚟支持小店，唔知大家有冇身體力行去唔同區細膩不同美食呢🍱?又或者支持本地小店呢?小編今日先至發現原來餐廳既位置好容易搵得到🚶‍♂️，就係華都商場2樓落電梯轉右就見到👀，位置顯而易見。得閒過嚟屯門既朋友都可以嚟過試下，而餐牌上既菜單會每日唔同✨，所以想事先知道有乜食就要喺社交平台搵「水飯鏜」🔎，專頁內會寫明每日菜單📜，等你知道有乜啱食，非常貼心🙌。✦✦✦✦✦✦✦✦✦✦✦✦✦✦

唔知大家有冇食過水飯鏜既豉油王炒麵呢?佢望落好似幾好食咁 但大家只要比果幾十蚊食一次 我諗你會寧願去759買盒20蚊既炒麵好過 我咁大個仔未食過甜既豉油王炒麵 下 黃店大曬呀? 好味是良知 大家唔好BUMP錢食狗屎 唔可以比呢啲黃店以為黃就有人食 係好難食呀!!!!!!!!!!!!!!!!!!!

在華都商場一隅，嘗了這人頭湧湧的小店。1.蛋白海鮮炒飯夠穫氣！海鮮配料豐富，有常見的蝦仔蜆肉，不常見的墨魚+魷魚。飯粒分明清爽，只是咸了一點點。整體在中上水平。2.胡椒豬肚雞湯米線可惜是溫柔的湯。在湯面可見小胡椒粒，喝下卻沒有胡椒辣度。一讚蘿蔔，味道出眾，不帶渣滓。湯頭偏甜。雞件嫩滑，豬肚韌度適中。米線偏硬。3.辛辣皮蛋不見連鎖店的四川麻辣味，單單的一種辣也是難得。皮蛋的外內分散，可大條道理挑自己喜愛的部分偏食。