影片
以上资料只供参考，请与餐厅确认详情
相关文章
去开深水埗买嘢，听过有几间都好出名嘅海南鸡饭，咁今日就走咗去食水门餐厅，位于西九龙中心，美食广场位置，我哋一行二人平日中午，当日美食广场都唔系太多人都好快已经揾到位，叫左两set 海南鸡饭和青柠梳打，海南鸡饭d肉滑嘅，而且咬落都唔太肥，不过其实冇乜特别冇乜味，油饭虽然份量多，不过没有油香，而且啲油饭整到太淋太湿好难食，最后唔想浪费夹硬食埋，然后个汤都系一般例汤咁，虽然价钱唔贵嘅，不过下次应该唔会再食了。
继续阅读
前几日去咗西九龙食水门海南鸡，分量对$40来讲合理，个鸡油饭都唔错，而佢嘅鸡都算嫩滑，海南鸡完整，唔会好零碎，个汤就正正常常嘅，再去嘅话都会食呢间。不过如果个美食广场环境好啲就更好。
继续阅读
本身想帮衬同场另一间海南鸡饭但卖哂，即管试下。以45蚊叫左个海南鸡饭跟脾， 一上枱就觉得份量偏细。个汤无料喺入要， 只系好咸嘅水。鸡肉算嫩，鸡味一般。油饭中规中矩。 总结黎讲， 性价比一般，以西九龙foodcourt有更好选择。
继续阅读
又系食鸡时间啦,哩期已经唔系关注青少年食鸡要返海南岛,或者关注食越南鸡要去持牌店,而系食鸡大比并系系西九龙中心!新一间无色全日鸡开张,西九海南鸡我地齐齐试,今日我地食下最耐历史既水门鸡鸡先,其实我都食过几次,水门既鸡,多次黎讲水准平均,鸡系比较淡身,斩得整齐,冇碎骨,汤系南瓜鸡汤,清清淡淡,饭系鸡油饭,冇黄姜饭或猪油饭咁重味,佢地整既汁好好味,用黎点鸡捞饭真系成桶都食得晒,无错,系一桶饭,佢本身比果个饭已经系一桶.水门鸡车车相入便每份鸡为半只份量.今次仲特登叫斩鸡少年留d 鸡pat pat 比我食XDD正呀.
继续阅读
1894 浏览
疫情下，食店营业时间有限制，加上市民减少出外用餐，令到不少食店陷入困境，食店唯有主攻外卖生意。有些网上饮食平台隐形费用不少，所以，有些食店索性自己送外卖到港九新界各区，其中一间笔者会不定期光顾的是【泰式水门海南鸡专门店】。当食店计划出专车到我果区，就会收到FB message 及菜单，菜式款式多，其中有以下款式：- 唔正宗去骨海南鸡(冇跟饭)$85 半只 $170 一只- 芒果糯米饭 $55- 泰式小菜 (小菜奉送鸡油捞饭1个)- 冬阴公牛腩$85- 粉丝虾煲(6只虾)$85- 泰式咖哩蟹肉$95- 好撚肥咸蛋黄牛油墨鱼$65- 金不换肉碎炆茄子$60 - 泰式煎肉饼$55 - 泰式柠檬叶蜜汁烧猪颈肉$65 之前每次order 海南鸡，今次想试下其他泰式小菜。准时到达取餐。返到屋企仲暖暖地。小菜奉送鸡油捞饭1个（原价$15）。【泰式咖哩蟹肉$95】倒出来翻热，原来蟹肉在盒底，份量超级多！每口啖啖肉，虽然蟹肉鲜味麻麻，但咖喱汁味道不错，用来送饭一流！【泰式柠檬叶蜜汁烧猪颈肉$65 】酱汁味道很好，如果猪颈肉烧得再香口一点就会更美味。整体来讲，两个菜式的味道一般，胜在方便又抵食。
继续阅读