水門橋 (已結業)

之前經過幾次，但由於這店收7:30/8點的緣故，從來都無緣幫襯到。難得今晚早收工，終於趕及買這裡的外賣飯盒了。有點像某些快餐店，這間面積小小的店亦設有二間自助點餐機，但只收八達通。如果你是不喜與店員對話的朋友，可以有另一個選擇。除了海南雞飯，亦有豬肉片選擇。今次保守地選了它的招牌菜無骨雞，雞肉偏瘦，配菜有多款酸菜，如紅蘿蔔、青瓜等，算是補充了沒有菜的缺點。平常海南雞飯送的都是湯，但它送的送完即止的預先包裝凍飲。甜甜的說不清楚是竹蔗汁抑或是其他。另一特別的地方是它的外賣袋是一個黑色的不織布袋，希望大家之後仍會重用，不會浪費造成堆填區負擔吧。

行過見到胡慧沖代言介紹海南雞飯諗起好耐都冇食過即管試吓。好快幾分鐘就已經有個飯同埋竟然有埋個環保袋同埋送青檸水👍🏻因為佢剩係得外賣逼住攞走食啦。一路行點解隻腳越嚟越濕原來根本係青檸水包裝得唔好漏晒出嚟😿好彩我放咗工唔係褲濕又痴笠笠。希望佢哋依方面可以改善下檢查下每一杯有冇漏先好攞出黎講返個飯嘅味道先雞肉都幾多肉同埋有啲酸菜都唔錯但係個飯好乾同凍所以都有小小失望。俾我食過嘅其他海南雞飯冇咁好食。只能說抵食同一般。好彩個盒給得好，唔係入面變咗青檸水加海南雞。所以個盒面濕晒啦⋯⋯如果鍾意食辣佢個醬汁都可以

今日心血來潮好想食海南雞飯，醒起之前有人話呢邊有間新開既海南雞飯，好似話好多人排隊買咁，所以就去睇下啦~Lunch時間，行到過去一點，無咩人排隊，不過有4、5個人等緊拎。全店得2款飯賣，就係海南雞飯同豬手飯~ 我就揀左海南雞~2分鐘度就拎得啦~都幾熱~佢仲比左個環保袋我，仲送左枝檸檬香茅水。總共: $50行返office 要10分鐘度，個飯都拎出黎係暖偏熱既！左上係枝檸檬香茅水。個包裝幾靚下，打開個盒飯個賣相都okay~d雞睇落幾靚~食落都好滑，點埋個醬汁都幾惹味！ 盒飯仲有d少少酸蘿蔔啊菜咁，都幾開胃！$50係灣仔有個飯，有枝野飲，仲幾好食！下次可以去試埋個豬手飯！

第一次嬲到要突登開 openrice 寫評論。Plum 外送第一次試下就中大伏......未見過 d 雞咁小肉.....未見過 d 雞皮咁鬼厚.....未見過 d 雞皮可以長過 d 肉成倍有多......未見過 d 雞肉可以薄過 d 雞皮......究竟係賣海南雞 定 海南雞皮 ？以後唔會幫襯......因為要200字先可以評分。唯有唔想打都打夠200字。難食。超難食。好難食。得個外賣盒靚有咩用。個盒又唔食得。不如轉行做 lunchbox packaging。

有冇食過海南雞飯係完全凍？！今日終於試過！微暖都冇🤬🤬🤬係室溫飯！個雞就普普通通，都滑既，但斬得好馬虎，四件雞連埋一齊🤬🤬🤬唯一可以讃吓就係個汁，香濃惹味！呢間野，一次就夠🤢🤢

昨日lunch 好想食海南雞飯突然醒起之前胡慧沖介紹過呢間水門橋於是同同事去買外賣一去到水門橋門面不算太大佈置亦相當簡單全店只做外賣兩款飯每款$50一係海南雞飯一係豬手飯設有自助購買機或檯台付每款飯都包一杯飲品飲品亦相當自助似平時台式珍珠奶茶已包裝好一係檸檬香茅水或菊花茶我們一行買左5盒外賣海南雞飯雞肉嫰滑個飯不太油再配醬汁好食豬手飯也不錯豬手質肉夠淋有皮不算太肥又有肉再配合醬汁及配茶我地買5盒仲有一盒小食泰式鳳爪沙律👍🏻係灣仔區$50一盒飯包飲品而且味道不錯👍🏻

泰式海藍雞飯 配香茅青檸水 ($50)評分：8/10.新開咗無耐嘅海南雞餐廳，比新假期迅速報導咗～Logo + 門面顏色用藍色真係會令人聯想起電器鋪，😅 鋪面好唔顯眼佢哋嘅海南雞系預先已經包裝好成一盒盒，有埋環保袋成袋俾你攞走。由落單俾錢到行出店面唔晒3分鐘，好快捷～😁 宣稱採用水門海南雞做食材，佢嘅雞肉似乎係用雞髀多，唔算話啖啖肉但每舊都超嫩滑😋 其實可以話後分唔清究竟係雞胸定雞髀因為一樣咁滑。但係重點要讚嘅一定係個飯!!! 😀 偏向白色冇望落好平凡，但食落濕度岩岩好，好軟熟同埋好入味，好食過唔少餐廳。認真個飯殺晒青色水冇諗過真係酸到有陣澀味😂 我其實已經係勁鍾意食酸嘢平時會攞住個檸隊個啲人 😂 但都覺得重口味

水門橋係灣仔都好一段日子，某日lunch外賣返公司試下，店子以黑藍白色為主，店內到處是胡慧冲代言人的嘜頭，設有自助點餐機，取票後好快取餐，都幾方便。 泰式海南雞飯(送香茅青檸茶水)，$50。 黑色的盒子，有點型格。 泰式海南雞飯，份量恰好，雞肉夠腍夠滑，味道及口感都不俗，醬汁酸辣甜味十足好惹味，油飯粒粒分明，有雞油香味，幾好味呀。 香茅青檸茶水，入口清爽又冰涼，好適合炎炎的夏口。 幾好味的泰式海南雞飯。 灣仔灣仔道148號地舖

之前見呢間水門橋雞飯吹得好行又有泰國通幫手做代言人就過黎試試佢!佢舖頭嘅裝修都幾光猛設有4部自助售賣機由於我星期六過黎 無乜人可以直接行去櫃檯拍8達通佢地只係有海南雞同豬手飯2款選擇會跟一杯椰汁冰/青檸特飲送埋個環保袋比你攞走由於黎之前已經做定功課知道佢地無得堂食而附近又唔係好覺邊到可以坐低慢慢食所以就特登叫老公車我黎...買上車食是咁的...呢個雞飯嘅雞普通啦 都算滑 飯就偏硬不過咁~我覺得係比佢個廣告呃左!因為我心目中呢個飯係真係食到泰國水門粉紅衫個種佢仲要寫住唔洗去曼谷都食到水門雞飯喎!!佢依家呢種係香港一般賣嘅海南雞飯咋...所以如果你都係同我有同一種想法 建議你唔需要黎食另外如果我可以同佢老闆傾到計...我會想問問佢到底佢嘅Target customer 係咪只係住附近嘅居民同埋喺附近返工嘅人? 如果係 我唔怪佢但如果唔係嘅 請問我買完可以去邊到食?我都明白香港租金貴...未必放到咁多張檯所以我覺得佢地可以減少2部自助售賣機變成立食嘅檯起碼我企係到5-10分鐘食完個飯快快手手走人總好過我唔知去邊到食囉...

泰式海南雞飯，會送一杯凍香茅青檸汁和環保袋一個。原本以為可以坐下食，去到先知只可以外賣😓雞肉幾滑，幾多雞肉，味道都唔錯，個醬汁不太辣，我不食得辣嘅都可以食到，不過就只有這些好的。不好的是油飯不夠新鮮，是一早整好所以是凍嘅，飯有點硬和不夠雞油香。香茅青檸汁都是一早整好，自己攞，不過只得半杯，不夠凍，好淡味道，我估是水多過料，好彩是送的。HK$50 一盒，OK la，不過不失。真的要即叫即pack 入盒會好好多囉。

香港都引入嘅泰國海南雞飯，新開點都試下。入到去，一間快餐店更快餐店嘅外賣店。主打2款，海南雞飯同豬手飯。海南雞係我，favor當然要試下。原來可以八達通落單，但我都去嫉銀到比錢。唔知新開張定之後都有，買飯，會送一繫茅青檸水。返到歸先食，因為懶得整返熱，食凍飯下，個飯係有少許硬嘅，見個飯咁淺色，又估唔到淺色都夠味，得黎又無乜油喎。個雞都算滑，有雞味，不過我最广意係佢酸菜，所以呢張相第二次食，係加左酸菜嘅。好唔算好酸，可以再酸D，但都叫夠味嘅。最特別個包裝，個盒已包埋筷子同匙羹了。一推出黎食得，加埋$50，海南雞飯黎講，我覺得都抵。佢齋賣個支飲品都$10啦，而家送。不過就淡左少少少少少即真係幾淡下。

經過灣仔見到有胡慧冲個大大相，當然想試試。只限外賣，ok喎，飯很爽，暖暖的，汁很好味，有些酸伴菜，送飲品，$50ok啦！我沒有吃過泰國正版，不過呢個尚算ok! 大家值得一試！

啲飯一盒盒已經準備好係個環保袋度你比完錢就比盒飯你，個環保袋係幾靚，雞係幾好食，個汁調得好惹味，好可惜d飯係又硬又凍，我唔明點解佢要將啲飯一早擺落個飯合道，我已經係即買即食，如果啲人去遠啲食咁啲飯咪仲硬？我唔知佢係咪預咗啲人會用微波爐加熱唔係即買即食？五十一個飯我唔預期係咁， 如果啲飯可以改善下整體味道會大大加分，有人買先將啲飯同雞放入飯盒度咁都唔係好難啫？唔需要一早預先包裝好囉。唔係連飯煲電都慳返？

今日lunch去買左個海南雞飯返公司食，初頭以為包裝都唔差，仲用個環保袋裝住，以為食物應該唔差啦，點知實在太差啦！從來都唔會寫食評嘅我，不得不寫依個食評！個飯平平無奇，個汁都叫做有味道，配以幾片酸菜，而個雞，初頭都以為唔錯，點知食食下，發現舊雞係唔熟！！！食到一半發現舊雞都幾粉紅色，仲要咬唔開，即刻咩食慾都無晒。因為公司同間舖頭都近，我即刻落去話俾店員知舊雞唔熟！店員當然肯同我換，但我話俾番半盒我得啦，佢哋俾一盒我我都食唔晒，唔想浪費.....好啦，換左俾我後，我再返公司諗住食埋果半盒，點知一開，連一片酸菜都無！而啲雞，依舊係粉紅色咁，為左唔想食壞自己，最終食多兩啖飯就無再食，以後都唔會再幫襯水門橋！

今日看了雜誌報道，看了胡慧冲代言了這間海南雞飯，我這個海南雞飯控急不及待要去試試。這間鋪頭做外賣，現時餐牌只有兩款選擇：泰式海南雞飯和豬手飯。我中午十二時到達，並沒有什麼人客，點了一下泰式海南雞飯後，職員便從後邊帶了一盒放入環保袋包給我。看一看後邊，原來已經有四五盒飯預先包好，心已經在想，會不會不新鮮呢.....飯盒包裝精緻，飯盒上會套上紙盒，而紙盒上會有卡位套上筷子，最後飯盒和飲品會放在環保袋裏。打開飯盒，看到不好彩拿了一盒兩隻雞雞胸併埋的部分，計濕濕碎碎，高興的是內裏有酸瓜，酸蘿蔔，用來清新味蕾，吃了一口雞，果然不出所料，是雞胸部份比較實和硬，但是那個泰式醬料，非常惹味，救了整合飯。其實最差的是飯，真的很像隔夜飯，鬆鬆散散一粒粒咁又硬，真的吃了一口便不想吃。附送的檸檬香茅水，檸檬味很人工化，所以也不值得推介。整體都尚算失望，如果可以將包裝嘅心思，放在最基本的雞和飯上，便好了！