水記

营业中

休息中

中環打工仔表示經常都要周圍覓食！友人介紹我去呢間地點非常隱蔽，係條小巷子斜路上面嘅粉麵檔！好食到簡直想日日過黎🥹呢個地方坐就要小心少少，比較傾斜好容易倒瀉碗麵😂浪費左就唔好✤ 牛雜米 $𝟒𝟐今次選擇單拼❣️牛雜份量超級足：內臟方面包括有牛肺、牛腸、牛胃等！熬煮到超級稔身，食得出完全係新鮮牛雜，沒有絲毫冰鮮雪藏味！湯底極度清甜，瞬間就可以飲曬成碗牛精華嘅湯🥹食得辣嘅你高度recommend你落辣椒油🌶️味道更上一層樓！

一間舊式麵檔，係一條斜路上面，冇冷氣，旁邊有幾張枱同凳，可以坐喺路邊食，而家香港好少有。我通常都係買外賣，以前佢有賣爽腩，可能通脹太勁，而家得返牛腩，佢哋仍然都係賣緊$40+一碗，喺中環區嚟講非常抵食。牛腩煮至非常淋，食落去好有牛味，牛腩偏瘦，我通常會叫河粉，因為佢嘅湯底會加入牛腩汁，河粉可以吸收晒啲牛腩汁，特別好食。

中環水記，作為香港僅存的大牌檔之一，一直堅持採用新鮮牛雜，炆得非常入味軟腍，件件都清洗得非常乾淨，絕無膻臊味。價錢亦都係親民，一直儲落多年捧場客。環境好難稱之為乾淨，亦都唔會稱之為污糟，總之有大排檔嘅感覺。座位方面，可以選擇向前斜或向後斜或打橫斜咁坐，別有一番比薩斜塔嘅風味。每次來水記，都一定不會失望。牛雜米🍜新鮮牛雜同平時啲雪雜真係唔同啲！新鮮牛雜（牛肺、牛膀、牛肚、牛胃、牛腸）全部炆得入味。牛腩河🍜 爽腩一早已經賣晒，只係得返普通牛腩提供，牛腩略為遜色，未夠腍。或者咁講，傳承嘅清湯腩還是最好味的！📍水記中環吉士笠街2號牌檔

中環區好多人推薦呢間牛雜鋪，連續試左兩日，確實不錯。我推薦大家食牛雜麵，因為牛腩冇咩特別，河粉既話比較普通，牛雜出色。 呢間野仲有其他牛既特別部分，但係得幾碗，所以lunch 時間黎食一定冇晒。

香港愈來愈少呢啲咁貼地同傳統嘅排檔，在斜坡上面坐著木枱木凳，別有一番風味，建議大家有機會一定要去食。原本想試佢個牛沙瓜，可惜牛沙瓜已經賣晒，聽侍應哥哥講牛沙瓜每日得兩碗，所以想食就要早啲去喇。牛脆骨牛腩米 $48牛脆骨係牛氣管嘅組織，牛味濃郁，係呢度嘅招牌之一，係即日即劏，絕對唔係冰鮮野，外面軟冧入，邊邊有啲軟骨爽脆，牛腩炆得好入味，肥瘦適中，肉質軟冧，湯底係正宗牛骨熬製，充滿牛骨香味和鮮味。#foodie_couple_hk_sm816

Eating a bowl of beef brisket noodles on the slope of a backstreet in the bustling Central, is an experience rarely found elsewhere. To many Hongkongers, the re-opening of Shui Kee must be a thrill, especially when more and more decades-old establishments are closed for good. I came here hoping to savor a bowl of flat rice noodles with “ngau saa gwaa”, which is said to be the fourth stomach of an ox. Apparently, I wasn’t here early enough to compete with other patrons as there are only 2-3 servi

📍水記 @ 中環ღ 牛雜雲吞米粉 $48老字號牛腩粉麵店～最出名就係每日限量嘅新鮮牛腩😍同埋有好特別嘅部位 例如牛脆骨牛沙骨！可惜侍應哥哥同我講要食呢啲要12點前嚟到所以嗰日1點幾去到就已經賣晒 ʕ⁎̯͡⁎ʔ༄（嗰日平日好多附近返工嘅OL/街坊都有去食！）不過就咁普通牛雜都好食！完全冇內臟嘅臭味雲吞都好有鮮味😋蝦肉同肥豬肉嘅比例很好～重點係服務態度冇想像中咁差🤣見我影完相米粉都索晒啲湯 仲比多碗湯我添☺️回頭指數😼3.5/5（好想試牛脆骨啊(*ﾟ∀ﾟ*)

若要數中環最貼地美食 大概是這家大排檔的牛腩牛雜粉面幸得友人跟相熟的老闆娘提前留座才能嚐到他們的招牌之一的牛脆骨相約那天中午爬上中環半山扶手電梯旁的斜坡在斜坡上的鐵皮大牌檔前坐下 木枱木凳順著坡幅微微的傾斜陳舊鐵板上貼上熟悉名人合照和各雜誌推介跟老闆老闆娘打個招呼後兩碗熱騰騰的湯麵已被快速端上木枱碗內牛肉香味撲鼻而來簡單鹽巴配蔥花薑蓉已帶出牛骨湯頭的清爽鮮味材料即日即劏 絕不是普通的冰鮮急凍貨牛腩肥瘦相間 牛味濃郁厚重脆骨味道相對較淡的牛味 而口感有點像雞軟骨 少許肉質連帶軟骨組織 一種有咬口的爽脆河粉厚度恰好 不會泡久了而容易斷開可惜今次留不到牛沙瓜 幻想是一種何等程度的新奇美味相信來日完結WFH後好快會再約友人一齊去回味一番(๑•ω•́ฅ✧︎𓇠𖤥 水記༶ 牛腩脆骨河𓇠

自己本身好鍾意食潮州粉麵，牛腩河，牛雜河果一類，趁住依排自己比較得閒咁就試下啦，呢兩張相其實係分別兩日嘅。首先試咗個牛雜河先，首先個湯頭好夠味，俾我最大嘅感覺係個牛肺同埋個牛腸非常好食，牛腸甚至係入口即溶食得出係非常新鮮。十分推薦！！！第日再去試吓個牛腩河，個人感覺就不如牛雜河咁驚喜了。可能因為自己嗰日晏左去啦，咁我就唔係好食得出其實同街邊食開普通嘅牛腩河有咩太大嘅分別呢，總括而言如果大家去水記嘅話我建議大家試下佢個牛雜河。

如果要我選擇香港最好吃的牛雜, 水記無出其右. 單是用上新鮮牛雜, 而非冰鮮牛雜, 味道和口感差天共地, 偏偏價錢就和銀龍差不多. 牛雜是一樣下欄食材, 但在香港只有十多名”執雜佬”的情況下, 要買到新鮮牛雜的難度, 再加上處理牛雜要花的心機與時間. 四十多元的一碗牛雜河之中, 內裏包含著遠超這價錢的辛酸.新鮮的牛雜, 吃起來先有一陣脂香, 口感順滑, 連最易出事的牛膀也能做到粉嫩無渣, 脂香之後就是牛鮮香味, 沒有血腥味, 也沒有雪味, 不用濃烈的鹵水處理. 今次終於吃到牛脆骨, 它是牛的氣管連外邊組織, 外面軟溶內裡爽脆, 口感對比令人驚喜. 河粉順滑而沒有糊化, 湯底沒味精而充滿牛骨香, 喝完也不口渴, 兩者配以牛雜, 就是一碗出色的牛雜河.執雜佬作為夕陽工業, 少一位就是少一位, 沒有他們就沒有如此新鮮的牛雜. 好好珍惜, 好好品嚐, 膽固醇就暫時放下一邊吧!Shui Kee is my favorite noodle shop in HK which is focused on cooking beef entrails, the internal organs of cas

水記- 潛規則多多 ，牛腩不能淨食必須配粉面，不能雙拼，牛雜不能雙拼，冇耐性的話可以不用等，呢樣限量果樣限量，但係當你飲到第一口湯嘅時候你就會發現人哋係用心做一碗麵，同九記及大埔群記比較，水記湯底清甜舒服，如果你冬天食真係有種幸福嘅感覺，夏天食汗流浹背又係另一種享受每日限定一碗牛沙瓜，即係牛胃，我絕對唔係一個牛雜控，但我每次都係為咗牛沙瓜而去，當然仲有脆骨，其實限定嘅仲有牛脆骨、炸雲吞、魚皮。可能你會問我點解冇得雙拼但係我有咁多款： 牛沙瓜，脆骨，牛胸油、爽腩 ，呢碗係 Omakase , 尤其嗰兩件爽腩邊更加係不得之了，我都唔敢問太子幾時會再有呢啲極品，總之真係識太子好過識字

之前睇報道介紹呢間鋪頭是全港寥寥可數少數有新鮮牛雜賣的。位置在中環一條小巷中，非常有特色！留意返因小巷路面斜斜地，所以有些枱櫈都跟著路面微微斜斜地😝如果接受唔到咁有特色就轉為外賣啦。小店由一位伯伯和幾個親人同伙記親力親為，午餐時間若多人幫襯需要10-15分鐘等下。牛雜河 $41✅因為新鮮，即日劏所以完全冇雪味✅牛雜份量都路少，每件都切得大塊✅湯底清、多蔥、多蒜，突顯牛肉鮮味✅河粉會增加整體油膩感，唔鍾意的話可選擇米粉或麵

今日嚟中環做嘢，聽講呢間水記非常出名，所以突登嚟試吓佢嘅牛腩河！.佢係開喺露天嘅斜路，舒服就一定稱唔上，如果驚坐得唔舒服同唔乾淨就要注意一下🙃；不過我心諗，呢度嘅牛咁出名，坐得唔舒服都唔緊要嘅！但係…….當我見到呢碗牛腩河嘅時候，我個心真係碎咗！💔🥲睇相都睇得出佢嘅牛腩係幾瘦、幾嚡口….食落係有牛味嘅，同時都食到一絲絲乾柴嘅肉絲😭懷疑佢係咪俾錯煲牛骨湯嘅湯渣我?!😫菜芯就大大條偏老，呢度無蠔油…令菜芯無咗個靈魂咁😢總括而言，牛肉差，菜都麻麻，價錢貴（牛腩河$40 油菜$20），不值一試🥲🥲🥲

與一般其他餐廳的不同，水記出名用新鮮牛雜，而且係清湯。牛雜除牛膀外其他部位牛肺、牛肚、牛腸的口感都很接近很淋，無牙都食到。雲吞不好吃，而且店家堅持沒有醋供應…清湯牛腩很粗很鞋，像煲湯肉…湯雖然應該無味精（可能有雞粉），但頗咸…腩汁油菜很爽不淋不甜…份量很少。總結而言，要吃便只吃招牌牛雜好了。

態度惡劣，超級難食。一坐低開心呠呠，以為可以食啲好嘢，尤其而家天氣冷。一坐低佢話仲有15分鐘先開舖，所以我哋就坐咗喺度等。等完之後，一個態度惡劣嘅夥計/老細，走咗過嚟一句野都冇講，就揸住支探熱槍隊左落我額頭度。咁都算啦，到落單嗰陣時，我哋點左兩碗牛脆骨，佢話一台只可以叫一碗牛脆骨，之後點個牛沙瓜，個夥計就話：「頭先同隔離枱咪講咗冇牛沙瓜囉，你唔係聽唔到啊！」我真係打個突，因為真係聽唔到。但係佢態度10分惡劣，本身都打算即刻起身走，但諗吓咁遠嚟到都試吓啦，點知後悔到不得之了，因為啲牛腩好韌，超級多肥膏，牛雜超癡牙，整體上零分。我只會勸喻大家千祈唔好去。