水產海盜 - 韓國直送醬油蟹專門店

营业中

休息中

呢間店舖被稱為「全港最好食韓式醬油蟹專門店」，主打各款醬油同辣醬生醃海鮮🦐最近門市更設有堂食位置，售賣每日新鮮即製嘅正宗韓式便當🇰🇷💗原隻醬油蟹便當 ($248)選用韓國延坪島直送藍蟹雌蟹，蟹肉飽滿而且晶瑩剔透，有滿滿鮮橙色蟹膏，醬油醃得好入味，味道咸鮮而且完全無腥味🦀白飯拌入雞蛋絲、紫菜、飛魚籽同醃黃蘿蔔粒，然後加入蟹蓋入面撈勻，絕對係米飯小偷🍚💗辣炒濟洲黑豚豬便當（$68）辣炒濟洲黑豚豬肥瘦適中，用韓式辣醬炒香，味道辛辣惹味🌶️再篤穿太陽蛋將蛋汁撈入飯中，送飯一流🥓配菜方面有韓式炒粉絲，食落麻油香味好突出🍱

買咗一盒醬油蟹，入邊有鮑魚蝦同埋螺，收到貨嘅時候有三份一嘅醬油都漏咗出嚟，搞到成個盒同個袋都係，我出嚟嘅時候已經聞到一浸浸腥味，因為未完全融雪，所以我等到第二晚先再開嚟食，點知第二晚開嘅時候就係惡夢！攞出嚟，其實已經令我好難受，因為啲味道實在太大，我一向都唔係好怕腥嘅人，都頂唔順，所以我就打算帶個手套先至再去拆啲蟹，點知一開個蓋，嘩嘩嘩！啲蝦個頭黑色㗎，然後有幾隻沉底嘅蝦個頭係甩，我見到咁嘅狀況都有啲驚，然後其中有一隻蟹啲腳係甩咗一半！加埋嗰種味道真係好惡頂，但因為用咗$544買返嚟，所以我就決定試吓可唔可以食到啦。然之後我打算將啲鮑魚掹咗個殼，點知掹完又來一個惡夢，成堆泥咁樣，嚇死！到最後我決定將所有蝦蟹海鮮掉晒佢，因為咁嘅天氣，咁嘅味道，咁嘅賣相，然之後啲蟹肉係霉！我真係唔想搵我條命仔嚟博！幫我校晒啲海鮮之後，我打算洗乾淨個盒唔好嘥啦，起碼仲有個盒，點知發現原來個盒底係爛嘅！以後都唔會再買任何雪藏嘅醬油海鮮！好臭好得人驚

由21年未開地舖已幫襯，食開品質都令人期待今次啲蟹Jumbo 一開就不對路再開埋3KG 蟹一樣係咁，三文魚啲醬油混濁，隔咗兩日客服打嚟笑笑口話啲係天然生長只係蟹膏水啲，真心冇語!!

海鮮控嘅小熊貓最近發現咗一間專做外賣嘅醬油蟹專門店，聲稱自己可能係全港最好食嘅醬油蟹，我就專程上網預訂咗一set mini jumbo~社交平台客服服務態度十分良好，回覆快，亦有作推介～ 小熊貓特登網上預訂，如有需要，專門店亦幫忙預先解凍👍🏼 可以即攞即食 😋包裝精美，有保溫袋，乾冰一包，用密實盒裝好預先解凍嘅醬油海鮮🤩🌟Mini Jumbo Set $4981.3kg 醬油蟹 x 2醬油海鮑魚 x 2醬油蝦 x 5醬油海螺 x 5 呢個份量啱啱好適合兩個人食～ 佢冇呃我，醬油蟹真係好新鮮，好多肉，肉質鮮嫩，爆蟹膏～ 店員仲好細心問我要幾多日去解凍，因為越解凍得耐越入味～其他海鮮都好好味，醬油味入晒啲海鮮度，好彩我有煲定飯，真係好餸飯

💁‍♀️💁‍♂️21/4/2024(Sun), Dinner🍽💁‍♀️為食妙妙早前同🙍‍♀️朋友女食過醬油蟹之後，一直都唔夠喉，念念不忘再想繼續食。趁呢一晚🙍‍♀️朋友女到為食妙妙屋企作客，一於去呢間名叫 嘅外賣醬油蟹🦀專門店買齊醬油海鮮大家一齊擦返餐😋😋😋！而今晚我地order咗：🔆 大胃海盜套餐呢個套餐用一個大嘅方型食物盒盛載，入面有一隻韓國延坪島珍寶醬油母蟹🦀（約重460 - 500 g）、五隻醬油爆膏有殼蝦🦐（原隻連殼有蝦頭膏）同埋兩隻醬油海鮑魚（來自非繁殖場的莞島野生連殼鮑魚微熟）。呢隻珍寶醬油蟹🦀真係好大隻，比起A先生嘅手掌🖐️仲要大。打開之後係滿滿橙紅色嘅膏，蟹膏味道濃郁，我哋最愛就將熱焫焫嘅白飯𢳂入蟹蓋入面，混入蟹膏、蟹肉、紫菜同少少醬油，呢個又熱又凍嘅組合的確係鮮味得無話可說，蟹嘅鮮味、加埋濃郁蟹膏、再加埋紫菜帶嚟嘅口感，唔覺唔覺就清咗個大大嘅蟹蓋。醬油鮑魚入口彈牙，鮑魚夠厚肉，同時都好入味。開頭我哋都擔心鮑魚會唔會偏韌，好彩店員都好詳細咁同我哋解釋佢哋嘅鮑魚係微微熟嘅，入口唔會韌，係比較腍滑彈牙。醬油蝦🦐評價可以睇下一段。🔆 醬油蝦🦐（有殼）醬油蝦🦐可以選有殼或者無殼，無殼就

有時好想食醬油蟹但又唔想出街食 水產海盜既醬油蟹我覺得係全香港最高質👍🏻😚食醬油蟹會想係屋企舒舒服服咁食 佢既貨係由韓國直送 買滿$1100仲可以直送屋企 🦐醬油蝦有分有殼同無殼如果會食蝦頭既人 會建議簡有殼既 因為會有埋蝦膏好正 佢既醬油好香又唔會好太咸 🦀醬油蟹有大細size 而醬油蟹今次試左隻Jumbo既蟹有成500-550g見到佢既膏好多好香 😚👍🏻其實如果鍾意食醬油蟹🦀一個人食完全滿足到欲望 加埋個韓國即食飯簡直係一流😙🤤🌶️隨左醬油蟹同蝦佢仲有辣醬生醃系列買左個辣醬八爪魚同埋墨魚條 作為韓國菜既忠粉 食到韓國小菜既味道 ☺️#水產海盜 #醬油蟹 #醬油蝦 #辣醬生醃系列 #餓底推介