影片
开饭介绍
AT Corner装潢洋溢高贵英伦风格,提供传统日本美食。大厨坚持选用最新鲜的食材，当中九成由日本进口，店方更引入「无药残」钻石虾,味道鲜甜。客人可以一边品尝美食,一边欣赏维港美景。
继续阅读
附加资料
切饼费每位$20,最多收取$100
营业时间
星期一至六
12:00 - 15:00
18:00 - 23:00
星期日
全日休息
以上资料只供参考，请与餐厅确认详情
招牌菜
好耐无去过AT Corner，因为之前几次试过都一般。今日有客请食Lunch提议黎呢度，谂住唔驶自己俾钱就再试无妨。一入到去已经见到Salad Bar，原来而家午市做紧套餐，加$38就有自助沙律吧、面豉汤、甜品同饮品，套餐平均价钱$58-$108，加埋$38有个无敌海景都算几抵食既。 谂住自助沙律都唔会好得去边，点知D车厘茄几新鲜，选择唔多但样样都唔错，粟米都好甜，食落几醒胃。 主菜我就叫左个银鳕鱼西京烧，煮得几香口，鱼身几滑，点埋沙律酱酸酸地都食多左两啖饭，不过portion略嫌少左D，送饭就唔系几够喉。食完同个客望住个海倾下计，真系几写意，唔经唔觉就食左2个钟，坐到唔愿返去做野…佢个lunch set个价钱同质素都唔错，值得俾机会佢再黎encore。
继续阅读
AT Corner 是一所位于铜锣湾世贸9/F的日本料理店，装潢洋溢英伦风格，兼有维港海景，本属不错。此店亦是米芝莲推介店食之一，门外的宣传广告牌大大只，一定睇到。可惜，龙少爷将此店归纳为「非常差」。衰服务。来到时约6:30pm，可能时间尚早，得2-3枱食客，侍应都很得闲，企喺度倾偈之余又「带梦梦」，印象已不好。后来渐渐人多，侍应们开始应付不来 - 上错菜， 速度慢，漏单。其他食客亦开始鼓燥，一枱接一枱嚷著要埋单，连没有上的食物也不要，本少爷正是受害食客之一。可怒耶！黑椒梅子烟三文鱼沙律 - 本有点期待，吃下却没有梅子味，只是普通沙律一个。蒜片牛柳粒 - 三催四请才上菜，味道未吃已大打折扣。特色天妇罗 - 不觉任何特别。另外点了寿司及其他熟食，已不想「等了又等」，埋单走人。
继续阅读
我同朋友一同四人..用coupon嘅..消费约$148.再+10%..原价好似$288.再+10%...价钱已经非常吸引..可能因之前日本海啸嘅关系卦..所以管著试一试嘅心情去食一次..但食后感觉出人意表..喜出望外..以为用咁嘅价钱一定平嘢冇好..估唔到呢间餐厅都交足功课..首先..餐厅环境舒适..如果靠近窗口景观可远望维多利海景..先讲D菜式有几张纸俾你拣十款菜式..( 生蚝..不过不失 ) ..( 矶煮鲍鱼系切片嘅..鲍鱼几淋..鲜甜多汁 )..( 智利白酒蓝青口..新鲜 )..( 纽西兰羊架..好Juicy..Yummy..)..仲有黑椒牛舌..鹅肝多士..汁煮牛肋骨..海老天妇罗都OK..另仲有沙律吧无限添加..除咗以上十款菜式..每人再可以拣Main Dish 系生嘅..我同朋友拣咗银鳕鱼同安格斯牛扒( 餐厅会俾个铁板你慢慢烧 )..最后可拣两款甜品 ....整体餐厅:环境..食物水准及服务都OK嘅..可后人多服务员未能即刻招呼到..但都见到佢地忙到咁..唯有就一就啦..不过我都会再去嘅
继续阅读
当日我和我女朋友同姐夫去呢间餐厅食饭,因为我地有Coupon,所以去试下点知一去到餐厅门口,咨客服务态度已经好差,我地只系问佢呢到系唔系AT CORNER,点知仲比佢串..........(唔知仲以为得罪咗佢)算啦,都唔紧要,或者我问得唔系咁好挂,入到去坐低仲大获, 一位疑似经理既人竟然好大声咁同我地讲野,语气带点不耐烦,其实我地都系啱啱到,都未问问题,做咩咁既态度呢!?可能我地用Coupon挂,价钱折扣咗,服务同样打折扣!?我心谂...呢到既装修睇落都有少少仕似高级餐厅,点解服务唔可以似返间高级餐厅呢~讲开装修又系有点奇怪,门口的枱叫做坚固一点外,其他的枱全部都系用宜X家私的枱(百几二百蚊𠮶只),非常单薄,叫做比折枱稍为好些少不过呢样野都唔系重点,只要食物质数好都冇咩问题,经过疑似经理既人呼喝之后,我们点菜啦! 点完之后顺便问下: "可唔可以比杯水我呀"随之而嚟既答案系受到侍应生的岐视,佢话: "水要比钱呀,$38一枝,要唔要呀!!!" 𠮶刻真系想爆!!!! 本人对于此餐厅的食物,总括 : 味道差,海鲜唔新鲜! (没有其他野想讲)
继续阅读
环境十分好，但坐位太细，食物味道很不错，可惜份量太少，女士还可以，男士肯定不够饱，沙律吧食物也太少！尤其主菜，未食过份量少得这么可怜的主菜！牛肉火锅竟只有两片牛肉加菜！铁板烧比较好，有几块一口烧牛肉。最正是甜品，手打柚子雪糕好吃到爆灯！焦糖士多啤梨也很好，其他好味的还有鲍鱼，黑松露多士，牛肋骨，牛舌心，如果主菜份量多一些就好了！
继续阅读