民華魚蛋粉麵

晨早出門去睇波，第一時間梗係嘆個醒神早餐🍴先啦！大埔墟公園仔一帶餐廳林立，點指兵兵入咗廣福里呢間"民華魚蛋粉麵"。地方細細，眼見12張枱仔，姐姐有禮貌，唔該前唔該後👍趕時間，咋咋臨叫咗個先薑絲牛肉通配餐肉炒蛋多士🥪，再加多杯凍咖啡($45)牛肉嫩滑，湯底夠味，多士香脆唔會燶，炒蛋嫩滑，唔錯唔錯👍凍咖啡先係靈魂，飲完即刻好精神🤣🤣睇下個餐牌，嘩！食物品種都好多選擇，有湯飯、點心、蒸飯...快閃一個豐富好味嘅早餐，夠曬energy，出發💪…查看更多

下次差不多兩點、都過咗午飯時間！我見店內食客不多都多空枱！我同朋友入到去坐車方枱對住坐、睇好食咩諗住叫既時間、問題就來啦！阿姐來到唔係第一時間問我地食咩、係叫我地平排坐、我之後就講都過咗食飯時間冇咩人、點解要平排坐、阿姐之後就講、唔理係唔係食飯時間有冇空枱、總之食到來一定要平排坐、不平排坐就唔同你地落單同唔歡迎我地、我之前都唔係都唔平排坐、之後阿姐叫我地走講唔做我地生意！簡直離譜😡😡😡😡😡、以後都唔會再光顧…查看更多

超級正呀，係有一次唔知太太唔舒服定還是太疲累，於是在家中留守，我就推咗嬰兒車和兒子出去大埔墟行個圈，去到玩具舖發現佢冇乜精神沒精打采，然之後一問他才說是肚子餓，於是我就問佢 食點心🧆定還是食麵包🥖結果他說吃點心，而且經過這裏還說坐喺度食，於是就產生左史無前例嘅父子飲茶。😂其實民華以前我一向都有食，而且喺太子食嘅時候，通常都係食常餐然之後加個飲了，這天才記起，其實你都可以叫兩個點心，然之後加熱奶茶凍檸茶之類，自製點心常餐。佢嘅山竹牛肉一樣係大大粒，不過味道就普通，只覺得是吃了一大團牛肉混合豬肉的粉團，其他香菜或是荵嘅味道就真係欠奉，都係用喼汁主要調味。另外鵪鶉蛋燒賣，其實都係有一大豚肉喺下邊度然之後上邊有鵪鶉蛋，似乎兒子主要都係食鵪鶉蛋，下邊嘅肉都係食咗少少。雞扎嘅份量似乎都唔少，那塊雞件相當大件，呈丁方形嘅火腿亦都夠大條夠粗壯。不過係舊芋頭食唔到，如果唔係其實都幾正的。:)…查看更多

買咗兩個粉 魚蛋粉 牛腩粉比飛尾囉餐 個呀哥仔明明睇咗張擺左係度嘅外賣 咁當然唔係我嘅單 佢先叫我等等跟手佢好似機械人 開同關，開同關 個三個蒸排骨飯嘅櫃門 灑咗幾下先至不我 碗鳳爪排骨飯入盒 連埋我張單放喺外賣枱度等兩碗粉我等等下覺得唔對路，冇理由咁耐自己走去睇吓擺咗好耐嘅外賣包裝單 原來就係我兩碗粉 心諗好在有分湯，如果唔係唔使食啦 算數 拎左就走啦 ？？？ 一打開真係唔開胃 鳳爪排骨飯 。冇鳳爪又冇豉油 打返去話我電話📞收唔到 收唔到 電話 收唔到收線…查看更多

今日年初四,見到佢有開,但要收加一,冇問題呀,正常.店舖內都係多人,入到去等佢安排座位，坐低拿拿林叫嘢食，叫咗蠔仔粥，章魚肉餅飯，豉汁鳳爪同埋金錢肚，其中肉餅飯及兩點點心就好快送咗嚟。咁我照食啦，到我食完，個蠔仔粥仲未到，於是問阿姐幾時有，跟住應左我，話廚房努力整緊……席間已經聽到後面枱喺度投訴，話叫咗嘢好耐都未嚟。於是等咗十分鐘又仲未見佢嚟，再問多一次幾時有，(跟住好似聽到佢同廚房講話爭咗蠔仔粥)於是我再問佢你整咗未？未整嘅就唔好整啦！我哋走了，竟然間了2次都冇人答我。一怒之下埋單走人！見到後面排隊埋單嗰個都係話喺度食嘢好難唔令人燥底！佢都等咗好耐，食就食十分鐘！食物方面,點心,章魚飯係正常嘅。茶記格局,冇嘢投訴,只係服務態度九流！漏單又唔去追單！呢間嘢唔會有下次！！…查看更多

搵食喺大埔，入咗間好出名食牛腩嘅地方。唔洗多講，先來個必食嘅牛腩飯啦。牛肉走咗正常嘅肥瘦路線，炆到即溶咁滑，真係有層次。湯頭輕鮮帶點清甜，一啖飯加上牛腩，滋味實在正😋！跟住，攞啖西多士，外層炸到啪卜啪卜香脆，咬落去仲發現層椰絲，想像下，咁既脆既香，簡直賞心乐事！至於薑絲牛肉通粉就有少少down，牛肉可能放鬆肉粉過頭，口感同味道都欠佳🤔。不過，個餐廳食物總體算系正，特別係啲炸魚角同炸魚皮，魚味實在鮮美到不得了教我忍唔住一啖接一啖。啲坐位就真係比較擠，大塊頭嘅朋友可能會覺得唔太舒服。但都話咗，為咗啲味美牛腩，小小犧牲都值得喇！🐮🍚🤤…查看更多

8️⃣號風球，只好選擇這間民華嘅常餐夠哂營養豐富，蠔仔粥都係我至愛，但今日冇只好食住常餐先沙嗲牛肉麵+炒蛋火腿多士🍋喂凍檸檬茶🥢常餐性價比高又一份，每次嚟到都會食佢個厚多士，鬆軟多牛油，滑流炒蛋正到冇得頂…查看更多

收工唔想留在北區食午餐，就揸車落大埔食。 大埔墟有一個好處，就係多錶位。 雖然都多車，但等了十五分鐘就已經有錶位，而且就在餐廳附近， 行多兩步就已經到達餐廳。餐廳的名字雖然有“魚蛋”， 理應就以魚蛋為主打，但我想食飯，所以就叫了一個牛腩飯。 價錢較貴的牛腩，聲稱以本地牛作為賣點，但已經賣完。我就退而求其次，叫一個較便宜的牛腩飯。牛腩肥瘦分明，而且炆得很淋，湯底是淡淡的一種，不是濃味牛高湯味道。整體而言，我覺得這間牛腩是我會返頭再吃的一間。唯一不滿意的是座位很窄，坐得很不舒服。…查看更多

【大埔區】【民華魚蛋粉麵】呢幾日 Instagram 盡情打擊假 account，「長輩級人馬」Gabriel Wong 慘變 Instagram User，我又少咗件玩具。唔單止係咁，之前「被購買」嘅 follower 都大幅度下跌，因而 like 數都有如江河日下，有夕陽黃昏之感。不過我寫到呢度，熟悉我嘅讀者都會估到我氣定神閒個樣，喺度同大家講返我就唔多理個 like 數。之但係呢個亦都係一個指標，我都冇可能完全置之不理，咪望吓囉。我又反而有啲八卦，其實之前啲有水份嘅 like 係點嚟嘅。諗諗吓都係唔好諗，做好咗眼前嘅嘢先。一直以來都好努力同大家一齊食匀十八區，某啲區域多啲某啲區域少啲我都好無奈，因為十八區行政劃分唔係我畫嘅，我都只係借佢嚟做一個指標去分返開啲餐廳咁嘅啫，冇其他目的。有樣嘢冇得賴嘅，就係自己都冇之前咁努力去到唔同嘅區域食嘢，來來去去都係嗰幾區。今日特登走入大埔大明里廣場嘅呢間餐廳食個「下午茶」，民華好似唔止一間，但後綴係寫魚蛋粉麵我好似未見過，所以就入去試吓佢。叫咗碗「魚蛋河」，係下午茶系列嘅，碗嘢裡面除咗魚蛋，仲有魚片同埋魚片頭，面頭仲有幾塊幾脆口嘅炸魚皮。除咗魚蛋鮮味略嫌不足之外，其餘幾樣餸同埋個河粉都幾正常。碗嘢配埋杯算唔錯嘅「熱奶茶」收 $33，合理。呢間民華當然有埋平時佢做茶記嗰啲嘢食，不過我就唔打算喺度食喇，反而叫多碟 $19 嘅「雞扎」，有中式點心梗係叫碟嚟玩吓啦。食落都唔係話好特別，舊芋頭幾粉，其他嘢就正正常常咁啦。呢餐 $52 走人，食得幾滿足。。。（地址：大埔廣福里19號地下C舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #1ambackup #1am0620 #foodpics #followforfollowback #love #eat #1am大埔區 #大埔 #大埔墟 #太和 #民華魚蛋粉麵 #大明里廣場 #茶餐廳 #下午茶 #魚蛋河 #熱奶茶 #雞扎…查看更多

話説收工想好好地食個晚飯，點知入左永世難忘嘅地方，叫咗個常餐，多士炒蛋火腿嚟先，然後等咗足足15分鐘，個麵終於煮咗出嚟，放咗喺度5分鐘都無人拎過嚟，同個夥計講佢就掂行掂過，好忙咁招呼其他人，個麵就一路放喺度，再等多5分鐘，同個夥計講，完全唔理，最後忍唔住自己攞咗，然後個夥計仲同你駁嘴，真係好特別嘅經歷，炒蛋個樣放咗起碼10分鐘以上先拎出嚟，個面咸到好似飲鹽水咁，大家想感受咁特別嘅經歷一定要嚟大埔民華魚蛋粉麵！…查看更多

之前就聽朋友說，這間店的名字雖然是魚蛋粉麵，但實際他們家的常餐也很好吃的！特別是他們家的烘多士～很讚！午市來吃價格也不會太高，雖然有聽說服務態度不太好，但也感覺不是特別明顯…查看更多

The service is just down right appalling, not just one but all the staff are rude...and the food is just ok considering the highly inflated price point (I can get much better value for the same price at Kam Kee/ Man Wah in the area), it used to be below $40 with iced drink. Heaps of rubbish underneath the table....used tissue, tooth picks 🤮 will not visit again …查看更多

收工食頹飯，見到餐廳餐牌嘅賣相唔錯。仲有煎蛋，就入咗去坐低🪑🌟咖喱豬扒煎蛋飯港式咖喱，帶點辛辣，唔會太甜🌶豬扒有好多塊，半肥瘦🐖煎蛋有一半係流心，令一半就熟咗，有蛋汁撈飯都好食😋仲有薯仔係咖喱入邊，非常滿足👍🏿🌟凍奶茶頹飯梗係要配凍奶茶🤡平時唔飲開凍奶茶，覺得有啲勁😂嗰晚好晏先瞓得着。如果晏晝飲，返工唔會瞌眼瞓🙃整體來講，嘢食味道唔錯，大大份好滿足，雖然飲品要另加，但係食頹飯點可以冇飲品😂下次會再嚟❤️…查看更多

每一次好夜收工嘅時，都會經過大埔嘅公園仔（四榮里），如果半夜好肚餓嘅時候都會入去食一碗港式雲吞麵🤤食下食下都差唔多有十年啦😋😋以前呢就會食佢哋嘅常餐嘅，間唔中都會食個雲吞麵，以前細個食嘅時候只係廿幾蚊咋，而家已經去到三十幾啦😂 不過都好抵食👍🏻⭐️ 雲吞麵雲吞皮簿餡多，差唔多每一粒都有一隻鮮蝦，師傅調嘅餡又唔會太喊，又唔會太乾or無汁😋每一碗都有5大粒雲吞🤤而麵就爽口彈牙，重點係冇鹼水味，唔經唔覺已經幫襯左呢間嘢至少有10年，佢哋嘅茶餐同雲吞麵依然都keep到水準👍🏻👍🏻 💰$33…查看更多

呢間嘢啲員工個個都好忙(係好似好忙)咁行嚟行去都唔執枱, 我企喺張枱等足幾分鐘, 真係當我透明, 我終於頂佢哋唔順, 開聲問佢可唔可以執一執枱, 佢竟然答我叫我等一陣,我眼見都有兩個客人都走咗去, 疫情嘅朝早有幾忙呀? 食客人唔使返工等你半個鐘執枱好唔好? …查看更多