民生食堂

营业中

休息中

今日又嚟到食冰室呢間早餐,今日叫咗蕃茄辛辣麵,有雞扒煎蛋同腸仔,都係$45,個蕃茄辛辣麵都第一次咁樣食辛辣麵有個蕃茄湯底,呢間早餐算係我都好多時嚟食,算好抵食,下次可以試埋晏晝

今日朝頭早突然間好想食辛辣麵，之前都食過佢哋早餐好大份好抵食，所以就換衫落咗樓下食咗個辛辣麵加豬潤，仲有個多士腸仔同埋煎蛋，再加杯熱齋啡，都係$43，之前食過佢哋早餐都係好抵食

今朝一早諗住叫個醒神早餐食、點知個倒米伙計講唔送樓上。要自己落嚟自取,本人前兩日已經好有心問過樓上送唔送。個老細話送。我先叫外賣。我就贈左呢個伙計一句。個男人會送。而家有話唔送。即係點。想食過早餐都咁難。大姐工業區唔送外賣我第一次聽。我落得樓下取外賣就食埋先上去。就係行唔開。或工場做野。老細俾你邊食邊做。唔可以落樓食咁大排。成日話香港人唔幫襯餐廳。唔係取左身份證就係香港人。用下關懷心學做香港人啦。

每次經過依間餐廳都排晒隊好長龍，成日都要等位，搞到想試都冇得試，今日見到門口人龍都冇咁長，可能係我哋晏咗出嚟食晏嘅關係，於是就即刻同同事講話要去依間餐廳食，依間餐廳嘅午餐通常都有五款可以選擇，兩款係西式餐，三款係客飯套餐，今日諗住食焗豬扒飯，因為喺排隊嘅時候見到個個都食焗豬扒飯好似好好味咁，點知落單嘅時候服務員話焗豬扒飯已售罄，搞到有少少失望，跟住再望吓隔籬枱睇吓啲人食啲乜啦，發現常餐都幾吸引，於是就叫咗個常餐食。常餐-吉列豬扒辛辣麵（配餐肉炒蛋+奶油多）大大塊嘅吉列豬扒金黃鬆脆，新鮮熱辣，再配埋蛋黃醬，食落又唔算好熱氣，加配餐肉炒蛋同奶油多，令到個餐都好豐富，完全好夠食