民康小食

营业中

休息中

買咗個車仔麵，食到一半，忍唔住要幫佢嘅超大隻冬菇影返張相。每次買外賣，我都係為咗哩隻冬菇，大隻肉厚，食落又好軟。叫咗3餸，都係$29,真係平靚正。蘿蔔又軟又甜，咖喱魚蛋又係小時候嘅味道。咁嘅價錢真係冇得彈。有時見到佢哋有生菜魚肉碗仔翅，都會買黎食，$20大大碗好足料。老闆咁平嘅價錢益街坊，對於附近返工嘅人都係一個好選擇。香港其實仲有好多抵食嘅良心小店。見到小店嘅員工有啲係殘疾人士，老闆應該都係善心之人。希望多啲公司可以提供就業機會俾殘疾人士。

最近搬左喺附近做嘢，呢頭真係好多野食，不過次次唔想唸都會黎呢度。打工仔放飯時間寶貴，最怕要等 —— 而佢地做嘢真係好快手，就算有人排隊都唔會排得耐，好快輪到你。呢度麵底同餸嘅選擇都算多，又有菜，餸嘅份量都幾好。個人特別勁鍾意佢個冬菇超厚肉大大件（你見我次次都有菇就知😂），另外豬紅都正，絕對唔會「鬆泡泡一夾就散，失敗」😂😂。最緊要個性價比：3個餸都係30幾蚊，錫住荷包😌 個人覺得女仔食份量啱啱好，如果比較大食可以考慮加底。

細街開咗好耐嘅車仔麵檔～店舖裝修一睇就知有D歷史～大多數都係街坊嚟食～可能鋪租平啦～所以D車仔麵都係平民價牛腩豬腸粗麵多辣多腩汁～牛腩有D痴牙～不過大大嚿啖啖肉又入味～豬腸應該鹵咗好耐都好入味～加上中間嘅都清乾淨食得安心D另外一碗外賣都係兩餸一麵～雞翼豬腸油麵～雞翼有兩大隻～應該雞翼同豬腸一齊鹵～味道同一隻味都係好入味餸嘅份量嚟講算好多～其他車仔麵檔都未必有咁大份～今時今日兩餸一麵車仔麵好少食得飽～但係依間可以

民康勁平經常排長龍，價廉物美快靚正大大份益街坊，以最抵價錢，提供有質素的食物，讓貧苦大眾醫飽肚，值得表揚！老闆叔叔真好，不設最低銷費、不設最少份量，就算十幾蚊都有得食，平到離譜嚇一嚇呢！真心會等到發呆，所以想快的話多數去發記食。可能食慣發記超濃味湯底及勁辣辣汁，如果食民康硬覺得淡茂茂呢！堅係全城最平最抵食質素滿意的車仔麵，良心麵店平靚正益街方，抵您日日排長龍！ 您條紫色綣毛胖婦傻那左？四個大媽大爸坐張六位圓檯嘈我話：您唔係坐依度呀？點坐得落架！您條友就霸兩張櫈放袋，心諗您估您真好能肥呀！您估我真係好想坐您隔離咩，全場滿座無位坐，發神經！我講多次唔該，胖婦黑面極不情願地攬返個袋讓張櫈出黎。成間麵檔男男女女聽住睇住，知道自己衰那左，即刻加速倒晒碗米粉落肚，急急帶住米芝連肚腩逃跑，完全敗走從另方向奪門而出逃離現場！我繼續斯斯然嘆埋碗米線，都費事動氣，浪費精力同依類福佳嘈！最衰開放式舖面，無冷氣就有點熱，高溫車仔麵 ﹗開放式舖面加開放式廚房，實在太熱要加來罐冰凍可樂降降溫先得。大熱天時食住熱騰騰湯麵加埋大辣咖哩，汗珠一串串，邊食邊滴邊抺汗，水長流燒脂最佳！隔離位四眼肥叔叔真好人好有愛，見我食到

其實諗諗吓紅磡呢一頭都好多車仔麵店，間間都有唔同嘅特色，今次食呢一間係因為lunch都要做嘢太忙，只能夠出去買個外賣食。而點解我會揀呢間民康小食呢？係因為佢應該係呢區入邊最平嘅車仔麵，一個麵底最平$4起，但男仔可能要加底先夠飽，佢仲有我最鐘意食嘅瀨粉😍。另外，啲餸亦都好平，大部份都係$6,$7就有喇🤑。所以叫多幾個餸係都唔會覺得貴，啲餸其實都幾出眾，蘿蔔超淋超入味，冬菇(必點)就非常大嚿，你冇睇錯佢係有成兩粒墨丸咁大㗎，好誇張！！！而且好好味一啲都唔硬👍🏻。我其實仲叫咗雞翼㗎，但遮住咗🙈，$6有兩隻都好抵。不過留意番佢淥麵嘅時候會問你要唔要菜，但菜係計一樣餸的，所以如果你唔想食，佢問你要唔要嘅時候你就同佢講唔要，因為唔係免費的。其實仲有另外一個原因點解我會揀嗌外賣，係因為佢間鋪比較細，而且出面好多人排隊，所以未必坐得好舒服，反而買返Office慢慢食都係一個唔錯選擇👍🏻。

角落小店，裝修欠奉，只是簡單一邊間為車仔麵檔，旁賣碗仔翅、魚肉，環境是雜物堆在一旁，名符其實的「拿渣麵」。也可能由於它的簡陋無花巧，也做就它的價格比同區一般的車仔麵為平，也無需一定兩餸一麵的定價。逐樣計錢，悉隨尊便，豐儉由人，沒有綑綁式銷售。以最平$5一款餸、$6一款麵計，三餸一麵$21，而且份量不少，抵。凡到午膳時間都見排長龍。座位有限，附近工作的人也會打包走的。西洋菜$5、牛腩$7、冬菇$6和米粉$6，也是共$24。巨型冬菇，咁厚肉都是爽脆的。牛腩軟嫩。西洋菜當造，清甜。

紅磡車仔麵越開越多間, 但最抵食都係依間~出面食碗兩餸一麵閒閒地都要27-30元, 但依度已經可以叫到3-4個餸。不過唔好以為禁平無好野, 佢D份量都唔小~豬皮辣辣地好夠味, 蘿蔔夠霖, 蝦條同韮菜餃都好好食。醬汁有沙嗲汁同牛腩汁揀, 仲可以加辣菜莆女士們想減肥可以唔叫粉麵淨食餸, 每日都有兩三種菜可以揀, 加埋蘿蔔同冬菇剛剛好。仲有生菜魚肉同碗仔翅食~但係環境衛生就一般, 我次次去都要清潔左對筷子先, 如果可以改善下就更好了。

今日又唔想食飯走去掃街～哈！見到平時食麵依間有賣生菜魚肉同埋碗仔翅，有單拼$12同雙拼$14選擇，加2蚊就試左個雙拼，但無生菜佢話菜會出水影響碗仔翅既濃稠，所以雙拼有魚肉但無生菜，加2蚊就算啦，都有差不多10條魚肉，加左魚肉豐富好多碗仔翅都真係好濃稠，叫姨姨加多左麻油、浙醋、白胡椒粉去調味🤤🤤冬菇絲、木耳絲、粉絲、雞肉絲⋯⋯細細碗都好足碗！用木耳絲既碗仔翅令口感真係爽脆過用雲耳，冬菇都令到成碗粉絲翅香好多

樣樣都想食好耐無黎食車仔麵，未夠12點已經排哂隊，好彩有位坐，拎走外賣食要加$2，我慳妹黎咖嘛樣樣餸都想食，叫左個雞翼、韭菜水餃🥟白蘿蔔，米粉+菜$24（菜係生菜，可以選擇唔加）平都不得了，咁耐都無加過價5個餸+麵都係廿幾蚊，真係抵到爛，仲要好食，樣樣足料雞翼係鹵水好入味，韭菜水餃🥟韭菜味好濃，皮夠薄好想食十隻😂😂白蘿蔔依舊超甜，甜到漏但唔係糖水既甜，係清甜既味道朋友叫左豬紅、貢丸，米粉+菜$17

今日想食清d黎食個車仔麵，1點黎到超。級。多人～早10分鐘還好，但都好快就排到，咁多人仲擔心無位坐，就黎排到既時候岩岩好有人走即刻坐底先我叫左個白蘿蔔+墨丸、米粉+菜$18（每日菜款都唔同，叫麵既時候可以同佢講唔加菜）白蘿蔔超級甜，唔係糖既甜，係鮮甜既甜，老人家話冬天食白蘿蔔係對身體好既，墨丸有2粒但唔好唔記得只係收左$4，$2一粒墨丸超平啦好冇！朋友叫左魷魚🦑魚蛋、幼麵+菜，魷魚超爽彈牙可以試下

中午時間次次經過依條街都好多人排隊,今日我又排下,依到係食車仔麵既,排隊買完可以簡坐底食或者外賣但要加$2;雖然好多人排到其實都好快排到第一個位係簡麵,都有好多款麵(幼麵,粗麵,米粉,河粉…)餸呢門面上面有大大個餐牌,都有至少廿幾款簡啦;最貴個餸都係$6太平了吧!!!每人最低消費$16樣樣都想食,我決定由第一款食起叫左雞腳+墨丸+牛栢葉+米粉雞腳係鹵水黎好入味,墨丸有2粒好彈牙,牛栢葉有4大塊但好白,食完有點怕,個湯底係腩汁,幾香濃冬茹+雞翼+牛腩+麵冬菇好厚好大隻,雞翼都係鹵水我比較鐘意食雞翼多過雞腳,牛腩一般般

民康小食～的確係一間完全符合平～靚～正嘅食店，我真係完全冇諗過竟然🉑以平到咁誇張，麵底只係$4，如果係其他地區嘅車仔麵檔嘅話，相信一個麵底都要$6—7元，最令我驚喜嘅就係～廚師腸仔竟然只係$4元🈶兩條，實在太便宜了，牛腩$6元而且份量極多，豬腸夠淋好好食，其他配料都🈶一定水準，最重要嘅係～食到飽哂都只不過係$24元(而且仲要係🈶三餸兼兩個麵餅),去邊度揾？下次如果時間許可嘅話，我一定會再去民康幫襯

其實琴晚食完宵夜，朝早都仲飽緊，但照樣食早餐。今朝食左個三餸巨型三文治，依家都幾飽下，又唔知食咩好，是但係樓下食碗車仔麵算囉。對左姨姨同叔叔都六年幾七年喇，一向都覺得佢地好有禮貌、招乎周到、服務殷勤，真係 Very Good 架 ﹗生菜魚肉，搵勻幾條街只得一間生菜魚肉呢，勝在夠近，執您一劑先。個湯底好淡口喎，雞粉開的嗎？淡如水，味道好鬼單調而且好水汪汪，買返公司食所以無任何調味料係手呢，陰功 ﹗剛才只係落左少少胡椒粉同少少辣椒油乍。魚肉毫無生氣，死實既質地沒有靈魂 ﹗無鮮味無甜味，一試無妨。牛肚牛柏葉貢丸鴛鴦多辣加腩汁，民康用既係香辣咖哩黎，所以就算要勁辣都只係一般程度。咖喱汁都幾香架，有別於一般餐茶廳，好明顯係自家調製，食得過的滿意。牛肚，金錢肚黎架喎，有料 ﹗爽彈而滷水味強。貢丸完全無菇味而且質感都幾粗糙，滿口都是麵粉了 ﹗牛栢葉，怪怪的，真係唔多掂，完全係無味架喎，質地幾搞笑，爽口到索索聲，但無味道，落左哥士的？幼麵麵質好正，烚到剛好嚥嚥韌韌有咬勁，拉麵我都係要食超硬麵架。河粉烚太耐，都未至於散開，免強合格啦。點可以同幼麵一齊烚架？溫度同時間都唔同。價錢真係勁平超值，跟發記車仔麵

十多年前, 青蛙跟豬大人因在紅磡讀書而認識~每到午飯時間, 豬大人就會到''民康小食''買車仔麵給青蛙吃 ^^難得是日我倆到紅磡逛街、看電影, 決定光顧回味一番。店內的格局與昔日沒有多大分別~還是數張圓桌、座位與座位之間依舊貼近。味道方面, 青蛙認為水準下降了~整體上全賴辣汁的相助, 才令原本平淡的車仔麵起死回生。至於其他食材, 以牛筋及豬腸最為入味好吃;其次是蘿蔔亦夠腍, 但少了份清甜味。最差的是紅腸, 入口感覺又腍又粉, 怪怪的。如果要選快捷便宜又一餐的, 它是可取;要不, 紅磡會有其他更好質素的選擇。 

剛剛好要去紅磡觀音廟還神，還神正剛好12時左右，又係要醫肚時候，我知道近馬會附近有一間好好味嘅車仔麵，就係民康小食喇!!!當然食車仔麵係要自己搵位，自己去買啦……..個日我叫咗4個餸，油麵加豬紅，豬皮，蘿蔔，牛肚。而另一碗叫咗河粉加冬菇，魚肉條同蘿蔔。其實每當叫完晒D嘢食，個老板好自動波問客人要唔要辣，要唔要腩汁，好好服務，雖然呢度食嘢係好平，但D員工都好好服務，正呀!!! 首先講下我食個碗油麵加豬紅，豬皮，蘿蔔同牛肚，本人覺得食車仔麵一定係要配油麵，真的唔知點解咁諗，個度D豬紅，豬皮，蘿蔔同牛肚都好入味，尤其是D豬紅，不過我覺得D豬紅略為細咗一D，仲有個日D蘿蔔有少許梗一點，可能未煮得太林，但so far都ok。而另一碗我只試過魚肉條，好味，又好入味。至於價錢呢２碗嘢加埋平到你唔信，係＄３９蚊，你冇睇錯係真係＄３９蚊。