殿·大喜屋

营业中

休息中

之前一直看到這間店的風評不錯，而且有一些食品是外面的食店未必會做的，所以克意約朋友今日去嘗嘗。如鮑魚向鵝肝等。雖則食物真的如網友說的一樣，我和朋友真的嘗到這些，但可是店內的服務態度和做法真的嚇怕我們，一個字差！！我們4點半進場，食到6點鍾，他們給我們安排了位置，我們吃到成枱吉碗，沒人收走，我們迫於無奈才將枱上吉碗放在旁邊沒有人坐的吉枱之上，讓出位置，好讓服務員繼續送上食物。這本都沒什麼，好不容易終於等到有人過來清枱，收吉碗，那收吉碗的好不客氣教訓走我們，比說話我們聽，令我和朋友更加不爽。再者，我們6點才要離坐，截單時間是5點半，我們運椅都未坐暖就要迫我們埋單，我們跟他們理論，他那收銀員依舊企硬迫我們埋單後才吃。從來未嘗試過一間放題或自助餐是如此做法，服務真的差到極致。再者價錢不是便宜的，每人都花了大約400大元，這價錢如此服務質素，很令人失望。

今晚終於都食到呢間bookmark左好耐位於旺角嘅「殿·大喜屋」😋之前見到好多YouTuber 去食！都知道非常之高質 同 用料新鮮上乘😊今晚就去試一試佢先😬果然同想像中係冇分別！真係相當之新鮮 高質👍$388 + 10% /位除咗用料新鮮上乘之外，原來種類同款式都十分之多！性價比真係好高👍 淨係刺身類都超過10款選擇，包括：池魚王刺身、金槍魚腩、油甘魚、赤貝、鱆紅魚薄切、三文魚、帶子 同埋 松葉蟹腳等等…… 最緊要係3百幾蚊嘅放題仲有魚子醬任食！真係大癲😻小編相信全港嘅放題餐廳都冇乜邊間有魚子醬任食😋真係鮮味十足👍 除咗魚子醬，仲有日本海膽食呀！嘩 真係不得了呀🤤 海膽拖羅鱈魚干手卷真係令小編愛不釋手🥰想食完一卷再一卷😝除咗以上咁高質嘅嘢食，仲有鵝肝、燒蠔、蒸扇貝、蒲燒鰻魚 同埋 小編同太太至愛嘅生果 榴槤呀😍 榴槤蓉自助自己任夾🤤 當然我哋唔會客氣啦🤣 都係果句食得到先好夾，夾返自己食得到嘅份量就好了😬真係多嘢食到食唔到咁多款😂唯有保留一點牽掛 下次再encore吧😏

放題當中我最鍾意就係殿。大喜屋😍大喜屋係放題中最豪華而我覺得係性價比最高嘅餐廳😎-呢間放題真係超大間！坐得入少少就靜啲，裝修都好日式🤓咁大間都長期爆滿一定係有原因嘅🤓-我哋8:30後入座$348再加一唔使$400！！！三百幾蚊連鱘魚子醬都任食🤩🤩🤩仲要所有海膽菜式都係用日本海膽🤩🤩🤩連我最愛嘅三文魚子、鵝肝多士同榴槤蓉都任食！超！級！正！💯-外面飲品款式多就唔使講，甜品真係都多到你食唔晒，今次去到最驚喜係竟然有埋蝴蝶酥、杏仁酥、煙鴨胸、煙三文魚、點心🤭-刺身新鮮得來啲油脂超香上菜又快椰皇燉蛋白都超濃郁超滑主要都係有好多矜貴嘅食材😋😋😋同埋呢度擺盤都高級好多🤭呢度一定係我回頭再回頭推薦朋友食嘅地方💯

位於帝京酒店隔離嘅呢間放題可能係新裝修得好光猛座位好舒適坐得好舒服，就自然食得開心完全係高級之選身為刺身怪坐低就一定要嗌一大盤刺身魚子醬、金槍魚腩、池魚王都要食其他地方冇赤背北寄貝、油甘魚三文魚…一定要吃一波壽司種類都非常繁多，你講得出嘅一定有我當然係主攻海膽壽司啦🥰仲要喺自助區有我至愛三文魚籽任攞嘅感覺真係好好🤣🤣榴槤控嘅朋友都注意燒過嘅金枕頭，真係超香甜美味唔鍾意燒過榴槤蓉可供選擇又係必食之一熟食方面我最同避風塘瀨尿蝦同炒蟹非常鮮甜實肉燒蠔、花膠、雪花牛肉鍋（超juicy)、串燒牛舌我都10分推唔講咁多大家睇吓啲圖片就知幾好味同埋幾多選擇

最近又想食放題(⁎⁍̴̛ᴗ⁍̴̛⁎)難得發現到一間睇落高質嘅裝修又靚 帶埋屋企人嚟食都坐得好舒服黎左試吓新Menu🤍講價錢先呢間人頭三百幾蚊💵話平唔平話貴唔貴但重點佢係連魚子醬都任食‼️嘢飲任飲都係基本😛而且佢嘅所有海膽菜式都使用日本海膽食多兩件就已經有回左本嘅感覺(⁎⁍̴̛ᴗ⁍̴̛⁎)如果鍾意食榴槤嘅人類更加唔好錯過(///▽///)因為呢度嘅榴槤蓉係無限飲食！食到飽飽仲可以出去就係商場推薦推薦！

由於冇預早book位，我哋五點到咗餐廳門口排隊等拎籌，叫到我哋張飛係5:15。餐廳裝修華麗，由於佢前身係酒店嘅自助餐，所以內部空間都幾大。我哋被安排坐喺一張四人枱，我哋嘅隔離就係另外一pair情侶。全程食飯講嘢幾乎大家都互相聽到晒，唔講仲以為我哋係識嘅添🫢就咁眼見幾乎所有嘅二人枱位置都係要搭枱，我哋坐落嚟之前隔離有pair情侶問佢有冇得換位，最後都冇得換，佢哋仲走埋冇食到添。唔知咁樣係咪側面證明緊香港呢個地方真係寸金尺土，每一塊磚都要善用到盡，亦都要賺到盡。餐廳食材的確係高級，相比普通大喜屋佢係行高檔很多路線。但由於張枱空間有限，放唔落佢咁多高端嘅食材，所以我哋喺落order時已經好醒咁識就住就住🙂不過唔知邊個環節計算錯誤，我哋張枱最後都係放滿晒嘢。加上最衰係我哋自己冇執好個位方便上菜，所以搞到服務員都唔知點樣上菜好，最後唯有拎住個菜企喺一邊，等你自己親手從佢手中攞返個食物落嚟，再自己擺返喺自己鍾意嘅，就手嘅位置。咁貼心嘅服務我仲係第一次遇見😀當晚實在太旺場，太多人幫襯，餐廳人手似乎有啲應付唔嚟，所以如果張枱冇位放新嘅食物，只能怪自己太貪心，可能你需要慢落黎，一碟一碟咁嗌。5：15入座

有朋自遠方來，一於同朋友試下這間日式放題，卜左7点15分，一行5人6点50分到了餐廳，真係畀當時環境嚇親🙄竟然高朋滿座，幾十人已經門口等緊位，咪話唔誇張🫣準時7點15分入座，點餐係用qr code，超多嘢食，如果每樣試一件的話，真係不得了😂朋友急不及待即時點咗好多嘢食，包括魚生長腳蟹拼盤，海膽，魚子醬，清酒煮蜆，花膠會海參，種繁多到不能盡錄，仲有好多飲品包括汽水烏龍茶，凍奶茶，蜜桃紅茶，仲有不同種類嘅前菜熟食，仲有甜品，雪糕有兩款häagen-dazs軟雪糕還有幾款雪條。整體質素唔錯，可惜用餐時間比較短，計入座後兩個鐘，如果可以食三個鐘就更加正👍有機會再試下食午餐，看看質素如何。

網上睇晚市放題$388一位，另收加一服務費去到門口先知改咗$418一位有啲伏，不過都有照食入到去見到嘢飲真係好多有梅酒有清酒有白酒，仲有好多果汁汽水有水果有雪糕仲有糖食刺身唔錯，除咗個花之戀之外，其他刺身都幾新鮮！但係選擇相比起壽司舖唔算太多。熱食有我最愛嘅蟹選擇，有避風塘炒蟹，有松葉蟹腳，又有蟹粥，大滿足！花膠一般，其他炸物都OK總括嚟講，日式放題差唔多$1000埋單價錢算中上兩個鐘頭食得都幾趕，不停催人埋單。同埋冷氣超大，建議去食嘅女仔記得帶褸🥲

今日星期五試食呢間分店。食物跟尖沙咀分店差不多，但主要想講服務。我食九點，九點九已經過黎埋單，未試過早到咁。職員十點三過黎提我地十點半截單，我十點四落嘅所有嘢都無黎，我衰在太有耐性，唔想好似“心急港人“咁咁快就追，我十點九問職員，職員話無了，講左“唔好意思“，但我想講，有時唔係就咁一句話唔好意思就無問題。我都唔想唔時間闡釋，大家要明嘅應該就會明。餐廳冷氣足夠，不過有人坐得耐左有機會會覺得凍，十點八想去斟杯熱水／茶，又關哂啲機。唔會再黎。

#chuchu食在太子📍 殿·大喜屋CP值幾好！有自助餐嘅感覺，但只係自助餐嘅3分1價錢🤑食之前冇做過功課，所以好有驚喜，款式多，有誠意，味道above average! 💡輪輪都好多人，爆場架！book位穩陣！—————————————————————❣️晚市放題 $368（一至四） $378（五） $388（六日）🤩創意料理連魚子醬都有得任食！！仲有齊「鮑蔘翅肚」！！！有花雕醉鮑魚、花膠海蔘瑤柱翅羹（嗰日賣晒🥲）、金湯燴花膠，味道都幾好！燒乳鴿、川燒珍寶鮮蠔燒、金蒜粉絲蒸扇貝…🐟刺身擺盤都幾靚，唔係得第一輪靚！有松葉蟹腳、油甘魚、三文魚、赤貝、帶子…說實話，刺身就唔係話好好食，不過過得去，玻璃肚都ok! 🍣壽司超過廿款！海膽✅、海膽拖羅黑松露帶子✅、炙燒左口魚、黑松露油甘魚、鵝肝芝士鰻魚卷、蟹肉蟹膏蟹籽軍艦✅🍢 燒物鐵板鵝肝厚多士✅真心幾正，不過好漏唔好食太多🤣share好了！燒雞軟骨串✅夠咸，夠乾身！我哋10串咁叫！燒菠蘿✅好甜，燒得夠！燒牛舌，屋企人都話好食！西京燒比目魚✅好味！炸物🍤天婦羅都唔錯！皮唔會話好厚！芝麻雞翼夠脆！紫心香芋丸、榴連炸彈、芝士年糕都有！🍲 鍋物唔係食左好

今日去試下呢個豪華版嘅放題，佢有魚子醬同鵝肝任食吸引咗我想試下咁佢lunch 12點開始食到3點，價錢$338加一，建議大家訂位，walk in要等入哂訂檯先會再叫飛入到去啲檯有啲細，所以一開始唔好叫太多，佢熟食上得比較快，可能想啲人快啲食飽啦，刺身會上得比較慢咁佢出面有一個自助區，有啲冷盤、熟食、點心、生果、飲品、酒，呢個放題自助區有提供三文魚子、榴蓮蓉自己拎嘅食物方面，海膽壽司啲海膽麻麻地，乳鴿皮唔夠脆，刺身都幾肥美，魚子醬配三文魚食幾好，鵝肝好大舊外面脆又厚的，幾好食😋佢一支支嘅港式奶茶我覺得唔錯，其他嘅都普普通通無咩特別

旺角MOKO開左殿大喜屋之後，一直都未有機會試！今日到我任食魚子醬、榴槤蓉同北海道海膽啦！❇️價錢平日中午12:00-3:00pm (3小時)成人：$372中午可以食足3小時，可以慢慢食，同朋友傾下計食到好滿足.❇️食物🤩特別推介1「魚子醬」任食😱！！！鹽漬而成的魚子醬味道比較濃郁，所以就咁食，都比較鹹，建議可以加落其他食物增加鮮味.🤩特別推介2「榴槤蓉」😱喜歡榴槤的，一定不能錯過! 一口一口的榴槤蓉，入口即溶，齒頰留香，勁滿足！！(大家也要留意身體，唔好食過量呀).刺身刺身十分新鮮，外觀色水都好靚仔推介可食帶子、油甘魚、池魚！油脂多，口感鮮甜.熱食同壽司都好多選擇！其中大推醉鮑魚、海膽軍艦、紫心香芋丸前菜/小食/海鮮冷盤自助區有平時常見的日式螺肉、中華沙律及八爪魚等等也有三文魚籽、海蝦、翡翠螺、煙三文魚、小龍蝦、鴨胸、炸鮮奶及青口等等！.最後用Movenpick用其他甜品收尾！

到訪旺角東的殿大喜屋日本料理，因為他們推出了魚子醬任食！真的沒想到這個價位的自助餐也能吃到這麼奢侈的食材，而且沒有任何限制😃我喜歡的吃法就是配小法包，餐廳也有提供的，誘人的鹹香在嘴裏連環爆發💥這樣簡簡單單的吃更能吃出最真實的滋味。這裏的刺身也是從不會讓我失望。感覺這次的吞拿魚腩更香更肥美，大大只的松葉蟹任食也是絕對讓人滿足！帆立貝、油甘魚、赤蝦等都是我的最愛，當然少不了使用日本海膽的各種壽司和菜式，選擇的豐富程度讓人完全停不下來！因為這次是和長輩到訪，發現也有一些菜式是很合乎他們口味。例如鮑魚飯、炸乳鴿、烤羊架等等，都有中菜廳的高水準。各式各樣的天婦羅也讓他們吃得很開心。之前介紹過的榴槤蓉和各款甜品依然有所供應，只能說菜式應有盡有，滿足各年齡層的口味，一定會再來到訪！

呢間好多人推介嘅放題，喺帝京酒店入邊，午市三百幾蚊一位比起平時嘅放題貴，點解呢？因為佢係走高檔嘅路線，食物質素都好唔錯，refill得非常之快，種類都好多，真係任君選擇！🍴午市放題任飲任食三小時12NOON ~ 3PM星期六 至日及公眾假期或其前夕 成人$348🍴刺身非常罕見係有拖羅！仲要拍得住連鎖迴轉壽司質素質！三文魚都幾香，帶子鮮甜油甘魚都唔錯，仲要有魚子醬？不過就冇乜味！刺身基本上都冇伏，仲要可以無限encore拖羅！🍴熟食熟食方面都有好多選擇，非常推介鵝肝多士，真係大大嚿食幾舊都回本啦！另外仲有啲花膠海參一樣可以滋陰養顏味道都唔錯呀！仲有牛舌羊架就比較普通啲，燒蠔帶子比得上燒烤舖嘅質素！仲有其他西京燒燒鯖魚，避風塘炒蟹都OK！燒海蝦都夠晒大隻有蝦味🍴甜品係有Häagen-Dazs同埋Movenpick嘅雪糕任食，淨係呢兩樣嘢都已經回本！此外仲有椰皇燉蛋白都都幾唔錯！推薦指數: 9/10講真食過好多次大喜屋，呢一間係走高檔少少嘅路線，特別係有拖羅魚子醬鵝肝任食啊，全部都係大大嚿非常之大方無限encore感覺自己賺左，記得要提前book位，大概早一個月前，真係超級多人食！仲有個溫馨

放題推介帝京酒店 💥殿·大喜屋任食魚子醬、海膽軍艦、鮑魚、花膠，海參瑤柱翅羹!!!!原盒魚子醬入口鮮味，帶有魚油，味道精緻帶鹹鮮多款刺身任點刺身多款可選擇，而且款款新鮮肉厚。推介鱆紅魚薄切，魚肉剔透有光澤，味道清香淡雅殿堂級鐵板鵝肝厚多士厚切鵝肝燒至外脆內juicy，肥美甘香偏愛海膽既寶寶有福了所有海膽菜式都使用尚盛的日本海膽，入口即溶，鮮甜美味，必食！川燒珍寶鮮蠔燒鮮蠔絕不吝嗇，每隻肥美肉厚，鮮甜無比，配上惹味川燒，帶有辣勁，更添滋味極尚椰皇燕窩燉蛋白熱騰騰上枱，燉蛋白入口嫩滑，伴隨著清香既椰香📍殿 大喜屋日本料理(旺角店）旺角太子道西193號帝京酒店2樓