67
4
1
港铁铜锣湾站 D4 出口, 步行约2分钟 继续阅读
所有分店 (3)
电话号码
21174240
营业时间
今日营业
12:00 - 22:00
星期一至日
12:00 - 22:00
付款方式
AlipayHK 支付宝 现金
其他资料
网上订座
加一服务费
当面支付
有关奖赏计划
食记 (74)
等级4 2021-04-23
1290 浏览
「段纯贞牛肉面」铜锣湾新店原来就喺人气日本🇯🇵过江龙店「京都胜牛」隔离,上次去食「京都胜牛」时已经谂住下次试「段纯贞牛肉面」㗎啦。话晒系台湾🇹🇼过江龙,冇得去旅行唯有喺香港食顶住瘾先😝😝▫️原味牛肉面 (HKD84) - 面类方面以牛肉汤面为主。不得不赞个牛肉汤底,采用23种药材及牛大骨来熬制,汤色香浓而唔油腻。每件牛肉都几厚身,肉香软腍又够入味。面条有两款选择 - 细面或刀切手工面。我觉得食汤面嘅话拣手工面会比较好,面质弹牙及挂汤一流,完全吸收汤底嘅精华。▫️青花椒香手撕鸡乾拌面 (HKD78) - 乾拌面拣咗细面,面条几幼滑,配手撕鸡食唔错!味道虽带点麻辣,但只系好轻微,可以吃小辣嘅人应该会接受得到。店舖提供多款台式小食,款款都咁吸引😋😋我哋今次食咗两款小食👇🏻▫️卤水拼盘 (HKD78) - 一个拼盘有五款小食算几多。鲜菌、卤蛋、豆干、牛肚同埋牛𦟌全部都吸收晒啲卤水汁,味道丰富。▫️酥炸排骨(HKD48) - 外表炸得酥脆,食落口唔会觉得好乾,反而会有多汁嘅感觉。配上酸菜一齐食够开胃,我哋好快就K.O. 咗呢碟酥炸排骨🤪🤪食台湾菜点可以唔点饮品呀!▫️抹茶珍珠奶茶 (HKD32) - 点呢杯饮品叫咗少甜,对我嚟讲甜度啱啱好。奶味比抹茶味突出,喜欢喝浓味抹茶嘅人可能会觉得味道普通。▫️冻顶乌龙茶(HKD30) - 其中一款养生热饮,啱晒唔锺意饮甜嘢嘅人!因为呢壶茶系冇落糖㗎,茶味香浓,可以帮助解腻。 继续阅读
(以上食记乃用户个人意见 , 并不代表OpenRice之观点。)
等级4 2021-04-19
1940 浏览
段纯贞,几个月前已经听过,当刻登陆香港,记得喺荃湾分店一位难求,我冇谂过连牛肉面都要排队。 我以为日本拉面鱼生饭排队喺常识,想不到台湾嘅牛肉面都系风潮。无办法,香港人,忙旅行,太久了。 以二十三种不同中药造嘅汤底,好令人有兴趣,同类朋友我想起林东芳,更叫人想念台湾。 听人讲铜锣湾分店相对少人,是日放假,唔使排队,就最好黎食,三点正好直入。 原味牛肉面,睇个样都几好,最传统嘅牛肉面样子,台湾嘅感觉。 用上幼面最好,汤底浓度一流,蒜,姜,豆瓣同葱嘅味道共冶一炉,好有台北的街头感觉。 牛肉用上特别嘅牛腱心肉,劲大条,味道浓厚,基本上吃呢件牛腱心肉,都值得来一程。 麻辣嫩五花牛肉面,上枱嗅到那个麻辣香已经够了。选择了手工粗面,个人来说,两个都不相伯仲,不过粗面更挂汤。 点多一个盐酥鸡,水准正常,可能牛肉面太抢镜,呢个炸鸡相对冇乜特别。 饮品方便,同老婆一人试一杯,胚牙珍珠奶茶同荔枝乳酸饮料各有所好,好处嘅系两杯饮品都唔特别甜。 如果唔使排队,可以再试多次,独门二十三香,系几特别。 段纯贞牛肉面 铜锣湾谢斐道535号Tower 535地库B01号舖 继续阅读
(以上食记乃用户个人意见 , 并不代表OpenRice之观点。)
等级4 2021-04-15
1123 浏览
2021年4月8日 星期四放埋呢几日假又要开始准备返工既节奏,所以今日当然要出街食返餐好既,原本打算食铜锣湾一间餐厅嘅自助餐,可惜去到先发现已经full左,唔接受walk in,咁唯有喺附近睇吓有咩好食点知去到Tower 535嘅时候,见到原来段纯贞牛肉面系果到开咗新舖,咁当然点都要去试吓啦,毕竟已经太耐冇返台湾啦,已经好挂住当地嘅食物好快就已经安排到入去坐低,睇返餐牌发现真系好正宗嘅台湾段纯贞牛肉面店,因为里面既食物同台湾当地的店舖提供嘅食物差唔多,都系一样可以选择手工面或者细面,而且净系牛肉面都有好多选择,我哋好快手已经每人拣咗一款面,再加小食同饮品等咗一阵首先嚟到嘅系我点嘅拌面,蒜香手撕鸡乾拌面,成碗面俾上面嘅配料完全覆盖晒,有好多大小不同的花生粒同碎葱,捞埋手工面同酱汁一齐食,有好多口感,味道好丰富,食完唔会太口渴或者太咸,面条好挂汁,所以每一啖都好够味老婆就要咗原味牛肉面,我见到汤汁好似好浓郁所以就试咗少少,果然好重牛肉味之余汤底都好鲜甜,老婆话牛肉仲好腍添!!我都见到每旧牛肉筋同肉既部分占一半半,所以口感应该唔错小食方面,唔於老婆唔食得辣,所以我哋将红油抄手转咗做鸡汤抄手,鸡味几浓,而且云吞吸收晒鸡汤嘅味道,所以食落去够晒味,又整到皮薄馅靓饮品方面我要左杯荔枝乳酸,酸酸甜甜咁,容易帮助消化,而且都几大杯老婆就要左胚芽珍珠奶茶,见到成个杯面都有胚芽,下面既珍珠就占左全杯既4分之1,都几足料,老婆话饮落茶底唔错,唔会太甜,加上有胚芽同珍珠,所以口感几丰富成餐饭每人大约百几蚊,一定平过食自助餐,而且仲食到台湾既味道添,唔错!! 继续阅读
(以上食记乃用户个人意见 , 并不代表OpenRice之观点。)
等级4 2021-04-09
843 浏览
无得飞就嚟转味蕾小旅行啦!讲起台湾美食,除咗扫街夜市,又点少得红烧牛肉面呢?今次同A姐去到源自台湾新竹市,位於铜锣湾嘅段纯贞牛肉面分店,创办人为纪念已故祖母段纯贞所创立嘅品牌,而呢度嘅代表当然就系浓郁嘅牛肉汤底啦!红油抄手红油抄手色水够晒红,闻落仲充满麻香味添!食落唔算太辣,香料丰富,好有层次。抄手里面除咗猪肉,仲有虾仁,令口感大大提升。三宝面呢度嘅招牌菜当然系牛肉面,但贪心嘅我哋就试咗三宝面,除咗腱心之外,仲有牛筋同牛肚,够晒丰富。至於上枱嘅第一件事当然要试吓个汤啦,呈深啡色嘅汤底,视觉效果已经感觉到佢嘅浓郁,原来汤底用咗23种唔同嘅中药材、天然牛脂、老姜、八角、红萝卜、白萝卜等熬制而成,味道非常香浓,甚有层次。至於配了方面,份量非常足,牛筋入晒味,滑溜软腍;牛肚爽口弹牙;腱心够嫩滑,好惊喜。面底方面拣咗手工面,由於面条厚薄长短不一,所以食嘅时候好有口感,非常挂汤,好满足。炖浓汤鸡面除咗牛肉汤,呢度嘅鸡汤亦非常充料!鸡汤汤色清澈,鸡味浓郁,绝对系精华所在。大大只鸡比预先斩半,食嘅时候非常方便。另外鸡嘅生熟度啱啱好,鸡肉非常嫩滑,好juicy!珍珠奶茶、抹茶珍珠奶茶食台湾野又点少得叫番杯珍奶呢?我同A姐分别叫咗珍珠奶茶同抹茶珍珠奶茶!珍珠奶茶嘅茶味香浓,又唔会太甜,比例啱啱好;但我哋更锺意抹茶珍珠奶茶,因为抹茶味浓厚,好香浓! 继续阅读
(以上食记乃用户个人意见 , 并不代表OpenRice之观点。)
段纯贞牛肉面 (English name: Duan Chun Zhen) is a Taiwanese beef noodle restaurant originally from Taiwan. It recently opened a branch in Causeway Bay so boyfriend and I decided to give it a try. I did go to the one in Taiwan so many years ago so wondered how this place compared.The menu is in English and Chinese with photos of all their food. The noodles you can choose from wide flat noodles or thin noodles. They also offer appetizers as well.I chose the Tomato Beef Noodles with Tendon and Shank ($88). There was a big piece of cooked tomato on top. The soup was rich and thick with a heavy tomato presence. It was more like a borscht. I chose the thick noodle and portion was a lot. The noodle clung to the soup well and was very smooth. The tendon was soft and melted in my mouth. The shank was so soft and tender.Boyfriend had the Braised Beef Noodle with Tripe, Tendon and Shank ($92). The soup wasn't too spicy and had an intense beef taste. He chose the thin noodle and we both agree. The thin noodle was a better match for the soup. The tripe was soft and tender. But again it was the shank that was the star. Literally one of the best we've had in Hong Kong.Price was pretty expensive but it tasted quite good. Comparable to the one in Taiwan? Pretty much but not as expensive. 继续阅读
(以上食记乃用户个人意见 , 并不代表OpenRice之观点。)