正記冰室 (已結業)

成日都幫襯翠X同十XX兩間的下午茶今日決定試下其他茶餐廳的下午茶餐廳座位都比較多，不用等都好快已可入座服務員的服務態度算是不錯一口西多士配凍檸檬茶賣相好吸引內裡係花生醬上面的係朱古力醬食慣左正宗的西多士，覺得味道怪怪的茶味不足😢生炸雞脾配沙律或薯條（熱檸檬茶）雞脾一般，薯條炸得吾夠熱檸檬茶好苦澀😢😢葡式洋蔥豬扒包配沙律或薯條 （熱奶茶多奶）豬扒包好普通沒什麼特別薯條炸得吾夠，吃的都比較軟身奶茶茶味不足

咁啱係九龍灣買嘢食番屋企醒起朋友講過呢間冰室好好食咁緊係要試下🤣買咗盒星洲炒米$54配料勁多！大大隻蝦同好多叉燒😳😳好夠味👍🏻超正真係係香港食過數一數二嘅星洲炒米😍同蒜香牛柳粒炒飯$59 連熱飲超大份好香牛味🤣米飯炒到粒粒分明😆十分香口一定夠哂飽下次有機會經過會再試下佢其他嘢😇😇抵食推介👍🏻

難得在附近上課 便特地搜尋一下啟業有什麼美食！ 進入啟業商場 很快便會被正記吸引了眼球 因為光線十足 裝修風格較新穎 💫店員很快安排了我坐左收銀附近的2人枱🥰 枱面、餐具也頗乾淨的 沒有油膩感 沒有污跡😽 餐具就在枱邊的小抽屜裡 點了歐陸早餐🍳 $37裏面包括煎雞扒1塊、餐肉2塊、煎蛋1隻🍳、多士1塊🍞、青瓜🥒和蕃茄🍅各一片 很豐富！每塊食物都是熱騰騰的 真的會燙咀的那種！早上能吃到這個溫度的食物 真的元氣滿滿！ 凍檸茶🍋茶底濃 冰度夠 檸檬夠多 好喝！總括而言 這個價錢吃得到這個份量和質素的食物 真的無可挑剔！-早餐時段店內有很多店員 下單 上餐都很快 抵讚♥️

偶爾會與同事開車有來這小商場午膳，而這就是商場內唯一的茶餐廳 ... 我今天沒有點那些午餐abc，反而從菜牌上點了這“蔥花醬油帶子炒飯”。醬油味的確香，炒出來的飯夠乾身，粒粒分明，鑊氣不錯，有水準。平日我也有吃它的港式咖哩飯，也很有水準，咖哩汁香濃，看得出有香草及渣，是自家調的咖哩膽。疫情前我也很喜歡帶公司的visitor來這小商場午膳，理由很簡單，停車場一定有位，除了這些特色的港式食肆外，它後邊還有一個小街市，是老外口中的Wet Market，但這並不Wet，還有冷氣，每類型都有一檔，游水海鮮、豬牛、劏鷄、紙紮、水果、乾雜貨、海味、中醫等，小小地方，琳瑯滿目，包羅萬有，像博物館一樣，對老外來說，於出差時百忙中逛一逛，是一個很合適的景點！

去完九龍灣運動場，因為附近食肆唔多選擇，於是我就去咗朋友推介嘅啟業邨正記冰室。我叫咗一個下午茶餐（雞髀沙律同埋熱奶茶）。沙律我真係要大大力同大家推介，因為佢哋嘅沙律係我食過咁多間茶餐廳最好味，冇薯仔，全部係生果，啱晒我，夏天食感覺好清新。不過隻雞髀有啲炸過龍，食落去有少少乾身同埋有點偏鹹，其實我今次唔係第一次去正記食雞髀沙律，之前隻炸雞髀真係唔錯㗎。講番杯熱奶茶，夠茶味，好滑，我鍾意。我去嗰日係閑日嘅下午茶時間，餐廳大約六成滿。我慢慢坐，上吓網，咁就過咗一個輕鬆嘅下午。

本身諗住試下叫個下午茶豬扒抄公仔麵，竟然等成半個鐘浪費晒D食飯時間同Waiter講等左好耐，望下我張單就算，完全冇理我個麵黎到仲要咸到死，乜野味都冇。未試過食咁咸既炒公仔麵，厲害不會再幫襯

悶悶地附近食個tea，茶記記最岩feel！下午茶時間兩點半要搭枱，皆因好食囉。所以我兩點4就入座，唔係實要等下輪先有得食。豬扒飽配薯條$38，傳統港式粗薯條，雖則唔係炸到外脆內軟，但夠哂香口。豬扒飽鬼咁好食，個飽煎過，上層芝麻香，內裡夠軟熟，豬扒夠厚又夠味，少少牛油香，少少生菜絲，一小塊番茄，滋味！星洲炒米$42，師傅炒功了得，配料豐富。有紅椒、蝦、蛋、叉燒、芽菜、蔥等等，好香咖哩味而且夠均勻，炒得米粉夠爽，正到暈！熱奶茶熱鴛鴦，茶味濃奶味香，滑滑又黏口，唯一美中不足只係熱鴛鴦咖啡味略嫌唔係好夠。

剛搬來麗晶一年，覺得附近選擇非常少，跟我之前住的深水埗真的天淵之別。因為選擇少，所以我出門用餐的機會也就少了。有一天同我夥伴説我想出去吃飯，來到啟業村看到一間像樣的茶餐廳有二人套餐供應，所以就進去吃。兩人可以點餐牌上兩個餸，包兩碗白飯，例湯和咖啡。食物方面我覺得還蠻好吃的，分量大，三個人吃都可以。我以後還會光顧的，當我不想煮飯的時候。

營業時間到一點，但12點就截單，你12點前去又會同你講師傅換晒衫冇得落order，仲會鬧返你轉頭話你阻住師傅收工好冇人性，已經係第三次買唔到嘢食啦，有冇諗過其實咁樣對顧客都好唔公平？🙃

陪個女去九龍灣小一叩門，見有時間就去咗啟業邨食早晨，入到正記眼見約8成入座，座位算鬆動。睇完menu order:- 鮮茄牛肉湯通粉 跟 火腿煎蛋 配 牛油多士 +凍檸茶值得一讚，鮮茄湯底超濃味， 牛肉唔多但算新鮮， 雖然埋單$39 有點貴，但個湯底都值回票價

今朝在公司一直好忙，直到下午二點幾先有時間食飯，決定食番個豐富下午茶餐慰勞一下自己。呢間茶餐廳嘅下午茶選擇都算多，我決定試下比較特別嘅美極生炒牛肉飯（$42），同埋一杯熱奶茶（熱飲不用加錢，凍飲加$3）。生炒牛肉飯送來時熱騰騰，味道都不錯，我很快就食完整碟，雖一美中不足是牛肉同瓜的分量略嫌少。飲埋杯奶茶，我就滿足地趕返公司做野😌。呢間餐廳嘅下午茶除左有少少貴，整體都唔錯，我誠意推薦比各位街坊朋友！

叫左個鮮茄牛肉早餐set, 加錢轉左要奶醬多😍😍😍花生醬配煉奶好match, 塊多士夠鬆軟，鮮茄牛肉好濃味， 標準茶餐廳既熱鴛鴦，埋單$36＋$2＝$38喜出望外的屋村茶記！

九龍灣啟業邨有一大堆街坊食肆，咩都有得食，今次經過正記冰室，見到門口好多附近返工嘅人排隊等位，lunch hour咁趕急，寧願排隊都要塊正記食飯，應該質素差極有個譜，即管試試！我叫咗嘅係雞扒拼吉列魚柳飯 配洋蔥汁，一睇張相已經可以feel到有幾震撼，雞扒同魚柳嘅size真係無得頂，雖然呢到午餐要成$5x，同類型嘅飯喺大x樂、大x活可能平$1x-$2x，但睇返個份量，真係抵畀嘅，不過呢個份量對於女士嚟講，要食哂真係有啲吃力。

啟業邨貨櫃街市小食店林立, 今日選擇呢間, 最大原因就係佢有自己的店內座位, 可以坐得相對舒服。店內裝修行懷舊老香港feel, 就連餐牌的字體同用色都有意無意地遵循古舊式樣。餐牌都算多選擇, 碟頭飯又得, 單點開心share都得。可惜我有選擇困難症, 太多反而難選擇, 其實最中意周一至周五的每日精選, 但是日星期日...結果點了兩個特色扒飯--牛扒配漢堡扒, 但两份牛扒的份量就明顯有差, 一份厚切一份薄切, 薄切嗰份甚至薄到有點乾柴, 淨肉, 沒菜。麻辣口水雞飯, 多條菜, 成碟飯即刻美觀咗。個人覺得麻辣味唔係好夠, 感覺少咗一d嘢, 但講唔出。總體來講一般, 吃得飽但味道麻麻, 或者再有下次的話, 會試下下午茶餐。

lunch有同事帶路去左啟業村正記冰室食，估唔到個椒鹽豬扒菜飯幾好食，豬扒夠入味，份量又多，配埋個菜飯就唔驚食太多肉啦重送埋湯，加埋杯凍檸茶，食完真係飽到上心口最尾$50都唔使就埋到單