影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
呢间都好多分店 荃湾葵芳都有之前都食过几次 不过第一次试年糕！观塘呢间舖头劲唔显眼 有d难揾😂有豆浆送 唔使加一单拼刀削汤面 ($54)叫左个猪手年糕 年糕形状劲似薯条🤣食落劲烟韧又几好食㖞！而家份量都好多 食完劲饱至于猪手就一般 有3件 好难咬不过味道系ok嘅另一个麻辣猪颈肉刀削面 ($55)麻辣都几辣 猪颈肉煎得几香排出黎卖相都唔错 刀削面就正常啦😌
继续阅读
午餐最钟意食呢间麻辣刀削面有好多唔同嘅套餐选择辣同唔辣都有仲有汤面同埋捞面今日食咗碗麻辣牛肚拼牛展刀削面麻辣汁配埋劲多蒜蓉超级惹味份量好多汤底又够浓郁啲麻辣汁令人爱不释手简直食唔停口仲有饮品送添正👍🏻
继续阅读
呢度差唔多系饭堂，观塘返工差唔多一个星期都会食一次，落单姐姐已经记得我地口味超推荐鱼蛋大辣、年糕鱼蛋即炸🥰劲新鲜。年糕系条状而唔系片状。汤头又甜😋热辣辣超好味
继续阅读
平时不嬲帮衬开，咁佢啲冷捞比较辣，咁我就要求辣另上，其实不嬲都系咁，之前𠮶个员工都好好服务态度，食开都可以俾我另上，点知有一日有个类似老细咁嘅肥老，平时冇乜见佢，佢帮我落单就话冇辣另上，我同佢讲不嬲食开都有，佢话唔冇，其实讲真𠮶句，辣另上好难咩？😅只不过将啲辣放喺另一个兜度，算啦，你冇另上，之后仲要喺隔离冷嘲热讽，不断同啲员工讲，不嬲都冇另上嫁wor,又讲咩等我话下𠮶个员工先，点会俾人另上嫁，讲真𠮶句你拗赢个客有咩用？你讲完冇另上我都冇同你嘈，你仲要喺侧边冷嘲热讽？为咩？by the way，唔会再帮衬你啰。
继续阅读
我地好钟意食面，特别系有面粉香味嘅面，例如粗上海面、刀削面。今次推介呢间基本上系我地平时嘅饭堂。今次叫左麻辣刀削面，一个配麻辣猪软骨、一个配麻辣牛𦟌。刀削面系即叫即削，条条面都粗身，有一定厚度，充满面粉香味，仲要烟靭有咬口，配合清彻但味道香浓嘅汤底，超级好味😍至于两碟𩠌都系同汤分开上，摆左好多蒜头，好重口味，麻辣味十足，份量都好足够。但系牛𦟌就质素一时时，有时候系切得好靓。嘢饮就配左豆浆，唔算好甜，食麻辣嘢饮豆浆最啱。消费价钱：两个人100蚊左右结论：饭堂餐厅名称：正宗山西刀削面皇 (观塘)餐厅地址：观塘康宁道58号地下
继续阅读