正宗山西刀削麵皇

星期日例牌会出街买嘢，差唔多中午时间嚟到路德围揾嘢食，唔知食咩好，就求其入咗嚟呢间店食刀削面。见到厨房真系有师傅削紧一嚿大面团，我又未食过刀削面，我哋就叫咗两个两𩠌刀削面套餐。我拣咗红烧猪手同猪肠刀削面，猪手就得两件唔算太多，反而猪肠就有好多件，猪手同猪肠味道都OK，唔会太重口味，啱晒我。男朋友就拣咗五香牛𦟌同牛肚，份量都真系几多，牛𦟌有六片，都几大块；牛肚都好多条。汤底份量系多嘅，面条粗得嚟咬落都几烟靭，但汤底就唔系腩汁嘅味道，似系啲黑蒜味，不过不失。另外套餐系送豆浆，我哋叫咗一热一冻。…查看更多

在小食云集的路德围 这间店的地理位置的确不错👍🏻店内位置非常窄小 基本只要大动作就会碰到旁边冬天衣服厚一点 都有点尴尬😅落单的店员 大概重复2-3次就可以成功下单了怀疑是自己表达有问题？还是她耳朵有问题？！结果发现每一桌都是一样😆但最后上菜还是错了😂刀削面的确Q弹 好味😋但汤都几好饮不过味精汤 食完碗面就开始好口渴🙃配料都很惹味 只是这一碗就已经$56 的确不便宜 套餐还有配饮料 见大部分人都是会选豆浆啦🤭仲嗌咗个口水鸡 切得好大旧 辣辣地几好食嘅…查看更多

以前同朋友食过一次觉得味道唔错今日行过谂住再食一次点知食到一肚气一入去嘅时候啲店员系望住你入去但零反应最后系要厨房出声佢地先话比我哋知坐边到叫野食嘅时候本身都正正常常 点知落单4杯饮品入面3杯都落错单明明叫刀削面就上菜饭仲要态度好差咁话自己无错原来系因为铺面啲人全部都系大陆人除咗门口果位之外个个都唔识讲广东话隔离枱话要牛展 佢就落牛肉😮‍💨可唔可以学一学广东话先出嚟做楼面呀？另外都明铺头细 但佢哋啲人系会出声叫客「不要乱动」完全系一次极唔pleasant嘅晚餐经验一定唔会再嚟…查看更多

劲app落单，双拼套餐$82(牛腩牛肚刀削面，加自家制冻豆浆）老实讲，外卖嘅份量真系有啲细，不过牛腩同牛肚比例上都算多，同埋刀削面都好明显系手工制，好有咬口，好好食。汤汁方面系有啲似台式牛肉面𠮶种有少少药材味嘅汤底，配搭起嚟都非常之唔错。…查看更多

夜晚想食清啲就叫咗个外卖刀削面嚟试下首先见到个手撕鸡刀削面话系人气之选就紧系叫番个嚟试下啲鸡肉嘅份量好多，而且超级多酱，令到每一条面都挂满酱汁，正呀🤤🤤🤤除咗麻酱之外，佢仲有一款橙橙地色嘅酱，但我都唔知佢叫咩名，夹埋麻酱一齐食超好味，果然系人气之选跟住叫咗个双拼面个汤底就好浓，如果你系重口味人士应该会好啱你胃口我哋仲叫咗个生煎小笼包，佢有旧蛋系底，个感觉都几特别🤣🤣🤣蛋个味道就正正常常，而个小笼包就好好食，加埋啲醋更加好食其实成餐嚟讲个质素真系唔错，只系个外卖送咗1.5个钟都未嚟，搞到啲小笼包同面冻哂，如果热食应该就冇得输…查看更多