正宗印度餐廳及酒吧 (銅鑼灣道)

营业中

休息中

去開中央圖書館，想搵個地方歇歇腳飲杯野。但係銅鑼灣嗰邊又遠又多人，所以決定近近地向大坑方向搵食行到去大坑咁啱開始落大雨！咁啱係眼前就有間印度間廳及酒吧，啱哂，入去坐坐飲杯野都好。舖頭小店放咗幾張檯，裝修好有印度風，仲要好乾淨，抵讚！店員仲好nice好有禮貌。餐牌有好多唔同款式嘅咖哩，仲有中英對照圖文並茂好方便點菜。叫左mango lassi同gunner，另外再加左個chicken tikka無骨燒雞。Mango lassi 芒果味好濃郁，超解渴。Gunner係ginger ale加薑啤再加柑橘類調味，超夠薑！無骨燒雞用鐵板上，係雞下面加左一層生菜，所以啲雞熱得黎又唔怕會燶，好細心。雞肉好入味而且用胸肉，一啲都唔肥，而且香料好夾，食到停唔到口。每枱仲送一份薄脆，配上4款醬汁，口痕㗳兩啖辣得黎幾過癮！走個陣停咗雨，先發覺佢哋有每日唔同嘅promo，下次一定要返黎再試其他菜式

最近不斷遊走大坑同銅鑼灣，好想試哂大坑嘅所有餐廳😂大坑就好似一個小世界咁，文青cafe又有，想食地踎野又有，麥都得。有間幾搶眼嘅印度餐廳，黃黃藍藍一眼就覺得可以試試佢。醒目裝修，細細間店但入面用左唔少鏡，空間感即刻變大番。黎個quick lunch，我地叫左個洋蔥烤餅、羊肉咖喱角、奶油咖喱雞塊同梳打水。🔸胡椒薄脆 (FREE)先上嘅係一個有4個醬加2個cone shape嘅胡椒薄脆。原來呢個係大家都會有嘅小食，送嘅！4色醬分別係黃姜醬、薄荷乳酪醬、羅望子醬同紅辣醬。望落去都幾有feel呢set野，同埋會好想試下d醬就會引起食慾。最正覺得係羅望子（酸酸甜甜，好似中式炸雲吞個醬汁咁）同黃姜醬。🔸羊肉咖喱角 （$52/2pcs)因以上醬汁都多，我用左羅望子醬黎點埋呢個羊肉咖哩角又幾match!! 原來印度嘅咖哩角係三角形散字包咁款😂😂😂都幾大粒，烤到熱熱地食d羊肉碎好香，羊肉仲夾左d小茴香炒，幾野味😋另外仲有素食咖喱角可選擇，早知貪心d試埋個素角。🔸洋蔥烤餅 （$32/4pcs)👑中意呢個！！用左紫洋蔥整既烤薄餅，洋蔥切粒都幾有口感。4塊煙煙韌韌嘅香烤餅，係要叫番咖喱配住食先得嘅，無理由乾食

今次叫咗三個食物，辣薯仔沙律、蒜蓉烤餅、Butter chicken ！薯仔軟綿綿，醬汁酸辣，作為前菜都幾開胃。蒜蓉烤餅超級吸引，吊起送上，餅底有少少炭火嘅味道，不過蒜蓉唔係好夠！！Butter chicken 啲雞肉比較細，不過醬汁好惹味。藍色嘅外牆可以打卡！！餐廳嘅醬汁比一般嘅多，而且服務員全部都係印度人，點餐嘅時候可能就要講返幾句英文啦，另外呢度嘅水杯好特別，倒水嘅容器亦都好適合影返幾張相。作為我第一餐印度菜，好感度提升左唔少

💖Tandoori Junction Fine Indian Cussine💰人均$150 dinner發覺依加多左好多frd鍾意食印度菜，我都唔例外🤣不過成日驚佢太重口味🙈如果係咁嘅朋友，一定要試依間！首先佢service真係好好！間鋪唔大，得兩個staffs，但係佢對每個客都照顧得好好👍🏼食物方面真係好得！我地又叫小食，又咖哩，又飯，又薄餅🤣但所以野都好食！食得辣嘅朋友我介紹個辣薯仔沙律！必食之選！又排得靚靚咁🤤佢最正係有得自選咖哩汁底，配想食嘅肉！我覺得羊肉冇得輸❤️

大坑附近好多餐廳同埋酒吧平時見呢印度野開咗好耐 心血來潮想試吓，系我人生嘅第一次走入印度餐廳伊沙特色野菌湯好多磨菇 味道都比較濃郁，同埋偏咸，但係鍾意重口味嘅我就啱晒😚太肚餓唔記得影相地道嘅咖喱雞 有好多款嘅咖喱唔同肉類配搭帶着冒險嘅心態試吓正宗嘅咖喱😙感覺上咖哩要配薄餅Naan🫓 或者飯 我兩樣都要😌 Naan🫓 配咖哩系超正😍蒜蓉烤餅系好似薯片咁配4種醬汁食綠色嘅係薄荷味黃色有啲似蜜糖芥末橙色係最辣嘅最鍾意係啡色嗰種甜甜地有啲似燒汁味仲叫左杯檸檬茶系比平時茶餐廳果D大杯好多

今日一個人來到銅鑼灣，走著走著就嚟到大坑啦。醒起咁耐都冇食過印度菜，又見到呢間餐廳嘅裝修咁吸引，就入去試下啦。可能因為地段問題，價錢都唔算平，但係勝在有好多種類嘅食物。送了個蕃茄湯，有啲淡。我嗌咗個 Butter chicken ($118) 配Cheese naan ($35)。個牛油雞份量都唔少，好creamy。仲有個火慶住佢唔怕愈食愈凍啦。芝士烤餅熱辣辣，好好餸咖哩，但我覺得芝士味可以再濃啲。食啲咁鹹嘅嘢就當然要飲番汽水先襯啦 Light pepsi ($28)

西式麵包籃🧺大家食得多🥐🥯🍞🥖🥨印度麵包籃🗑你有冇食過/見過？🇮🇳🫓🫓我作為一個麵包控，今次就試左人生第☝🏻個印度麵包籃🇮🇳🫓🗑🙆🏻‍♀️我真係好鍾意食麵包😌~•~•~•~•~•~•~•~•~•~•~•~•~•~•~•~•~•~•~• ▪ 餐前小食 ($0)有2️⃣件，尖筒形既胡椒薄片脆脆💥胡椒脆片本身帶有少少🤏🏻🧂鹹味。另外，配左個4️⃣款唔同既自家醬汁架，4️⃣款各有特式💁🏻‍♀️紅色 ❤️ (辣醬) : 唔食得太辣既🥵，記住試少少好啦🤏🏻橙色 🧡 (羅望子醬) : 酸酸甜甜，我覺得有BBQ醬既感覺🍖黃色 💛 (黃薑皇醬) : 唔識形容😛但我覺得最好味🤭淡青色 💚 (薄荷乳酪) : 乳酪酸甜味中，帶有淡淡🤏🏻既薄荷🌱.▪ Masala • Chicken  🐔 瑪沙拉 • 雞($98)(Variety of India Spices and Yogurt)上枱時會係底加個小火烘住🔥KᎬᎬᏢ住溫度🌡唔怕食到尾會凍🙅🏻‍♀️❄️望落去紅卜卜🔴，仲見到有辣椒件🌶，但食落唔會好辣，可能係加左乳酪既關係，我覺得仲帶有少少甜味🤣雞肉有好多件🐔，唔會好大舊，唔會乾💦但依個ᏚᏆᏃᎬ用黎配 / 點薄餅🫓係ᏢᎬᎡFᎬᏟᎢ

前日早咗放學，就同同學嚟到大坑呢邊搵好嘢食～見到好耐冇食印度菜，咁啱見到呢間印度餐廳想試吓～前菜有2個餅脆卜卜，配埋特色印度醬料，有辣汁，燒烤汁，薄荷汁等等～幾特別！白腰果汁咖喱雞$98第一次食白腰果汁咖喱🍛幾特別～同我平時食開嘅咖喱有少少唔同，佢唔會辣，有陣甜甜地又幾香嘅咖喱味，幾適合我呢啲唔食得辣嘅人，配埋雞肉同埋naan好好味😋Naan $25印度薄餅幾大塊，而且幾香軟，配埋咖呢真係好好味～印度熱甜雙寶$58第一次食呢隻印度甜品🍮感覺幾特別，外層好似糯米咁煙煙韌韌，內層係好甜嘅餡料呢間餐廳嘅服務態度好好，職員都好友善，幾值得嚟幫襯～

平時食得多中西日韓泰台越餐都會想試試新口味啦😋😋去完維園吸收維他命D就索性喺附近醫埋肚至番舖頭啦❤️今次不如就揀間標榜正宗嘅印度菜做午餐啦(😅入門口時發雞盲睇唔到有set lunch, 而店員又冇提醒, 所以散叫咗餐牌菜式, 下次如果大家中午去叫lunch set會抵勁多🙊🙊). 上菜前俾咗兩碗好特別拉花嘅餐湯😛酸酸哋微微辣嘅creamy蔬菜湯!!幾開胃!!仲有兩杯用好有異國風情水杯裝嘅冰水💦即時降哂溫！首先上枱嘅starter係✨辣薄脆 $20✨喺特色卜卜脆上鋪滿咗洋蔥蕃茄等嘅碎粒！啖啖蔬菜滋味🥙之後係✨香辣薯仔沙律 $48✨又係滿滿嘅蔬菜！加上少少辣嘅薯仔！好開胃醒神！跟住嚟嘅主菜係✨奶油咖喱雞塊 $118✨用上一個印度風情嘅鍋連火上⭐而且好香牛油味！濃郁嘅咖喱少少甜！用✨香蒜薄餅 $32✨沾嚟食一絕！！！

好耐冇食過印度餐廳，除咗重慶大廈，估唔到銅鑼灣都有一間正宗嘅印度餐廳🌟入到去店員會比一個胡椒餅你食，胡椒餅附送四款醬汁，大家可以試吓邊一種醬汁啱自己食小編最鍾意深啡色嗰種，酸酸甜甜主角就有butter chicken😜呢個醬汁有非常濃郁嘅蕃茄味，雞肉非常入味，切到一口大細，可以夾埋啲烤餅一齊食😆Naan方面叫咗外表非常吸睛嘅蒜蓉烤餅一上菜俾佢嘅外表震撼到，真係非常大塊，有好香嘅牛油同埋蒜蓉口味。口感方面係粉感較重嘅烤餅奶酪烤餅就冇乜奶酪味啦，反而比較重咖喱味😂呢個都幾驚喜😂

好耐冇嚟天后，發覺真係唔同曬，多咗好多食肆，仲要係好多都係小店，特色嘅小店都有唔少，咁啱今日行過就畀我發現到呢間主打印度菜式印度人主理嘅印度餐廳。間舖唔大，但就咁睇個裝修都發覺用咗唔少心思。個menu入面全部都係正宗嘅印度菜，即叫即做，而且價錢非常之平民，都有唔少選擇。入面地方雖然唔係好大，但係裝修到好似印度餐廳嘅感覺。一坐低佢哋就送咗個印度小食畀我試，仲配埋四隻唔同口味嘅醬，配埋嘅薄脆食非常之夾。印度炸雞：開頭諗住仲係平時食開嗰啲炸雞，原來係完全唔同，佢哋係用咗十幾款印度香料醃製而成，外脆內軟，非常之好食同入味。佢哋個menu有好多款唔同嘅咖哩，我就要左款白腰果汁印度咖哩配羊肉，另外再嗌多過原味薄餅，咖哩配薄餅永遠都係絕配。佢哋嘅薄餅即叫即做，仲好大塊。配埋佢嘅白腰果汁印度咖哩，簡直一流，最重要係啲羊肉一啲都唔騷，入口即溶，咖哩唔會好辣但係好香。我一個人食2款菜式，連汁都清埋，仲要非常之飽，證明佢嘅份量同味道都非常之十足。總結：下次約多個朋友再食過。

一向知道大坑多多國菜選擇，就揀左一間外型好sharp 既印度餐廳內部設計富有異國風情，仲會播印度歌，好有氣氛一埋坐，waiter 就比左小食我地，係胡椒薄脆餅，醬就有黃姜皇醬、紅辣醬、薄荷乳酪醬、羅望子醬，頗有印度特色咖哩雞+薄餅+蒜蓉薄餅雞有7-8舊，好入味，咖哩又好重香料味，薄餅又好煙韌，兩者配搭一齊食好正👍🏻最後叫左lamb seekh kebab 好香香料味，辣味係口中有回韻Waiter好有禮貌，知道我地唔係食開印度食物，好關心我地問下岩唔岩我地口味

識我嘅朋友都知我好鍾意食印度野，而今日又比我發現咗一間到高質平價小店。呢間餐廳係銅鑼灣道嘅一個轉角位，雖然店舖面積唔大，但店內裝修精緻。👅Korma Chicken白腰果汁咖哩雞 ($98) ❣️平時食印度野，我一定會叫butter chicken，但今次想試吓新野，於是就點左Korma。佢同butter chicken有少少似，但我上網查過，佢係用yoghurt整的，所以感覺上好似比較健康。而且啲腰果汁比較甜，食落感覺比牛油雞冇咁heavy👅Gulab Jamun 印度熱甜雙寶 ($58) ❣️熱辣辣嘅糖水，聞落去有少少似番薯糖水，好似有薑。小心熱，記著攤凍先好食，如果唔係會辣親條俐🤣咬落去好似食緊椰絲，令我諗起好好味嘅印度雪糕咖哩同甜品都大讚大推介👍🏻唯一可以改善的是麵包的份量，點了兩款包都只有3塊，同平時嘅份量有差別😢不過其他份量都還好，兩個人share都夠飽，而且價錢真係靚，期待自己下次再幫襯😋

今日同朋友都左大坑食印度餐廳，因為都比較少食地道印度菜，所以搵間真係印度人主理嘅餐廳。餐廳嘅牆壁好多鏡同色彩以藍同黃為主。餐牌都圖文並茂👍🏻我地叫左咖哩羊加簿餅& 咖哩角。餐廳仲比左小食我地，有4類唔同嘅醬，配粟米片。咖哩羊，好香正宗嘅咖哩味，味道都有少少香料。羊一d都唔老，係嫩嫩嘅。味道唔會好酥。簿餅好正宗😆係手拉簿餅。加左咖哩味更好食😋咖喱角都係羊做，入面有香料，羊肉仲有少少青豆😋外皮脆脆嘅。

行過銅鑼灣，諗住去天后大坑附近搵嘢食，男朋友見到呢間餐廳覺得幾特別，同時間又想食啲重口味嘅嘢，就決定入去試一試。辣薯仔沙律薯仔軟綿綿，而且凍冰冰，配上青瓜、洋蔥、蕃茄、豆豆嘅配搭10分清新。醬汁酸酸辣辣，份外開胃。蒜蓉烤餅一上枱超級吸引，兩大塊烤餅吊起左，烤餅嗰邊好脆口，餅底有少少炭火嘅味道，整體都好重蒜蓉香，不錯！Butter chicken 有個明火熱住，雞肉比較細塊但係相當嫩滑，醬汁唔會好鹹不過好濃，明顯用咗好多蕃茄醬去煮！（記住要用嗰個醬汁點落啲烤餅度）入到去環境雖然比較狹窄，不過黃色嘅櫈配上藍色嘅外牆，即刻好有格調！