影片
以上资料只供参考，请与餐厅确认详情
26 浏览
自从「翠河」无做，转咗呢一间「欢乐食堂」，其实都有两、三年，但作为美孚街坊，真喺一直以嚟都无帮衬过，皆因睇过，老婆话佢啲早餐无特别㖞，所以，就无帮衬过。最近，因同老婆各自有小组，我返到嚟美孚先11:30am，赶得切嚟食早餐，当晏昼饭。格局跟以前「翠河」一样，不过，明显有翻新过，墙身加咗好多玻璃，天花加咗啲红线，灯光又光猛咗，感觉醒目啲。餐具放晒晌枱面，最好喺有个大胶盒冚住，比较够生嘛！虽然接近12:00pm，但佢哋嘅早餐供应到11:45am，比坊间大部份茶记都迟多少少，就喺迟多少少就够啦，所以，目测见唔少客人都赶晌截单前嗌早餐，就当午餐食，都平一截架。港式早餐 A4. $39唔花巧就拣番最抵食嘅港式早餐系列，当中梗喺以怀旧沙嗲牛肉面最合心水，仲配埋炒滑蛋、牛油餐包，卖$39晌呢区算抵食之一，同区好几间茶记卖$42左右。份炒滑蛋掂㖞，睇样已觉得炒得嫩滑，又富蛋香，而牛油餐包可以转方包，但餐包够怀旧嘛，夹埋啲滑蛋一齐食，仲流住蛋浆，正呀喂！呢排食得多唔健康嘢，所以，公仔面就转意粉，心里好过啲。啲牛肉唔错，好腍滑，有肉味，个沙嗲唔算劲浓𠮶啲，但都够晒味，而且，份量算多，试过有啲茶记俾得几片咋。热奶茶呢个喺嚟茶记嘅标准动作，只有茶记啲奶茶冲得好，而眼前呢杯未叫最好，都算得上属中上水平，有茶香，茶奶够平衡。今次呢个早鸟午餐性价比真喺高，因为$40都唔使，最紧要都喺质量具备，食得够饱又好味。佢哋又唔会赶客走，仲可以慢慢叹埋杯奶茶先。
继续阅读
朝早赶返工最紧要快！上野速度超快，𠮶碗粟米火腿通粉热辣辣，个汤底清清地，不过不失啦，炒蛋加牛油面包够晒饱肚！奶茶就正常茶记水准，茶味够唔会得阵奶味。赶时间又想饱肚，呢个早餐组合真系稳阵之选！
继续阅读
卡位好坐座位与座位之间 距离好阔九龙区餐厅嚟讲竟然咁松动有空间非常舒适晚餐时段很多选择晚饭套餐好大份隔离枱蒸鱼好大碟好适合一家人嚟食一个人都有好多选择选择了芝士焗猪扒饭好足料厚切猪扒酱汁好多芝士又多拌饭一齐食好正
继续阅读
这餐厅装修都算好，食物都不错，价钱也可以，餐牌上都好多选择。即炒粉面，每款$49供应时间14:00至18:00T16 虾酱扬州炒饭T17 咖喱牛腩饭 T18 芝士茄汁焗猪扒饭T19 干炒牛河T20 艇妹鲜虾炒银针粉咖喱牛腩饭份量足，味道不过不失，服务不差，地方舒适，咖喱牛腩都算可以。（一般茶餐厅，咁嘅价钱，唔好有太大期望）特餐有7款选择，11:45开始供应P1 罗宋汤通粉P2 雪菜肉碎汤米粉P3 怀旧沙爹牛肉汤公仔面P4 蜜汁叉烧汤意粉P5 照烧大切猪扒配稻庭汤乌冬P6 避风塘鸡翼（少辣）配韩式芝士辛辣面P7 脆炸鸡髀（少辣）配芝士出前一丁餐配 火腿奄列 + 丹麦奶油多士或牛油方包即做炸鸡髀，份量亦足，外脆内软又多汁，比我想像中的好，好味。再配埋芝士出前一丁面真系好邪恶！总结：平民餐厅，食物不差，不过不失，价钱合理，服务友善，座位舒适，地方清洁，不嘈杂，但未算雅致，出餐速度可以。
继续阅读
再次中伏，是日晚餐食最平民的梅菜蒸鲩鱼，$85，梅菜和鱼完全无味，鱼又蒸吾熟又霉烂，不知存放咗几耐…. 一个咁简单的家常菜，做到咁差嘅水准，吾怪得知冇夜市啦。再者，已经同店员讲咗枱布好臭，但是仍然用，实在好难再次帮衬😡😡😡做食店，食品质素系最基本，好难想像冇难度嘅家常菜都可以做到咁差，吾好成日话人哋北上消费，价钱已经无得比，现在连食物、环境都做到咁差，真系自己整死自己，吾柢可怜。要争气，都要自己做好先，否则，死路一条
继续阅读