歡喜

营业中

休息中

二次到訪，上次食下午茶，今次食早餐。依然係冷氣唔夠，空氣唔流通，一路食麵一路滴汗。上次食下午茶無得叫咖啡機野飲，今次食早餐又話無，個咖啡機唔通只係裝飾用?【 香脆雞扒配煎蛋出前一丁 】 $44 菜名係香脆雞扒，但係浸左落碗麵到，煎到幾脆都無用啦，建議佢可以分開上，唔好浸淋塊雞扒。凍奶茶好淡，又無得飲咖啡機個啲咖啡。【 香脆雞扒配炒蛋﹑茄汁豆﹑厚多士 】 $44 賣相幾靚，今次睇得出係脆雞扒，厚多士夠香軟，整體感覺依個餐比較好。完！

🔍 歡喜📍 北角琴行街21-23號港濤軒地下1-2號舖📝  ★★☆☆☆  👎晏晝時間同朋友係北角路過，見到門口好大個牌寫有Lunch Set，同埋望入去見到環境好似唔錯，就入去試試。但坐底左發現冷氣唔夠，空氣唔係好流通。今日已經天氣唔熱，落左一日雨，氣溫應該係廿幾度，都覺得好焗促，如果外面三十幾度高溫咪比佢蒸熟。【 香辣蒜蓉雞肉意大利粉 】 $64賣相都OK，但食落只有辣味。欣賞佢份量唔少，但意粉煮過龍 好淋好易斷。同埋成碟意粉好濕，可能係我誤以為係炒意粉。另外，我想嗌杯Mocha飲，佢話無，但係奇怪見到佢有咖啡機。完！

母親節當日一早預訂咗呢間北角新舊交替嘅裝修、悠閒舒適嘅西餐廳食飯慶祝有北角舊時代嘅畫做牆有駐場歌手逢星期二至六唱歌，今日母親節加開特別場，為我媽媽帶嚟開心嘅一晚👏假期都依然有Happy Hour，問咗可以幫襯一枝酒免一枝開瓶費 就開咗枝阿根廷嘅Chardonnay $188好開好飲，唔會太酸，帶檸檬、梨嘅香氣頭盤：雜果蝦沙律正常發揮，沙律菜新鮮餐湯：蕃茄蟹肉湯超濃蕃茄蟹肉一絲絲白色，落咗唔少意粉：蕃茄肉丸意粉肉丸有4粒，意粉淋咗少少，蕃茄汁偏乾令意粉上唔到味意粉：蜆肉蒜茸辣椒意粉非常香，少辣，蜆肉都多嘅，意粉質地剛剛好，而且有濕度，好味過蕃茄肉丸意粉主菜：澳洲西冷牛扒一上枱就好驚豔，大大塊牛扒，不過叫咗五成熟變咗7成以上，有肉汁但肉質鞋少少主菜：比目魚柳魚肉好滑，一定要跟埋個汁一齊食先正配菜都好出色甜品：抹茶慕絲蛋糕細細件幾啖食完，份量啱啱好甜品：朱古力慕絲蛋糕非常濃郁朱古力味，而且好滑雖然食物平平，但係環境舒適，又有人唱歌娛樂，加上價錢平，免加一，成餐飯計埋都係$ 200一位，抵食

午餐同屋企人食，叫左個壽喜燒雞扒飯、一個吉列豬扒蕃茄烏冬。 壽喜燒雞扒飯既雞扒夠厚身，汁既甜度適中，面頭仲有少少脆既紫菜絲，呢個配搭非常好。吉列豬扒蕃茄烏冬都好味，烏冬爽口，吉列豬扒炸到脆卜卜，好香口，唯一可惜係炸得有點太乾，冇乜肉汁。

好貴但平凡到呢。好似成$80的午餐牛柳，夾埋細過一個拳頭，叫5成比7成以上，肉質真係好一般，個黑椒汁酸酸的，又冇配菜。炸雞就好正常，夠熱夠脆，粒肉細囉。佢頂龍叫茶記，但只得咖啡奶茶檸水檸茶囉，好唔掂，鴛鴦華田等都冇，想點。隔離左右叫顯粉麵個樣都正常。無八達通又唔係門口貼告示，啲客放低張單，之後出去㩒錢再返黎，嘥晒啲時間，大佬lunch hour 要趕返公司嘛。都仲要爆，等位，晚餐要$400位，真心唔會試。

今日同朋友下午2:24分去左呢度。諗住靜靜整地傾吓計，食下午茶。叫左個下午茶蝦沙律。叫得沙律其實都係想食得健康啲，已經問定個沙律有冇醬，侍應有禮貌咁話都有醬嘅，叫佢另上，點知嚟到原來係天婦羅炸蝦🍤（未食過，唔知有炸蝦，個menu 只寫蝦），都算。佢啲菜上面啲蘋果提子勁大pat沙律醬，好似唔駛錢咁。落單嘅時候已經同侍應講醬另上，但係侍應又無提我哋就算醬另上都好，蘋果提子其實都已經一早有醬。一句講晒即係醬另上都冇用。😅然後我就拎咗一杯水洗走晒啲沙律醬。太肚餓冇到影相。第二個位失望係，叫咗個下午茶餐——牛油果多士。唔講啦，睇相啦。呢個咁嘅牛油果「醬」多士，加一杯熱檸茶42蚊。真係「直升機」——即係「伏伏伏伏伏伏」。不如食普通茶記算。仲要食到3點幾，侍應係咁收我哋啲碟，去到3:30侍應直接同我哋講因為出便有八人等位，所以介唔介意我哋埋單。其實只係坐左一小時十分鐘，就要被人趕走。星期日出街食，其實都係想悠閒啲，但最後唔能夠坐耐啲傾計，真係食個M 記都好過佢。呢度環境尚算企理乾淨，侍應尚算有禮，但係食物咁樣同趕我地走真係唔會有下次。🥲真係唔好問點解港人鐘意北上消費。🙏🏻🙏🏻凡事必有因。

Went to this resto discovered by my dad several times, and it has become one of our frequently visit restos😂. .During our first trial, I got Spaghetti with Squid & Clam in Garlic Olive Oil, my dad ordered Baked Rice with Pork Chop & Pineapple, my sis had Spaghetti with Mixed Mushroom in Cream Sauce and my mom got Sweet Corn & Avocado Ranch Dressing Salad.For my Spaghetti with Squid & Clam in Garlic Olive Oil, the spaghetti smelled aromatic with the garlic olive oil. The squid was huge and chewy,

今天晚上有活动，要早点吃晚餐。经过这里看到有位置，就进来了。选了个两人套餐，价钱不贵358元，不加一，内容还挺丰富的，有浓郁的番茄湯，一大盤豆付麻醬萨拉，两个主菜一个是香辣海鲜意大利面，另一个肉眼扒，雖然有點柴，但這價錢，也不能太要求了。😜🤪还包了甜品，兩塊蛋糕和两杯饮料。食物还没上桌，就发现了额外的惊喜，原来是有歌手驻唱，一开始唱歌，就觉得非常有水平，女歌手很可爱的样子，唱的歌都是比较旧的流行曲，都是我喜欢的，今天真是发现新大陆。一边吃晚餐，一边听歌，賞心樂事也，听歌之外还可以点歌，我看到很快就座无虚席了，很多顾客都是捧场客，看来我也可以加入捧场了。🤗🤗🥳🥳这里的餐饮价格是蛮实惠的，坐得也很舒服，再加上可以边吃饭边听歌，那更是性价比高，我的晚餐饭堂又多了一个选择。 🤗🤗

氣氛好，有註場歌手！食物份量大，以open rice訂位有8折優惠。我們一行五人，訂購兩份二人餐及一個單點pizza 餐。當日星期六註場歌手Gary 聲線平均，水準平穩！

平時好少去北角，今日同朋友咁啱經過，見到呢間餐廳個名叫歡喜，覺得幾得意，咁啱又撞正下午茶時間見到入邊冇咩人，所以入去試吓！環境好寬敞 窗邊有落地大玻璃，因為咁啱有啲西斜，所以我哋揀咗入邊嘅長木枱，感覺都乾淨舒適。下午茶係正常價錢 食物質素OK!我哋叫咗個豬柳蛋公仔麵，味道正常，佢係用鐵碗，所以同朋友掛住傾偈都冇咁快凍。另外叫咗個牛扒意粉，下午茶嚟講，牛扒味道OK，但份量太少，好彩有好多意粉，所以都食得飽飽。整體都算係不過不失，下次經過都可以試吓。

今日上班午餐🥣，話說昨晚反到屋企掛住煲劇，吾記得左校鬧鐘⏰就訓左，今朝自己彈左起身已經係07:55，即刻成個人醒哂，快速梳妝08:35落到樓下，趕反公司冇遲到💃🏻因為朝早吾夠時間買早餐，又有d餓所以叫左焗飯試下，都係有lunch set ~焗葡汁海鮮飯🥘$69焗飯偏多汁，係眼見到既多汁😂，飯吾係炒飯底，已經扣哂分，餸有魷魚、蝦、小蕃茄、蟹柳，但係都偏細粒，感覺似係用靚d既碗碟盛載住質素麻麻的食物🥲凍奶茶+$3凍奶茶叫左小甜小冰，不過不失啦，普通茶餐廳奶茶feel~✨值得一提係餐廳有一幅人手畫既北角街景圖✍🏻，有新光戲院係畫中，感受到滿滿的北角情懷😮

喺附近返工，放lunch去咗呢間食。我叫咗韓式泡菜雞肉烏冬鍋（跟餐飲），上菜時熱辣辣，但調味有啲單調，剩係得泡菜汁嘅酸辣味，雞肉切絲但肉質比較鞋🥲，有少少冰鮮味。烏冬好明顯食得出唔係冷藏嘅稻庭烏冬而係室溫包裝嗰隻，冇嗰種條條分明嘅感覺，比較黏口🤨。個湯底越食越辣，最後食到出晒汗😹。配菜方面都比較單調，有少少雜菌同埋西生菜。環境唔錯☺️👍🏻，裝修幾港式懷舊，播嘅歌係廣東歌，好有feel🤣。

早幾天帶小孩子係北角食下午茶，入到餐廳職員見我有小朋友，所以也安排較寬闊的位置給我♥️，食飯時職員見我小朋友食到成面都是食物也主動拎多點的紙巾給我🫶🏻加上食物質素也很好，我點了白汁雞皇飯和牛油果多士在其他地方比較少，有牛油果多士味道也很好，價錢也合理實惠👍🏻不過雞皇飯食飯有點太乾🫡但還算可以最後小朋友走了出去附近職員打招呼結帳時職員也態度很好🥰餐廳的環境也很特別，是一些電影海報♥️環境也十分舒服😌

舊時未改名前叫高興，當時整體質素較好，之後轉左名做歡喜，內裏裝修、人手等各樣嘢都冇變，唯獨嘢食味道每況愈下。餐廳環境舒適，不但面積大樓底高，仲有梳化凳、高枱等選擇。加上有落地玻璃透自然光，十分營造到悠閑cafe感覺。因坐落舒服又唔貴，所以都食過唔少次。特別係佢嘅早餐，擺盤靚，仲可以free配飲即磨咖啡👍🏻吉列魚柳早餐 配凍咖啡 $42魚柳比以前細塊咗，而且外皮炸得較燶，變得冇咁好食。早餐另配有茄汁豆、半份厚多士同蛋，味道亦較早時失色。

相信喺觀塘/北角返工嘅朋友都會聽過「觀喜」呢間餐廳，因為佢性價比幾高，餐廳亦坐得舒服，係食lunch好地方。蒜香磨菇雞肉意粉$62雞扒煎得幾香亦夠嫩滑，意粉質感夠al dente唔會好冧，成個蒜香汁醬有啲creamy口感，份量亦幾多。性價比：⭐️⭐️⭐️⭐️⭐️⭐️⭐️⭐️⭐️⭐️回頭指數：⭐️⭐️⭐️⭐️⭐️⭐️⭐️⭐️⭐️建議：lunch去都幾多選擇😀