影片
呢间餐厅主题系欢乐今宵，价钱啱晒普罗大众，主要系揾食嘅街坊来撑场，下午茶更抵食，$30左右就有套餐。试咗佢哋嘅焗猪扒饭，超惊喜！饭面好多芝士，仲可以拉丝，配以炒饭底，猪扒香脆多汁，真系食到好满足。奶茶茶味香浓，奶味浓厚，好饮！
继续阅读
今日探朋友黎到丽晶，大家都唔想行甘远揾野食，丽晶商场就脚，于是黎到丽晶饭堂食埋个下午茶先走。餐牌选择都多既，但下午茶黎讲价钱唔错平，屋苑商场，一般茶餐厅格局，梳化位都几好挫。我地一人㨂左个下午茶餐。日式鳗鱼汁鸡粒炒饭：鳗鱼汁系够既，整体炒得都几均匀，但鸡肉份量偏小。鲜鱼汤蚝仔肉碎泡饭：泡饭够热，蚝仔都几饱满，调味适中，几好食；冻柠茶够涷，唔会太甜，刚刚好。🔎欢乐食堂 (九龙湾)📍九龙湾宏光道80号丽晶商场地下G2A号舖
继续阅读
平时买开晚饭，今次第1次叫半只炸子鸡晚饭120元，但半只鸡贵少少都要（话说家人突然好想食，喜欢食鸡脾）。 回家后，打开饭盒，见鸡斩得有点乱，鸡皮甩开，堆埋一堆，未见过鸡系斩到咁，鸡脾唔系好觉眼，都奇怪，心谂可能在入边（平时买开鸡，一定夹脾先)，继续分给各人（因为家人有点不舒服）， 所以全程由我分派， 但夹来夹去，平时一定分到上下鸡脾食，但今次只有头尾脾位上下只有3至4小块，再揾都冇，最大块冇左，心谂唔系咁呃秤呀！再食完试下可堆砌回骨头，是不能完整鸡脾。相信是员工偷食或是店家抽起。真系好鬼嬲，嬲，嬲，无下次。 值得一提，佢比足鸡头鸡尾嫁，真系半只炸子鸡。 谂左成晚，决定要写底此次差劣的食评感受。店家要检讨及训示员工，否则客人好难回头。
继续阅读
琴晚可能食得太油腻，搅到今日肚仔痛+💩Lunch 想食得清淡少少，咁啱依间有几种泡饭可以拣最后拣左「芫茜皮蛋肉碎豆腐泡饭」汤底几好，配菜足料唔错，最紧要暖左我个小肚肚🥹
继续阅读
餐厅地方够大，有唔少卡位，重有大圆枱岩成班人一齐食，好少时候需要等位，出餐亦都好快，岩哂赶时间既上班族。今次试左皮蛋芫茜豆腐肉碎泡饭同埋特餐嘅叉烧汤意粉，泡饭清得黎都够味道，饭嘅份量都好充足，有1.5 - 2碗左右，女仔会食唔哂😂叉烧汤意粉个汤底唔错，意粉都几弹牙，不过啲叉烧有少少柴😥跟餐一齐嘅炒蛋都几香滑👍🏻
继续阅读