影片
20170228--是日接近下午六时三十分，到联和墟街市权记斩料。店内还剩白切鸡两只，跟烧味师傅落单半只白切鸡($55)半只白切鸡--鸡肉实在，不会梅，鸡皮爽脆油脂不多，鸡味有，但不多。全只是$110，半只$55没加价钱。以价钱和味道来说，在同区外卖白切鸡来说，算是外卖加料首选。年初二时，在此店买了鸡和烧肉作开年饭𩠌菜，当天大排长龙，但邻店就不见此情况，相信食客也是懂得选择的。烧肉在早上八时买的，中午约一时还是皮脆肉嫩，值得一试。
继续阅读
公司拜神，今次试呢间烧肉（其实无开名，不过见到师傅手袖有商标，再问知情人士）外送到公司餐厅，连师傅负责斩料，呢间烧肉斩得几靓，有排盘，唔系乱糟糟的！一件每层都分明！皮枣红色够脆，唔会皮肉分离，肉淋身又唔会好咸！仲有啲肉汁！正！第一次食拜神烧肉系好味嘅
继续阅读
今年适逢公司成立8周年, 大老板话一于要趁呢个机会答谢全体上下打拼多年o既同事, 特别隆重其事从「权记」订o左只聘礼金猪, o系上星期五8周年记念当日举行切烧猪仪式兼有免费烧肉午餐益大家. 咁隆重o既盛事又有o野食, 几大都要亲身现场直击兼试味啦! 听秘书小姐话, 公司一向有帮衬开「权记」. 佢o系粉岭同上水都有店舖, 而要订大大只o既聘礼或酬神金猪, 就可直接同设系元朗o既烧烤工场订购, 佢又话订呢只金猪大约俾o左HK$3500左右. 咁大阵仗, 我就更加想知呢间舖头金猪所提供o既质同量与及全套服务, 系咪物有所值. 唔讲咁多, 立即去片:切烧猪仪式预定系下午1点举行. 只金猪 (见下图)同埋附责运送 / 帮手切烧肉o既「权记」烧腊师傅早已经o系中午12点准时到达我地o既office. 金猪头同尾都有大大朵红花装饰, 以保温胶袋包好放o系烧猪木盘上, 旁边仲有一把开猪仪式专用o既聘礼金刀. 而烧腊师傅著上整齐o既公司制服到场侍候, 可见整套服务系一丝不苟.接近1点, 陆陆续续有同事返回office等待重要o既时刻, 金猪此时已被解封, 同事们争住影相. 从近距离睇, 呢只金猪 (见上图) 估计有最少有20 - 25斤左右. 骤眼睇, 除o左前膊同鼻梁位之外, 全只猪都烧得相当麻皮不特止, 麻皮o既气窿好细, 好密同分布得好均匀. 当时我估计呢只金猪o既质量起码都有中上o既水准; 而影相时我亦感觉到只金猪散发出黎o既暖气, 表示佢o系o个朝早o岩o岩烧好就即刻送过o黎office. 咁有效率, 令我同一众同事都非常期待. 隆重o既一刻终于来临! o系感谢过同事们多年o既努力同贡献之后, 大老板连同几位部门主管, 手起刀落, 向住金猪o既颈顶插入 (见上图). 听到入刀o个一下相当顺利, 冇任何硬掘掘o既声响. 一路切落去o既时候 (见下图)过程清脆利落, 可想而知呢只金猪系皮脆肉嫩o既上品. 大老板o既手势咁顺, 亦意味住今年公司上下都顺风顺水. 意头最重要嘛! 完成隆重o既开猪仪式后, 烧腊师傅好快趣咁系10分钟内将整只金猪斩件起肉, 分成3大盘烧肉分俾唔同楼层o既同事享用. 见到每盘烧肉 (见上图) 里面, 红肉占绝大多数, 白肉实在唔多觉眼. 随手啰一件切好o既烧肉一睇 (见下图):肥瘦均匀, 麻皮好薄烧得好平均. 食落口, 红肉好嫩滑, 多汁又唔太肥, 麻皮薄得o黎好酥脆, 冇一块有任何干憎憎硬掘掘o既感觉. 将咁上好o既肉同麻皮一齐食, o个种美妙既感觉实在非笔墨所能形容. 呢只金猪可以话系咁耐以o黎食过最好味同最高质素o既烧猪, 唔食多几件真系对唔住自己同大老板o既一番好意. 我相信公司o既同事们都有同感, 因为留o系office o既两大盘烧肉, 唔使5分钟已被扫光! 可见大家都系识食o既. 总结: 秘书小姐后来补充, 话净系只金猪大约要HK$3000, 即系话运送、租用礼刀, 同埋烧腊师傅o既费用, 大约系HK$500左右. 从今次o既食品同服务, 可以睇得出呢间舖系好有水准同效率. 站系大老板o既角度o黎睇, 揾到间咁好o既烧腊舖头, 用呢三千几蚊去慰劳一o下同事们, 实在值得. 更难得o既, 就系我地有口福啦! 下年系公司9周年记念, 大老板, 你识做啦?
继续阅读