櫻花中日放題 (已結業)

同朋友黎左呢間放題, 個名話明中日, 即係除左日式仲有中式食品, 所以響點餐紙上樣樣都要左D黎試下.個椒鹽豆腐一黎到已經唔係太吸引, 好似求其"不"落去.個豆腐唔脆又凍, 一D椒鹽味都無, 就算單食D椒鹽都祗不過得蒜味, 完全無炒出黎既香味惹味, 完全唔得.其他食物就唔在講, 唔新鮮中又係好求其, 貪平無好野.…查看更多

見到團購諗住試下，真心覺得食物一般，唔會再有下次。先講刺身，第1轉魚生比較ok, 但數量全部來少了很多，最後食得8899時諗住來多轉刺身，我點每樣1-2件，佢就全部都來5-6件比我，呢轉仲要係不大新鮮的，好攪笑囉，數量完全不跟我寫既數量來，你有你寫，佢有佢來，最後飽果轉佢就係咁比你(唔新鮮的)，無言！ 再講其他食物，大部份都係一般，不詳盡說了。天婦羅就漿粉開得唔好，表面是硬身的，不是鬆化那種，有別於一般天婦羅。蜜糖雞翼唔得，完全無味。那個和風炒野菜，第1轉超好食，通菜是乾身的，但第2轉encore再點時居然是另一回事，同樣是通菜，但點解多了個蠔油""獻", 仲多了點點蒜蓉？ 我懷疑是大廚無清潔個穫就炒下一樣野的結果…唔明點解可以炒出呢碟味道咁9唔搭8既野囉！最後講甜品，那些cheap cheap甜品都要每人限點3件？ 無言！ 最攪笑就是那個芒果布甸，居然是實的的既口感，似大菜糕硬的，仲要完全沒有芒果味，味道就似一舊比較硬的普通大菜糕，我們食左1啖已經唔想食了，唉…你地有無試過味先架？…查看更多

我話您知，諗都唔駛諗，差到無人有d野食成碟片石咁飛落黎 👍🏻刺身一睇就知唔新鮮甜蝦未解晒凍就拎俾人食，好似食冰咁。雞肉串凍既，應該喺雪櫃就咁拎出黎唔記得整返熱。雞肉串刺身⋯⋯ 乜鬼野焗蠔，蒜係生既，件蠔細到好似岩岩先受精咁.....仲有好難食,有原粒蒜頭上 芝士焗扇貝d芝士好似d嘔吐物，d味好奇怪 正常炒蜆 d雞翼好乾又瘦，好似食紙皮咁。唔講我以為佢地參加左饑緊30瘦身療程 唯一最穩定水準，一定係呢三樣 。大家應該好熟悉⋯⋯⋯壽司三寶..... 可以食既有雞軟骨，牛舌，完。…查看更多

響旺角行街行到咁上下, 朋友話兆萬有間放題幾抵食, 無意見就跟佢去. 去到人唔多唔洗等, 格局比較殘, 不過多數梳化位.唔理咁多點野食, 基本既刺身壽司, 天婦羅, 熟食等等都有, 款式較一般, 無咩特別吸引. 芝麻雞翼凍凍地, 所以個皮好硬, 肉質唔嫩, 而且無咩味, 無調味過咁.仲有前菜螺肉, 唔辣唔腥, 唔夠爽口, 有D腍腍地既口感.…查看更多

筆者明白餐廳要應付大量賬單，未必能保持同一質素(換言之，能保持水準是有一定的實力！)加上今次放題的價值偏低，期望不能太大︰話雖如此…漏單4次也太厲害了吧？漏單不是問題，始終店裡多客人，不過4次也太多了。另外，我的座位能看到廚房，看著兩位師傅邊吃東西邊聊天，不知他們誠實還是不拘小節呢。我建議師傅們在廚房外吃完晚飯再工作會更好。只有第一盤刺身賣相不錯，之後的都遜色了。不過不介意賣相的話，味道尚可，最重要是沒有變壞。第一次點單已經有遺漏，故不停重復點單。途中熟食倒是來齊了，熟食味道很好，辣酒燒螺挺合我口味，漏單4次後，終於見到花之戀。要不是以前吃過賣相「特別」的花之戀，大概看到的時候我會嚇得目瞪口呆。說真的味道不差，只是賣相也影響食慾。我對花之戀感到失望，皆因此照︰這是從社交網站借來參考，這花之戀挺漂亮的(若擔心食評以偏概全，個人建議最少看十篇再取平均數)只能說大概我剛入座那天太多客人，師傅忙得不可開支吧。離座前點了肥牛烏冬。發現了偏硬未煮軟的昆布最後，筆者想說︰若想以較便宜的價錢吃放題，要有心理準備質素或會差一點點。樂觀來說，要不是漏單了，大概筆者和朋友們會吃剩很多，造成廚餘(因為當日限時入座，我們又忙著談天…)閣下是吃貨的話，花多一點錢去徹底填肚吧。…查看更多

原本上星期四已book了今日食10樓的午市放題，昨晚更致電去話加多個人，聽電話個職員仲話ok冇問題; 點知今日12點上到去竟然是漆黑一片空無一人，一行三人於是誤打誤撞就去了這間櫻花中日放題;幸好真的是不錯的選擇，大赤蝦大帶子只可以叫一次，但其實在Order時可以叫多小小，炸生蠔真係即炸，超熱的，炸蝦天婦羅粉好薄又好脆，豉椒炒蜆和辣酒煮花螺都係辣辣地，但都幾惹味; 另外試了士多啤梨骨，超重士多啤梨味，但趁熱食會好食啲; 黑松露三文魚壽司，可能黑松露不多，所以不覺得有咩味道，推介芝士焗扇貝，好香好正，Encore了兩次炒野菜(其實係通菜)，係乾蒜炒好惹味。 :)整體黎講食物質數都不錯，剌身和壽司都沒有雪味和腥味，炸物係真係即炸好熱的，唯一漏單係漏了手卷，仲有一樣美中不足的是沒有軟殼蟹食。最後想提是服務真的不錯，收碟快，男職員在埋單時更問我地好唔好食，真的值的一讚，相信會再來。…查看更多

聽講旺角呢間櫻花中日放題幾抵食，唔洗兩百就可以任飲任食，品種又多得揀，今晚就去試下系咪傳說中嘅咁抵食先，我地去到剛好飯點時候，比較多人，不過服務態度幾好。之前去食日式入題都系奔住壽司去，但呢間就連中式菜都有埋，見到呢個黑椒烤羊排唔錯，食肉獸嘅我就先食呢個喇，食羊肉最怕有一朕騷味，呢個完全唔覺騷，可見對羊肉處理得很好，黑椒分量放得剛好，羊肉又烤得好嫩，口感唔錯。燒雞亦做得都幾好，兩邊煎得金黃，味道咸淡適宜，肉質感覺比較新鮮，好結實，應該系比較靚嘅雞亦，總體都好掂。食完中式到日式嘢喇，因為人多所以我地點左好多壽司，我覺得蟹籽壽司同三文魚壽司最好食，當然其他品種都唔錯，店員話三文魚系佢地成條攞貨返嚟，所以可以保證到魚肉的品質同新鮮度，三文魚的飯的分量都唔多，證明魚肉好大舊，食到我地個個都話下次仲要繼續再嚟。…查看更多

- 今日 星期二 入到去冇咩人 都係卡位坐幾張- 我和友人也看了openrice 見多好評先揀 不過有點失望- 先說刺身 三文魚 甜蝦 油甘 都ok既 但八爪魚 赤貝食落怪怪地味- 熟食 炸物 (天婦羅,芝士年糕) 各樣都冇咩特別- 鐵板燒野食有點出事 羊架 牛舌 金菇肥牛 上到枱都唔太熱 可能燒得不夠耐- 一口牛真的有點兒硬- 壽司也是不過不失- 甜品 麥提莎糯米池係勁好味 其他就唔太得3.6牛乳 味道太淡加上食食下 見到有一黑色一點點 也沒有再食- 其實 食左兩個鐘 最不滿意是服務- 我們是有給服務費的 但不覺有什麼服務- 樓面 個個冇野做 成日見到係到傾計 玩電話- 好小主動黎收野 成個場好似得一個男仔係到做- 每次叫人比單各樣 都見佢係門口沖過黎- 但其實另外仲有幾個樓面係到- 好似冇人管咁 次次叫人D樓面會你眼望我眼- 跟住又會2條女係到玩 傾計 見到都火爆- 重點係 已經冇咩客都咁= = …查看更多

今日Jannie生日，而且佢真係超級鐘意AKB48，雖然我真係好難understand，不過都會respect佢嘅選擇！原本大家霖住今日行街睇戲食飯直落嘎，不過唱完K之後無人霖到要去邊度食lunch，於是我就提議去Jannie平時最鐘意去果間放題食刺身。有幾樣我特別鐘意食！多春魚，多春魚煎得啱啱好，唔會煎得好窿，算系多春魚入面大條嘅~~而且無咩魚骨，啲魚春真係好多啊，差唔多啖啖都系魚春，仲多過魚肉！！好滿足。京蔥一口牛，雖然好細碟，不過味道真係要用精緻嚟形容！！每一粒牛肉嘅肉質都好嫩，而且牛肉外表嘅醬汁好開胃，酸酸甜甜，真係一啖一粒，好快就食完啦！黑松露三文魚壽司、黑松露甜蝦壽司同埋黑松露蟹棒壽司，加咗黑松露嘅壽司，口感更加豐富，三文魚好新鮮，而且都幾大舊，甜蝦好滑~~嚟放題點少得食刺身吖~~刺身雜錦，有三文魚啦、甜蝦、象拔蚌、飽片等等，最鐘意噶當然系三文魚啦，味道鮮甜，而且仲系厚切，食材都好新鮮~~！…查看更多

最近個胃好似又比我撐大左，所以就想去食個自助餐嚟滿足下個胃，聽講旺角呢間櫻花中日放題唔錯，就一于約埋朋友去試下喇。.話明系中日放題，中式日式美食都有，可以滿足各種口味的需求。呢個焗帶子睇上去就已經唔錯，再認真嘗試下D味道，原來真的不是表面功夫喔，首先帶子好新鮮，煮法睇落夠簡單，但又可以帶出海鮮本身嘅鮮味，簡單嘅配料襯托出帶子嘅海鮮味。烤雞中亦，有辣有唔辣，雞亦兩邊都烤到收曬水，咬落脆脆地，但肉又保留返鮮嫩嘅水準，而且肉腌得好入味，如果食得辣嘅朋友建議點辣嘅，辣辣地更開胃，後面可以食更多野。既然系中日放題，梗系唔少得壽司喇，呢度壽司品種好多，我最中意甜蝦壽司，蝦肉超新鮮，三文魚壽，三文魚切得好大件，又好厚，咬落去有大大嘅滿足感，食多幾件都覺得抵返個價錢喇。仲有現身同其他小食都唔錯，出品都算OK，下次再嚟過。…查看更多

新年放假約知己去行街街, 順便慶祝其中一人生日~ 買左團購book好左, 到左先話booking冇我地! 搞左一陣有個部長的人就話唔緊要, 招呼左我地坐低~ 有一人遲到, 我地到左既人就食住先!第一轉我地幾乎張張紙都有mark, 炸物同刺身上得好快! 不過炸物冇左天婦羅蝦! 其他炸物炸到熱辣辣, 正! 芝士年糕好好味, 芋丸就奇怪的甜同軟!刺身出的份量同我地mark的有出入, 仲有我地冇mark的刺身......不過整體都新鮮好味!!然後上左盤我地冇叫的青瓜.....因為大家都唔食, 就退番俾佢, 螺肉同蝦沙律都ok, 小粒蕃薯好甜超好味!!!跟住就出左佢地出名的黑松露壽司, 黑松露都落得唔算輕手, 不過黑松露味唔算強, 配三文魚幾好味, 甜蝦就有少少怪!再來普通壽司....同我地mark的種類差好多! (miss左既, 以為之後會出, 結果一直都冇出!) 未見過一塊三文魚包成咁細件花之戀! 好彩味道都ok, 另外的玻璃蝦都算新鮮, 但蝦味唔夠!熱食出左d唔知乜, 乜乜薑豬肉就冇出, 有個唔知乜炒牛肉就變左肥牛, 一口牛味道不錯, 不過大件到唔係一口可以食到, 士多啤梨骨其實係咕嚕肉, 但加左士多啤梨汁, 但肉本身吸唔到士多啤梨味....... 遲到既人到左之後入入第二轉野食, 除左刺身同炸物, 其他食物幾乎冇出過! 刺身的種類對, 但數量全部減半.....炸物一出又係冇天婦羅蝦!! 仲多左2件冇叫既大炸雞......食完等左一陣, 廚房有人出黎話所有卷物都冇.....下?頭先第一轉都冇講, 而家先話冇? 呢個時候有個叔叔問我地有冇欠野食未出, 我地即刻話天婦羅蝦、壽司等等都未出! 佢話同我地跟跟單, 然後壽司、燒物就出現, 燒菠蘿好味! 不過都係冇天婦羅蝦!呢個時候有個廚房哥哥仔出黎話冇晒天婦羅蝦, 問我地要唔要吉列蝦! 下? 明明見到廚房出左幾轉天婦羅蝦俾隔離, 而家追了超耐然後先話冇!! 我地話如果吉列蝦就唔要啦, 要天婦羅蝦!! 廚房哥哥仔入番去1分鐘都冇, 之前個好心叔叔又行過黎問我地天婦羅蝦到左未, 我地話廚房哥仔話冇, 佢又同我地跟! 5分鐘之後出左一盤吉列蝦.....點呀? 天婦羅蝦同吉列蝦我地都仲識分架.....算啦! 唔同你爭鬥......最後去雪糕櫃拎雪糕, 仲有雪米茲! 雪糕有紅豆味!! 雪米茲有好多唔同味! 為冇左既天婦羅蝦安撫番我地的心情!…查看更多

放題！放題！我又嚟啦~~~宜家我差唔多系幾乎每個月都會嚟一次，嚟咁多次都只系鐘情于佢嘅美食，并唔存在商家俾乜優惠！！！好似已經慢慢變成咗一個習慣咁，放題都唔知見證咗我幾多任前度啦~~~ 雖然前度拋棄咗我好多次，不過只有放題對我不離不棄！！！ 因為系呢度想食嘅品種實在太多啦，對於我呢啲有選擇困難症嘅人嚟講真系好難揀。所以我每次去親都會點超級多野食，雖然差唔多每次都食唔曬，不過覺得齋望住佢地都可以好幸福！！ 三文魚壽司噶三文魚好香，口感好嫩，再加上上面有少少醬汁加埋一齊食！口感好正。講到我最鐘意食嘅series，絕對非火炙壽司莫屬！特別系火炙蟹棒壽司，蟹棒肉質真係好嫩，每次嚟起碼點三份先夠吖！！扇貝系列，扇貝上面竟然仲有芝士！！成粒扇貝肉擺落最入面，cheese嘅香味就會慢慢咁滲入嘴嘅周圍，食完又唔會覺得好漏~~三文魚刺身！！！三文魚全部都系厚切嘎，所以每一啖咬落去都好滿足，就好似成口都系三文魚，嫩滑新鮮！！再加些少檸檬汁就啱曬啦~~而且食咗咁多野價錢仲ok抵~~ …查看更多

今日決定出去搵啲野食，放假咁耐我都好少出去，所以call咗個女朋友一起之前佢推薦嘅櫻花中日放題，裡面的菜式居然這麼的多種多樣，真係太開心了。泰式鳳爪，不同於一般的下午下鳳爪，泰式的感覺在香料方面更加的味道濃鬱，應該是偏向於泰國菜味道吧，一份雖然不多，但是入口很有味道，而且形狀好似都幾靚下，價錢也不貴。孜然烤羊排真的是很好吃吖，朋友果然是沒有推薦錯吖，羊排本來就是精品，難得的是烤的很有水準，火候很足，羊排表面睇落有小小油膩，但係如果羊排連小小油星都唔見嘅話，就真係太怪喇，而且裡面的肉質的口感食特別的脆嫩，又香又脆。辣酒花螺是朋友點的，我試了一個，感覺就是聽新鮮的，入味很足。食咗咁多肉類，點翻啲消食嘅喇，有機甜薯仔、牛油栗米、風炒野菜，味道都不錯，比較淡的味道，但是很好咁沖掉頭先嘅油膩，椒鹽豆腐好多椒鹽，豆腐果然很嫩滑，椒鹽的做法先是正宗吖！…查看更多

這兩天老婆仔工作上都遇到麻煩感覺2016年不太順利很想把所有失意吃下肚我突然想到可以吃放題要吃得飽飽的吃掉那啖氣接過老婆仔收工後馬上尋找放題餐廳看到這間餐廳價錢很合理所以選擇了這間7點來到時剛好不用等位馬上開始點食物分別選了壽司、刺身、燒物和炸物先來的是燒物不知是貼心的刻意安排還是湊巧先吃點熱食再吃冷盤是很合適的次序第一樣是蜜糖燒雞翼熱辣辣的送出來不過有點普通這個金菇肥牛卷感覺不太大份不過金菇和肥牛向來是最佳組合加上燒得很香也算是很不錯的選擇燒物一向來說很喜歡燒菠蘿這個燒有機菠蘿同樣很不錯一來燒得外面很香很脆但裡面仍然保持水分酸酸的味道更能刺激胃口放題來說最合適不過這裡的燒菠蘿有點燒得太過了感覺太乾身鹽燒雞軟骨串是一粒粒上一份的份量不多不過要吃盡這麼多款食物不用太大份同樣也是燒得很香不過略嫌不夠脆沒有吃雞軟骨那種咬得作響的感覺至於沙爹雞肉串沙爹醬很濃味是預期的那種味道同樣很不錯小食類的食物水平一般但以這價錢來說還算不錯沒想到壽司類竟然如此美味接下來就是壽司一盤滿滿的壽司看見也很興奮很肥美的三文魚壽司鮮味以放題來說算是不錯但出乎意料的脂肪比例適中當然還有火炙三文魚和黑松露三文魚壽司火炙燒得很香不過黑松露味不太突出不知是三文魚味太突出還是黑松露份量不夠多花之戀也是必選之一是最能感受三文魚的肥美的壽司除了三文魚外還有火炙松葉蟹棒壽司和黑松露蟹棒壽司雖然蟹棒沒太特別但配合起來吃很好而且反而能突出黑松露的味道火炙海鰻壽司也是必食之一這餐廳的海鰻口感不錯也比想像中厚所以我們都很欣賞刺身方面有三文魚、赤貝、鮑片、虎蝦放題來說也算很不錯起碼都感受到鮮味尤其欣賞鮑片鮑魚味很重我和老婆仔都爭著吃最後再吃炸物一口小丸子相對較普通但趁熱吃時也很香裡面的章魚也很大粒口感十足流心芝士年糕最為欣賞裡面的芝士真的會流出來而且很濃味感覺完全超出放題的預期若不是很得很飽一定會再點對綠茶餅也很有期望不過感覺綠茶味不突出或許不是預期的那種綠茶甜品的味道吧但總結來說這個價錢的放題質素真的很不錯選擇也有很多希望老婆仔能把失意全吞下肚之後工作會順意吧…查看更多

今晚與友人食飯, 還是吃放題 (友人也是大食積@@)先來個刺身, 叫了三文魚, 油甘魚, 甜蝦, 虎蝦, 柱貝, 松葉蟹棒等, 整體用料都新鮮, 沒有過腥或放久了梅味等情況出現叫了一大盤壽司及火灸壽司, 每件都大大件魚生放在上面, 而最美味的當然是加了黑松露的三文魚壽司啦~燒鯖魚, 燒得剛好, 上桌時也是溫熱的, 而且肉質不會太乾身,不錯.豚肉生姜燒, 味道不過鹹, 但份量就小一點.炸物, 天婦羅等也是脆卜卜我倆都是少主家飯之人, 所以對這個牛乳海鮮鍋情有獨鍾,海鮮新鮮,而有大量蔬菜, 正~蒜蓉燒蠔, 野味之選~每個人連加一都係HKD200 , 還是繁忙的晚上8時時段, 真的是平靚正之選.…查看更多