檸檸叁檸檬茶

营业中

休息中

超好飲👍🏽😎超推介芒果檸檬茶🥭用鮮芒果 有芒果皮陣清新味！！我哋住新界 每次嚟港島都專程嚟飲❤️🥹提子味都飲 但一定要試咗芒果先大推！！！！❤️❤️❤️❤️❤️❤️❤️

點咗杯正常西瓜檸檬茶加$5加椰果正常冰、正常甜整杯飲料淡而無味西瓜🍉同檸檬味都飲唔到最失望係連加咗錢嘅椰果最後失蹤了😵咁就交了$38學費失望、失望又失望…難怪香港人北上消費🤦‍♀️

平時飲開林香檸 但太安樓無咁見依間打檸檬打到好似好勁好大聲 又見幾多人買 就諗住試試佢我叫咗白桃烏龍檸檬茶加椰果全正常無走冰走甜一飲落去完全無茶味又白桃味仲要唔知沖茶果個係咪無落糖我比埋女朋友試 佢都話攪唔掂好彩佢無跟我買同一間飲品 過咗隔離檸檬多多 我買果杯就就似要堆檸檬水加椰果仲要收$43如果唔係我因為買外賣走咗我一定返轉頭叫個staff自己試下沖咗d咩出嚟比人飲平時無寫開食評 但今次真係好嬲我都唔知係我唔好彩 遇到個沖茶求其嘅人 定佢本身真係咁難飲對依間嘢可謂就極之失望之餘 仲有憤怒大家買之前真係三思

咁啱經過太安樓就黎試下而家開到周街都係既手打檸檬茶🙈到底好唔好飲呢?《招牌手打檸檬茶 $29》呢款偏向似我哋平時飲開嗰啲,係烏龍茶茶底!不過飲落冇咩特別🫢《鴨屎香手打檸檬茶 $29》好多檸檬果肉,揀左走甜,老闆娘都好好,俾我試左會唔會太酸洗唔洗加少少糖咁🙈不過我覺得唔需要加糖都接受到😎但係飲落唔覺得特別香🧐整體覺得以茶黎講價錢有少少偏貴,不過都幾大杯下,但就冇咩特別,冇話特別岀色,係檸檬🍋味岀啲,值唔值就Errrr…😂雖然而家啲廢水全部都幾十蚊杯💁🏻‍♀️檸檸叁檸檬茶西灣河筲箕灣道57-87號太安樓地下A24A號舖[⭐️5分為滿分]味道⭐️⭐️⭐️環境⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️

咁啱同男朋友行過嚟太安樓食宵夜，食嘢食得好口渴，想買杯嘢嘢飲下，咁啱就見到呢間寫住檸檬茶嘅舖頭，睇下個餐牌有杯嘢寫住鴨屎香，我超級好奇，我就問店員咩係鴨屎香嚟㗎，店員就同我解釋係鴨屎香其實係烏龍茶嘅一種，跟住我同男朋友都一人買咗一杯飲，飲落去第一啖真係刷新左我對檸檬茶嘅認知，港式檸檬茶真係由細飲到大，飲完杯鴨屎香檸檬茶之後，我同男朋友都覺得好好飲好解渴，真係好特別，之後就再買多兩杯比屋企人飲，真係10分推薦。

成日都好驚嗌野飲好甜又或者個果味好假，再唔係就係茶底無茶味，每次都用一種預左中伏既心態去試一間新鋪頭。今日黎到太安樓，見到間新開主打手打檸檬茶既鋪頭，膽粗粗叫左杯招牌手打檸檬茶黎試下，女朋友就叫左杯白桃烏龍檸檬茶點知飲左之後真係一試愛上，茶味好香，手打檸檬果肉超多，甜度適中，真係超好飲！仲有隻杯個檸檬仔好可愛🤣白桃烏龍超多桃肉，完全係真果肉無果種假桃味！好飲到停唔到口！見到menu仲有好多款飲品，絕對會返去再試埋其他野飲呀！

#MC帶你去西灣河.太安樓被譽為香港版小士林之稱，實在太多美食要介紹，今次依檔係新開嘅茶飲店，最啱掃完街食返杯😜🥤 招牌手打檸檬茶 $29既然係新開茶飲店，就試一試招牌飲品啦！手打檸檬茶明顯有檸檬果肉同埋青檸片🍋茶底顏色深褐色，外觀上整體不錯👍🏻飲落去，茶味濃郁得嚟仲有獨特香味，有少少似雀巢檸檬茶嘅味道😂配上青檸強勁嘅果酸味，成杯茶飲都好清爽，好易入口😋.✨ 總結比起其他茶飲店，依間茶底香濃，真係似飲緊檸檬茶而唔係飲緊香精糖水💯係包裝上，都睇得出花咗少少心思，Icon 檸檬仔十分立體得意，大人小朋友見到都好開心☺️.⭐整體︰8.0/10⭐食物︰9.0/10⭐環境︰7.0/10⭐價錢︰8.5/10.==============================📍 檸檸叁檸檬茶 (西灣河)地址：西灣河筲箕灣道57-87號太安樓地下A24A號舖交通︰港鐵西灣河站 A 出口==============================.#Ming_Course #hkfoodie #foodiehk #hkfood #hkfoodblogger #hongkongfoodies #hongkongf

There wasn't many lemonade theme shop out there, that's why walking pass seeing this lemonade theme shop pretty surprised me. Couple customers were waiting for their drinks, I guess taste shall be assured.Randomly ordered a cup of Yashi Lemon tea. After waiting for approximately 5 minutes, my drink was ready. Their cup was incredibly cute that brought me a smile.As expected what a lemonade tastes and feels like, it was refreshing, acidic and cool. Lime brought a little bit of bitterness which ba

太安樓又有新飲品舖～係呢排大熱既手打檸檬茶本身都係想買檸檬茶，但係青提烏龍茶更吸引！大大杯好足料，超香青提味～仲食到啲提子粒睇隻色都知道真材實料，唔錯唔錯。下次黎呢度可以試返主打既檸檬茶！

行過太安樓先發現原來又開咗一間手打檸檬茶店， 就係以前係「茶匠」間舖， 顯然而家手打檸檬茶當道唔少珍珠奶茶店為咗競爭力都加咗手打檸檬茶落去，如果唔係就會直接改做手打檸檬茶會更受歡迎。 我諗大概原因可能係感覺比珍珠奶茶健康同冇咁肥吧😂😂 手打檸檬茶店唔少都係以青色做特色，真心夠晒搶眼🤣🤣基本上每間手打檸檬茶都會有一款必有既飲品😂😂 就係渣男檸檬茶😂😂 顯然地賣點就係主打啲人憎渣男，手打檸檬茶正正可以形容到😂😂 因為手打檸檬茶嘅賣點就係人手狠狠咁將檸檬同冰打碎再加茶， 岩哂啲人想打渣男咁🤣🤣 基本上每間手打檸檬茶我都會試佢嘅渣男檸檬茶🤣🤣 今次都唔例外等左5分鐘左右， 「特濃渣男檸檬茶」（$32） 到手 。 依間既手打檸檬茶份量唔會似旺角嗰啲咁細杯收咁貴， 個人認為份量正常 。 佢個公仔係一個檸檬做茶墊 超得意🤣🤣 。 飲落去如其名咁偏濃味茶底， 相對檸檬既味就被削弱左小小。 不過檸檬茶嘛 浸陣就濃番味， 如果偏好茶底重既不妨可以試下佢。