影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
去到已经听到厨房入面不停系度大叫 似开睹咁 嘈到不得了 出面侍应又不停吹水又大笑 真系怀疑间餐厅食品质素好有问题 希望有改变善 唔要求质素 深水埗区已经唔会高要求 但谂起大声讲野 口水周围飞 好恐怖
继续阅读
茶记文化我喜欢，「柠檬冰室」在茶餐厅畀都算非常高质，尤其喜欢早餐和常餐，佢哋嘅沙嗲牛肉超级正，今次第一次帮衬晚市，睇睇餐牌都好多选择，例如碟头饭、咖喱、焗饭、炒粉面、煲仔菜、连羊腩煲都有，我哋就睇中超值套餐，可以自选两个𩠌，包埋白饭、餐汤、饮品都系$168，而且𩠌菜份量超大，真心超抵食👍⭐️超值套餐 $ 168配送：白饭、餐汤、热饮，各2份（冻饮加$3）餐饮转鲜磨蛋白杏仁茶 加$8餐汤可以选择罗宋汤和中式汤，用料十足饮得出完全冇味精，饮品非常推荐热辣辣，新鲜即磨蛋白杏仁茶，充满杏仁香，而且蛋白香滑得来又有口感，呢个天气饮就最啱👍✨XO酱西兰花虾球 西兰花鲜嫩爽口，配上弹牙嘅虾球，加上蒜蓉和辣椒，再用XO酱爆炒，够晒镬气✨菠萝生炒骨每件外层金黄酥脆，肉质鲜嫩，酱汁酸甜调味刚好，包住每一件排骨，搭配烹调的菠萝粒、青红黄椒、紫洋葱，茶餐厅嚟讲真系做得好好，口感层次丰富，细致又美味▪️香菇虫草花蒸滑鸡 $ 60 我哋再追加咗一个店舖推介嘅虫草花蒸鸡，鸡件非常不错，够晒入味，而且肉质嫩滑带点咬口，配上虫草花、冬菇和香葱，令酱汁更加鲜味
继续阅读
柠檬色既柠檬冰室好易认, 佢地D小菜有D水准, 叫套餐有埋白饭同汤, 汤冇味精饮完唔口渴, 碗饭装到满一满。西兰花虾球炒得好靓够干身又惹味, 虾球爽又大只。土鱿蒸肉饼有粒粒土鱿蒸出黎好咸香, 肉饼滑又唔会太薄, 好香好好送饭~粟米斑块哩个同样系送饭之选, 佢个斑块做到外层仲系脆脆地鱼肉又够厚身, 粟米汁香甜同埋浓稠度岩岩好, 经典美味!叫左杯冬柠蜜同埋椰汁凉粉红豆冰, 杯红豆冰很巨型, 红豆同凉粉都比到好足, 整体出品好食又大份, 抵~~
继续阅读
放工后约朋友聚餐嚟咗呢间位于深水埗嘅冰室，店内环境清洁光猛，装潢比其他分店更靓，五点后有晚市套餐供应，包餐汤同饮品，值得一赞嘅系会每星期更换，所以次次去都有新嘢食！餐厅招牌有秘制无骨海南鸡，份量唔多但胜在鸡肉嫩滑唔干柴，香茅油饭香气十足，点埋酱汁啱啱好。红烧豆腐斑腩煲上枱时咋咋声，豆腐煮至入味，吸满酱汁，肉块大啖啖肉，真材实料👍私心推介板烧肉眼扒配干葱红酒汁，牛扒有成两大块，厚切，肉质松软，牛味突出，调味适中，值得一试。主食有茄茸汁芝士焗鳗鱼肠仔饭，味道咸香，口感层次丰富，炒饭底粒粒分明，性价比高，会回访。
继续阅读
讲左2次话去水吧睇下有冇单都可以hea我话有就会叫number 问题系你入面有冇单先得㗎我都唔知佢哋去咗屯门抓鸡定系去西贡收菜一个人生勾勾栋喺门口一个钟你地系完全0违和感定系你地觉得呢个系公司请返嚟嘅新门神？😅一个餐可以等1个钟都系人才我个人栋喺个门口一个钟唔热死都渴死睇嚟我之前都系太睇小香港茶记嘅强度今次认知刷新小弟下次叫完外卖返屋企set 2个钟后嘅闹钟 咁样落去攞外卖就啱啱好喇我唔钟意玩sm下次我唔会再嚟㗎啦🙏🏿
继续阅读