影片
营业时间
今日营业
06:00 - 22:00
星期一至日
06:00 - 22:00
以上资料只供参考，请与餐厅确认详情
西九龙中心附近有间冰室，门面超级抢眼，大大个柠檬灯牌，黄色装潢，店内环境简约，灯光猛烈，平日晚上座满，上枱速度快，店员服务态度友善，整体质素唔错，经过肚饿可以一试。小炒款色众多，猪牛羊蔬菜海鲜等，私心推介椒盐肉排，大件夹抵食，肉质松软，半肥瘦，香口惹味，散发椒盐阵阵咸香气。粟米滑蛋斑块都唔错，粉浆厚度适中，鱼柳无雪藏味，大人小朋友都啱食。健康之选有XO炒菜心，唔会死咸，菜品新鲜，简单食材，适合配饭。见焗饭面有唔少人叫，贪心要埋牛肝菌汁焗鸡扒试试，酱汁creamy，鸡扒大块，软嫩，另外已切开为一件件方便食用，十分贴心。
继续阅读
鉴于太肚饿 🥣🥣求其系附近食个饭👀👀见到依间柠檬冰室 🍋🍋就试下啰🤣👣👣叫左焗鸡扒饭🐣🐣🐣，再加冻柠茶🥤🥤点知发现有惊喜 🙌🏻🙌🏻🙌🏻一般焗饭都多饭小汁 肉都系唔多😼😼依间真唔错 少饭多汁 肉都大大旧 🥰🥰仲有件片菠萝𠻹🤣🤣真的好适合一个人路过肚饿🤤🤤🤤食个饭医一医个五脏六腑🤣🤣🤣🤣依间真系唔错 😌好食 😋可以再嚟🥰仲有佢地方交通都好方便，好易揾到
继续阅读
同朋友去深水埗做野做到成一点半，但等下午茶又太肚饿所以就快手去左间茶记医肚䙳米滑蛋牛肉炒河牛肉份量好多，粟米滑蛋够味，炒河都炒得几靓，无一堆堆痴埋晒咁！咖哩吉列炸猪扒饭块猪扒劲大块，港式茶餐厅咖哩，甜甜地，好够味！2杯冻柠茶，茶底够味，柠檬够新鲜！正👍🏻
继续阅读
同朋友去深水埗买漫游电话卡，天气好热，谂住揾地方食午餐，行过一间港式茶餐厅叫柠檬冰室，装潢以黄色为主色调，地方整洁。我哋即刻入去叹冷气食午餐。肉碎豆腐蒸水蛋：滑嫩水蛋搭配嫩豆腐，再加上肉碎，营养丰富，含有高量的蛋白质，口感丰富，营养又美味。福建瑶柱炒饭材料丰富，有瑶柱、鸡粒、虾仁、三色豆及酱汁，饭炒得粒粒分明，将饭拌匀汁料一齐吃，十分美味。豉椒斑腩炒河：炒出来的河粉爽滑香滑，豉椒斑腩亦够多汁而且斑腩亦能够保持香脆。因为够汁，吃入口的河粉充满了味道，十分惹味。特餐炸鸡髀拼蛋沙律配迷你火腿通粉：炸鸡髀外皮酥脆多汁，鸡肉鲜嫩，蛋沙律味道清新，再配埋火腿通粉，非常丰富。咸柠雪碧：雪碧遇上咸柠，口感清爽又解渴。红豆冰：甜度适中，奶味跟红豆非常夹。冻鸳鸯：入口幼滑延绵，同时喝到咖啡的香味，和奶茶的浓滑。
继续阅读
今日第一次过黎试下，叫左一个铁板餐！本来都觉得几好食！点知食到尾声有侍应收前面张枱既碗碟！之后我食食下就连人带电话俾佢淋到成身都系！一望佢佢都9唔答8！又话乜嘢睇唔到又话成！首先佢一句都无讲过sorry!第二我无起身乜嘢叫睇唔到？睇唔到有张枱？系咪无带脑翻工！？第三完全无讲到系free张单！仲要系我要求先识甘做！亦都无讲过话要赔偿洗衣费！最过份系仲要攞抹枱个块布帮我抹手机！呢d人真系底你一世做茶记！真系唔会再去亦都会叫我身边既人唔好去！我自己都系做饮食！饮食咪俾你地呢d人拖垮罗！
继续阅读