橙皮咖啡 (已結業)

疫情期間，好多餐廳都拒絕想自備餐具嘅人；橙皮係少有歡迎我哋自備餐具嘅小店；係一間有良心，愛護環境同親切嘅小店。早餐即叫即造，大概五至7分鐘就有得拎 ；點咗包，仲可以平少少加咖啡😋。『豬柳炒蛋芝士意大利包』$33～炒蛋有少少流心，溶咗嘅芝士，增加個包嘅濕度『美式咖啡Americano』跟餐加$13。📍 橙皮咖啡 (火炭)火炭樂景街2-18號銀禧花園開心市集地下4號舖

估唔到街市裏面的cafe竟然咁好食外賣的咖啡，很多人不打開杯蓋就直接飲了，有沒有拉花其實未必有人知，但咖啡師還是做了，這就是用心而且個拉花拎到上樓都未完全散掉rose latte 充滿玫瑰香，和咖啡本身的香味互相輝影，甜度剛好，不用另外加糖黑啤芥末肉醬熱狗包身鬆軟，芝士拉到絲肉醬說是加了黑啤去煮，果然如黑啤般，超香濃令平凡的熱狗生色不少可惜只有四個堂食坐位，基本上只能外賣了。P.S.買主食跟飲品有優惠，加十多塊就有特色咖啡了

《橙・皮咖啡》火炭今日行程相當緊密🤷‍♀️，去到火炭已經14：30，好肚餓。。最近既良知小店就係銀禧花園街市既＜橙·皮＞🍊雖然喺街巿入面，但非常衞生😊而且都幾舒服＜安格斯牛肉漢堡＞🍔熱辣辣送到🔥個包烘到超脆。。我比較喜歡個牛肉，入面好多洋蔥粒🧅好厚身肉汁超級多，成個包既比例配得不錯，唯一係生菜有點霉，不夠新鮮😪＜橙・皮咖啡＞好好飲🥰店主主動問需唔需要少甜，加分位🤗杯底有藍色，但我唔記得問喺咩黎😆返工返到呆呆地😶我自己幾喜歡個咖啡，希望去火炭時每次都試唔同既，舒緩一下工作悶mood 😚

昨天無意之中經過這里發現了呢間橙皮咖啡檔，啱啱係中午，就幫襯佢叫左一個佢哋嘅招牌手工牛肉漢堡，加煙肉，同埋橙皮咖啡梳打。🍔🍔漢堡包好好味，面包皮脆內軟，令我諗起細個嗰陣嘅小食店漢堡包，牛肉係進口貨好大塊，肉汁多又有咬勁，配埋塊脆煙肉🥓🥓一啖咬落去，好有層次，麥當勞嗰啲連鎖快餐漢堡同佢真係冇得比，真心推介👍一定要試！我叫呢杯橙皮咖啡梳打時都唔知好唔好飲，只係因為實在太熱，想飲杯凍嘢，點知看到出品真係有啲驚艷囉，顏色好特別，配埋我個漢堡頓時生色不少😜。呢度主要做外賣，只有少數坐位，所以繁忙時間需要等一陣，不過靚女店長同店員都好快手架，唔駛好耐。如果經過火炭記得嚟試試。位置就響火炭火車站對面，走路五分鐘就到😊

連續兩天到火炭銀禧探朋友, 知道街市有一間cafe小店, 即管入去逛逛。位置非常好找, 街市一入轉左就是了, 很容易找到,  加上街市內的招牌統一式樣, 清晰可見。一望過去, 店子真的不大呀, 如果堂食的話, 有2張高身的吧檯椅子。第一天, 我試了一杯小白flat white(iced)。flatwhite與latte的分別就是奶泡的比例 。結果這杯小白的評分頗高。不嗜甜的我飲下去時倍感細滑, 軟綿綿的感覺。第二天, 正正是午餐的時間, 再試試店內各樣的美食吧。店內有一塊黑板仔, 想不到吃甚麼, 即管可以參考推介, 不過黑板上如果可以加上價錢, 字體小一點, 空間多一點, 再多一些留白的地方, 看上去應該會更配合這小店cafe。(sorry, 職業病發作<設計師>)昨天點了加奶的咖啡, 平日飲開handdrip的我, 就想清新一點, 於是試了一杯橙皮mojito coffee, 炎夏中這杯咖啡確實有點特別。上層是啡, 底層是mojito 糖醬, 開初飲用時, 有一點點的苦, 但慢慢的, 再混和底部的糖漿, 複雜的效果便出來了。苦中帶甜, 就像人生一樣吧。食物方面, 辣雞

作為土生土長火炭超過二十年的人，決定2021年要慢慢品嘗附近的餐廳，尤其支持小店。今天的目標是開正係樓下的 “橙 · 皮咖啡“。一睇餐牌，嘩，手工芝士牛肉漢堡，手工呢兩隻字吸引了左我，二話不說立即點了一份外賣，$50。可惜現實同理想總係有落差，社會告訴我們，當你以為一切都理所當然，但偏偏就係會發生令你失望既事。坦白講今次對呢個漢堡冇乜太大感覺，未必翻桌。賣相：麻麻啦，因為個麵包皮睇落唔吸引味道：牛肉冇乜味，而且漢堡個調味只靠左茄汁，冇乜香味反而白桃綠茶，少冰，ok wor，fresh。哈哈不過可能係我要求多，下次再試下肉醬意粉，會再比多次機會佢地 ;)

咁啱嚟到火炭做野，好眼瞓想飲杯啡，點知 search 到呢間咖啡小店，銀禧花園既街市叫"開心市場" 好搞笑，佢有一條小食街，有別於傳統街市，好似新型街市，都算乾淨...個地唔濕喺好多小食店中間竟然有間咖啡店，仲有2個座位，都見有幾個熟客買啡 or lunch，我本身想買熱既奶啡，見好多客都買熱啡。但望到佢店名叫橙皮咖啡，唔係唔飲佢個signature 橙皮咖啡梳打 橙皮咖啡梳打 (凍) - 一定凍，可以少冰，我見佢地有專業咖啡機整咖啡，應該係espresso + soda + 橙汁，梳打咖啡有點像有氣版americano，酸甜既橙汁提升咗咖啡既味道，唔錯!佢用紙飲管都值得一讚! 其實佢仲有好多sandwich 及 lunch set 可惜我今日趕時間試唔到，好似都好吸引。

認識這間小店，來自一位食素的朋友，靚靚老闆娘特登為朋友而做的素菜意粉，而且見到有《橙皮咖啡》覺得好特別，所以想一試。 我光顧2次，都是食安格斯漢堡意粉，漢堡煎得好味，份量也不少；意粉用橄欖油來煮，好健康，早餐食意粉太heavy了，因為煮得好味，就食清👍👍👍而另一位朋友食煙三文魚意粉，三文魚好新鮮和份量都多，我嘅為食貓朋友都👍👍👍 小店嘅咖啡是用一坐好專業嘅機器而做嘅，一般街市舖多數是比較簡單或古老方法沖的，雖然各有和特色，但我比較喜歡《橙皮咖啡》小店嘅專業。這小店將會成為我經常光顧的食店

呢間Cafe位於火炭街市入邊，雖然話係街市，但係環境都算乾淨衛生。而呢間小店同街市內其他食店格格不同，佢只有兩三個位係堂食，我就買外賣。 之前試過買三文治同凍latte都ok，今次想試意粉同熱咖啡，叫咗煙三文魚意粉。個意粉唔錯，應該係即刻炒既。每日主菜menu會唔同，可以睇instagram check/ whatsapp 落單。而咖啡我就覺得凍既好飲啲，凍飲咖啡杯仲幾靚添。👍🏻👍🏻👍🏻 💰 人均消費：$40-60

其實係火炭近跑馬地依到，已經係食物沙漠，唔好話黃店，食店都唔多間，但好彩銀禧打本土感覺的街市，所有兩間，但不幸是我月頭才食完一間齋舖，想食多次順便寫文，就已經結業，但幸好仲有一間橙皮咖啡梳打店名都係咁叫，當然直接叫招牌飲品，其實近年都興似咖啡梳打，梳打有走左咖啡的苦澀感覺，但又可以飲到咖啡的香，而且簡單加上橙皮，令到咖啡的果香濃郁，增加風味安格斯牛肉漢堡一叫就叫個最勁既漢堡，牛肉味濃咬落仲有肉汁，其實麵包類型可以更改，不過我就揀番最簡單，烘熱過的麵包加上其他配料，就係咁簡單好食

位於街市嘅角落，小小嘅咖啡店，一個黃到金嘅女人仔，食物用心製作，即叫即做由於lunch set意粉已賣晒，老闆娘話意粉最好打電話留定，研究完個menu，漢堡都賣晒，老闆娘推介蘑菇芝士雞肉意大利包，初初驚唔夠飽，見到大大件，果然當lunch 食都ok，蘑菇芝士加雞肉好夾，雞肉juicy，熱辣辣好食播過幾日終於食到安格斯牛漢堡，一樣係即叫即做，牛肉juicy，青瓜爽脆，蕃茄厚肉，好大舊，夠晒飽，加杯latte 作結尾，下次冇飯帶期待食到意粉

本身銀禧花園一帶已係係餐廳沙漠，附近主要都係大型連鎖店，想去小店或者比較平小小嘅餐廳已經要行去工業區😑，好彩呢間餐廳係黃店🤪仲要係黃到金個隻，一定要支持一下💜雖然餐廳主打外賣（都有堂食，但只係得兩張椅，外賣會舒服d🥰）不過竟然都有all day breakfast同三文治🤪絕對岩哂想食輕食嘅你😘平時呢間店Lunch主打係意粉，即叫即整，😍老闆娘服務態度都好好1. All Day Breakfast ($28)All day breakfast 細細份，粟米落左牛油，麵包有烘過🤤，炒蛋岩岩好，唔會太熟，睇得出小店係用心製作2. Latte (套餐+$15）😆😆咖啡唔係落奶精，而係落牛奶🤤🤤

最近先知原來銀禧市集入面有野食，諗住食個lunch 發現一間賣三文治/咖啡店，不嬲鍾意飲咖啡，決定試吓先。舖頭唔大，但睇落幾乾淨企理門口有三張圓櫈俾客人等外賣。我要咗個芝士磨菇雞肉熱狗加一杯flat white, 外賣。返到屋企食咗個熱狗一半先記得影相 搞到個熱狗有點肉酸，就唔show 出嚟影響大家食慾啦。芝士磨菇熱狗份量好足，入面好多磨菇，雞肉份量ok不過雞肉幾滑口，芝士少咗啲如果多返少少就 perfect 啦。overall 嚟講我幾滿意，下次想試和風蟹柳青蘋果，或者好肚餓時試吓個安格斯漢堡。咖啡不嬲飲開flat white, 今次依然係試依個。味道不過不失，我依啲餐餐都鍾意飲杯咖啡嘅下次會再order。依度都有賣果茶之類嘅飲品，不過not my cup of tea 就無影果茶menu 了。老闆(定店員?) 好nice，加分! 依度好似可以响food panda order, 等遲啲熱到唔想出街時可以叫外賣。

今日去火炭整證件，整完之後見時間仲早就去和你eat睇下附近有咩黃店之後就揾到呢間cafe見價錢都ok就打算去試下。明明好近但係揾咗好耐，原來係街市入裏。見到個menu好多都想試企咗係度諗咗好耐😂 原本諗著嗌個吞拿魚青蘋果青瓜三文治，點知冇，最後叫咗蛋沙律三文治同四季春。好食👍🏾😋原本呢間野有外賣如果我住呢頭應該會成日外賣😂 大家可以去懲罰下呢間黃店

眾所周知，火炭無乜野食，又無台灣茶果類野買，有錢都無地方洗！ 本來不打算走進銀禧街市，但朋友居然極力推介，便一試究竟！居然新開間cafe 外買！ 試過All day breakfast ， 蘑菇芝士雞肉包，安格斯牛肉漢堡包, 又叫過白桃綠茶，碟豆花荔枝梳打！ 足料好味！而且這店子都很注意環保，都係盡量走塑的，就算我杯裝飲品是膠杯，都是可重用膠杯，下次可拿回再買！由於新開張不久，我係某社交平台見佢每日試緊新野，有意粉，蘑菇湯咁！另外一讚係老闆娘一家很健談，我去過兩次又認得我，唔只我，我等野食時見佢同街坊都好nice!