橋香園雲南過橋小鍋米線

桥香园云南过桥小锅米线 (上环)香港上环永乐街79号地舖超好食，超好食，超好食! 小精灵又去到上环揾食，呢一间喺上环地铁站嘅米线舖成日都经过，下午好多人，所以特登拣咗夜晚过嚟食。第一次入嚟，嗌咗四拼小锅米线，叫咗鱼皮饺，韭菜饺，生菜同埋老板特别介绍嘅牛腱。嗌咗一个小麻辣嘅汤底，超级正，配埋酸菜同埋肉碎完全同其他大连锁嘅米线距离拉远好多，觉得真系好好食。老细同埋员工所有都好好人，无论生客熟客都好倾得埋，佢介绍韭菜饺嘅时候同隔篱𠮶位姨姨讲，”一睇你就知平时喺超级市场买急冻饺子，你试吓我哋自家制嘅饺子啦，一定系非同凡响。”都系偷听到呢个对话我先至叫咗韭菜饺子，果然系觉得好正。鱼皮饺都系普通质素，但系煮得唔错唔会烂晒，生菜浸啲汤好好味。米线煮得啱啱好。超赞!!! 精灵味道评分 🧚‍♀️🧚‍♀️🧚‍♀️🧚‍♀️🧚‍♀️精灵环境评分 ⭐️⭐️⭐️⭐️⭐️精灵抵食指数 🧚‍♀️🧚‍♀️🧚‍♀️🧚‍♀️🧚‍♀️精灵服务评分 ⭐️⭐️⭐️⭐️⭐️精灵总体评分 🧚‍♀️🧚‍♀️🧚‍♀️🧚‍♀️🧚‍♀️…查看更多

今日想同大家分享一下我喺上环米线店桥香园✨ 之前已经试过几次外卖，今次终于去食堂食，真系非常期待！我叫咗两碗酸辣米线，第一碗系猪颈肉鸡扒鱼皮饺米线🍜呢碗米线嘅酸辣汤底好正，酸酸辣辣，特别提一提鸡扒，佢系完整一大块，肉质鲜嫩，眼见都好juicy，口感十足，搭配米线真系好味！鱼皮饺都唔错，外皮薄薄😎第二碗系猪扒鸡翼韭菜饺米线🍜。猪扒真系好厚，咬落去肉质软滑，味道够入味✨。鸡翼就唔需要多讲，炸得香脆，咁样配埋米线，简直系人间美味！韭菜饺亦都几好，咬开有阵阵韭菜香味，令整碗米线更加丰富🍽️整体嚟讲，桥香园嘅酸辣米线真系好有水准👍 知论系汤底、配料定系米线本身，都表现得非常好✨。下次再返去试下其他嘅菜式！如果你钟意酸辣味，绝对唔可以错过呢间店！🍜…查看更多

最近同朋友经过上环，见到呢间米线决定试下，叫咗两碗唔同配料嘅米线，两碗都系小麻辣汤底，食完印象相当深刻。第一碗系牛腱配冬菇同萝卜。牛腱炆得够腍，肉质入味唔鞋口，冬菇吸满汤汁，香味浓郁，萝卜炆得透，入口即化，有淡淡甜味。整体配搭非常平衡，辣度适中，有麻香但唔抢味，汤底浓而唔腻。第二碗就系牛腱、金奖腩肉加猪大肠。腩肉每日新鲜熬制，肥瘦适中，入口即溶，唔会腻；猪大肠处理得干净冇异味，带少少咬口，够晒香；牛腱一样出色，三款配料同汤底好夹，够晒满足。值得一提嘅系，成碗米线最出色系个汤底。纯猪骨熬足十个钟以上，唔落味精，有骨香、有厚度，配合店舖自家制辣椒油、麻辣底、酸菜，辣得有层次，而唔系单一死辣。酸菜同辣椒油都系自家制，细节位见诚意。…查看更多

今日同老公去上环整啲嘢之后要揾夜晚食，好想食米线，所以就嚟咗同事之前介绍嘅呢间汤底系自己煮所以饮落去特别唔一样有好浓嘅猪骨味! 我哋一碗嗌咗小辣, 另一个嗌咗捞米粉~ 招牌酸辣汤底好香，有好多酸菜同肉碎！嗌咗腩肉，炆得好香！牛腱都好入味，我仲叫咗猪红食落口感够jelly~ 捞米线都几特别，佢嘅肉酱特别多！而且我嗌咗油菜，一齐挂汁正！加左鸡扒即煎的，好大件，必食呀！仲有叫咗猪润，佢都几多旧同埋洗得好干净冇怪味 #桥香园云南过桥小锅米线 #桥香园 #过桥小锅米线 #米线 #牛肝菌 #腩肉 #猪大肠 #鸡肾 #无锡骨 #香港美食 #香港探店 #香港米线 #中环美食 #上环美食 …查看更多

今日去上环睇话剧，顺便食个快靓正嘅晚餐。金奖腩肉、猪红、萝卜小窝米线腩肉肉质鲜嫩，油脂分布均匀，入口即化，带著淡淡的猪肉香气。猪红滑嫩、萝卜清甜，米线的质地弹牙，吸附了汤底的精华，让每一口都充满了浓郁的猪骨汤味道，听讲汤底是每天用纯猪骨熬制超过10小时，超级用心。无锡骨、爆汁牛肉饼、韭菜饺小窝米线无锡骨软骨有Q弹口感，咬下去时那股肉汁瞬间迸发，爆汁牛肉饼有惊喜，有丰富的肉汁，韭菜饺散发著韭菜的清香。每碗小锅米线都附送芽菜、韭菜、酸菜芫荽、葱、肉碎、整体味道香醇浓郁，是有水准的云南过桥米线。…查看更多