樹記食品有限公司

曾經係citysuper買過樹記的盒裝腐皮，淥粉麵或煲湯水都好正。幾次落去深水埗，都途徑呢間樹記，多見要排隊，今次難得無咩人，梗係入去睇下啦！見好幾個人都係買豆卜，阿姐聲稱豆卜好新鮮，今日新炸。因住得遠，一家老小都鍾意食豆卜，即掃2袋豆卜34蚊，4支黑白豆漿20蚊，魚腐30蚊，碎腐皮20蚊。豆漿5蚊係抵的，但原來非樹記出品，只係工厰貨，有豆味且口感厚滑似鮮豆製造，非豆粉加水沖泡，有糖的黑豆或白豆漿皆比無糖好飲。豆卜一袋好多，一袋放冰箱，一袋加埋話話碎唔係碎的腐皮炆排骨超正，索晒汁，豆卜即俾家中老小秒速ko，腐皮炆煮亦唔錯.魚腐相信係工厰貨，純粹係順便買的，淡而無味，口感軟冧冧，超級難食見剩少量腐皮碎，試煲冰糖白果西洋薏米雞蛋糖水，結果煲極仍係一塊塊，一條條碎腐皮浮浮下…查看更多

尋日去深水埗，本身行過明利，但對面見有樹記，就行左過樹記買。因為記得樹記係出名好味。問姐姐煲腐竹糖水買邊款好。佢介紹買左半斤碎腐皮，諗住煲腐竹白果雪燕糖水。點知煲左成個鐘都唔溶，明明之前係大埔果間買既腐竹煲一陣就溶。上openrice先知原來呢間係流野。真係好失望！預備左成晚，連材料都浪費埋！😡 好彩無幫襯買其他野。我為左要俾負評佢，點都湊夠200字！！大家如果想買好味既樹記，都係番去大埔果間正版！！…查看更多

疫情下減少外出，但都要購買日常必需品，今日星期日又凍又大雨，買了一些餸菜，菜好貴呀！哈哈 ！路經樹記。二十幾年前常幫襯的樹記豆品，是一家老點，既然路經，就買一些放雪櫃 “看門口” 啦！以前的舖位換了另一間豆品店 ！原來已經搬到斜對面。仍然很好生意，要排隊，但非常有效率，可能舖面的姐姐都經驗豐富，很快手！晚上拿出豆腐及豆卜煮 ，唉 ！水準不再了，豆卜皮硬，沒有豆味，煮好耐都唔淋 ; 豆腐尚可，都幾失望 ！跟朋友聊起，原來大家都有同感，質量退步了。不會特別再來了 ！…查看更多

出深水埗辦定年貨，去左樹記!門口人頭湧湧，排晒長龍，好在我地唔係買豆腐，聽聞係好平，同埋好受街坊歡迎，但好似都唔少爭議。枝竹($19/半斤)，第2日即刻用佢黎煲瘦肉湯，枝竹夠稔同軟，街市買個d浸極都咁硬，煲出黎我覺得有豆味，唔係講到咁差。腐竹($17/半斤)，準備留返新年煲腐竹雞蛋糖水，屋企每年都會煲，眼見好多負評話佢冇豆味，腐竹唔夠溶，真係唔知我地會唔會中伏!走左先發現應該要試埋響鈴，隨時天氣凍又係屋企打邊爐!睇下有冇機會做個試伏專員!…查看更多

呢間樹記雖然唔係大埔嗰間，但係都出名多人買，佢又話腐竹碎一煮就溶，最啱煲腐竹雞蛋糖水，點知今日一煮，於是買左腐竹碎，煮咗勁耐都唔溶，非常失望 ！一啲豆味都冇 ，又唔溶 …查看更多

呢間擺明唔掂，生根重油益味😡腐竹煲糖水唔溶，響鈴又厚又油，直頭中伏 🥶問呀姐豆漿係唔係工場交貨，佢馬上話自己做！跟住我就話唔要，佢問我點解🤪我玩鬼佢話要飲工場交貨嗰D！好彩冇要😴唔係輸多D！我响👉🏼屍都輸埋👈🏼買過樹記響鈴食過，完全兩回事，心存懷疑 OpenRice 吓喇！原來有玄機👅馳名嘅嘢無理由咁差嘅，唔通我真係唔識食，再問問朋友佢都話有去買，仲話唔錯😂可能佢試過響👉🏼屍都輸埋👈🏼買響鈴，未分辨到，一句講哂😴無下次！…查看更多

用兩次經驗試哂所有豆品，如題.....豆卜係豆卜樣，腐皮係腐皮樣，齋鴨係齋鴨樣，齋雞係齋雞樣，油豆腐用萬年炸, 一陣油益味。大家可以一試，我都想了解是否我要求太高還是我味覺問題.....…查看更多

兩年前經過尼間舖，第一次見甘多人排隊買腐竹，因太多人排隊無買，琴日同女友食完新X園，滿懷希望試下買佢嘅腐皮，諗住返去試下煲糖水，見門外無人龍，已經覺奇，跟住睇舖阿姐仲好熱情，甘就幫襯左買幾樣野，其他吾多講，主角腐皮自己睇相，全包都係腐皮邊邊，真係街市買都吾會甘，無言中伏!…查看更多