標記樂園潮州粉麵餐廳

來得深水埗食好西，點可以吾試下人氣地道粉麵茶餐廳——標記樂園😋，港人港味crossover 潮式風味,絕對正宗好味🤤首先點左必食的標記秘製———牛三寶撈麵， 滿滿的牛三寶（牛肚，牛腩，牛筋），湯熱辣辣同撈麵分開上，牛三寶份量多，味道👅正宗秘製南乳豬手🐷河 $42 豬手厚肉彈牙大大就，係補骨膠原既首選🤤郊外油菜有幾款選擇，揀左最愛的腐乳通菜，通菜的確綠油油好新鮮👍精選小食——必食之選奶油豬仔包 $30， 豬仔包超級脆口，甜甜地當甜品食都可以🤭…查看更多

今日行經深水埗見到標記樂園， 咁就入去試下喇，入到去環境好企理乾淨唔似一般茶記，服務態度不錯，叫咗個牛雜河粉、西多士、茶走，牛雜好腍好入味(正👍🏻) ，河粉夾得起唔斷，西多炸得夠脆， 茶走夠茶味，整體好滿意。…查看更多

去食下午茶，食個牛腩河。人唔多，仲有好多吉枱又無人等位。但d 阿姐就好似趕住收工咁。問成3次，你食完未？第一次我食到一半，睇陣手機。個阿姐走埋黎，2話不說就收走我對筷子，反應慢d，應該將枱上面嘅垃圾都掉埋落我個半碗粉到架啦。同佢講，我未食完喎，佢就指一指話果道有筷子。第二次想話攞張紙巾抺下個咀d油先再食，打開個袋搵緊紙巾之際，又走黎問，食完未？到底趕緊乜野呢？ 第三次我lee頭食完放底筷子，個阿姐又即刻走黎問。係咪食完啦？隔離仲有吉枱，要唔要咁趕住趕人走？我食咗45分鐘姐。繁忙時間都預用餐時間一小時啦。我純粹想食啖安樂茶飯，可唔可以唔好攪到好似我阻住左你做生意咁？如果食個牛腩河係限時15分鐘要食晒嘅，不防早d講。咁我唔會幫襯。唔怪之得香港人返晒大6消費，真心，大6任何一間餐廳嘅服務態度都好過晒佢哋。…查看更多

本人支持呢間店數年，崩沙腩係我每次都食的，以前崩沙腩佢地係會改曬d肥，肉上面塊根，慢火炆到霖透，非常好食！但此情已不再，最近發現你嗰位光頭師傅，做野求其，牛腩薄片 仲夠膽死出一d成舊肥高，無肉既， 而家永遠腩上的根不會改走d肥， 成碗粉有曾油的，d牛腩大火死煲 ，有幾次條根又硬又攣，你唔管佢，遲啲早走曬d客 ，希望大隻老闆正視，你呢個伙記d出品根本趕客 …查看更多

Fri 12th May 2023 母親節前夕乾淨企理，座無虛席，席上個個都斯斯文文咁，又唔嘈。佢哋主要係潮式粉麵為主，但係今日想食啲重口味，所以叫咗個咖喱「金薯」雞扒焗飯 + 熱奶茶。落咗單冇幾耐就…… 有人坐埋嚟要搭枱，冇辦法係食晏黃金時段。不過搭枱人到好斯文靜靜地咁一齊等食。佢叫咗個類似牛腩湯河嘅嘢，遲來先上岸，佢好快就有得食啦。睇咗一陣舖頭大銀幕嘅ViuTV，我個金薯雞扒飯就嚟啦。熱辣辣，啲飯喺個兜裏面仲係滋滋聲，面頭嘅薯仔同埋芝士焗到金黃色。微微輕辣嘅咖喱，濃郁嘅香料。裏面嘅雞肉就一般冇乜特別，但係啲薯仔就好好味，好綿好滑。應該係煎香過，再撈落啲㗎呢度。下次我一定會試吓叫佢加薯仔，寧願要少啲雞都在所不辭。…查看更多

我最喜歡經常喜歡去嘗試受到著名食家大使吹噓嘅店舖，看看他們是否真的純粹賣廣告。今日去深水埗買嘢上網睇睇附近有什麼食牛腩雲吞麵嘅店舖，哇見到開飯嗰度全部差唔多都係正評語，當然嗱嗱聲去試吓。看看枱面上個Menu，之前未食過這間店舖所以就叫咗個牛腩河，這個並不是什麼下午茶餐，是正常價錢。個阿姐送到枱面我望一望吓點解同張相爭咁遠，當然間間店舖都話相片只係參考。只係見啲牛腩份量少張相片一半，不過有客觀啲講，味道還可以比起一間叫做香港X粉面啲牛腩其實又係好食點。牛腩麵送來嘅時候我不左一啖湯飲，味精應該唔係好犀利因為食完之後都冇乜口乾。唔講咁多放進片俾大家睇吓，唔需要回覆我話而家啲鋪租幾貴，牛腩，雲吞，菜，魚皮有幾貴。如果係份量少咗咁多嘅話，就麻煩改下啲相片。…查看更多

牛腩牛雜河🍜 💰57 ❤️‍🔥6/10分大腸好瘦，而且厚皮、韌口、零肥膏嗰種，得一嚿係薄皮肥膏，仲要係男友喺佢兜腸肺河到夾俾我🥹肺無乜味，亦無乜氣管，即係食落去脆脆地嘅位，少失望🫠肚太太太冧，一般😟膀最正，煮得啱啱好，食落有種粉粉地嘅口感🤤湯底同牛腩都有牛味但唔重，牛腩有一嚿有啲韌，其他都冧嘅〰️通菜🥬 跟餐+💰15 腐乳味唔夠凍華田🥤 跟餐+💰7⚜️整體性價比 5/10分 雖然地理位置優越自然令佢收貴啲（貴過大埔道嗰兩間至少$20），但真係普普通通咁，試一次就算🫡…查看更多

天氣凍 當然要食羊腩煲！每次食完個身體都暖笠笠今次就上羊腩煲關注組搵吓有邊間推薦好多group友都介紹呢間深水埗茶記估唔到一試 又真係幾正～例牌羊腩煲 $288一上枱 用gas爐熱住奉上 兜一兜煲 發現羊腩同枝竹分量都幾多黑草羊腩連皮帶骨 鄰近脂肪位置 入口感覺一流而且羊腩羶味適中一啖白飯 一啖羊腩 好舒服！兩個人不知不覺食晒成煲～絕對會去食多次！整體性價比：🦖🦖🦖🦖標記樂園潮州粉麵餐廳地址：深水埗福華街149號地舖…查看更多

飲食記錄：手打魚蛋河拼紫菜手打魚蛋都算彈蛋，而魚片則比魚蛋更彈牙👍🏻但有少少粗糙感，唔夠滑身～魚蛋魚片有魚味👍🏻湯底清清地唔會好咸👍🏻👍🏻紫菜無沙👍🏻👍🏻👍🏻價錢就非常吸引😍手打魚蛋河32蚊，紫菜加6蚊，嘢飲又加5蚊，成個餐先43蚊！可以理解佢未夠細緻嘅位👌🏻茶走少甜奶茶幾滑，茶底唔澀，茶水部👍🏻👍🏻先5蚊真係世界級！後記：喺依度真係感受到香港寸金尺土，1張4人圓枱，都劏到3張細枱😂職員帶咗我坐1/4卡位，原本坐低有少少hard feeling😅唯有當試吓住劏房滋味🥹但係職員好有禮貌，同埋個位細橫細，都幾企理，塊隔板唔係透明都好貼心❤️‍🩹同埋，食物性價比高👍🏻我估我將來仲係有可能再嚟食🫶🏻…查看更多

深水埗嘅標記樂園一向都頗多食客，我相信價錢親民絕對係主因，呢度除咗粉麵外仲有茶餐廳嘢供應，食物種類多元化。我叫咗自家製鮮蝦雲吞撈麵，雲吞有四粒，大大粒，蝦同肉嘅比例得宜，口感同味道都具水準。麵嘅份量算多，撈埋以蠔油同熟油為主嘅醬汁，入口彈牙之餘仲有陣陣油香味，好食。…查看更多

之前一直有食開佢哋嘅羊腩煲同埋例牌羊腩飯但係因為而家天氣已經熱返所以已經冇得再嗌啦😢唯有外賣一盒例牌牛腩返屋企食呢間良心店舖會接受環保盒減一蚊就算因為自己個客同佢哋本身舖頭嘅唔一樣但係照樣份量係足料唔會比少你牛腩好香有湯汁下面鋪返蘿蔔$79就可以買返屋企 強烈建議大家自己攜帶環保盒走餐具🫶🏽…查看更多

👉到鴨寮街逛逛，就會看到近期🈶️什麼火熱推介。。。本想喝杯茶休息一下，看到門外有炸髀薯條～下午茶餐，頓時被吸引內進！！.📌香炸雞髀薯條配紅豆冰 $36 ～ 雞髀尚算大隻肉厚，色澤金黃偏濃，但其實正🈴️我意。。。即炸外皮脆口，肉汁豐富。。不枉等了二十分鐘☺️波浪紋薯條🍟條條脆口。。若灑上少許鹽巴味道更佳‼️📌香炸雞翼飯配咖喱汁 $35 ～ 3⃣️隻雞中翼略為細隻，也是即炸熱氣之作。咖喱汁味道香濃少少辣，配菜有少量洋蔥🧅、青椒🫑，幾抵食‼️👍…查看更多

原本想同友人一齊嚟試個羊腩煲.... 一路都未約得成，見都過埋年，要食真係要快，唔係又要等下年.... 所以作為街坊嘅我，就叫個羊腩飯試吓 （因為我唔太食飯，所以加$5 改湯米粉 😜）真心抵食都好食！ 首先，一共大約有6、7嚿羊腩，帶骨同冇骨都有，就算帶骨嘅都好多肉，食起嚟好滿足 味道 羊腩好淋好入味，一入口就係個種最熟悉嘅羊腩味道，連皮食時淡淡嘅羶味，好正！（本人認為完全無羶味，就不如唔好食羊 ）最後當然要讚埋個腐乳喇！ 之前食佢嘅腐乳通菜已經勁鍾意佢個腐乳醬，鹹香中帶甘甜 …查看更多

秋冬季節必做既一件事就係食羊腩煲😎Bookmark左幾間，今次就試左標記先～正日做冬果晚同朋友兩個人黎食，因為驚太多人所以六點半就黎到，唔駛等位✌️叫左個例牌size秘製古法黑草羊腩煲同兩個飯（原本只係叫一個飯share，但朋友覺得個湯汁好好食所以加多左碗飯😂）羊腩煲超快黎到，湯底濃郁，賣相吸引！😍一開始覺得羊肉份量唔多，不過食食下好似食極都仲有咁😅羊肉超入味！陳皮同八角香料味突出所以完全唔覺得羶，碟腐乳用都冇用過😉大部份羊肉都夠淋好好食👍食到有唯一一舊羊皮超級淋超好食！但其他都比較韌😅附送咗碟生菜，浸落個湯底輕輕煮一煮爽脆好食😋 馬蹄爽口，枝竹入味我同朋友都覺得水準高又抵食👍👏我地兩個都一致通過下次要帶媽咪黎試下😊…查看更多

秘製支竹羊腩飯 $80依排天氣凍凍地最啱就係食羊腩，不過如果一支公，無人同你食羊腩煲既話，咁標記依個羊腩飯就幫到你啦👍🏻羊腩既份量唔算少，有七至八舊大既。而且炆到好腍好入味，啲肉唔會柴皮😋配菜仲有幾配支竹，吸哂啲羊腩汁，好好味😆不過美中不足就係冇馬蹄，有啲可惜，如果加埋成件事會即刻昇華哂😌性價比本人覺得都幾高，一個人食好夠飽👍🏻如果多人食大家可以揀羊腩煲，滾住嚟食仲好味，仲會送多碟生菜添😀P.S.大家都知羊腩係季節限定㗎啦，所以要食就要快啦…查看更多