樓上Cafe (已結業)

呢度地方細細，但都算舒服，唯一缺點係無洗手間！所以大家要留意！佢好多飲品揀，凍咖啡仲要係用咖啡冰，值得一讚！！！唔會冲淡哂！另外仲有特別推介，有燕窩，抹茶，冬瓜 等等唔同特飲！成為樓上會員仲有九折添，一杯cap都係$30內，店員又友善！加點食物仲可以有套餐價錢添！推介呢個🧁同🌭，加熱食超好味🤤芝竹卷芝士漏哂出來！🧁同出面見嗰啲唔係好一樣，面頭d粒粒脆脆好好食！無乜人知樓上有間cafe，好幾特別丫👍🏻😊

平時去飲咖啡係一定唔會飲凍飲，因為會淡左，啲奶又無質感，原本行緊去另一間名物，但朋友係都要試下，佢因為怕熱，次次都飲凍啡，明知不夠香濃。但竟然有驚喜，職只從冰櫃拎左個有咖啡冰既杯加奶，滿滿鮮奶再加上即磨咖啡，配咖啡冰真係第一次見，可能我見識少，呢個細節真係處理得唔錯，唯獨好飲無寫咖啡豆出處就欠了一點點以34蚊黎講都無得輸， latte 都大大杯，味道不錯夠香濃。這是我意想不到的事，佢個餐牌仲有一啲特式野，隔離有少量位置可享用餐飲輕食。不錯！

好幾次經過都忘記這裏有間樓上Cafe想試試，今日終於記得；放假要飲少啲咖啡叫了凍的抹茶鮮奶及一個朱古力 muffin 外賣回家第一啖抹茶鮮奶，全是濃郁的抹茶味，額苦也沒有鮮奶味道，再喝下去才發現原來鮮奶都在下層，味道不錯，朱古力muffin 味道夠濃比預期中好　自𢹂外賣杯，店員很友善，幫我先量度份量，建議減少冰塊以免倒瀉，夠貼心

▾#Serena食食食出名賣蔘茸海味嘅樓上燕窩莊除咗咖啡之外仲有湯賣，仲要係即叫即飲果隻，又有為你坐，開頭真係覺得幾正㗎，有啲似韓式嘅Cafe。所以我哋就買咗【花膠響螺元貝湯】同埋【牛蒡花旗參無花果竹絲雞湯】黎試吓，第一個字可以形容 — 淡。冇諗過一間買蔘茸海味嘅鋪頭，煲出嚟嘅湯居然係可以咁淡，仲衰過鴻福堂、湯叔嗰啲，好失望，唔會再試！其他飲品小食可能好味嘅，但係試完佢個湯之後真係冇心再食啦，希望有機會再嚟幫襯會有改善啦。順帶一提，店員的態度好好，又同我地介紹產品，而且Cafe上面就係樓上燕窩莊嘅鋪頭，行完街落嚟坐吓其實本身係幾好嘅。🔸 樓上Cafe 🔸📍土瓜灣土瓜灣道39-41號宏豐大廈地下📲 2656 6381▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸🔱S指數🔱（滿分為5）美味度：👅👅👅打卡度：📸📸裝潔度：✨✨✨回頭度：😍😍店員態度：✅---------———————總推薦度：💓💓▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸＃土瓜灣美食 #SerenaChuk

自從發現常常光顧嘅樓上竟然有間cafe，炎炎夏日自然少不了幫襯。樓上Cafe的飲品大致分為三類，咖啡，鮮奶類及沙冰，目前只有試過鮮奶同沙冰類的產品，味道天然，非常適合怕香精味的我，對於怕甜的人來講可能過甜，記得要少甜。目前嘗試過的飲品中，奶茶沙冰和草莓沙冰都令人驚喜，奶茶沙冰奶味和茶味都很濃郁，草莓冰沙則是有非常淡雅的酸甜味，冰沙還可以選擇是否加忌廉。飲品可以加配蛋糕，會略有優惠，會員卡有額外折扣，折後價可說是非常優惠了，且每次光顧店員都非常nice，值得一試。

每日都慣左一杯咖啡提神，可惜係土瓜灣做野，附近都無一間專賣咖啡既鋪頭！每次只能飲「英文字頭」快餐店既即磨🥺不過唔緊要！最近俾我發現到樓上CAFE 🥰！ 款式都幾多，價錢又唔會貴！今日飲左佢既鮮奶咖啡（LATTE , HKD 29)，味道都可以，但好似奶味多過咖啡味😟有啲失望，唔知關唔關佢用Meji牛奶事呢？ 不過有樣野值得一提，樓上係用咖啡冰架！咁就算冰溶左，都唔怕咖啡味更淡！點都好，以後都多個選擇～都會考慮再試其他～

突然想飲湯，落咗去屋企樓下嗰間”樓上”, 第一次幫襯佢哋嘅湯。環境真係幾舒服，可能係夜晚一個人都冇啦。叫咗個雪耳杏仁椰子雞湯，比我想像中好飲，個湯好”張”口，產生一種覺得碗湯好多骨膠原嘅感覺。個人覺得好飲過其他連鎖賣湯嘅~我見佢保養期都可以到九月頭，絕對會考慮買番啲返公司放落冰箱，得閒叮反碗黎飲。