影片
招牌菜
相关文章
今朝早餐时段叫咗个麦皮餐❨有麦皮，旦治，饮热杏箱❩; 首先嚟杯杏箱，一望成杯洗米水加生粉水咁又浅色但又糊，再嚟麦皮又系稀星星仲有一块块碎粉糊状嘅嘢喺入面，我问佢地喺咩嘢嚟，佢地话未搅混㖞，其实只系得好少麦皮加咗好多水煮又点会唔混呢？我再问系咪隔夜麦皮翻热，佢地话系即煮先会咁，好似以为我从未煮过同食过麦皮咁，最后我退咗个麦皮唔要，只系食咗件好细块蛋又薄又冻嘅旦治，杯粉水杏箱我都实在饮唔落，咁佢就话收我三文治餐个价成惠$32.蚊❨超唔值❩。 附加内容，水吧个姐姐仲除咗口罩同个无食嘢又无戴口罩嘅熟客倾偈。
继续阅读
好鬼难食，芝士根本冇芝士味，啲味似起面包舖买嘅火腿包，又讲学生餐，学生餐50蚊，都冇见过咁贵嘅学生餐，见到个餐个心讲哂粗口，价钱根本吾值50蚊，20蚊都比多左佢， 咁样掠学生水，好鬼死冇良，得两片火腿，再加上火腿咩味都冇，真系搞吾掂，真系吾建议，但可以试下佢个伏度，食完起背脊落，难食到真系想呕返哂出黎，真系吾想讲到咁白，得确系伏到痴线，试下就知一个学生用50蚊食左两片火腿有几嬲！
继续阅读
喺石硖尾度游游走走，四周围影下相，跟住是是旦旦拣一间茶餐厅入去食个lunch，医下肚。虽然女人一个，但都钟意食豆腐火腩饭，于是就食咗个豆腐火腩饭。喺外观睇起上嚟呢个豆腐火腩饭冇乜特别，但食落就知味道，究竟有乜嘢问题呢而家排列出嚟。1. 我觉得个芡汁好咸，而且杰到冇朋友， 呢一种咸唔系普通嘅咸。2. 嘅火腩得好少，火腩嘅肉质好硬好实，而且食上去都系好咸。3. 唔知点解厨师落咗好多葱，而我系唔食葱嘅，令我有啲遗憾。4. 白饭嘅质地煲得好淋，而我系唔钟意食软饭嘅。综合以上4点，我觉得呢碟豆腐火腩饭，系唔好食。
继续阅读
通常返工会自备午餐，不过应同事邀请，今日出去食这间店的食物份量对女生来说偏多，所以我叫左少饭焗饭是同事推介，但我喜爱咖喱，所以都系点左个咖喱鸡扒饭，她们点了芝士焗饭，等待焗饭的时间不算太耐，而且套餐有汤及饮料，可以先饮汤，餐汤有中汤、白汤选择，我点的是白汤，味道正常...没有什么特别～咖喱有一点点香辣，对于不能食辣的我而言十分惹味，是我能接受的辣鸡扒嫩滑～十分满足加了冻饮，共$47，正常茶记价钱注意：这茶记不是天天开门要靠缘份
继续阅读
今日去完jccac，行番去地铁站时想揾野食咁啱见到呢间比较旧式，要行几级楼梯嘅茶餐厅见价钱都唔算太贵咁就食个下午茶啦！叫左个餐肉火腿螺丝粉配热华田，配华田唔驶加钱其实好普通，无咩特别啦…另外仲叫左个手指鱼配薯条黎到热辣辣，即叫即炸嘅，呢样值得一赞配热朱古力要加4蚊
继续阅读