樂福冰室 (已結業)

經過幾次依間茶餐廳, 見個環境有d 暗好似好一般咁, 今日見近近地, 想食個碟頭飯, 外賣返公司食，落單等一陣好快就有得拎。揀左芙蓉蛋飯，足料味道唔太咸，份量啱啱好。有個湯同熱飲。

新搬來附近諗住落去食個早餐就去試咗呢一間，食過蕃茄湯通粉係清水嚟㗎，食咗一啖真係頂唔順，就同侍應講問佢呢碗野係咪真係咁嘅味，佢話佢食過冇問題，食落去同清水煮通粉冇分別，應該係我今年食過最難食嘅嘢，之後我就叫佢換過五香肉丁麵俾我，個侍應話冇問題，到我食完之後買單佢就話俾我聽原來要計兩個餐😂佢話因為佢公司規矩冇得換，所以要另外加錢，食個早餐$73 仲要同我講話老細唔喺度佢打工嘅啫😂呢間野真係唔會再食

必食推薦：沙嗲牛肉麵我覺得佢都應該被 #沙嗲牛肉關注群 重視一下，雖然依間只係一間小店未必好出名，但食得出師傅向秘製醬汁上都落咗不小心機，令到個牛肉麵升華咗個層次❤️仲食到少少辣味😋 （唔洗驚辣，同行朋友都唔食得辣架）仲有啊佢塊多士上檯都係脆卜卜，好好食😍🥰😋依個價錢有碗麵仲有2樣配菜同多士，真心抵食。我每次都會將炒蛋同火腿放上塊多士上面一齊食，勁好食有幸福嘅味道地址：大角咀詩歌舞街83號亮賢居地下6號舖

經過歎咗個下午茶，食物非常真材實料，係一間用心做嘅茶餐廳😋無添加老火湯唔記得影相，真心推介，一碗無加味精嘅湯，落足料先可以咁鮮甜，啱晒屋企無湯飲嘅我🤤薯條炸得好食好脆身，平時唔好薯條嘅我都食唔停口👍🏻👍🏻👍🏻 瑞士雞翼嘅汁都係自家調製😋😋仲有老闆誠意推介凍檸啡，好飲到呢🙀，夏天飲，酸酸地好消暑。近門口有個茶檔，仲有手調飲品，用港式style沖嘅手調飲品好有特色，下次一定要再試試佢😄

樂福冰室今日同老死約咗喺大角咀度做腳底按摩當然要事前食D好嘢然後再舒服下啦讓餐廳位處大概最方便嘅地方，所以同老死一啲都冇諗過就立即衝入去試，估唔到除咗有一般茶餐廳有嘅食物之外佢哋仲有好多唔同嘅港式新飲品非常值得一試金磚西多士新鮮炸起滾熱辣，港式西多士絕對冇得彈炸雞髀配薯條新鮮炸起嘅雞髀卜卜趣好好味肉質豐嫩又好味港式鴛鴦黑白珍珠飲起上嚟佢哋嘅港式鴛鴦都唔錯，而且配上黑白珍珠就好似珍珠奶茶入邊再加上白色嘅蒟蒻一樣，直落有口感又有港式風味正港式美綠恐龍還有點咗依杯飲佢都覺得唔錯，美祿味濃郁再配上黑白珍珠又有口感飲落非常有層次

-之前喺大角咀呢間街坊茶記食午餐 $50唔使 相比之下 晚市小炒套餐更經濟實惠 好多街坊幫襯外賣或堂食 今晚我同阿媽嚟撐枱腳-🥣#合掌瓜甘筍煲豬骨湯 套餐包中湯白飯同熱飲 自家熬製老火湯每日唔同款 家常口味冇加味精 -🍤🥚#蝦仁炒蛋套餐 $78巨型蝦仁爽口 有10粒咁多 蔥粒炒蛋唔係半熟充滿蛋汁嗰種fancy類型 但亦炒得唔死實唔乾身 色澤鮮黃 入口有滑蛋香有油水 係一個老少咸宜嘅白搭餸-🧆#欖菜肉鬆炒豆 $48呢個係淨小菜嘅價錢 轉套餐只需加$10 豬仔豆肥大飽滿有嚼勁 肉鬆醃過所以夠鹹香好餸飯 欖菜俾多啲就好啦-🥤#紅豆冰 加$5🥤#凍檸茶 加$3補幾蚊飲番杯紅豆冰重拾童年回憶🥳 呢杯特飲入口清甜 可惜紅豆結實細粒 入口唔起沙唔太甜 其實呢度有多款台式飲品提供 追加$8就有得飲珍珠奶茶啦-📍#樂福冰室大角咀詩歌舞街83號亮賢居地下6號舖

呢間冰室位置當眼（萬發隔離）佢仲有個茶檔位 用左我爺年代懷舊格仔pattern 非常吸晴😍入左去食個下午茶😌入面環境闊落，乾淨，仲有個大電視牆上掛左好多餐牌，啱哂懶人枱頭叫歺佢外面都寫住自家制xO，所以叫左個XO醬叉燒炒飯，大碟，熱辣辣，XO醬鮮香好微辣 唔會遮左叉燒味👍🏻，唔錯。另外叫左吉列魚柳全日早餐，佢個豬仔包多鬆脆，唔會介到口最特別你想飲佢黑白珠奶茶❤️白=透明我叫左港式鴛鴦黑白珍，好有香港風味😙夠特別，奶茶比較好飲d，飲到茶香，👍🏻可以一試

屋企附近新開業的冰室，之前台灣餐廳食過一次好快就結左業，見到最近新開左一間冰室，之前已經想試。因為附近得好少選擇一係就喺KFC一係就譚仔，今日終於叫咗外賣，佢哋外賣自取有九折，食咗全日早餐，豬扒好大件，煎得好香，肉質夠嫩滑。星洲炒米炒得好惹味，足料，有好多叉燒和火腿，唔係平時啲好肥嘅叉燒，米粉是我喜歡的幼米粉。跟餐加錢可以要珍珠奶茶，我哋叫咗港式琥珀珍珠奶茶同埋台灣珍珠奶茶，珍珠奶茶大大杯，茶味濃，口感細滑。我鍾意琥珀珍珠多啲。會繼續支持呢間小店！