樂燒樂茶 (已結業)

周圍都有嘅串燒，但唯獨喜歡這裡吃！喜歡原因佷簡單，用心製作，每串都係即叫即燒，沒有燒定，價錢合理。還可以一邊等一邊食跟朋友吹吹水就一個晚上，非常有風味！店主兩公婆非常NICE，健談。周不時還有動物朋友會經過，仲可以結識到很多狗狗、貓咪。每串都不會燒過火，咁先可以令食材保留原先的肉汁味，非常Juicy。另外店內都有飯，烏冬提供，都係勁好味。我食過香煎比目魚飯，係好食到要用粗口助語詞先可以形容到😂烏冬掛汁都係勁正，你食過就知道有幾好食，難以用文字表達一切。如果想叫外賣，仲可以先落單向附近買完野先拎。串燒必食推薦：牛舌、雞軟骨、冬菇味道：💛💛💛💛💛環境：💛💛💛💛價錢：💛💛💛💛5x💛為最高回頭度：10/10整體而言我覺得依間店舖細細但食得出人情味，水準亦非常高，有質素的店舖己經見少賣少，更加值得支持！📍大角咀塘尾道193號頤樂居地下C1號舖

此店主打外賣，食日式串燒，即叫即燒，所以要耐心等待，但串燒質素高、價錢又大眾化，等一陣都值得。燒羊架，好香，有少許羊羶味，正！ （食羊如果完全無羶味邊好食架？）燒冬菇，好Juicy, 唔乾溏心蛋牛肉飯，當日個蛋唔夠溏心，但係牛肉都幾好食，同埋個飯份量好大，無記錯係40蚊左右，好抵食雞皮餃子同燒雞皮，超好食！雞皮燒得好香好脆！炒野菜，大碟抵食仲叫左其他嘢唔記得影相，燒牛舌、芥末雞肉、芝士雞肉都好食😋 仲可以叫台式飲品解喝。5個人食到飽飽都係total 900幾蚊，CP值好高！

呢間位於太子雷生春附近嘅日本串燒店主要做外賣同台式茶飲，設有少量摺枱同凳可以坐低食，天氣咁熱，我同朋友梗係拿拿臨坐低嗌杯凍飲消消暑啦！白桃綠茶同荔枝烏龍好快整好，嗌左少甜少冰，飲落啱啱好，唔似出面嗰啲好淡嘅茶味，呢杯茶味濃香，入口甘甜，消暑解渴一流！因為我同朋友都唔係好餓，所以冇試到佢哋嘅丼飯，只係叫咗啲小食同串燒：芝士雞肉、日式餃子、芥末雞肉、免治雞肉棒、雞腎、雞軟骨、牛舌、 蒲燒鰻魚、粟米、芝士年糕，食物整體質素唔錯、入味又唔油膩，搭配嘅醬汁都有驚喜🤣個人特別鍾意佢哋嘅日式餃子，外型似鍋貼，但同出面一般鍋貼唔同，食落入面嘅餡有少少脆，醬汁有少少辣，我同朋友食完都想再叫多碟！老闆娘好nice咁同我哋介紹茶飲同嘢食，見到佢哋餐廳有牛油果烤雞卷餅同辣椒他他脆雞飯卷都好吸引，下次一定要嚟試吓！