影片
以上资料只供参考，请与餐厅确认详情
食家推介
在外卖平台落单，自取单已标明晚上6点半自取，6:27分就打黎问我地落左order咁耐都唔拎，几时拎，我覆返佢我地写左6点半黎拎，之后仲要我未讲完cut线，全程通话时间得12秒。到我妈6:30分去拎，个女人态度非常恶劣，话我地咁迟先拎！下次要早10分钟，仲要系咁讲左几次，但佢连一句回应时间都唔比我妈就走左！好似赶人出门的感觉！汤同食物完全唔热，暖都唔算，就算个汤好食都无用啦。态度咁差想人帮衬都几难，唔会再下次！
继续阅读
听就听得多，今日专程嚟到太子试吓佢嘅花胶鸡米线我哋叫咗两个唔同嘅餐，一个就系花胶鸡汤米粉，另一个就系鲍鱼花胶鸡汤米线🍜两个分别唔大，只系多咗一粒鲍鱼！不过贵左HKD22我建议大家可以唔需要加钱另外佢有小食，我哋就叫咗海蜇鸡丝凉拌！钟意食辣嘅你就啱晒啦！讲返先，碗米线嘅花胶大概有四旧左右，其实都够晒，鸡就几件，加上佢啲汤冇味精，可以饮佢碗汤！大家都可以唔需要叫嘢饮！食完好饱，细食嘅有机会都食唔晒
继续阅读
呢晚放工去食朋友介绍的鸡汤米线。我要左药膳醉鸡配米线，先饮个汤底，药材味唔算好重，好清甜嘅感觉，但系feel到系真材实料，冇味精味。讲吓个醉鸡，比起几星期前食过另一间醉鸡专门店，呢间酒味唔算好浓，鸡肉都算滑既，都唔错。唯一一个问题系，米线嘅份量实在太少，我谂只有连锁米线店嘅一半份量，所以女仔食完都唔够饱🤧🤧朋友食鲍鱼花胶鸡汤翅，饮左佢几啖汤，系几清甜鸡汤味。舖头采用白花胶。鲍鱼都几腍。食晒米线，可以饮晒个汤，系几好饮既😎
继续阅读
驾车时经过呢间「乐汤鸡」名字几有趣，原来系吃鸡汤汤面，还有些特色小食，于是泊好车之间入去买了些外卖带走。药膳醉鸡汤米粉，药材与花雕酒的香味好浓郁，但又不掩盖鸡汤的醇味，鸡件分量都算多，嫩滑厚肉，米粉索了鸡汤很入味，感觉吃完会很滋补。口水鸡汤米粉，吃得辣的话好值得一试，麻辣度刚好，配爽口米粉好夹。还有些小食，泡椒鸡脚、醉鸡翼、醉鸭舌，鸡脚好爽口，随著时间会变得再辣一些；醉鸭舌的酒香四溢，分量亦算颇多。足见餐厅真材实料，值得推荐。
继续阅读
今次下午黎，唔洗等位正👍🏻餐牌有好多种配搭，捞面，净食主菜，汤面，净食汤粉面或者净系饮碗汤都得👍🏻仲有多款小食我就叫左个砂锅鸡汤翅米线同埋药膳醉鸡米线先讲个砂锅鸡汤翅米线，砂锅上热辣辣好正，啖汤好清，饮完无口渴（应该无味精），不过d鸡就无咩味但唔算太鞋到药膳醉鸡，因为真系好浓味，所以饮完呢个再饮返砂锅鸡就会觉得唔够味。建议由清既汤开始饮起！ 醉鸡方面非常入味，肉质嫩滑👍🏻两个米线都够饱，无空间再试小食😭要番返下次
继续阅读