樂洋食屋 (已結業)

cafe idea原本個位而家就轉左做一間叫做樂洋食屋呢個位再上手係一間叫JB cafe既黃店一樣都係以意粉為主後來去左大角咀而家好似又執左?位置係樓梯口因為佢地寫話係手工意粉專門店所以我係特別想黎呢一間其實個價比cafe idea仲平除左意粉一樣有漢堡今次因為見佢話係手工意粉專用店所以揀左兩個意粉見佢有幾款寫左話係忌廉意粉就幻想左卡邦尼溫泉蛋應該會係正宗強汁意粉掛結果見到白色汁就真係好失望咁我就真係唔明上面特登寫忌廉意粉既用途係乜不過意粉係真係比較有咬口既咁雖然係幾失望但呢個價都算抵食既另一款揀左算係最貴既蟹肉意粉隻意粉形狀質感都一模一樣既蟹肉食落無咩口感咁我覺得呢個就再普通d早知試下漢堡包因為想share食得到既唔係碟而係盤熱飲唔洗加錢伯爵茶係茶包黎可樂凍飲就要另加三蚊埋單131平均六十幾蚊有野飲價錢抵過cafe idea意粉比較好食但好似款款都差唔多咁侍應都係後生為主服務普普通通都係粗食就算唔錯既

係咪老闆轉左？以往的手工意粉不見了，餐牌上的款式也不再一樣。用上了扁意粉去取代以往的招牌手工意，差不多就等同失去了靈魂，如其係咁，同我自己係屋企整有咩分別？烹調方法亦不盡相同。再者，以往星期一至六，套餐有沙律同湯，現在亦不復再。

好耐冇去土瓜灣、黃埔區，今天休息順便搭屯馬線土瓜灣新站一帶行下，中午醫肚呢度原來新開左好多特色食店。街角天氣太熱，入商塲涼住冷氣等位還算舒服😌。呢個紅磡廣場過去年青人不多行，但食野選擇卻不少而且今次試呢間叫樂洋食屋好有日式風格的感覺。中午時段等位10分鐘內可以接受，如果在街就太熱。叫左二個餐，一個叫日式咖哩番茄吉列廣島蠔手工意粉，一個手工和牛漢堡扒沙律，足料不用多說，配上湯及富士藍飲品。埋單才二百大元加二元。除了有特色，味道好，職員眼明手快又細心招待客人，值得一讃。見到一班年輕人朝氣勃勃，用心去在一間食店努力。食物有特色、好味、店長店員服務態度好，值得寫個食評同大家分享。

我昨天和客人見面，佢介紹附近紅磡有間手工意粉店不錯吧，所以都一齊食個下午茶餐，紅磡廣場內有間餐廳不是太大，但裝飾都舒服，我哋叫咗兩份下午茶+一份意粉煙三文魚牛油果意粉+脆魚漢堡包下午茶都勁大份，果然意粉分外好味，手工真係好不同，口感好好的加上煙三魚和牛油果配合更新鮮！而且脆魚漢堡都好用心，魚外脆內熱熱辣的呢！有埋特色醬好Juicy呀！小食炸雞翼即叫即炸! 炸到剛剛好，入口熱辣辣仍保肉汁鮮嫩！樂洋食屋地址：紅磡馬頭圍道37-39號紅磡廣場地下G67號舖

岩岩星期日同娘親去左紅磡同黃埔行完就要四圍搵野食啦😅路過呢間小店望下MENU價錢親民💰決定坐低試下佢😎我地去嘅時間係下晝5點幾所以人唔多 餐廳雖然唔算大但個設計再襯埋小木枱同小木椅成個感覺都幾文青FEEL☺️餐廳主打手工意粉🍝梗係要叫個黎試下啦我就叫左黑白松露慢煮63*日本溫泉蛋🥚手工意粉意粉煙韌得黎夠晒口感 非常掛汁配埋日本雞蛋🥚蛋香味十足手工意粉掛滿忌廉汁🍝每啖有淡淡嘅松露香 好吸引🥰我娘親叫左黑松露手工和牛漢堡🍔佢配埋脆卜卜薯格同少量沙律菜🥬個漢堡包有驚喜喎包有烘過所以一咬落去就有外脆內軟嘅口感🤩和牛漢堡扒淋身唔痴牙🐮推介啊!!🤓加$15就可以跟特飲我揀左抹茶麻糬忌廉朱古力🍫杯朱古力唔算太甜加埋抹茶麻糬可以中和下個甜味 不錯✨娘親就叫左即磨咖啡☕️咖啡都好夠香味 唔會太淡😉如果再有路過紅磡都會再返黎食過 👍🏻✨樂洋食屋📍紅磡馬頭圍道37-39號紅磡廣場地下G67號舖#heacookmama @raku.dining.hk

唔係朋友介紹應該唔會留意到呢間隱世小店，位置係好少去嘅紅磡廣場入面😆但係食物質素幾高，份量又足，價錢又唔貴，啱晒我😆😆黑松露手工和牛漢堡，$92和牛扒好厚身好大塊好juice😍黑松露醬係佢哋自家製㗎，松露味道雖然唔會好重，但同塊和牛扒嘅味好夾，估唔到咁嘅價錢都可以食到和牛，仲要有咁嘅質素👍🏻呢個價錢仲係套餐價，包埋沙律菜同埋好多薯格，仲有嘢飲添。我就揀咗凍檸茶，加$3。我已經諗好下次要試鮮牛油果手工和牛芝士漢堡🤣咖喱蕃茄吉列廣島蠔手工意粉， $99呢個廣島蠔好好味，入邊又係好Juice，出面勁脆，不過呢啲都唔係重點，重點係佢嘅意粉真係好好味，連平時好少食西餐嘅朋友仔都話好味，似寬麵嘅口感，好滑。個蕃茄汁又係整得好好味，幾樣野配埋一齊，好夾。另外加12蚊有兩隻生炸雞翼，即係冇落面粉去炸，唔錯。加18蚊又有一大塊煎雞扒，都真係幾抵。原本諗住食完去隔離食糖水都食唔落，好飽好滿足😆

今日浩楠生日，就搵啲好野食慶祝。上網見到佢個漢堡同手工意粉好吸引，所以我地今日就去左紅磡廣場洋樂食屋食意大利菜。我們點了 日本蛋汁卡邦尼手工意粉 $78，手工和牛芝士漢堡$88。特飲跟餐加 $15，我們點了藍富士(蝶豆花，橙汁，七喜，檸檬)，及抺茶麻糬忌廉朱古力。兩杯特飲都好靚，麻糬軟淋淋凍凍地好吃，朱古力夠香濃。藍富士就好清新。兩個餐都有跟餐湯，今日有粟米湯，未飲已經很香，好濃。粟米湯整到粟米蓉，好喝。手工意粉有跟沙律。意粉很軟滑，但都得有咬口，我最愛扁意粉，卡邦尼好 Creamy 配手工意粉一流 。手工和牛芝士漢堡，跟薯格，好香脆。應該是即炸。和牛漢堡口感豐富，賣相好靚，推介必點。

做完嘢好肚餓😩好耐冇去過紅磡所以都唔知有咩好食行黎行去思考緊時見到角落位有間餐廳手工意粉好似好吸引咁🤤同事見有下午茶都有興趣所以我地入左去試下我哋叫咗兩份下午茶+一份意粉由於我早午餐都未食所以我叫得比較多野🤣🥗煙三文魚田園沙律+和牛漢堡扒下午茶但係勁大份😳加$28仲可以跟一塊和牛漢堡扒~3大舊煙三文魚+沙律配日式芝麻醬無得輸👍🏻再加上和牛漢堡扒啲牛肉汁滲落去個沙律度，真係好惹味❤️不得不讚塊和牛漢堡扒唔單止肉味香濃仲好Juicy🤤前菜已經令到我食慾大開~🥚日本蛋卡邦尼手工意粉好老實咁講，近呢一年都食唔到好食嘅卡邦尼意粉，所以我都唔會抱好大期望🤷🏻‍♀️但係今次！冇令我失望之餘仲好有驚喜🤩意粉真係同老闆講嘅一樣，口感煙韌Q彈同出面嘅好唔同！最緊要係每一條意粉都掛滿芝士醬汁，真係每啖都係享受🥰🍟炸雞翼x2+粗薯條即叫即炸! 入口熱辣辣🔥生炸雞中翼外脆內嫩勁多汁💦粗薯條炸到金黃色超香脆，原條薯仔肉好有咬口😁仲有啲沙律菜配沙律醋食完炸野食返啲菜就無咁油膩啦😌🍹青森蘋果汁菠蘿梳打甜甜的蘋果+菠蘿果香加上梳打，甜而不膩仲好清爽添❤️🍫抹茶麻薯忌廉朱古力抹茶麻薯好煙韌🍡忌廉好多好似食緊甜品咁🍦朱古力超香濃

「樂洋食屋」 <紅磡> 細個係附近讀書，除咗會買下小食同電腦用品外，都好少會去紅磡廣場，感覺上好舊同污糟今次重臨，仍然是「舊地」，無翻身過，仲係果款紅色磚。不過就乾淨咗好多，成件事即刻感覺舒服左😌餐廳屬日式洋食有不同手工意粉、漢堡、牛、小食等🔸日式明太子忌廉手工意粉 $88標榜手工意粉 🍝本港新鮮現製麵身食落幾索汁入味👍🏻要趁熱食 凍咗好快會一pat 咁痴住⚠️🔹北海道蟹肉特濃蟹膏手工意粉$88太肚餓 未影相已經撈咗碟意粉，唔係點影到蟹膏呢個價$本身唔expect 會有好多 份量合理 蟹肉亦唔少兩款🍝都唔錯 兩個人全部清唒食完先醒起應該各叫一紅一白汁 試清唔同既味🔸黑白松露芝士薯條 $58🍟 轉咗薯格因為平時少食D薯格香脆鮮炸 自身及醬汁內均沾有松露我喜歡直接吃，覺得醬汁蓋松露既味道但隔離位C兄卻將整個醬汁吃掉所以都係因人而異🔹生炸雞中翼 $32 （跟餐+$12/2隻）💁🏿‍♀️隔離位C兄問咩叫「生炸」？茶餐廳名物都唔識🤷🏻‍♀️🍗唔用麵粉炸漿直接炸唔會成舊麵粉入口兼皮脆多汁 正👍🏻🔸抹茶麻薯忌廉朱古力$38 （跟餐+$15）初頭以為係抹茶朱古力，原來係沾上抹茶既麻薯放進朱古

黃埔新開意大利菜小店去黃埔睇完戲之後諗住食下西餐，見到呢間新開嘅小店裝修很文青。環境細小舒適，無印淺色木系風格家具小店，提供紙巾，免加一服務費～餐廳主打特色手工意粉🍝#牛油果煙三文魚拉絲芝士手工意粉 $99厚切三文魚份量足料，配上新鮮牛油果🥑1/4 個。手工意粉彈牙有點像扁意粉，味道不錯。沒什麼拉絲的芝士配上忌廉，有種特別的味道。值得一試#手工和牛芝士漢堡 $88配脆卜卜炸薯格，甜甜的漢堡包🍔夾住蕃茄、生菜、免治瘦牛肉漢堡扒和千島醬料，味道幾夾#青森蘋果汁菠蘿梳打 跟餐加$15，蘋果汁、檸檬、七喜、菠蘿汁等混合，甜甜地幾好飲#小食拼盤 $68吉列拼盤超熱氣，有吉列蝦、炸雞翼、吉列蠔 等各兩件服務質素：7/10環境舒適度：6/10ᶘ ᵒᴥᵒᶅ個人口味評分：6/10

紅磡區有好幾間有賣BURGER的餐廳, 可以作比較. OPO SPRACE/ NOMAD/九鳥砌, etc...樂洋食屋的鮮牛油果肉足料, 唔似某D餐廳得牛油果,再加上肉質新觧的手工和牛漢堡扒及芝士, 口感一流.包底無煎烘過所以食落無咁脆, 但就健康少少. 因為個餐跟薯格炸得幾脆, 已經夠晒熱氣. 中意食BURGER既朋友仔可以去試食下.個BURGER SET 有跟蘑菇湯, 沙律, 餐飲都只係$99

見到咁多負評有點卻步，但咁熱天氣帶著爸媽真係唔想行，唔駛等位就簡單一試。。。。係有驚喜嘅。。。忍唔住叫完一樣又一樣唔記得d野食叫咩名😅d名好似好勁咁，只能簡單形容，自行看圖吧！(**唔好意思，唔知點解upload唔到d圖) 忌廉蟹肉蟹子手工意粉～我媽媽勁厭尖都話好食，同我喺日本食一樣味道，好掛住日本呀😭下次必食和牛肉醬薯條～ 超級cheese，係粗薯條，熱辣辣脆卜卜，正！和牛漢堡拉芝意粉～我個人鍾意食白汁意粉，但確實呢個紅汁意粉都唔錯，和牛漢堡好juicy，會再試。其實仲有食咗其他野，但唔記得影相😅 下次食再影啦，簡單分享完畢，謝謝

上星期同班老友系紅磡聚舊.. 有個friend提議食新開既<樂洋食屋>.. 為食既我就硬系即時上Openrice睇下食評啦! 一睇之下嚇親🥶🥶🥶連續4個都系負評😩諗住叫朋友們轉地方.. 點知佢地話.. 一日之內4個負評擺明系惡作劇啦.. 吾可信.. 仲要篇篇都話難食但個個都清盤將個意粉食晒.. D評語真極有限😂😂甘我就抱住做死士既心態去食!一入到餐廳.. 間鋪好光猛同埋門面好乾淨.. 第一印象幾好😎我地一行7個人.. 叫左好多野食😋食完餐飯之後我想講.. 真心好好味🥺🥺🥺終於都相信朋友所講一日之內4個負評擺明系玩野! 以下野食真系要推介.. 特別系手工意粉.. 我真系一試難忘😍😍😍😍😋100分! 平時我麻麻地意大利粉.. 嫌佢無趙口又硬又冇味🥶🥶🥶 第一次試食手工意粉... 嘩嘩嘩!!!!!!!!!!! 好好味!!!!!!!!!!! 個面好香好煙韌.. 同平時食既意粉簡直系2個境界😫😫😫😫😫由於屋企同紅磡距離太遠.. 臨走之前同老闆講要寫個外賣手工意粉拎番屋企宵夜.. 但老闆話佢地既手工意粉最好就需要系20分鐘內享用.. 以確保最佳食品質素.. 因為焗得太耐會令手工意粉

琴日同事見到他的外賣餐單，看到他的食物很豐富，所以今天就試食。我哋買咗九個餐，攞到返公司都不夠半小時，結果一打開就大失所望。凍咖啡沒有糖和奶也可以算，但是凍檸檬茶和凍檸檬水一點糖水也沒有，倒不如自己沖就算。所謂的即磨咖啡，我在麥當勞飲嘅蒸餾咖啡沒有分別。當望到食物的時候，他的沙律所用的油醋少到真係好可憐，這麼平嘅嘢都要慳，我都唔知想佢點樣。而當看到我order嘅雞扒意粉，覺得他廚房嘅刀工真係好犀利，睇落很大塊，但係薄到都唔知係咪可以用扒黎形容。他的噱頭是手工意粉，一食就覺得在超市買的沒有分別，而且仲要一舊舊。吃到最後見到他用的橄欖油真係多得太離譜了，應該要多的地方就少到冇用咁，應該要少的地方就多到過咗龍。如果以同區的價錢呢講，真係貴到好離譜。如果用同樣的價錢嚟講，我不如去中環食好過。

我叫左份和牛漢堡三文治，勁細份量係正常份量既一半，醬汁都唔平均肉質又太乾，食落完全唔值70幾蚊，仲有佢個凍檸茶完全無糖水。係一杯紅茶完全無檸檬味，野食又唔值連野飲都唔合格，紅磡區你收70-80蚊一個餐，唔應該係依個質素