樂樂美食

营业中

休息中

因佢開得夜都幫襯左幾次睇下佢d出品會係點以下小評：《車仔麵》油麵ok正常 餸果度建議點現成品實冇點伏～燒賣正常唔係話特別好食～豆腐花真係唔好叫簡直係有生之年最難食豆腐花～飲品：台式野唔好叫 茶粉開 涼粉ok既 港式飲 凍好立克佢又沖得好飲叫呢個穩陣～仲有好多野有待發掘～呢間真係好大落差～睇其他食評話阿姐態度差 其實唔差 阿叔需然大聲好似好惡咁佢堂食時佢傾計都係咁既聲氣😂都有禮貌既見慣就冇野～呢點要幫佢地洗脫污名😂

晚黑10:00 ，只係諗住路過求其食啲嘢，但係中伏，叫咗魚蛋牛柏葉魷魚小食，$45，未見過人用滾水就咁煮，加咗兩地辣椒油就算數😫叫咗杯凍檸茶，成杯都係得兩小片檸檬，真係矜貴度講咩好？

平時都唔洗指意會有人係煮面區 次次都要呀叔都要三催四請先有個黑面女人落黎 煮個面次次都幾慢 黑面呀嬸一定係玩住手機整野 野又唔係特別樂食 除左呀叔之外既人 態度都唔係特別好

買咗 燒賣 魚蛋 司華力腸 牛肉球 同 腸粉，等咗10分鐘，個阿叔將所有嘢放埋一兜，最後問：腸粉要咩醬，麻醬甜醬倒曬係面頭，但腸粉係底。。。 d 食物係凍㗎！！請問，等你果10分鐘，等緊咩?

見到好多劣評其實有小小驚訝，可能因為我係外賣所以冇得體驗個暴躁阿姐⋯🤣三送麵中嘅腐皮魚肉，同釀豆泡好驚喜，魚肉很彈牙。與腐皮和豆泡一起都有炸過，好酥脆，浸吓個牛腩湯食都好好味。不過確實價錢稍高，麵底份量稍少，食量大嘅朋友也許會唔飽。總之有朋友如果再經過中匯街，都可以去試下腐皮魚肉啊！

叫咗個兩餸車仔麵食 我叫生菜雞翼佢俾咗菜心雞翼仲有個阿姐無啦啦話加粒魚蛋強行收多兩蚊都算 點知返到屋企碗麵都一粒魚蛋都冇兩蚊都呃 以後都唔會再去呢間叫咗燒賣食 都唔好食

同其他留言朋友一樣，個阿姐明顯脾氣暴躁，但野又唔係好食。食材唔新鮮都預咗，但出嘢出得極慢，又無心機整，問一句都極不耐煩。其實唔想做就執咗佢啦，何必辛苦自己辛苦人？

凍冰冰 想食下d熱野 行行下 去左中匯街 之前食過魚旦 牛雜都無咩味 不過太凍唔想行得太遠 比多次機會啦叫左個韭菜豬紅腸食下 食落去 豬紅好腥 韭菜食落口都好重臭青味 仲有少少沙🤭 豬腸硬到 未炆淋又唔夠入味就出比客食 雖然我外賣姐 都唔洗咁呀😤😤😤 成碗野 除左油 同腥 就係無味 其實野食唔夠淋 可以停左佢 格硬就出餐 真係浪費左食材唯一好彩碗野唔多得4舊豬紅 4條韭菜 4小舊豬腸 唔會再幫襯 都唔明點解生存到 唯一好處係近小巴站 同夠光猛 🤯🤯

本來係大角嘴附近半夜想食個宵夜見到呢一間都有d歷史 試下佢地嘅咖喱魚蛋魷魚同埋豬紅韭菜點知魚蛋超難食 魷魚水煮一樣 豬紅仲要腥 誇張到......咖喱好似清水禁服務態度仲要勁差食物水準強差人意完全唔值得食再見👋唔會翻啅！

今日行開大角咀，入左一間叫樂樂美食既小食店，開放式廚房，枱位置唔算多，但整體幾乾淨。我叫左個豬紅，牛筋，豬腸公仔麵。黎到幾香，加少少辣椒油吊味，豬紅入味，有咬口幾好食。牛筋唔夠淋，無咩味，豬腸得3-4舊。建議加底，因為份量有D少，成張單加埋野飲$46。下午茶感覺有D貴。

嘢食味道唔算特別好但勝在24小時營業款式選擇多主食有車仔麵，相當抵食兼足料小食有碗仔翅、牛雜、雞蛋仔同夾餅等甜品有豆腐花，而特飲都幾有誠意就算夜晚其他鋪頭閂哂門想食宵夜都唔怕無地方

今日經過中匯街諗住買小食，見到有雞蛋仔咪過去試吓囉同阿姐講我想要餅雞蛋仔問佢可唔可以要新鮮㗎佢直接將佢面前已經整好咗嘅雞蛋仔拎比我。佢手指指咁指住我跟住同我講：呢啲咪新鮮整起個囉！要咩新鮮整呀？態度極為惡劣......咁好啦既然佢話新鮮整起嘅咁我就要左啦點知一食 餅雞蛋仔凍到不能再凍，係用凍去形容雞蛋仔從來都係熱食先好食㗎啦更何況凍左嘅雞蛋仔係會淋架，一樣比咁多錢點解要食凍嘅呢？仲要態度咁差 以後經過都唔會再食啦....

樂樂美食是一間小食店，有車仔麵，牛雜，水餃等麵食外，還有魚蛋，燒賣，雞蛋仔，夾餅，炸雞肶，糖水，豆腐花，咖啡等……今日我就食韮菜餃米粉，有5隻大大只的餃跟米粉都係$25，都幾抵食！連埋汽水共$31佢地D燒賣，魚蛋都係$7，仲有買一送一呢！