樂日沙灘小廚

营业中

休息中

屋企人好鍾意食海鮮所以就買左海鮮去三聖青山灣食生日飯🎂樂日小廚係青山灣上蓋夜晚望住海景又有啲裝飾燈好好feel☺️我地六個人 買左七樣海鮮加工費唔貴 ～$60-70/斤嗌左個餐前送酒小食燒雞泡魚魚乾～咸香咸香 再點埋七味粉加沙律醬 送酒一流🍻原來仲有其他串燒 下次嚟可以再試燒鵝半隻～即燒燒鵝 外皮脆 唔太肥 肉嫩多汁👍🏻豉油王大蝦～好夠鑊氣 味道啱啱好 啜埋啲蝦殼 夠惹味😋酥炸生蠔～炸漿唔會太厚 外面酥脆 入面啱啱好 唔會太熟夠juicy😀豉椒炒蟶子米粉底～米粉底無得輸 吸咗啲汁 吸左蟶子既鮮味仲有部分係脆 食到唔停口😋椒鹽鮑魚～唔想咁悶食蒸鮑魚 就揀左椒鹽外面粉漿都係一樣薄 咬落去會索索聲入面鮑魚又唔會炸得過火除咗清蒸 椒鹽都係另一個好選擇😎辣酒花螺～夠香夠辣好惹味 食得出落左好多唔同香料 花椒八角好香唔食得辣既建議嗌少辣 不過夠辣先過癮🤣蒜蓉粉絲蒸元貝～蒸得啱啱好 今次都買到啲大size元貝啖啖肉 扒埋啲蒜蓉粉絲好滿足😆西芹炒班球～龍躉肉啖啖肉 唔會炒得太老👍🏻最後食到捧住個肚走🤣整體用餐感覺都好好 屋企人都食得開心上菜快但又會食得切啲海鮮唔會一次嚟晒咁多野 啲姐姐又會成日幫手清枱下

要燒鮑魚同埋燒烤蠔都非常好食，😋😋😋性價比亦都好高$12.1隻。 蟶子豉椒煎米粉底都係屈機。仲有好多小菜下次一定再嚟。 仲有咁大個沙灘景觀都好開陽。 當然裝修都係比較復古 去完沙灘游水換件衫沖埋涼過嚟撐枱腳好優哉游哉🫡

同一大班商會朋友開年食飯~~入到三聖以為都係會食返平時嗰啲海鮮餐😂點知呢間日落沙灘小廚係小菜為主~~最估唔到佢個蠔餅應該係我食過其中一個最好食嘅蠔餅！非常鬆脆又唔會食到成口油！問返老闆原來師傅係做開潮州菜唔怪得咁好食。個豉汁蟶子竟然用上煎米餅底極為小見但係有非常之好味。香脆米餅再加埋彈牙嘅蟶子口感味道一流😋😋其他小菜都十分不錯絕對性價比高但係掛住同朋友傾計有好多小菜都冇影低, 下次再去試多啲唔同小菜。蠔餅一定要嗌！

今日專登揸車去呢個飯店 🚙比起4年前已經轉手2次 ♻️今日食古法羊腩飯 $73 🐏涼瓜牛肉飯 $53 🍛超級大碟 … 羊腩起碼有6/7件 🍖有好多蓮藕 又有蔥 冬菇 馬蹄 😂再加凍檸茶凍奶茶 $10 🥤總數$128 連外賣餐盒 $2 🥡 見到有一個食評真的很費解 🤔 我在元朗未食過lunch好過呢間 🏅 當然係以價論貨有90分 💰有鑊氣 好好食 完全唔鹹 😋相信就是惡意中傷 💥我要為這餐廳大平反 ♻️服務好 👍🏻 食物質素高 👍🏻真的假不了 !! ✅

餐具好污糟，啲肉又咸，難食到奇怪點解會開到餐廳。真系好垃圾，服務態度又差，餐具好多黑點。例湯又冇味，open rice仲顯示系新開既餐廳，我未試過食咁難食既野。。