影片
乐斯餐厅，区内人应该好多都知这间有五十几年历史的餐厅，而我这好少来粉岭的人只是刚好经过被她门外餐牌的一样菜式吸引著而帮衬-咸鱼豆腐煎肉饼。咸鱼煎肉饼十分香口，也食到豆腐，如果可以多啲豆腐会更好。此外也叫了客家镶凉瓜，凉瓜没有走油(用油炸一炸）的，虽然颜色不是青绿色但更入味，镶凉瓜也很大旧。两样𩠌都是即叫即煮，美中不足是白饭太淋身了。店主更有夏枯萎草送，甜度啱啱好，其实200字先可以评分实在太多了，一般人非打手吃一两样嘢边有咁多嘢写😡
继续阅读
第一次嗌 Roxy 乐斯嘅早餐，用 food panda 嗌。 原来［香菇鸡丝］ 螺丝粉系少少辣，几好味，好彩唔系嗌俾小朋友食。配埋煎蛋，有啲惊喜，我钟意食半熟，蛋黄仍然流心。d 香菇鸡丝都份量正常，调味几好，惹味！奶茶就比较一般，茶味浓，欠缺奶香
继续阅读
粉岭联和墟呢间乐斯餐厅，我都帮衬咗好几年，佢哋间中都会转下menu，选择都好多，地方唔系好大，应该系开咗好多年纪怀旧老店，里面有大电视，有cctv影住条街，如果咁啱抄牌，应该都走得切，不过我未试过泊系出面入嚟食嘢，通常呢条街，都泊满晒车好难揾位最近呢几次我一定会叫呢个秘制麻辣鸡扒饭，值得推介，佢𠮶个麻辣汁个味道到我非常钟意，唔系非常辣，食完条脷会有麻痺的感觉，秘制麻辣系唔同啲，佢好窝心将啲鸡切开几件，唔会好似出面啲餐厅一块过，真心推介下次试食其他嘢食再分享
继续阅读
年初三又情人节 度度都冇开 挨下食贵野都冇办法 🤷🏻♀️求其入一间都应该差唔多 揾间人唔系多 快食落单呀姐 十叫九唔应 叫左几次落单先应 黎到仲要黎到话应左你 真系唔知佢点叫应 劲无奈 又冇隔开2人一枱坐违反限聚令差到极点
继续阅读
同事圣诞放大假，放假前谂住同佢去食某间餐厅，点知无开门，附近又间间等位㖞，lunch时间紧迫，近近地去乐斯啦。讲真佢又唔系差嘅，一般茶记啰，撘枱完对面走左，有人黎又话要让张完整枱出黎，你搬到去另一张枱又有人无啦啦调位霸左张枱，楼面唔会理之余仲串串贡无位你返出门口等下啦，大佬呀，我落左单㗎。终于有枱啦，但你个餐已经放左好耐，无乜食欲了。唔系同事话算真系想走左佢，调黎调去仲无啖好食。同事叫嘅咸鸡饭，鸡无鸡味明显系雪鸡，正常嘅，饭放凉左，旁边有碟蚝油汁嘅物体，咸咸甜甜咁，我估系点鸡酱，但个人黎讲宁愿要姜葱蓉。自己叫左叉烧香葱煎蛋饭，我呢碟坐低先黎所以仲热，蛋煎得香口，葱下得多，加埋甜豉油其实几好味，唯独系咁大块蛋入面只有两旧叉烧，我本来谂住佢系切成叉烧粒先煎，谂多左。热奶茶正正常常几好饮，个餐仲有一碗例汤送，无影相，是日系红青萝卜猪骨汤，淡味啲，但至少唔系味精汤。五十几蚊个餐唔好期望太多，食饱好走啦。
继续阅读