樂拉麵和居 (已結業)

夜晚10點去柴灣搵嘢食，多數商場食肆都已經關門，行吓行吓去到柴灣道依邊就有多啲選擇。餐點選擇唔算十分多，主食有各款拉麵、咖喱飯，另外有冷盤同炸物。我地兩個人叫咗魚介拉麵、咖哩吉列雞扒飯、炸薯餅、炸魷魚。依度係用qr code自己落單。餐廳位置有限，比較適合四人以下用膳。夜晚仲有得食拉麵暖下胃，雖然味道難與日本過江龍相比，賣相味道都合格有餘。小食炸魷魚份量略嫌少咗啲，適合一人一份。如果同朋友分享，建議多叫幾碟。

夜晚10點幾落去食晚餐，之前睇過comments一般，但柴灣有拉麵店都想自己試下。QR Code落單，都有details位揀下，例如麵既軟硬程度。我哋叫左兩碗拉麵兩個小食。拉麵個湯係幾好既，豚肉味幾濃，但黑蒜味唔出。不過，個拉麵有幾嚴重既鹼水味，呢個位就難d接受，希望老闆見到會轉下拉麵供應商。至於日式叉燒，望落半肥瘦，所以自己會expect係冧既，但食落肉質有d硬，味道正常。紫菜一放低即刻食，冇掂到湯既部分都唔脆。其他配料正正常常！到個小食，叫左炸魷魚鬚。炸得太燶，over左。而且本身個魷魚鬚有d硬，都要咬好耐。不過重點係，炸野既油有d油益味。雖然係夜晚10點幾食，但應該都冇咁嚴重。希望油可以換密d。

夜麻麻睇完戲想坐低食啲野見到有間金光光既拉麵店就入去試下😎總共有7款拉麵簡本人鐘情黑蒜 就簡左”水” 黑蒜豚肉拉麵蒜味ok 份量正常 豚肉半肥瘦🤤朋友叫左 🌶香辛豚肉拉麵辣味小辣 唔夠辣可以要求加辣反而欣賞佢小食選擇比較多有蕃茄 枝豆 菠菜 沙律 大量炸物都係試下炸野先薯餅都有5款 叫左2款share 🔸忌廉粟米流心脆餅🔹紫薯甘粟薯餅2款都好食 真流心😛朋友大食 再追加左個雞翼 有成3隻 都算香口 唔太油膩環境靜靜地 小店黎算坐得舒服👍🏻老闆幾搞笑 話有新嘢一唔一齊試但實在太飽 唯有下次😂

今日星期六， 柴灣附近沒有一間日式飯店。記得樂軒壹樓下開左間賣拉麵日式堂食。一直沒有機會試，今日難得放假諗住食餐好。點知試新野出事。今日專程試下， 星期六都不坐滿人。 這點不重要，但它上茶速度慢，下午三時十五分，我等廿分鐘先有而且只有另一個男食客等?原來，那男食客也是叫豬扒飯因為一齊整所以咁耐? 鋪位內面很窄 。門面並沒有寫收服務費。但落了單才有。 反正不會再試， 咖喱飯份量少不值得這價錢！女侍應黑口黑面，男的還可以，總結它應該很快關門，差評仲多好評。

食物質素一般, 價錢偏貴, 但下午茶價錢都ok。下午茶時段食咗個牛肉丼$48(連服務費→$53)入到去間舖比較細&有住強勁嘅音樂店內得一個客,女侍應企喺門口收銀度,有個男員工就坐咗喺門口雪櫃嘅隔離嗰抬。女侍應喺我開門嗰時唔知同我講咗啲咩,我坐到埋位後尾先知係qr code落單,相信佢當時應該就係同我講呢樣嘢。嘢食嚟到,賣相味道都ok嘅, 但量就唔多, 食完6-7分飽,但女侍應黑口黑面+唔多耐煩,都真係有啲影響用餐心情。唔會再食亦唔推薦,除非各位係好想喺柴灣食個牛肉丼又唔介意貴。

今日一家4口，天氣凍試下新開既拉麵，入到鋪頭裏面，日式裝修風格，我有兩個小朋友，坐底就見到枱面放左幾條糖係到，小朋友見到雙眼發光，一問之下，服務員話近聖誕節老闆叫放係到當回饋客人既聖誕節禮物，可以任意拿同食，今時今日咁真係唔多人會咁做，值得一讚，4個人叫左3個拉麵同小食，我食左個金，和牛拉麵，味道唔錯，冇之前睇食評講到咁差，仲有個芝麻雞翼，真係好好食，會再番去幫親，有人情味既小店，值得再去支持！！

呢個食評想寫好耐 但成日都唔記得左個日放工一個人 經過樂軒臺見到一間應該係新開無耐既拉麵店，之前放工都見過呢間野，但無特別留意，今日見唔知食咩，加上我都成日一個人食拉麵，所以就入去試下 。坐底後有位女侍應俾左餐牌我，同俾左杯水我。咁我就睇下食咩。眼見拉麵有5款，本身鍾意食蔥，所以叫左香蔥豚肉拉麵，另外加左個芝麻雞翼。一上桌，賣相都唔錯，都夠多蔥，另外配有半隻糖心蛋，黑木耳，荀同紫菜(不過我本身唔鍾意食紫菜)，味道係正常博多豬骨湯，麵係細幼麵，另有淡淡既蔥油香。我見其他食評有講湯少同麵少，不過以我所知本身呢個係博多拉麵既特色，所以湯會少啲同埋通常會叫替玉（即追加麵底），但我就唔洗加，份量對我黎講岩岩好，整體我覺得唔錯，見其他有人講到好難食，我又覺得幾岩我口味，不過呢個都係每人口味不一樣。之後就試下個芝麻雞翼，我覺得呢個幾好味喎，熱辣辣同幾Juicy, 值得一試埋單後女侍應提我憑單尾下次再嚟，會送餃子或者炸雞，我相信我會再幫襯

見呢間舖都開左一排, 今日見得閒就同同事去試一試, 點知一試中伏，第一篇食評就獻左比你。下午時間入舖見一枱客都無，Feel到有啲不秒。舊日式居酒屋裝修風格，枱面有幾筒細果汁軟糖提供，QR CODE落單，睇下MENU主食有丼飯同拉麵, 丼飯價錢大約$5X, 拉麵就$88起跳，豚肉拉麵為主，湯底都係大路野，我地叫左黑蒜同櫻花蝦湯底。下面睇相先, 影得唔好碗野一黎到打左個凸, 個湯少到好似食剩咁一半都唔夠，味道亦偏咸，麵既份量都偏少，睇落非常寒酸。配料方面有紫菜一塊、荀同木耳絲少量、半隻溏心蛋、兩塊印証師傅刀工既薄切豚肉叉燒。味道方面我更加唔知點評價, 豚肉好似食左兩塊空氣咁(好似燒過下), 紫菜、荀同木耳絲呢啲唔講啦, 溏心蛋叫做得唔錯。$88食啲咁既野，性價比可算無限接近零，成碗麵比我感覺就係死慳爛慳咁賺到你盡。 睇左其他食評大致都係差唔多感受, 真係好後悔無睇左先試。如果無好大既改善我相信間舖都唔會做得長，想同老闆講做生意真係唔可以咁,尤其拉麵呢啲，掂唔掂大家一食就知，無得呃架!

和太太、細囡試吓屋企附近新開張的拉麵🍜小店。店舖細細，唔夠20個座位。餐牌內選擇亦不多阿囡叫了呢個和風牛肉飯，肥牛🐂和洋蔥🧅甜甜地，撈埋紫菜碎芝麻，小朋友幾鍾意，分量細細，成碗食晒。太太食香辛豚肉豬骨拉麵🍜：湯底偏辣，配料有叉燒、溫泉蛋、竹筍、木耳絲和紫菜，麵底偏小。我order了香蔥豚肉豬骨拉麵：湯底比較鹹，叉燒肥瘦適中，幾美味。整體質素普普通通，不算好食。溫泉蛋和叉燒都唔錯，但麵底份量偏少，男士會唔夠食。

柴灣難得開間拉麵店 裝修唔差 即管試下點知真係無下次🥲個湯底勁唔店 一飲味精味極重。上菜速度十分快。快到似食快餐咁熱又唔算好熱雖然我唔係咩拉麵食家但我覺得真係麻麻地😔

早排見到有柴灣gp 友分享新開拉麵店，話幾好 所以我先去試吓😵‍💫叫咗最貴嗰個和牛拉麵$128+小食$38=$166個拉麵真係好垃圾，得一塊肉仲要燒到苦嘅冇和牛味 冇油脂 個湯底更加唔使講 都冇乜特別，應該都係味精重點成個麵真係少得可憐忌廉蟹肉薯餅係完全冇蟹肉，淨係feel到啲cream同炸粉咁嘅價錢同質素，我喺旺角食到更加好…唔知係咪口味有啲唔同，我見之前個post話個拉麵質素絕對OK，仲抱住啲期望去，真係好失望

柴灣想食碗熱辣辣的拉麵都需要運氣遇到，今日路經見到門面裝修都幾唔錯，入去食碗麵醫吓肚。金/木/水/火/土 選擇我揀咗（火）香辛豚肉豬骨拉麵主要是豬骨湯底，味道夠但不會太膩，可以飲多幾啖我再加多隻溏心蛋～ must追加！很有誠意的溏心蛋拉麵不會太粗，掛到汁的size好難得食哂成碗麵。小食order了唐揚炸雞（必吃）炸得好好呀真心，大大舊煎餃子，和風蕃茄滿足一餐 上菜都好快仲要唔加一

柴灣新開拉麵,梗係要去試下. 環境好舒服,我星期六下午去食,只得兩枱人.老公叫左個和牛拉麵（$128）, 薄薄的一片牛（定兩片？）老公話唔記得了, 厚度是打邊爐一烚就熟個種, 味道都ok. 另外加左一份餃子（$38）,普通啦. 加左隻溏心蛋（$12）,都ok.加$10有一枝細枝裝汽水.因為老公一早自己食緊所以無影相.我叫左個香葱豚肉拉麵, 豚肉係煎香左,味道ok, 仲有半隻溏心蛋.食拉麵最緊要係個湯底, 正如我所料, 港式拉麵既味道, 即係買枝味精湯底返來開水個種, 我乜都無加,一碗麵要$88, 係柴灣黎講, 貴唔貴見仁見智了, 反正我試一次就夠了.