樂天漁港 (已結業)

大埔樂天漁港，之前食過，性價比都幾高。乳鴿$38x2，新鮮炸起好難唔好食。很入味， 好香。椒鹽大尾魷$108，魷魚比較薄，味道一般。自選孖寶$168，好抵食 沙巴龍躉(一斤)，蒸得剛剛好，唔會過老。魚比我想像中大條。 涼瓜黃金蝦(例)，涼瓜配埋鹹蛋黃，味道都幾夾，亦唔會苦。蝦嘅份量就比較少，只得五隻，味道不過不失。片皮鴨一隻，假日貴啲$168 ，平日$138。另外加多$30就有第二食，可以選擇係茄子炆鴨件或者涼瓜炆鴨件。 片皮鴨份量好多。么么皮係一開二，無咁易食濟。片皮鴨味道亦都很正常，好香，唔會片到，冇晒肉。份量很多。咁當然唔可以同北京樓嗰啲質素相比啦。平咁多 加$30有茄子炆鴨件，份量勁多，有鴨髀，好多肉，唔係得啲骨，茄子亦大大條，煮到好入味平時仲有糖水送，亦都好味。但係當天太旺場，已經沽清。五個人食，總數$700 ，平均每人$140。仲要飽到要打包，性價比勁高。…查看更多

本小姐欲讚揚貴餐廳員工態度十分殷勤、體貼及主動。樓下的姐姐主動推銷我吃甚麼。侍應提供一杯冰給我，幫我盛餸入盒，見我的盒不夠大幫我換過個，主動幫我加茶，經理幫我下單，不需多時食物已到枱，侍應主動問我要不要糖水，見我的碟裝滿龍蝦殼，更主動幫我換過隻新碟。…查看更多

自從搬入大埔開始 食過附近啲大大小小 大日子 同呢間比較啱心水兩個人食皮鴨上枱熱辣辣配料新鮮鴨皮香脆 (不過唔係吹氣鴨 肉太多過熟唔嫩冇油)都算好食蟶子到好食鴨件茄子炆 估唔倒呢個好食食埋糖水今晚完滿334…查看更多

本來想幫襯旺記，兩點幾步入時烏燈黑火全場阿伯阿叔，檯污凳爛，環境衛生氣氛惡劣，印象中試過早茶及晚市唔係咁地獄架喎！樓面阿嬸仲強烈要求我搭檯到阿伯阿叔處，無事無幹無武肺都要考慮啦，何況現時疫情嚴重！好采老爸老媽未到，立即動身閃人轉場去樂天漁港，嚇死朕咩！老爸老媽茶聚！大排筵席都係只不過係 $70 蚊位，經濟實惠，味道烹調有水準。個場就真係較細，檯與檯之間靠得緊密，坐得免強舒服，環境都幾嘈吵。招呼服務滿意溫暖，傳菜嬸嬸們、部長姐姐、收銀姐姐、經理叔叔。把弄一下餐牌，揚州炒飯、玫瑰油雞打錯字喎！依家經常聽到咩吃貨呀？明明好好一個人黎，唔係貨物！賤貨、蠢貨、蝕本貨，真係聽唔少！食家唔係吃貨！改善唔係優化！情婦唔係小三！情夫唔係小王！白飯唔係米飯！撈麵唔係干撈！雞髀唔係雞腿！即食麵唔係方便麵！外賣就外賣，唔係外帶呀！香港人加油，悍衛廣東話悍衛繁體字！銀魚仔雞球蒸飯，雖知不會係新鮮出爐，必定已蒸好段長時間，最後兩盅特價速銷！經理叔叔親自續檯向食客推介，真的誠懇敬業樂業，我都被其熱誠所打動，給個雞飯我吧。顏色暗啞其貌不揚，而且無煙無氣只微溫。淋上甜豉油細心撈得勻巡，大舊雞柳躺在大啖飯直接塞，得得得掂掂掂！鬆化雞柳醃味美味加咸鮮嚥韌銀魚仔，咸甜反差擦出火花，還無敵飯香無得頂！索價 $15 蚊有找，物超所值色香味。竹笙灌湯餃，傳菜嬸嬸架車無浙醋，放低灌湯餃後專登走入廚房給我拿一碟，真心感動！即叫即蒸點心要耐心等候！無蔥無芫茜無韮黃無芹菜真好，蟹柳肉鬆冬菇竹笙連浙醋高湯熱燙燙不停灌，非常滿足！飲完唔頸渴唔嗆喉，真材實料。蟹子燒賣皇，大大粒肉球結實夠彈力，不鬆不散。陣陣微弱蟹子香氣，蝦味肉味同樣濃濃而突出，亙不相讓。不肥膩不油膩，清爽可口！蔘湯蝦餃皇，勁厚餃皮，因為怕浸爛所以故意做厚一點嗎？餃皮浸湯變得黏黏嚥韌，口感不太好。蝦仁微爽微鮮，吃不出蔘湯味道，免免強強合格。餃還餃、湯還湯，彼此沒有交流的。將湯一飲而盡滾熱辣，蔘味濃濃經舌頭直通胃部好舒服！雞絲炸春卷，高溫剛炸起，香脆無比！掉落喼汁中浮沉一下，讓春卷皮吸收大量汁液及降降溫，整粒入口！索一聲爆汁甜甜酸酸好醒胃，蒜味極重，連我討厭的芹菜都食唔出。生煎釀虎皮尖椒，一試便知新鮮煎起，椒爽甜清香無草青味，肉彈香口豉油甜，少少籽少少辣加倍惹味。蟲草花棉花雞，極彈白魚肚，索盡雞汁，非一般的棉花！蟲草花爽爽，搭著魚肚食，搭著雞柳食，同樣一流！四寶滑雞紮，有股強烈異味，努力在尋找源頭，原來係我討厭的芋頭！好似污糟衫掉係洗衣機幾日都無洗既異味一樣。老媽最愛芋頭，全部孝敬您吧。正確食法係要一啖咬齊四種食材，拆散各有各食就唔係紮啦！因為抽掉芋頭，所以要續一擊破。雞胸非常硬實，瀰漫著隔夜味道。大陸牌平價劣質蟹柳，外觀紅紅趙落十分膠感，假甜味濃。魚肚爆出精華，腐皮滑帶爽帶汁，兩款合格。豉椒蒸排骨，勁肥勁多肥膏，油淋淋閃令令，全部要咬掉。瘦肉位甜美可愛，彈牙多汁，散發豉香蒜香可口。凱撒沙律蝦多士，見唔到凱撒係度既？炸得過燶，有點刮嘴，吉列感濃厚。竟然用上新鮮蝦爽爽彈彈，海蝦味道突出，無法掩飾！沙律醬太少，煎炸味極霸道，脆脆香口一試無妨。糯米酒煮雞，杞子紅棗雲耳點綴，藥材雞油香氣輕飄。淺嚐幾啖湯，味道似黃酒多過米酒。雞全翼斬件，還有雞下髀，不幸地雪藏雞完全沒有醃過，外層雞皮陣陣酒味，蓋著沒有味道的雞白肉，皮滑肉帶乾。雖然非常有益補健，但食味平平悶悶。藥膳雞腳，味精強勁的湯汁一口回絕，失望！雞腳沒怎樣炆過，只是輕輕烚熟，爽滑的質地。蜜汁叉燒腸，好采只係零星芫茜，可以挑走一試。叉燒粒肥美甜甜鬆軟，腸粉皮略厚不夠滑溜。水晶蝦餃，餃皮厚厚黏黏，蝦爽但缺乏鮮甜味，我想要豆瓣醬救亡。薑蔥牛柏葉，蘿蔔爽甜無渣不酸，牛柏葉半爽半韌掛著薄薄薑蔥芡，中規中矩。流沙奶黃包，雪白圓碌碌，外形美麗。炙手可熱，暖笠笠軟塾好揸手。奶黃幼滑，味道濃郁香甜，流心熱辣辣，小心燙嘴啊！蜜汁叉燒湯米，何解特價叉燒散筲筲呢？因為平價所以全部邊皮位？肥美鬆軟偏乾，米粉搭豉油雞湯免免強強。玫瑰豉油雞，芬芳豉油不咸不濁，吸引力爆棚！皮薄彈彈不肥膩，胸綿髀滑無得頂，陣陣甜雞味泛出少少鹽香，滴滴肉汁一再回味，骨頭都損得乾乾淨淨。上湯瀨粉，重手大量菜芯完全掩蓋湯瀨粉，師傅絕不手軟！菜芯較平凡，少許菜甜，少許草青，少許脆嫩。瀨粉量份極多呢！極愉快食極都有，估計會有滿滿的 8 小碗啊！煮出超水準表現，遠超我想象！滾滾濃濃雞湯底神奇地清甜，連爽滑長長完整瀨粉全部掃入嘴仔，根本係一啖一碗非常暢快！山竹牛肉球，眼測外觀各有著微妙不同！免治牛肉內的配料撈得不夠均勻，只有一個藏著大量馬蒂粒甜甜爽爽索索聲，另一個內內外外都充滿著蔥花，最後一個有檸檬葉隱藏其中呢！還是師傅故意做三款風味？腍腍彈彈滑滑，不是健碩結實形，清清淡淡的牛肉味，淋下大量喼汁酸酸熱騰騰，醒神開胃！上湯鮮竹卷，湯汁濃到似蠔汁，燙燙地塞入！卷內灌注上湯，咬落爆汁！極多蔬菜，椰菜、甘筍、木耳滿滿的，清甜味出眾。最敝捲得鬆散不實淨，咬開散開口感稍遜呢。鵝肝咸水角，真的有鵝肝嗎？眼見不到也食不到既？角皮先脆後嚥韌，甜甜外層藏著咸香肉碎，不過不失亦不油膩，但可否告知我鵝肝在那？上海小籠包，質素真的不錯，起碼比 7-11 好食多倍！全部包皮都黏實錫紙兜，夾起破掉喇！所有汁漏到兜紙上，唯有分開包有食，汁有汁飲呢。粉粉的包皮，鬆化甜美豬肉鬆，撞埋甜酸黑醋食得津津有味。臘味糯米飯，蒸蒸撈撈糯米飯，不是生炒的吧！黏黏濕度高，吸收臘味油香甘甜。幾粒的臘肉，以片的臘腸，整體過過口癮可以。香芋鴨腳紮，乾爭爭的損其腳趾其爽皮，肉球腍腍油油散散的，芋頭我不吃的。鮑汁炆雞腳，甩皮甩骨彷似冰櫃取出微波溶雪翻炆，等後多時最後一道點心出場！鮑汁味沒有，豉油味重重混濁，雞腳黏膠，厚厚一層油在煲底相見！燒鴨湯瀨，上庄髀仔搭兩件鴨胸，皮爽焦香味濃，肉彈有嚼勁淡淡醃味。嚥韌極彈苗條瀨粉，拖著味濃帶濁高湯狂掃，伴碟菜芯也不馬虎夠爽甜。鮮蝦豆苗餃，竟然有芫茜！靚靚外形，還有半透濕潤晶凝餃皮，但點解豆苗會配芫茜呢？茜味強勁，硬著頭皮吞落肚。其實豆苗甜，蝦粒爽，浪費掉了。上湯浸羅漢齋鮮竹卷，非常好很利害！比平時鮮竹卷餡料更更更豐富。真材實料絕無偷工減料！多款菜蔬捲得實實，爽甜汁濃加腐皮香口無位投訴！醬皇蒸鳳爪，醬皇不多不少剛剛包住所有腳趾，濃稠強甜帶豉椒香，啜得高興狂野。時菜鯪魚球，添加豉油胡椒粉才是精髓！最緊要夠熱，要燙著嘴食到鮮沒有腥，實淨彈牙，胡椒豉油提甜提鮮作重要角色。黑糖糕，黏黏質地，陰沉黑糖味，不吃甜點的我不懂欣賞。…查看更多

我有一次和家人去了依度飲下午茶！食左148元！食物我覺得沒問題！但是食完我攞200元去埋單！我俾左2張100元嗰收銀！嗰收銀收左我2張100蚊之後！我見到嗰收銀立刻攞左2張100元！一張收左落嗰找錢俾客人的木櫃度！一張擺收銀上面！我之後叫嗰收銀俾張單我睇！睇完之後我同收銀講148元沒錯！我俾番張單嗰收銀之後！諗住等嗰收銀找錢俾我的時候！嗰收銀話只是收左我一張100元！話我俾唔夠錢佢！叫我俾夠佢！跟住我即刻同佢講我巳經俾左200元你喇喎！佢竟然話冇！我話我見住你將一張100元俾左落櫃裏面架！佢竟然話只收左1張100元！死都唔認收左我200元！😡我話我要睇cctv,佢話唔俾睇！我話我真係俾左你架！點解你100蚊都要呃！條收銀話真係冇收過！跟住同條八婆收銀理論完一輪最終都要俾多一張100元佢！原本148元變成248！諗係真係嬲！🤬從來沒遇過呃人的八婆收銀！嗰次真係黑俾條八婆攞多我100元！😤…查看更多

樂天漁港在這個位置只有一段很長的時間，它有外賣燒味，品質不錯，而且價錢非常相宜，朝早飲茶的時候，吃點心也不是很貴，適合與家人一家人飲茶，特別一提的是他的叉燒值得一試。…查看更多

望真一點餐牌，有趣有趣 ﹗所謂孖寶薑蔥蠔搭冬瓜盅，跟正常價錢一樣既？不是孖寶應該平宜一點嗎？再睇另一個孖寶黃金蝦搭兩隻乳鴿 $188 蚊，單點兩隻乳鴿 $90 蚊，單點黃金蝦 $98 蚊，總數即係 $188 蚊！非常可疑，不過酒樓都無講過孖寶有優惠，疑幻似真孖寶是否優惠架？發現菜牌改掉，想食鮑魚雞煲無，想食蟹糯米飯都無。全場水靜鵝飛，食客小貓兩三隻。淨係剩班阿叔伯婆嬸包房唱歌打牌，嗌到鬼殺咁嘈，唔講以為打緊齋做法事添呀﹗上湯焗波士頓龍蝦伊麵，約一斤龍蝦真的太細，醒唔起唔夠四個分。幸好都新鮮爽彈，少食多滋味。伊麵嚥韌無過腍，勁索靚汁﹗實在太多蔥花，青味太濃吃不消，全家只有阿爸食蔥的﹗我就細細粒綠蔥都可以，大大粒都要挑走。芡汁厚厚杰撻撻，味道濃濃未算過份。燒鵝半隻，只需要 $220 蚊？平過海港幾十蚊喎，不過海港係大號鵝，樂天就只係小號。高質滿意，皮香肉嫩，醃味清爽，肥瘦適中，無話肥膏處處。砂窩海膽炒飯，已改上菜方法？上網睇 openrice 見到兩板海膽另上，再自己親手撈的喎。窩蛋被熱熱的飯灼熟，保持滑滑的。炒得香口帶著雞蛋焦香，海膽鮮而不腥，不過份量太少。配料得蔥花及脆肉瓜粒好單調，味道寡寡的。好采有燒鵝食有一字骨送飯，好味得多了。清蒸龍躉一斤，大細剛剛好，太大條肉韌不好吃 ﹗師傅竟然失手，只得七成熟無奈要打回頭翻蒸，變得乾鞋柴皮，魚汁魚鮮全部流失殆盡，完全浪費﹗入得口唔難食。油爆鮮魷魚筒，何解要斬件呢？必須要原隻吊桶原汁原味才是頂級，無需要畫蛇添足分屍吧 ﹗炒得有鑊氣有香氣亦惹味，奈何鮮味微弱。冰梅醬一字骨，非常好食無得彈 ﹗先炸後炒，酸甜味得宜，質地彈彈有咬口啖啖肉，酸胃醒神，啜得乾乾淨淨。冬瓜盅，熱辣辣燙到嘴仔甩皮了 ﹗最衰越熱越好飲，灼到損晒的在所不惜。清甜香純，落肚好舒服，熱騰騰連飲幾碗﹗百味交集，豐富美味，有蝦有肉有勝瓜有草菇。冬瓜熟得透切吸盡濃郁湯汁，豉油都慳埋，被我食掉大半個，非常可口﹗拔絲咕嚕黑豚肉，外層炸得香脆，整件釀入嘴嚼，結實有趙頭，略厭有少少乾。咕嚕汁強勁酸味，淺淺的甜緊隨著，中規中矩。何解用生彩椒墊底呢，沙律嗎？青紅黃椒全部都是生的，連洋蔥都是生的，故意的嗎？賽螃蟹，細妹指定菜色。炒蛋白好滑溜，不過油淋淋，加醋會好一點。鹽味帶子仔仔，應該叫貝柱更適當，即是帶子筋位。無鮮味只有鹽咸味，啤水假爽，本身應該清淡但演繹得又咸又油。薑蔥桶蠔煲，蠔真的不是越大越好食，中碼最嫩最肥美。依幾隻巨蠔有渣帶腥而太老，裙邊及帶子位都要吐掉。先炸後炆，厚厚炸粉腍劈劈還黐牙添。濃濃薑蔥味留在外，咬開蠔肚剛剛夠熟，蠔汁微甘免免強強。有想去掉外殼先食的衝動，最後都係懶，求其吞落肚算數。上湯焗本地龍蝦，本地龍蝦？香港有出龍蝦架咩，港龍自己養殖？貌似花龍，味似青龍，爽爽結實有鮮味，淋上清淡高湯芡恰到好處，沒有蓋過其天然龍蝦味道。冰鎮鮑魚秋葵，豉油唔係刺身豉油，估計係蒸魚豉油所以好咸，跟山葵味道完全唔夾。秋葵刺身？唔覺有烚過。雖然非常有益健康有營養維他命，不過滴住滑潺潺的黏液使我卻歩，免強食一條。實淨冰涼九孔鮑，淡茂茂的，沾上咸咸蒸魚豉油，不喜歡。鴻運金豬伴天鵝，到底天鵝係咩味架呢？從來未食過！燒味雙拼是也。乳豬皮薄薄脆脆，黏著油膩白雪雪肥膏，食不到瘦肉。燒鵝上庄，使人期待的天鵝肉，雖然鵝胸啖啖肉，敝在帶鞋不夠嬌嫩。黑松露翡翠炒蝦球，西芹少少粗糙少少乾，幸好食到菜甜味。蝦球腍腍的，輕醃散發黑松露醬味，搭著西芹食可以的。杏汁燉白肺，超等特濃雞湯底，說好的杏汁呢？南北杏都無粒。不過堅濃郁，香味四溢，鳳脂甘甜，像食緊鮮雞一樣。所有湯渣都好好味，用豉油點綴一下已非常滿意。豬肺處理得徹底乾淨白雪雪，乾綿綿彈彈的。雞腳膠黏充滿骨膠原，損腳指格外開心。蜂巢香芋日本帶子，討厭芋頭的我都覺得好食喎 ﹗外層炸得乾爽鬆脆不油，芋蓉沒有半點霉味，只有清甜味道，乾乾的包著帶子，有創意。帶子薄切，起碼一開三，不太食得到味道。多種質感融合，乾濕脆綿軟滑彈，食得愉快高興。清蒸海方脷，薄身撻沙類不用蒸太耐，平時食斑一斤左右蒸 11 分鐘剛剛熟，依條 8 分鐘已經好足夠。少少蒸過火，耐了一丁點，未算太老太鞋。方脷無細骨容易食，嫩嫩的肉拖著魚汁連豉油大片大片地享用，幸福啊﹗…查看更多

大埔有好多間茶樓 , 不過偏偏鍾意去樂天漁港 , 因為佢食物質素還可 , 點心款式都幾多 , 重點係通常唔洗等位 🤣🤣餐牌 :今日嚟飲早茶 , 每次都要開壺龍井茶 😃 必點孖寶點心 - 2 粒燒賣 + 2 粒菜苗蝦餃 , 份量岩岩好 , 啱曬 2 口子嚟飲茶 !! 👍👍醬皇蒸鳳爪 - 鳳爪質地唔會太腍太難 , 調味都唔錯 ! 有花生墊底 香煎蘿蔔糕 今日嘅蘿蔔糕質素較差 , 成嚿都係粉 , 而且煎到好燶 ... 👎👎生滾沙田雞粥  ($28)粥底冇問題 , 正正常常 , 有少少雞味 , 最鍾意入面嘅薑絲 ~但係啲雞出事 , 大概有 8 件雞件 , 多數都係雞胸肉 , 煮到好鞋又冇味 🤢🤢陳皮牛肉腸以前佢嘅粉皮係好好食 , 但係越做越差 , 依家嘅粉皮比以前厚 , 但係還可以接受 另外想提一提 , 呢間茶樓嘅服務唔錯嫁 😁加上食物質素尚可 , 價格合理 , 又易搵位 , 所以經常回頭 ! 😎😎…查看更多

星期六去飲茶，總共點了5款食物：蜜汁欖角骨：外脆略甜的排骨以沙律菜及炸粉絲墊底，是一道有心思的菜。不過炸粉絲又硬又韌。菜苗餃：餃皮很厚，幸好柔軟不韌。咬了一口後只能看見少許綠色餡料，吃下去也不覺得有吃到菜苗。蝦卻反而大粒。其實蝦和菜苗的比例弄反了吧，這可不是蝦餃……魚肉釀茄子：沒有怨言，也沒有驚喜。潮洲蠔仔粥（窩）：即湯泡飯，蠔仔好像有點腥。流沙奶黃包：包皮雪白鬆軟，十分討好。不過，新鮮上桌熱騰騰的包中，主角流沙奶黃餡卻完全不流不瀉！看看橫切面，裏面是較稀的傳統固體奶黃餡。酒樓做不出「流沙」的餡料，便不應用此字眼，令客人有被欺騙的感覺。我們間中會到這家酒樓飲茶，感覺這次水準下降了。4人全單總計$224。…查看更多

靚靚燒味飯燒味部係茶樓下層，買燒味或飯都好容易。近乎路過已經可以買，唔洗上樓，好方便。午飯時間排隊買飯的人都唔多，我排第三，先購票後買飯，幾分鐘後已經到我。兩位師傅好人，態度好又夠熟手，問夠唔夠飯，唔夠飯的可以再加的😊而且燒味可以揀鐘意部分，我揀瘦叉同雞胸。瘦叉燒得岩岩好，色澤粉紅，火候夠，邊位有焦香，唔算太硬，都容易咬開。雞胸有雞味亦易咬，好味。薑蓉大大匙，一的都唔手軟一盒熱辣辣燒味飯，冒出白煙。$29蚊已經好滿足😊…查看更多

本都唔想打食評 所以叫左其他點心冇特別冇影相。呢個失望流沙包，摵開後，太少餡了....食落又冇咸蛋黃香😩鮮竹卷 炸雲吞 不過不失牛肉腸粉 皮太厚一早跟呀爸呀媽黎，部分點心十點前叫，有早市孖寶$23.8 兩籠 係幾抵嘅， 3個人點左8籠…查看更多

單泥蚊泥大大力推介，就專程走過黎試一試啦！望望燈箱顯示只供外賣，提供數款燒味，仲要無燻蹄囉，堂食先有，無緊要。切雞髀燒鵝髀飯，索價 $95 蚊，最緊要好食。收銀肥妹可能從未遇過美食大過天既食客，一個燒味飯近百元，以為係兩個飯囉！我習慣食得貴，搞到跟師傅擾嚷左一陣，連排緊隊外賣既食客都參加意見，好好的熱心街坊們。師傅出左兩個飯，我如何食得晒呢？兩隻髀放埋一盒飯可以喇，退回一盒。期間師傅們及收銀肥妹都好有禮貌，雖然有點情緒，不過都主動退回 $12 蚊過我，服務滿意。超巨雞髀加鵝髀豪華飯盒，盒蓋都扲唔埋要用橡筋紮住先得！進擊的巨髀，殺呀！巨大燒鵝髀，鵝皮香脆，正常地鵝油澎湃有點肥膩但甘香，香料味濃濃而可口。鵝肉醃味清淡，質地滿意，可以再幼嫩一點。雞肉搭蔥油靚飯，鵝肉搭蔥油靚飯，再混上燒味豉油，天下無雙！燒肉油雞髀飯扣底，半盒飯夠喇，食多點肉！化悲憤為食慾，化悲憤為食肉，食食食食食！燒肉肥膏瘦肉參半，四個層次還清晰可見。脆皮雖卜卜聲，不過有點硬未夠化。肥膏有點厚，幸好不算油淋淋，棉白肉多汁不鞋韌，爽啡肉咸味特濃而嗆。躺在蔥蓉豉油飯粒上輸送到舌頭上，互相打得火熱，使人愛不釋手。油雞髀，肉質一般會比切雞硬實，但樂天完全背道而馳，居然跟切雞一樣肥美鮮嫩滑嘟嘟！清爽豉油滲透雞皮，薄薄的、爽爽的、滑滑的。微微豉油味亦突破雞皮落到雞肉之中，皮肉齊嘆，大愛。高質無得彈，單泥炆泥無介紹錯！叉燒燒鴨髀飯，燒味配黑啤，似乎都係啤酒襯好多。最初想食燻蹄油雞髀，但無燻蹄供應，轉其他囉。蜜汁叉燒真係唔錯喎，鬆軟棉棉，肉汁豐富水潤，有焦香又有蜜糖甜味，十分可口。燒鴨髀，還可以啦，都係鵝髀最好食，一分錢 一分貨。肉質較實較乾，薄皮少少脆帶點嚥韌，香香甜甜，不過不失。咸蛋切雞髀飯，三人買外賣，本想食叉燒及燒肉，但太晏喇，只剩燒雞燒鵝，還有一隻切雞髀，多謝阿凱讓切雞髀我食。師傅們又急急去做飯盒，三個三個燒雞飯？唔係呀，唔係呀，都話唔係咯。上次又係咁，三個三個叉燒飯？都話唔係咯。可否續個黎好無，搞到勁混亂，激死我！好采走前檢查一下，漏比咸蛋我喇。有盒燒雞飯唔係我地架，係後面位四眼仔架！有次我只需要食半盒飯，完全唔比機會我講，裝好晒飯，最後食唔晒好浪費呢！咸蛋切雞髀飯，切雞髀靚到離晒譜，看得見的極上美味！閃令令反，發晒光，晶瑩剔透，口水奔騰！肥美鮮嫩香醇切雞髀，薄薄雞皮下藏著厚厚啫喱狀脂肪，雞油香噴噴，雞肉嫩滑彈牙，不乾不鞋不硬，散發強勁鮮雞的味道，心心眼撐得大大。咸蛋，居然高質極致，好耐無見過黃油咸蛋。蔥油咸香不嗆不過咸，甜豉油清香，撈上白飯加埋嫩滑貴妃雞髀肉，幾乎食晒所有飯，滿分滿分！免斬燒鵝髀飯加咸蛋，半邊燒鵝髀，瞓覺唔洗扲被！半邊燒鵝髀，老漢無掟企！勁抵食經濟燒味飯，樣樣高質好好食！係鴨差少少囉。師傅話街坊街里打個折扣優惠比我，真客氣！收銀姐姐又唔記得左加咸蛋，我講左幾次喇，實在太投入隻燒雞同燒鵝髀之上。燒鵝髀，超巨大，原隻免斬才是皇道！擘大口一咬一扯，肉汁油脂激射爆開，盡顯霸氣！鵝皮超香脆，肉質幼滑細緻，香料迷人有深度，醃味出眾可口。比斬開一件件更好味，能完完全全鎖住肉汁油脂在內。鵝汁誇張得像洪水猛獸，澎湃得像湍急河流。鵝肉纖維並沒被刀鋒洗禮而受到破壞，每口彈滑飛汁！用手揸住食，滿手汁液食到損手指，瞓著都笑醒呀！燒雞半隻，早前朋友們食燒雞好正咁喎，搞到我心思思晚晚念念不忘，好想試啊！意外地落左大埔，機會黎喇飛雲，登龍劍又出梢！收銀姐姐話無得散叫，最少要半隻喎。因為早前情況特殊，什麼燒味都賣晒，唯獨剩返燒雞先可以做飯盒乍。無緊要，半隻都好，可以同朋友分享。即叫即炸，大師傅親自操刀，感動不矣。皮脆肉嫩，四處飄香，酒席尾段出場既燒雞行埋一邊，不值一提！薄薄香脆雞皮，索一聲撕裂！藏埋甜美雞汁鳳脂，雞肉嫩滑非凡，熱騰騰輕煙冒出，勁有氣氛好興奮！南乳味飄香清爽，不過咸不會濁，陣陣乳香，神乎其技，好好味。其實我係要四寶飯食髀，唔係加隻髀囉！您個肥仔咁大膽比切雞胸我，我淨食髀架乍！玫瑰油雞髀免斬，淨髀 $39 蚊，超高質美味可口，拍爛手掌！比起早前 10 號風球係上水行落軒食那隻油浸死實咸髀堅係天堂與地獄，可憐啊！樂天油髀免斬，肉汁鳯脂一漏不留盡收肚裡去！豉油清香脫俗，可口無比，不咸不嗆，天上來的味道。皮光肉滑，皮滑肉嫩，彈彈的充滿肉汁，薄薄雞皮黏在白滑嫩肉，不油不膩，只有雞香皮甜。陣陣誘人雞甜味，原隻雞髀大啖咬，唾液失控地發放，暢快非常，極盡奢華羨煞旁人 ﹗咸蛋四寶飯，切雞胸軟棉無渣不乾鞋，雞味香濃，肉汁微滲蠻滿意。菜芯一絲不苟，翠綠爽嫩甜美。蔥油切得太大粒喇要挑走大部份，甜豉油香醇不濁，撈上白飯加燒味更開胃啊 ﹗…查看更多

是日訂了三個盤菜，得知是從樂天漁港訂，並沒有什麼期望，因為在此之前，也在這裏吃過晚飯，小菜味道偏重，有點過鹹⋯而且比較油⋯但這個盤菜反而有驚喜，大家都覺得味道不錯～值得一讚不過這個盤菜最底用來墊住的用了一塊木非常差勁⋯之前吃過的盤菜，通常是用不銹鋼之類的吧⋯所以這裡扣了一大折分數吧⋯…查看更多

假期都係家庭樂。最佳嘅開場節目當然係飲茶啦。今日去咗屋企附近嘅樂天漁港。好彩唔駛等位。呢間酒樓嘅鐵觀音茶很不一樣,茶色偏鮮黃。茶葉偏翠綠。雖然感覺有點怪。不過茶味可以接受。點左鳮包仔 、馬拉糕。味道不錯咸水角賣相就差了DD 。不過食落有幾好味，其他點心都ok發現點心紙有 '客家甜茶棵' 好有驚喜。點左試下。餡料喺綠豆蓉，甜度岩岩好， 特別的甜點👍…查看更多

今天冬至，中國人社會，冬大過年，今天很多屋企會做冬吃飯，團團园园一家歡聚過冬節。本人一家和爸母親兄弟姊妹在18號已經吃過冬節飯。大家都是大埔友就揀了開張祇有三幾月的樂天漁港，曾經幫襯過幾次早茶和晚飯，覺得他們出品幾好！晚飯很有水準。是次點選樂天歡聚宴，由於邊講邊食，有些菜也忘了影相。先有龍蝦脆麪底- 3斤半加拿大龍蝦斬件用上湯焗，很入味，龍蝦肉爽口，份量夠，麵底炸脆口，但不油！90分是晚我地改咗用全隻鵝上代替拼盤，燒鵝就麻麻地，皮不夠香脆，肉質可以，味不回甘入味！60分還有鷄絲翅，花姿蚌片，大過不失！凱撒沙律蝦多士，懷舊菜但伴上沙律菜也算fusion! 70分蒸金花躉- 接近有二斤重花尾躉，火路掌握洽當- 肉質夠滑，唔錯 ！ 80分燒雞 - 比燒鵝好，味道適中，皮也焗得較香口！70分是日整體比我先前吃過比較失色，可能是客人比較多，一齊起菜，所以有點甩漏！但我觀察他們雖然新開業冇耐，但是他們是有管理的，經理，待應都是有訓練，服務態度很好！所以仍會繼續幫趁。…查看更多