樂天冰室 (黃大仙中心南館)

营业中

休息中

入店點咗一個早餐A 及一個早餐 B ，當點餐嘅時候我指住餐牌嘅炒蛋同丹麥酥話想將A餐嘅餐包煎蛋加錢轉做呢個，店員再三確認之後落好餐，點知嚟咗個多士煎蛋🥲問返店員，佢好肯定咁話我係點多士！語氣又晦氣😥其實原來唔識睇圖又或者唔可以轉同圖片一樣嘅配餐可以一早講明😥等你叫完先話肯定係你自己叫嘅呢啲叫做屈😓

樂天的叉燒河粉想不到這間茶餐廳那麼全面，有快餐，焗飯，麵包，還有燒味，而且可以提前手機落單，不用在店內呆等，方便外賣者。結果論幾好食。叉燒肥瘦適中，有豬肉香味和燒味蜜味，好滋味。細心的將叉燒和河粉分開，讓我食到原汁原味的叉燒，好吃，蜜汁沒有流失，太棒了，喜歡這種有適量肥膏的叉燒，因為太瘦肉的話會太柴太嚡口，就不好吃了，現在這種比較是剛剛好。而且河粉夠熱又夠滑，絕配。湯底亦有淡淡香味，沒有淡而無味像白開水，所以可以一口叉燒一口湯河，很順口。店家還提供了大量的蔥，所以吃起來特別香口，加分

放假同男友去搵食，之前聽爸爸講新蒲崗間樂天冰室好食，經過黃大仙分店一於試一試佢點咗一個常餐，一個下午茶常餐係沙嗲牛肉麵，配火腿奄列、牛油餐包加飲品 ($55，凍飲+$3)，沙嗲牛肉味濃，肉質可以，麵就係正常發揮；火腿奄列蛋煎得幾老，牛油餐包牛油已經溶哂，太濕麻麻地下午茶係生炸雞髀配薯仔蛋沙律加飲品（$43)，足足等左半個鐘先有得食，雞髀皮炸到好硬，雞肉偏乾，味道正常；薯仔沙律醬實在太多，薯仔存在感唔高埋單 $101, 性價比真係唔高，加上衛生情況一般，張檯有水同膠片，地下有垃圾，感覺真係唔好

【關門前1小時依然火熱上菜】放工放得夜又煮唔切，晚上10點半趕到商場，意外發現這家街坊食堂未收，空氣中瀰漫著誘人鑊氣香。 忍唔著叫左鑊氣沖天的‘’乾炒牛河‘’油光閃閃卻不膩口，牛肉嫩滑鑊香十足；‘’海皇福建炒飯‘’炒飯底濕潤好食，鮮蝦帶子粒粒彈牙；最估唔到‘’鮮魚湯鮮茄浸菜‘’，湯喝得出真材實料！趕尾班車重食到即蒸‘’‘豉汁黃立倉‘’魚厚肉得黎，魚肉重滑嫩又入味，豉汁撈飯一流。 臨收工仍保持高效率，落單5分鐘熱辣辣上枱，凍奶茶依然茶濃奶滑。難怪深夜時段仍坐滿趕尾班車的打工仔。下次咁夜食晚飯，又多一間選擇。

上月13日, 與家人到上址飲下午茶, 心想一般餐廳下午茶都是下午2時開始,所以2時10分已入座, 才發現下午茶是下午2時30分開始, 於是繼續等候, 約2時20分, 一個女職員(相信是樓面大家姐)問我哋落單未?  我回覆等下午茶時間, 該女職員即表現不悅, 並有微言.  我感覺這冰室恃住近黃大仙廟遊客多, 所以抱着唔憂做態度對待客人, 破壊香港飲食業形象!!!

下午茶餐食乾炒牛意，XO醬豬排炒公仔麵，流心芝士西多，西多落太多鍊奶過甜，冇蛋香，兩樣即炒一啲都唔熱，唔熱就唔合格，檸茶有水喉水味沒有茶味，價錢唔算平，服務態度ok

叫咗個早餐火腿通粉,首先個碗嚟到有咖啡漬, 我叫佢換過一份俾我,我諗住佢真係有換俾我,結果食食下俾我發現原來佢係冇換嘅! 其次佢個火腿通粉非常之鹹, 我之後飲咗三支水,個口都仲係好鹹。另外佢杯凍檸茶我叫咗少少甜,結果嚟到係非常之甜,飲完你會有糖尿病嗰種

外賣平台 外賣8折計埋平台費$63.5，現場買外賣$64，諗住只爭5毫，唔好要人俾平台瓜分收入啦～ 行埋收銀機，淨係收現金同埋D大陸支付系統，唔收八達通，咁唯有都係 外賣平台啦……睇相都知，咖喱牛脷飯，D牛脷又乾又燶又鹹，咖喱汁裝得個兜仔6成滿，好似好貴咁…… 俾D餐具，嗰隻匙羹，點食咖喱飯？點食咖喱飯？點食咖喱飯？仲要俾人話。阿姐拎外賣出嚟嗌外賣83，咁我 外賣平台 冧巴383，咪埋去睇下係唔係，俾阿姐話爭咁遠都問…… 但明明出單就係出83，搞一輪先俾嘢我食，仲要無啦啦俾人話…… 😡

個收銀講嘢好唔耐煩，叫外賣同佢講number然後menu指住俾佢睇，佢就用好唔耐煩嘅語氣話講中文啦。然後個早餐等咗我25分鐘，其他外賣遲過我，重要叫多我成一兩個餐，點知我都重慢過佢，然後同個收銀講等咗好耐，人哋個餐重快過我，佢就咁叫我等下啦，又冇幫我催下廚房。OK咁我等多陣先有個態度好啲嘅人同我講話煎扒要啲時間叫我再等等，好啦等多陣終於有啦，跟手返到去打開嚟睇，原來少咗個包，咁我25分鐘等緊你啲咩？😠

叫咗個牛肉炒西蘭花，牛肉好霉，個汁好鹹，我哋就叫咗個女職員嚟退咗佢換其他嘢食。但係揀嚟揀去都冇啱，所以就冇再揀小菜。咁個女職員就去更改返張單，改到如下:凍奶茶，$24 白飯， $10 我問佢呢兩個數係咩，佢話唔係套餐，所以收返正價。咁我覺得唔合理，一退就退成個餐，但係佢話白飯同埋奶茶我哋飲過，所以要收返錢，咁我覺得俾返$18都合理。點知佢收成$34。咁我咪話野飲我地無飲過，佢就！態度勁差！咁收走咗杯嘢飲同埋張單。改完之後一野掉落嚟我哋張枱度！仲未完，到我哋埋單走嘅時候，佢仲要喺後面大大聲同啲同事講，話我哋退咗佢杯嘢飲。唔知佢係咪想博鬧交定想點？總之真係唔會再幫襯，嘢食又唔好食，員工態度又差。Btw, 當時太嬲急住理論冇影到佢未改之前張單。

😡😡嬲嬲哋都忘記影相，從未食過豬扒麵個湯係勁咸，食完又超口渴，😒啲侍應又好似趕客咁款，嘢都未食完就想收走。啱啱食完嘢，嘢飲都未飲完，就不停想收嘢抹枱。我知你好多客，但我坐咗都未夠15分鐘，想飲埋杯嘢啫。人手太多冇系統，好亂，見佢樓面起碼有7個以上，但冇系統做嘢，都開咗舖幾個月啦，仲係咁，水吧位勁細，但入邊有3個職員撞來撞去，心諗啲人點做嘢呀。地方勁窄，好迫，張枱好細仲要搭枱，唔齊人又唔比入，好嘈，嘈到落單都聽唔清楚，應該唔會再幫襯😰

明白忙碌有錯係可以體諒但唔係將自己忙碌中出現錯誤放係客人身上第一轉下單的時候講清楚是要凍咖啡走甜走奶（第一位職員飲品到嘅時候係有甜有奶嗰陣時都冇乜嘢正常同職員講話要更換強調要齋啡冇甜冇奶（第二位職員再到既時候 奶就冇咗但仲仍然有甜 再跟職員講 我係要齋啡唔要甜（第三位職員跟住當下呢位職員用一個自以為有禮貌但乞人憎嘅語氣：講話下次你落單嘅時候要講齋啡唔要甜，佢哋公司嘅齋啡係有甜 呢刻個心情已經好燥 費事同佢哋嘈（第四位職員公然勁大聲講：各位同事注意同客人落單齋啡嘅時候問清楚客人要唔要甜 嗰一刻比我嘅感覺 就係特登俾說話我哋聽 嗰刻好撚嬲 真係火都嚟埋🤬

樂天冰室 (黃大仙)新店開張坐落黃大仙中心南館，即前金記舊址，重新裝修後店好乾淨光線足，渙然一新有卡位，餐牌上有很多不同既港式選擇，價錢不算貴。今天探店試早餐A，鮑絲火腿通煎蛋餐包，整體味道幾好，奶茶就一般般個人喜歡濃些，但其他服務上枱均合格，收電子支付及現金。下次試焗飯好吸引下😋👍🤠

第一次食樂天冰室，環境光猛，食個早餐試吓，叫咗個經典早餐沙嗲牛肉麵+炒蛋丹麥多士。落單後上菜好快，沙嗲牛肉麵整體味道正常，冇話咩特別驚喜。炒蛋和丹麥多士，炒蛋份量都正常，好在有我喜歡吃的丹麥多士，似其他餐廳淨係配普通麵包或者多士，略嫌丹麥多士唔熱和脆，價錢亦都屬於正常。